#SelecciónMayor El Comité Ejecutivo de la @afa resolvió hoy darle continuidad a Lionel Scaloni como entrenador de la @Argentina durante las próximas Eliminatorias para el Mundial de Qatar 2022, que comenzarán el año próximo. https://t.co/XLvUTRnSyP pic.twitter.com/4bksLz2Z9r

— AFA (@afa) July 30, 2019

Më parë Skaloni kishte pasur një eksperiencë 2-vjeccare si ndihmës i Sampaolit te Sevija dhe më pas kombëtarja argjentinase. Në ndryshim nga Sampaoli, Skaloni nuk pranoi të jepte dorëheqjen duke pranuar më pas ofertën e bërë nga federata për të qenë trajneri i përkohshëm.

Paraqitja e mirë në ndeshjet e fundit të turneut “Copa America”, ku Argjentina u eliminua mes polemikave në gjysmëfinale nga Brazili, duke se ka mjaftuar për të bindur presidentin Klaudio Tapia.

Kapiteni hodhi akuza kundrejt CONMEBOL (qeveria e futbollit të Amerikës së Jugut) për korrupsion dhe favorizim të pastër të kombëtares braziliane.

First Post raporton se Mesi ja ka hedhur paq. Ai është dënuar me 1 ndeshje pezullim si pasojë e kartonit të kuq të marrë kundër Kilit dhe 1500 dollarë gjobë për deklaratat e papranueshme.

Mesi do të mungojë në ndeshjen e parë për eliminatoret e Botërorit 2022. Flitet se ylli i futbollit botëror ka kërkuar falje në mënyrë private përpara drejtuesve të CONMEBOL, duke pretenduar se deklaratat e tij kishin lidhje me arbitrat dhe zyrtarët e ndeshjeve dhe jo organizatorët.

Pak javë pas përfundimit të Botërorit në zyrat e Boka Zhunior vërshuan ofertat nga klube të ndryshme, por çdo kërkesë u refuzua. Drejtuesit e Bokës nuk pranon ta lëshonin Pavon pa aktivizuar klauzolën prej 45 milionë eurosh.

Teksa ka kaluar një vit nga Botërori, gjërat s’mund të shkonin më keq për Pavon. Një vit i mbushur me dëmtime dhe paraqitje të dobëta zbehën çdo interes për të. Së fundmi mediet argjentinase zbulojnë klubi i ri argjentinasit do të jenë amerikanët e LA Galaxy. Sigurisht paratë s’do i mungojnë në “MLS”, por një vit më parë do kishte fituar të njëjtën shumë ose më shumë nëse klubi do të pranonte një ndër ofertat shumta që erdhën nga Europa. Sipas “Olle.ar” , Boka Zhunior ka rënë dakord ta shesë lojtarin për 15 milionë dollarë, shumë kjo qesharake po të marrim parasysh faktin se një vit më parë Boka refuzoi dyfishin e kësaj oferte.

“Një mik nuk ka gjithmonë të drejtë vetëm për shkak se është një i tillë. Mesi mund ta ketë thënë atë në moment nxehtësie, por unë përsëri nuk pajtohem me fjalët e tij. Së pari, sipas mendimit tim ai ka treguar mungesë respekti ndaj një institucioni si Seleçao.”

“Së dyti, ai nuk ka respektuar ato profesionistë, që lënë gjithë ato gjëra pas për të qenë aty, duke luftuar për ëndrrën e tyre. Unë nuk jam ai shok që tregon gjithmonë të vërtetën kur është e duhur për të. Mendoj se Mesi gaboi kur foli në këtë mënyrë”, deklaroi Dani Alvesh.

Një lajm i bujshëm është përhapur në lidhje me kapitenin dhe Argjentinën. “Fox Sports” raporton se në drejtim të Federatës Argjentinase të Futbollit ka ardhur një ftesë krejtësisht e veçantë.

UEFA ka ftuar dy herë fituesit e Botërorit për të marrë pjesë në Ligën e ardhshme të Kombeve. Diçka e tillë do të bënte të mundur luajtjen e kombëtares latine në Europë dhe zgjatjen e karrierës së Mesit me ekipin “albiceleste”.

Pavarësisht skualifikimit, “pleshti” do të zbriste në fushë lirisht në duelet e Ligës së Kombeve, ndërsa kombëtarja argjentinase do të pësonte një farë evropianizimi.

Pas trajnerit Tite ka qenë radha e Tiago Silvës për t’iu përgjigjur kapitenit argjentinas. Mbrojtësi i PSG-së i kujton Mesit humbjen 6-1 të ekipit të tij në Barcelonë, çka solli eliminimin e turpshëm të kampionëve të Francës nga Champions Liga.

Arbitri lehtësoi përmbysjen e çmendur të Mesit me shokë, por Tiago Silva thekson se kurrë nuk u deklarua për favorizim të ekipit katalanas.

