FSHF ka dalë me një lajmërim në faqen e saj, ku kërkon afrimin e sponsorëve të ndryshëm për blerjen e emrit të stadiumit. Çdo kompani e interesuar duhet të plotësojë disa kushte. Fituesi do të bëhet zyrtarisht sponsori i ri i FSHF-së për stadiumin kombëtar.

Data 15 gusht është dita e fundit e paraqitjeve të ofertave, ndërsa FSHF sqaron gjithçka në deklaratën e mëposhtme.

LAJMËRIMI I PLOTË I FSHF-SË

Federata Shqiptare Futbollit njofton se po kërkon një sponsor për stadiumin e ri kombëtar. E drejta për të qënë sponsor përfshin blerjen e të drejtave të emrit të stadiumit të ri si dhe perfitime të tjera.

Çdo kompani e interesuar duhet të permbushë kriteret bazë që janë:

• Të jetë një kompani me një xhiro prej të paktën 10 milion euro në vit
• Të jetë një kompani që gëzon emër të mirë dhe reputacion të rëndësishëm kombëtar dhe/ose ndërkombetar

Shitja e të drejtave të emrit do të ketë një afat minimal prej 5 vitesh dhe një çmim dysheme prej 600 mijë euro në vit.

Çdo subjekt që vlerëson se përmbush kriteret e mësipërme dhe shfaq interes për ofertën duhet të paraqes një letër për shfaqje interesi  deri më datën 15 Gusht 2019.

Shfaqja e interesit do të konsistojë në një letër ku të parashtrohet deklarimi i kompanisë se është e interesuar dhe të paraqitet dokumentacion bazë për xhiron e kompanisë dhe një CV të saj në lidhje me veprimtarinë në vendin tonë apo jashtë tij.

Procedurat e mëtejshme të zgjedhjes së kompanisë do ju njoftohen vetëm kompanive që do të shprehin interes, në një moment të dytë.

Ajo mund të jetë gati për një muaj dhe më 15 gusht pritet që UEFA të bëjë një kontroll. Sikurse e kërkon procedura, para se të zhvillohet një ndeshje zyrtare, duhet bërë një test. Zhvillimi i Superkupës së Shqipërisë, më 18 gusht, është njëri opsion.

Partizani e Kukësi do kishin dëshirë ta inauguronin stadiumin, ndryshe do të ndodhë që të luajë njëra prej kombëtareve të moshave. Synimi kryesor është që në shtator të luhet ndeshja me Islandën dhe sot ka ardhur një lajm i mirë, pasi është shembur një objekt para stadiumit.

Sheshi para “Arenës Kombëtares” ishte “pengu” i fundit dhe tashmë edhe aty po nisin punimet dhe sheshi “Italia” me shumë mundësi do të përfundojë në kohë dhe në shtator Shqipëria mund të luajë në shtëpinë e re.

“Në këto momente në arenën kombëtare vazhdohet të punohet me qëllim për të luajtur ndeshjen me Islandën në atë impiant. Fasada është në përfundim, mbulimi i strukturës ka përfunduar dhe tani jemi në punimet e brendshme. Një javë më parë ekspertët e UEFA-s inspektuan stadiumin. Ngelën të kënaqur për kushtet e stadiumit, por kishte dhe disa vërejtje, të cilat ne i rregulluam”.

“Tani kemi filluar porositë e mobilimit, pasi kjo pjesë i takon Federatës. Sapo të mbarojnë ambientet e brendshme do vendosim mobiliet. E vetmja gjë që ndoshta do të na pengojë është sheshi përpara stadiumit, kjo nuk varet nga ne. Në atë shesh po bashkia po bën një parking me 200 parkime. Aty do prishet godina tre katërshe dhe do kthehet në pedonale, këto punime kërkojnë punimet e tyre të cilat do kërkojnë dhe kohë, ndoshta kjo do të na pengojë për inaugurimin e stadiumit në shtator. Më datë 15 korrik ne fillojmë punimet për fushën. Në vetëm një muaj fusha mund të jetë gati. Me UEFA-n kemi rënë dakord që të kemi një kontroll nga ana e tyre me 15 gusht dhe në shtator stadiumi do të jetë gati. Aty kërkohet një ndeshje kontrolli, mund ta bëjmë me moshat ose ndoshta me Superkupën”.

“Federata ka pasur një kontratë, ku ne dhamë 10 milionë euro dhe tokën, koncesionari mori në këmbim ambientet tregtare. Me qa sa di un shifra reale i ka kaluar 70 milionë eurot, projekti u llogarit fillimisht te 45 milionë euroshi. Është një stadium i mbyllur dhe krijon tjetër ambient nga ai në Elbasan ose Shkodër”.

“Ky do të jetë 4-vjeçari i investimeve. Pas përfundimit të stadiumit kombëtar dhe zyrave e kompleksit të federatës, do fillojmë të punojmë për stadiumin e Kukësit, stadiumin e Fierit dhe në ndërtimin e fushave, ku ne presim aplikime subjektet të ndryshme”.

“Stadiumi është gati në 90% dhe në shtator do të jemi në 100% të mbaruar. Kjo është e lidhur edhe me sheshin përballë stadiumit, që po realizohet nga bashkia e Tiranës. Sipas ritmeve që po shohim, nuk kanë filluar ende punimet.

Kam frikë se ndoshta stadiumi do të përfundojë, ndërkohë që sheshi të mos përfundojë dhe të na bëhet pengesë neve për të realizuar një ndeshje për muajin shtator”, shprehet për Top Channel Dervishaj, shef i Sektorit të Investimeve dhe Infrastrukturës në FSHF.

