Areola

Largimi i Bufon, PSG gati goditjen e bujshme për portën!

Sport Ekspres — Thu, 06 Jun 2019 08:33:13 +0000

Skuadra e PSG-së ka pasur gjithmonë disa nga portierët më të mirë në Europë, por asnjë nga numrat 1 nuk ka arritur të sigurojë një vend titullari të padiskutueshëm. Kevin Trap nuk ia doli të shfrytëzonte mundësinë për të qenë titullar, duke u larguar në formë huazimi te Ajntraht Frankfurt.

Alfons Areola nuk ofron siguri, me këtë të fundit që nuk i është besuar ende një fanellë titullari. Bufon, nuk rinovoi. Si pasojë, kampionët e Francës kanë filluar bisedimet me De Gean, që është pa kontratë me datë 1 korrik. Me shumë gjasa, spanjolli do të jetë numri 1 te PSG për vitet e ardhshme.

Areola mund të qëndrojë edhe një vit si numër 2. Ky plan i PSG-së, nuk i lë vend portierit gjerman, Trap, që do të largohet. Skuadra e Njukasëll ka përgatitur 9.5 milionë euro por gardianin e portës, një ofertë që po konsiderohet nga PSG.

Kevin Trap

PSG “kartolinë” Bufonit, rinovon me rivalin e italianit

Sport Ekspres — Thu, 20 Dec 2018 21:38:24 +0000

Paris Sen-Zhërmeni, njihet si një ndër klubet që ka shpenzuar më së shumti për blerjen e lojtarëve vitet e fundit. Gjithsesi, në ekipin parizien ka dhe lojtarë, të cilët kanë luajtur prej vitesh, ndoshta që në ekipet e moshave.

Një ndër këto lojtarë, është pikërisht Alfons Areola. Portieri, i cili luan për Parisin që në vitin 2006 ka rinovuar ditën e sotme kontratën e tij, që e mban në klubin francez deri në vitin 2023. Francezi 25-vjeçar, ka bërë mjaft mirë vitet e fundit, teksa pas huazimeve në klube si Lens apo Vijareal, prej tre sezonesh mbron portën e PSG.

Sezonin e shkuar, Areola ka qenë titullar i padiskutueshëm, ku zhvilloi një sezon fantastik, të cilin e kurorëzoi duke fituar dhe Kupën e Botës me kombëtaren franceze. Rinovimi i “gardianit” është dhe një kërcënim për Xhanluixhi Bufon, pasi francezi po rivalizon denjësisht me legjendën italiane për postin e titullarit.

???? Depuis le premier jour … @AreolaOfficiel

? #Areola2023 pic.twitter.com/JhppBx5fFi

— Paris Saint-Germain (@PSG_inside) December 20, 2018

Pas Kupës së Botës, Areola vendos rekordin unik

Sport Ekspres — Wed, 18 Jul 2018 16:57:49 +0000

Portieri francez Stefan Areola ishte një ndër 23 lojtarët që u nderuan me një medalje kampioni pas fitimit të Kupës së Botës nga Franca. Gardiani i PSG-së së bashku me kolegun e tij Adil Rami ishin të vetmit lojtarë që nuk morën qoftë edhe një minutë, por kjo ka ndodhur edhe më parë (Erik Durm 2014, Viktor Valdez 2010), sidomos me portierët.

Megjithatë, kurrë më parë në historinë 88-vjeçare të Kupës së Botës nuk kishte ndodhur që një lojtar ta fitonte trofeun pa të paktën një aktivizim me kombëtaren e vendit të tij. Po është e vërtetë, Areola ka çuar në shtëpi medaljen e fituesit të Botërorit, pa siguruar ende debutimin e tij me fanellën e Francës.

Megjithatë pritet që gardiani 25-vjeçar të debutojë shumë shpejt me fanellën e “gjelave”, pasi ai shihet si e ardhmja e portës së Francës. Kolegët e tij Loris dhe Mandanda i kanë kaluar të 30-tat dhe cilësitë e të riut kanë filluar të marrin vëmendjen e teknikut Deshamp.