“Ndonjëherë në humbje, përpiqemi të merremi me të tjerët. Nuk mendoj se Mesi foli në atë mënyrë nga padija, por ne jemi të trishtuar nga ajo çfarë dëgjuam. Në ndeshjen që PSG humbi 6-1 me Barcelonën, Mesi bëri edhe rolin e arbitrit dhe ishte diçka qesharake.

Ne nuk deklaruam se arbitri ishte me Barcelonën. Mendoj se çdokush duhet të tregojë respekt. Brazili nuk i ka rastësisht 5 Botërorë, asnjë prej tyre nuk është vjedhur. Gjithçka është fituar në fushën e blertë“, përfundon mbrojtësi 34-vjeçar.

Mesi pas ndeshjes u shfaq më shumë se i zemëruar. Ai akuzoi direkt CONMEBOL për favore ndaj Brazilit. Nuk u paraqit për të marrë medaljen me argumentin se nuk dëshiron të jetë pjesë e korrupsionit të qeverisë latine të futbollit.

Ka ardhur edhe përgjigja e CONMEBOL ndaj Mesit. Ata shprehen se akuzat e tij janë të pabaza dhe ta papranueshme. Në lidhje me arbitrat shprehen se gabimet janë të pranishme dhe asnjëherë nuk do të jenë perfekte.

“Në futboll ndonjëherë fiton dhe ndonjëherë humbet. Një shtyllë themelore e lojës së drejtë është pranimi i rezultateve me besnikëri dhe respekt. E njëjta gjë vlen për vendimet e arbitrazhit, të cilat janë njerëzore dhe kurrë s’do të jenë të përsosura”, shkruhet në deklaratë.

“S’ka asgjë për të shqetësuar, e kemi parë dhe herë të tjera këtë gjë. Gjithmonë them të vërtetë pasi kjo më bën të ndihen më i qetë. Mendoj se kjo ndodhi për shkak të atyre qe thashë, ndoshta ky ishte çmimi që duhet të paguaja. Gjithçka mund të mbyllej aty me vetëm një karton të verdhë”.

PËRSE NUK SHKUAT TË MERRNIT MEDALJEN?

“Ndikuan nga pak të gjitha. Nuk kemi përse të jemi pjesë e këtij korrupsioni, e kësaj mungese respekti për të gjithë turneun. Jemi për më shumë se kaq. Korrupsioni, arbitrat dhe të gjitha këto nuk i lënë njerëzit të marrin pjesë në futboll, në spektaklin e këtij sporti, kështu e rrënojmë nga pak”.

AKUZAT NDAJ BRAZILIT –  “Nuk kam asnjë guxim, e gjitha kjo po bëhet për Brazilin. Shpresoj që VAR dhe arbitrat të mos ndikojnë në finale në mënyrë që Peruja të ketë një shans për të konkurruar. Kanë një ekip të mirë, por e shoh të vështirë”.

MEDEL – “Medel i tillë është gjithmonë, bën çdo gjë deri në limite, ka bërë shpesh sherre. Gjithsesi siç e thashë me një të verdhë gjithçka mund të mbyllej aty”.

Sergio Aguero zhbllokoi ndeshjen shumë shpejt. Sulmuesi i Mançester Sitit mori një asist nga Leo Mesi. Ylli i Barcelonës tregohet dinak, nis shpejt një goditje dënimi, zë të papërgatitur mbrojtjen kiliane dhe nxjerr sulmuesin para porte. Kun Aguero shmang portierin kilian dhe kalon kombëtaren në avantazh në minutën e 12-të.

Argjentina nuk u ndal dhe gjeti sërish golin dhjetë minuta më vonë. Paulo Dibala mori një asist të bukur nga Di Celso, shmangu me anë të një veprimi fantastik një mbrojtës kilian dhe dërgoi topin sipër portierit Arias.

Pjesa e parë u mbyll me tension. Geri Medel, i njohur për stilin e ashpër dhe karakterin luftarak, u shty me Leo Mesin. Ky i fundit nuk reagoi, por arbitri paraguaian i ndëshkoi të dy me të kuqe.

Ishte minuta e 37-të e ndeshjes, ndërsa ky ishte kartoni i dytë i kuq në karrierë për yllin argjentinas. Mesi kishte provuar për herë të parë shijen e daljes me të kuqe në një miqësore kundër Hungarisë, e zhvilluar në vitin 2005.

Kampionët në fuqi të Kilit reaguan në pjesën e dytë. Teknologjia VAR akordoi penallti dhe Arturo Vidal nuk gaboi nga pika e bardhë. Argjentina rezistoi, e ruajti avantazhin dhe arriti të fitonte medaljen e bronztë në Kupën e Amerikës.

Pengu i madh i Kilit mbetet gjysmëfinalja e humbur përballë Perusë, çka i hoqi mundësinë djemve të kolumbianit Rueda të ishin përballë Brazilit në finalen e madhe.

Argjentina-Kili 2-1
(Aguero 12’, Dibala 22’ / Vidal (pen) 59’)

Megjithatë, djemtë e drejtuar nga kolumbiani Rueda kanë gjetur golin, duke rihapur takimin. Arutor Vidal ka shndërruar në gol një penallti të fituar nga teknologjia VAR, pas ndërhyrjes së parregullt të Xhovani Di Celso.

Mesfushori i Barcelonës tregohet i saktë përpara Franko Armani dhe rezultati i finales së vendit të tretë shkon 2-1 për Argjentinën.

Të dy ekipet kanë shkuar në dhomat e zhveshjes me nga një lojtar më pak. Arbitri kryesor ka ndëshkuar me të kuqe Leo Mesin dhe Geri Medel. Ish-interisti e ka ngacmuar gjatë gjithë lojës dhe shtyrjet kundrejt kapitenit lojtarit të Barçës nuk kishin ndalim.

Në minutën e 37-të, arbitri paraguaian De Vivar i ka befasuar të gjithë. Ndërkohë që Medel shtyn Mesin, ky i fundit nuk bën asnjë reagim. Rezultati? Karton i kuq për të dhe të dy ekipet humbasin kapitenët e tyre.

Ky është kartoni i dytë i kuq në karrierë për yllin argjentinas. Mesi kishte provuar për herë të parë shijen e daljes me të kuqe në një miqësore kundër Hungarisë, e zhvilluar në vitin 2005.

Finalja për vendin e tretë po zhvillohet në këto momente dhe Argjentina sapo ka kaluar në avantazh. Sergio Aguero ka shfrytëzuar një asist të Leo Mesit dhe ka gjetur rrugën e rrjetës.

Ylli i Barcelonës tregohet dinak, nis shpejt një goditje dënimi, zë të papërgatitur mbrojtjen kiliane dhe nxjerr sulmuesin e Sitit para porte. Kun Aguero shmang portierin kilian dhe kalon kombëtaren “albiceleste” në avantazh në minutën e 12-të.

Dhejtë minuta më vonë erdhi edhe dyfishimi. Lo Celso dhuroi një asist shumë të bukur për Paulo Dibala. Fantazisti juventin kryen një driblim dehës, niset drejt portës dhe kalon topin sipër portierit Arias. Kili është kthyer në macen e zezë të Argjentinës, duke e mposhtur në dy finalet e fundit, por Mesi me shokë po ia dalin të hakmerren deri në këto momente.

Argjentina pretendon për dy penallti të padhëna nga gjyqtari. Aksioni i golit të dytë të Brazilitt nisi nga një penallti ndaj Agueros.  Madje arbitri ekuadorian Rody Zambrano nuk preferoi as të konsultohej me sistemin “VAR”. E gjithë kjo e ka acaruar federatën argjentinase të futbollit. Ata kanë bërë një postim në “Twitter” me mbishkrimin, “Ne pamë të njëjtën gjë si ju”, ku i drejtohet tifozëve.

Të shumtë ishin komentuesit që këshillonin një ankesë në rrugë zyrtare te qeveria e futbolit amerikano jugor, “CONMEBOL”. Dhe kështu do të ndodhë. Zyra ligjore e kësaj federate do të hartojë një ankesë zyrtre për gjykimin tepër të njëanshëm të kësaj ndeshje, sipas tyre.

Kjo e ka kushtëzuar në efikasitetin e tij para portës, çka e bën ta marrë kritika për formë të dobët. Angel Di Maria merr në mbrojtje yllin e Barcelonës. Mesfushori shprehet se Mesi është shumë i rëndësishëm për ekipin edhe pse golat nuk po vijnë.

“Për mendimin tim ai po luan shumë mirë edhe pse golat nuk po vijnë. Vrapon shumë dhe po jep gjithçka për ekipin. Mesi është shumë i rëndësishëm për ne. E njeh më mirë se çdokush këtë kompeticion. Puna e tij për skuadrën është thelbësore”, deklaroi ylli i PSG.

Kualifikimi i Argjentinës na sjell një përballje speciale në gjysmëfinale, pasi “albicelestët” do të kenë kundër Brazilin. Të zotët  e shtëpisë vijnë shumë herë më të avantazhuar ndaj argjentinasve, por kur  ke Leo Mesin në fushë, asgjë s’është e pamundur.

“Copa America”, faza e çerekfinale
Argjentina 2 – 0 Venezuela
Shënues: Martinez 10’, Lo Selso 74’

Megjithatë, pas kaq e kaq shumë kohësh, ka zhgënjyer dhe vetë ai. Në takimin e “Copa America” ndaj Katarit, argjentinasit iu dha një shans i shkëlqyer për të çuar shifrat në 2 – 0, por si rrallëherë e majta e “pleshtit” e fluturoi topin mbi traversë. Fundja, askush nuk është perfekt.

https://twitter.com/AyodejiX2/status/1142901006952517633

Ndeshja tjetër e këtij grupi midis Kolumbisë dhe Paraguait u mbyll me fitoren 1 – 0 të kolumbianëve. Paraguait tani i duhet të shpresojë në një barazim midis Japonisë dhe Ekuadorit për të kaluar më tej si skuadra e dytë më e mirë ndër vendet e treta.

Argjentina 2 – 0 Katar
Shënues: Lautaro Martinez 4’, Aguero 82’

Kolumbia 1 – 0 Paraguai
Shënues: Kuejar 32’

Që nga kthimi i tij në vitin 2016, pas humbjes me penallti ndaj Kilit, Argjentina ka një rekord tepër dëshpërues. Në gjashtë ndeshje në kompeticione të mëdha ata kanë fituar vetëm një, ndaj Nigerisë në fazën e grupeve të Botërorit. Pesë ndeshjet e tjera ndahen në dy barazime dhe tre humbje.

Edhe në kualifikuese, ku kundërshtarët nuk kanë seriozitet tepër të madh, numërojnë tetë fitore, nëntë barazime dhe shtatë humbje. Shifra që tregojnë se Mesi nuk mjafton dhe kjo Argjentinë nuk ka fuqinë të shkojë në fund të asnjë kompeticioni.

Pjesa  e parë foli e gjitha për Kolumbinë. Djemtë e drejtuar nga Karlos Keiroz dominuan në mënyrë të frikshme pjesën e parë, por zotërim i topit nuk u pasua me raste për shënim.

Në fillim të pjesës së dytë Argjentina u duk se u zgjua me Paredes dhe Mesin që i afrohen golit, por në momentin më të mirë të argjentinasve, kolumbianët shënojnë me anë të Roxher Martinez.

Në minutën e 81-të Keiroz heq nga fusha Falkaon për t’i dhënë pak minuta Duvan Zapatës. Sulmuesit të Atalantës i mjaftojnë vetëm 5 minuta për të vënë emrin në listën e shënuesve dhe për të konfirmuar momentin e mirë. Triumf dhe tre pikë për Kolumbinë, kurse Argjentina duhet të reagojë ndeshjen e ardhshme.

Argjentinë 0 – 2 Kolumbi
Shënues:  Martinez 71’, Zapata 86’

https://youtu.be/_JRSDpj4ygY

Një pjesë e çuditshme e këtij turneu është pjesëmarrja e kombëtareve të Japonisë dhe Katarit. Në pamje të parë mund të duket një çmenduri, por kombëtaret nga kontinentet e tjera nuk janë diçka e re për këtë turne, ku në edicionet e shkuara kanë marrë pjesë Meksika, SHBA dhe Kosta Rika. Arsyeja për pjesëmarrjen e këtyre kombëtareve lidhet me të ardhurat e shtuara nga të drejtat televizive, e thënë ndryshe: paraja blen gjithçka në futboll!

Favoriti kryesor i turneut është Brazili. “Të zotët e shtëpisë” kanë ekipin më të fortë në letër, pavarësisht mungesës së yllit Nejmar dhe shumë vetë besojnë se ky është viti që “Seleçao” do të rikthejë trofeun e “Copa America” në Brazil pas 12 vitesh. Argjentina, Uruguai dhe Kolumbia janë rivalët kryesorë të skuadrës së drejtuear nga Tite . Takim i parë i këtij turneu do të jetë midis Brazilit dhe Bolivisë. Ndeshja zhvillohet në orën 2 të mëngjesit të së shtunës (në zonën kohore të Shqipërisë)

GLOBO:

The expected XI for Brazil’s opening match of the Copa América, which will take place tonight. pic.twitter.com/Zpbr4nuNmM

— Brasil Football ?? (@BrasilEdition) June 14, 2019

Më shumë nga të gjithë këtë e vuan Leo Mesi. Prej më shumë se një dekade “pleshti” akuzohet nga bashkëkombësit për lojë me dy standarde. Në një intervistë të dhënë së fundmi, Serxho Aguero foli në lidhje me këtë presion që shoqëron Mesin prej vitesh.

“Dua më shumë të fitoj një trofe për Mesin se sa për veten. E them për këtë pasi ai po e vuan këtë prej shumë kohësh. Shpresoj që një ditë të ndodhë. Ai e ëndërron këtë, ashtu si të gjithë ne tek Argjentina”.

Mesi ka dhënë një prononcim interesant për “Tyc Sports”, aty ku tregon disa detaje nga fëmijët e tij dhe e kaluara. Si nisi të bëhej mjeshtër i goditjeve të dënimit, nga kush u frymëzua dhe numri 10 në kombëtare.

Për të luajtur me Argjentinën nuk e pati të thjeshtë. Herën e parë si kapiten nuk e harron, edhe pse nuk foli shumë. Por ky është stili i tij dhe mënyra se si e përdor lidershipin.

Në vitin 2008 fitoi lojërat olimpike me Argjentinën, duke provuar emocione të paharrueshme. Dërgimi i kupës së botës për herë të tretë në Buenos Aires është ëndrra e madhe, ndërsa për momentin ai dhe shokët e tij janë të fokusuar te Kupa e Amerikës.

DJEMTË – “Tiago nuk humbet as një ndeshje, por edhe Mateo e dashuron futbollin. Vesh bluza të skuadrave të ndryshme. Qëllon që të festojë edhe për golat e Realit. Tiago zemërohet, ndërsa Mateo vazhdon të festojë vetëm për ta acaruar të vëllain. Një ditë po luanim në shtëpi dhe Mateo më tha: Ti je Barcelona, ndërsa unë jam Liverpuli, sepse do të mposht.”

SEZONI I FUNDIT – “Kam përfunduar sezonin më të lodhshëm dhe acarues, më shumë në aspektin psikologjik sesa fizik. Dy javët e fundit ishin shumë të rënda, sidomos eliminimi nga Champions Liga.”

GODITJET E DËNIMIT – “El Koko Bazile ishte ndër të parët që më dha këshillat e duhura. Më thoshte që duhet ta lija këmbën e lirë dhe të shihja e mësoja nga Rikelme.”

NUMRI 10 – “Ai është një numër special. Ky numër u bë i rëndësishëm në kombëtare nga Maradona, por unë mund të mbaj edhe një numër tjetër. Kur e vesha për herë të parë, Diego më tha që dëshironte të më jepte të njëjtën bluzë që kishte veshur edhe ai. Më thoshte që isha gati dhe kishte ardhur momenti.”

OLIMPIADA 2008 – “Askush nuk donte që të shkoja në Olimpiadë, ndërsa lejen ma dha Guardiola. Në fshatin olimpik pamë nga afër të gjithë atletët më të mirë të botës. Ishte impresionuese të takoje Kobi Brajant dhe Rafael Nadal, me të cilët bëmë edhe foto. Ditën e parë ikëm dhe u ushqyem të gjithë me McDonalds.”

ËNDRRA – “Gjithmonë kanë ëndërruar të luaj me kombëtaren dhe debutimin e kisha ëndërruar prej kohësh. Në atë kohë luaja me Barcelonën. Nuk ishte e lehtë të bije në sy si sot, ishte një kohë tjetër. Bëra gjithçka për t’ia dalë mbanë. Ju dërgoja videot e mia që të më njihnin dhe të më jepnin një shans. Të fitoj një kupë bote me Argjentinën do të ishte maksimumi. Është ëndrra më e madhe që më ka mbetur për të realizuar.”

KUPA E AMERIKËS – ”Herën e parë që u bëra kapiten më kërkuan të flisja në dhomat e zhveshjes. Nuk e kisha të thjeshtë, pasi jam një person që nuk flet shumë. Unë jam kapiten në mënyrën time. Në këtë Kupë Amerike do të luajmë me të njëjtin entuziazëm dhe dëshirë për të fituar, edhe pse Argjentina po kalon një periudhë ndryshimi. Për shumë lojtarë do të jetë kompeticioni i parë i rëndësishëm. Mendoj se nuk jemi favorit për të triumfuar, por është e sigurt që do ta tentojmë.“

31-vjeçari ka fituar gjithçka në rang klubi me Barcelonën dhe në aspektin personal. Një triumf me Argjentinën është pengu i vetëm dhe nuk dëshiron të mbyllë karrierën pa e bërë diçka të tillë.

Në një prononcim për “Fox Sports” nga grumbullimi me kombëtaren, Mesi ka folur për Kupën e Amerikës dhe tërheqjen e tij nga futbolli i luajtur. Nuk mungon as komenti dhe as elozhet për Kristiano Ronaldon, i cili vendosi të linte Realin për t‘u transferuar te Juventusi verën e kaluar.

“Dua të tërhiqem kur të kem fituar diçka me kombëtaren.. Do vazhdoj të luftoj për të dorëzuar këtë ëndërr. Ronaldo? Kur u largua thashë që do të dëmtohej Reali dhe në Madrid u zemëruan. Do i ndodhte çdo skuadre diçka e tillë. Një lojtar si ai, i cili shënon 50 gola në sezon, i mungon La Ligës. Lojtarët e mëdhenj e kthejnë një kampionat në më të mirin. Tentonim çdo vit të triumfonim dhe kjo gja na ka përmirësuar shumë”, përfundon Leo Mesi.

Rreth kësaj teme ka folur Barak Obama, ish-president i SHBA gjatë periudhës 2009-2017. Në një prononcim nga Bogota e Kolumbisë, presidenti i parë me ngjyrë i shtetit më të fortë në botë është ndalur te ylli argjentinas i Barcelonës.

Talenti është dhuratë e Zotit, por për të fituar vlen puna e madhe dhe shokë cilësorë. Nëse të gjithë këto komponentë nuk bëhen bashkë, bëhet shumë e vështirë për të fituar trofe ose për të patur sukses në çdo fushë tjetër të jetës.

“Edhe njerëzit të cilët i cilësojmë si gjeni punojnë me të tjerët për të zhvilluar dhe përmirësuar stilin e tyre. Tek Argjentina, edhe pse Mesi është i mrekullueshëm, po hasin probleme për të fituar Kupën e Botës. Të rinjtë duhet të jenë të qartë që ne njohim shumë pak persona, të cilët kanë arritur të bëjnë gjëra të mëdha vetëm“, thekson Barak Obama.

21-vjeçari ka shënuar gjithsej 9 gola me zikaltrit deri më tani. Në një prononcim për “La Oral Deportivo”, Martinez flet për raportin me Mauro Ikardin dhe faktin nëse mund të luajnë së bashku.

Sulmuesi ka një koment edhe për fitimin e titullit kampion në Argjentinë. Rasingu i tij u shpall kampion dhe ai ndihet i lumtur. Kombëtarja e Argjentinës është synimi i madh dhe Martinez tregon emocionet që provon sa herë vesh atë bluzë…

IKARDI – “Mauro më ka ndihmuar që në momentin e parë që erdha tek Interi. Ai është treguar shumë i aftë për të më lehtësuar përshtatjen me grupin e lojtarëve. Kemi luajtur me disa sisteme taktike, kryesisht me një gjysmësulmues pas sulmuesit kryesor. Kam luajtur edhe bashkë me Mauron dhe jam ndjerë mirë, ai në majë dhe unë pas tij. Numri 10? Unë gjithmonë punoj për të dhënë maksimumin, numri është thjesht për t’u identifikuar. E di rëndësinë e numrit 10 të Interit dhe përpiqem që ta meritoj atë.”

RASINGU – “Jam shumë i lumtur për fitimin e titullit kampion dhe për miqtë që kam atje. Jam tifoz i Rasingut dhe kam marrë në telefon disa shokë për t’i komplimentuar. Dua të krijoj eksperiencë dhe një ditë dua të rikthehem që të luaj në Argjentinë.”

KOMBËTARJA – “Jap maksimumin me klubin tim për të marrë një ftesë nga kombëtarja. Sa herë më grumbullojnë, lumturohem pa masë. Ndjej diçka speciale kur e vesh atë bluzë. Nuk dua të mungoj në listat e ndeshjes së ardhshme, por jo vetëm.”

Ngjarja ka ndodhur në ishullin e Majorkës, ku ish-futbollisti zotëron një shtëpi pushimi. 40-vjeçari ishte duke udhëtuar me biçikletë kur u përplas papritur nga një veturë.

El entrenador de @Argentina, Lionel Scaloni, sufrió hoy un accidente sin gravedad mientras conducía su bicicleta. Actualmente se encuentra camino a su domicilio tras el alta médica. pic.twitter.com/gm8VDg7w4y

— ?? Selección Argentina ??? (@Argentina) April 9, 2019

Fillimisht në mediet spanjolle u përhap lajmi se Skaloni ndodhej në spital me dëmtime tepër të rënda, por federata argjentinase e ka përgënjeshtruar këtë lajm me anë të një komunikate ku është bërë e ditur se trajneri është rikthyer në shtëpi pas ekzaminimeve mjekësore.

“Doja të distancohesha nga skuadra, ishte koha që të qetësoheshin disi gjërat. Një moment shumë i vështirë për mua, pasi shumë njerëz filluan të më kritikonin. Djali më pyeti një ditë pse duan të më vrasin në Argjentinë dhe nuk dija çfarë t’i thoja.

Shumë thonë që nuk duhet të rikthehesha, por unë nuk dorëzohem, pavarësisht se kam arritur gjëra të mëdha me Argjentinën. Një finale e Kupës së Botës dhe dy finale të Kupës së Amerikës. Këto gjëra nuk arrihen lehtësish. Më vjen keq që dëgjoj zëra sikur unë drejtoj kombëtaren, zgjedhi lojtarët që do të luajnë. Ndoshta unë drejtoj dhe Federatën”, përfundoi me ironi ylli i Barcelonës.

VENDIMI – “Cikli im me kombëtaren argjentinase ka marrë fund. Tani dua të shijoj jetën dhe familjen time. Për gëzimin e shumë personave cikli im mori fund. Tani mund të heqin dorë nga shqetësimi nëse jam grumbulluar apo jo dhe le të mendojnë për ata që do të jenë me shpresën që të bëjnë mirë për kombëtaren. Kam folur me Skalonin dhe i ka paraqitur mendimin tim.”

KRITIKAT – “Ajo që bëmë ne ishte e mirë, jo dështim. Dështim do të thotë që të mos arrish objektivat, të mos kualifikohesh në Botëror, të mos luash tre finale, pavarësisht se i ke humbur. Gjithçka ka të bëjë me këndvështrimin se si e sheh.”

DHIMBJA – “Flitet më shumë për golat që kam humbur, sesa për ata që kam shënuar. Kam dhënë gjithmonë maksimumin për kombëtaren. Ata që më kritikojnë janë të njëjtën, të cilët kanë festuar golin tim me Belgjikën.”

RIKTHIMI – “Dyert e rikthimit te Riveri nuk mbyllen kurrë. Për momentin jam i lumtur për eksperiencën që po kaloj, por jam rritur te Riveri dhe kam marrë dashuri të madhe aty.”

Brazili ka mundur me përmbysje Çekinë dhe skuadra amerikano latine ka bërë një ndeshje të mirë. Pavelka arrit të shënojë një gol mjaft të bukur në afërsi të zonës dhe pjesën e parë Brazili e mbylli në disavantazh. Pjesa e dytë nisi me gol. Katër minuta nga nisja, një gafë e çekëve u shfrytëzua bfa Firmino, i cili e dërgoi topin në rrjetë. Në fund të takimit Neres shërbeu saktë për Gabriel Zhesus, i cili nuk e pati të vështirë të kalonte në avantazh Brazilin. I njëjti lojtar arriti të realizonte edhe golin e tretë, madje pas një aksioni model.

MIQËSORE – E MARTË, MË 26 MARS

Marok-Argjentinë 0-1
Shënues: Korrea 83’

Çeki-Brazil 1-3
Shënues: Pavelka 37’ / Firmino 49’, Gabriel Zhezus 83’, 90′

Një milion euro për një miqësore të zhvilluar në kryeqytetin e Rabatit. Mirëpo marrëveshja kishte një kleçkë në kontratën e firmosur mes dy palëve, ekzistonte një klauzolë specifike për Leo Mesin.

Në rast se “pleshti” nuk do të grumbullohej për atë takim, shuma do të përgjysmohej. Për fatin e keq të drejtuesve të federatës argjentinase, Mesi pësoi një dëmtim në ndeshjen ndaj Venezuelës, çka ia bën të pamundur prezencën në Marok.

Kjo ka tërbuar Diego Armando Maradonën, i cili ka sulmuar ashpër kombëtaren dhe trajnerin Lionel Skaloni: “Ishte një film horror. Kjo skuadër nuk e meriton fanellën që vesh, Argjentina nuk ka për të fituar më asnjë ndeshje. Më vjen keq për popullin argjentinas, që vazhdon të besojë te gënjeshtarët e federatës”.

Nuk është hera e parë që El Pibe de Oro sulmon kombëtaren, duke fajësuar gjithë drejtuesit e lartë të futbollit: “Unë ndihem shumë argjentinas. Mendonin se do fitonin pa probleme? Kush është aq idiot sa ta besojë atë gjë? Venezuela ka ekip të organizuar dhe me bazë solide, kundër kësaj Argjentine e patën të lehtë”.

“Më vjen keq edhe për lojtarët, sepse po sulmohen nga të gjitha anët, ndërkohë që realisht fajtorë janë drejtuesit e federatës. Kjo kombëtare në trishton“.

Ndeshja nisi menjëherë në malore për Argjentinën, teksa vetëm gjashtë minuta mjaftuan për Rondon, i cili dërgoi në avantazh ekipin e tij.

Në fundin e pjesës së parë, konkretisht në minutën e 44-të ishte Murijo, i cili shënoi edhe golin e dytë për Venezuelën, duke mbyllur pjesën e parë me shifrat 0-2.

Fraksioni i dytë nisi disi më mirë për Argjentinën dhe në minutën e 58-të Lautaro Martinez rihapi gjithçka, duke çuar shifrat në 1-2.

Gjithsesi, ishte Maritnez, i cili u tregua i saktë nga pika e bardhë e 11-metërshit në minutën e 75-të, duke hipotekuar fitoren e kombëtares së tij dhe duke çuar në terr Argjentinën.

Argjentinë 1-3 Venezuelë
Shënues: L.Martinez 58′ / Rondon 6′, Murijo 44′, J.Martinez 75′(pen.)

Është rikthyer Leo Mesi në kombëtare, me kapitenin që mungonte në miqësoret e fundit, ndërsa në sulm është konfirmuar përsëri Lautaro Martinez. Mauro Ikardi mbetet jashtë grumbullimit, kjo dhe për shkak të ngjarjeve të fundit mes tij dhe klubit të Interit.

Ndërkohë, në sulm gjithashtu janë pjesë edhe Benedeto, Gonzalo Martinez, apo Suarez i  River Plejt. Ndërkohë, nga ana tjetër, Serxho Aguero dhe Gonzalo Higuain janë konfirmuar sërish jashtë grumbullimit.

Megjithatë, mediet argjentinase kanë zbuluar se në kontratën e nënshkruar mes palëve u vunë disa kusht krejt të çuditshme. Gjithçka ka të bëjë me yllin e argjentinasve Lionel Mesi.

Në marrëveshje është paracaktuar se nuk lejohet që futbollistët marokenë nuk mund t’i ndërhyjnë me sparkatë Mesit, ndërsa nuk lejohen as kërkesat për shkëmbimin e fanellës ose fotot me pesë herë fituesin e Topit të Artë.

Sulmuesi i Barceloës deklaroi se është tërhequr nga kombëtarja disa vite më parë, por u rikthye në Botërorin “Rusi 2018”, kompeticion ku Argjentina e tij ishte zhgënjyese. Pas botërorit, Mesi u tërhoq sërish nga kombëtarja dhe në vitin 2018, nuk luajti asnjë ndeshje për bardhekaltërit.

Bashkëkombësi i Mesit, Tagliafiko ka folur sot për spanjollen “Marca”, ku lëshoi një deklaratë shumë të fuqishme: “Argjentina nuk bën lojën e Mesit. Janë ndërruar disa trajnerë dhe Mesi sërish nuk ka dalë në lojën e tij më të mirë. Ka qenë i pafat, pasi ka arritur tri finale, por Argjentina nuk ka filozofinë e Barcelonës”,- tha mbrojtësi i Ajaksit.

Sulmuesi zikaltër nuk luan me Interin që prej datës 9 shkurt dhe pritet që mungesa e tij të vazhdojë edhe për disa javë. Gjithsesi Argjentina e ka luksin ta lërë jashtë Ikardin, pasi sulmuesit cilësorë janë me bollëk për kombëtaren amerikano-latine.

Në mars mund të kthehet edhe Linoel Mesi, ndaj mungesa e Ikardit as që të ndihet. Gjithsesi për sulmuesin me rëndësi është të mësohet realisht shkalla e dëmtimit, pasi mediat italiane kanë raportuar edhe për nevojën e një ndërhyrjeje në gju, që do e linte jashtë fushave të blerta për rreth dy muaj.

Të gjithë duan ta shohin kapitenin përsëri pjesë të kombëtares dhe për t’ia arritur diçkaje të tillë Argjentina e ka një plan. Siç raporton “Marca”, kombëtarja latine ka në program një miqësore me Venezuelën, e përcaktuar për t’u luajtur me datë 22, ose 26 mars. Guilermo Tofoni punon si agjent i ndeshjeve të FIFA-s dhe ai po bën maksimumin për të zhvilluar këtë sfidë në… Spanjë!

Fundi i marsit qëllon me një periudhë impenjative për shumë klube, Leo Mesi do mendohej dy herë të rikthehej tek Argjentina, ndërsa kjo e fundit ka menduar të afrohet afër tij. Miqësorja mund të luhet në Madrid, ose Barcelonë dhe diçka e tillë mund të rriste shanset e rikthimit të Mesit në ekipin e drejtuar nga Skaloni.

Është e vështirë të kesh në përbërje një fenomen të tillë dhe mos ta shfrytëzosh, kështu që Argjentina po tenton të luajë çdo kartë për të rikthyer numrin dhjetë në kombëtare, pavarësisht se diçka e tillë është e tepërt, por në vendin latin shpresojnë që t’ia arrijnë qëllimit të tyre.

Gjithsesi, “pleshti” pritet të rikthehet te dy herë kampionët e botës gjatë vitit 2019. Ditën e djeshme në  “Santiago Bernabeu”, Mesi u takua me presidentin e federatës argjentinase, Shiki Tapia, me të cilin bisedoi gjatë.

Teksa, “çështja” Mesi është drejt mbylljes në Argjentinë i duhet të gjejnë një trajneri të zotin, pasi në pesë muajt e fundit, detyra i është besuar ish-ndihmësit të të larguarit Horge Sampaoli, Lionel Skaloni,i cili nuk ka drejtuar asnjëherë një ekip në karrierën e tij.

Njoftimi erdhi pak minuta pas përfundimit të takimit të dy presidenteve të klubeve përkatëse në zyrat e “CONMEBOL” në Paraguai. Sipas raportimeve të fundit nga mediet argjentinase, shteti ku do të zhvillohet takimi do të jetë pikërisht Paraguai, në kryeqytetin Asunsjon.

Me siguri ky vendim do të ketë lënë të pakënaqura të dyja palët, pasi Riveri humbet avantazhin e të luajturit në stadiumin “Monumental”, ndërsa Boka humbet opsionin e të fituarit të trofeut në tavolinë.

Nota entregada por el Presidente de la CONMEBOL a los presidentes de los clubes River Plate y Boca Juniors en la reunión del martes 27 en la sede la de CONMEBOL, en Paraguay. pic.twitter.com/qNBYTRZXx6

— CONMEBOL.com (@CONMEBOL) November 27, 2018

Përhapja e videos në internet bëri që me miliona persona ta shihnin aktin e shëmtuar. Nuk vonoi as reagimi i forcave të rendit në Argjentinë, që mbas dy ditësh vunë në pranga personin në fjalë.

Update – remember the River fan caught strapping flares to her kid? She has been identified and arrested & is now just one of the subjects for television debate pic.twitter.com/ZUc8udUcL6

— Peter Coates (@golazoargentino) November 26, 2018