Në vendin tonë pritet të ndërtohen edhe dy stadiume të tjera dhe Dervishaj thotë: “Brenda mandatit 4 vjeçar të përfundojmë dy stadiume. Njëri nga këta është ‘Zeqir Ymeri’ në Kukës, ndërkohë që presidenti bashkë me kryetarin e bashkisë së Fierit janë ulur dhe kanë diskutuar për të bërë stadiumin ‘Loni Papuçiu’ të Fierit, pra një stadium të ri, i cili mund të ndërtohet mbi gjurmët e stadiumit ekzistues”.

“Është bërë goxha punë, për një kohë të shkurtër. Vepra të tilla madhore duan kohë. Në fushën e ndërtimeve civile është nga objektet më të mëdha. Është stadium që i ka të gjitha gjërat e nevojshme, do funksionojë 24 orë. Do ketë stadium dhe atraksion”.

“Vështirësia më e madhe? Gjithçka nis te projekti, që është miks. Duhen ndërthurur të gjitha funksionet, edhe stadiumi, edhe hoteli dhe funksione të tjera. Është një projekt miks. Është me pesë yje, por nuk plotëson kapacitetin. Për hapësirën që kishim në dispozicion, nuk shkonim dot më shumë se 22 mijë. Bazamenti ishte më i dobët dhe kemi zbritur një kat më poshtë, çka ka kërkuar më shumë kohë”.

“Stolat do të jenë të kuq, është zgjedhje e arkitektit. Jemi munduar të plotësojmë kushtet e UEFA-s për ‘Broadcast’-in. TV-të që do transmetojnë duhet të kenë hapësirat për të shtrirë kabllot. Kemi pasur kontakte me televizionet, për të përcaktuar edhe pozicionin e kamerave”.

“Do të ketë hyrje emergjence për zjarrfikëset dhe ambulancat. Autobusët do të futen brenda, ka hapësirë të dedikuar për to. Edhe për të parkuar zyrtarët e ndeshjeve do të ketë një vend. Për ekipet ka një hyrje të vetme”.

“Ka dhoma zhveshje, dhoma arbitrash, dhoma anti-dopingu, zona e konferencave që zë 100 gazetarë. Ka dhomë edhe për zyrtarët e UEFA-s. Ka sallë për arbitre femra, ka ambient për të bërë analiza. Gjithashtu do të ketë edhe dhoma masazhi. Gjithashtu ka ambiente edhe për nxehjen, që i ka të gjitha kushtet. Ka edhe sallë force, gjithçka do jetë perfekt. Kushtet do të jenë optimale”.

“Nuk kemi bërë kopje, arkitekti ka bërë një projekt për ne. Ka përfunduar drenazhimi për një pjesë, shikohet që nuk ka më ujë në sipërfaqe, edhe pse ka rënë shi. Nuk do të ketë rrjeta për tifozët, vetëm një parapete xhami”.

“Muzeu? E çmontuam fasadën gur më gur dhe e kemi vënë sërish atë sipas pozicioneve fillestare. E kemi montuar nën mbikëqyrje të rreptë. Këtu do të ketë edhe muze, që do të jetë i hapur për tifozët. Hyrja për tifozët VIP do të jetë e njëjta sikurse kur është ndërtuar në fillim”.

“Stadiumi do jetë i mbyllur dhe jehona do të jetë e madhe. Kostoja finale nuk dihet, pasi ne japim vetëm 10 milionë euro dhe ofrojmë truallin, kurse pjesën tjetër e jep firma që po e ndërton me konçencion. Sa di unë, fatura ka shkuar rreth 70 milionë euro. Për ne shtatori është data kur stadiumi do të jetë gati”.

“Arena Kombëtare” nuk është gati për ndeshjen kundër Moldavisë. Uroj që në shtator të mos gabojmë më dhe të jemi në afatin e duhur. Kampionati? Asnjëherë nuk ka titull të pamerituar, sidomos në një kampionat si ky, me katër faza, 36 ndeshje. Partizani e ka fituar titullin 3 javë më para, ekipet tjera po luftojnë fort për Europë dhe mbijetese. Mund të themi se është një kampionat shumë i fortë”, tha Duka.

Shqipëria do të luajë takimin kundër Moldavisë më datë 11 qershor, por tre ditë më herët, me datë 8 qershor, kuqezinjtë tanë do të udhëtojnë drejt Islandës.

Fillimisht u tha se stadiumi do të inaugurohej në ndeshjen e 11 qershorit ndaj Moldavisë, por po të shikojmë pamjet e tanishme të kantierit të stadiumit, nuk është nevoja të jesh një ekspert ndërtimi për të kuptuar se është e pamundur që punimet të përfundojnë në harkun e dy muajve.

Pak javë më parë vetë presidenti Duka e pranoi se do të ishte tepër e vështirë që punimet të përfundonin në muajin qershor dhe ndoshta inaugurimi i stadiumit do të shtyhet për në muajin shtator, më konkretisht më datë 10 shtator, kur presim Islandën në kuadër të kualifikuesve të “Euro 2020”.

“Sport Ekspres” mëson se shanset që stadiumi i ri të inaugurohet në shtator janë të pakta. Gjendja aktuale e punimeve nuk jep garanci për përfundimin e të gjithë projektit brenda pesë muajve dhe me shumë gjasa  inaugurimi i shumëpritur do të shtyhet për në muajin nëntor, ku në harkun e dy ditëve do të ndeshemi në Shqipëri me Andorrën e Francën.

Qershori është parashikuar si periudha kur ai do të jetë gati, por shanset janë të pakta që punimet të përfundojnë në kohë. Një ditë më parë u raportua se ishin ndërprerë edhe punimet, për shkak se para ditësh një prej punëtorëve vdiq pasi ra nga një lartësi dhe thuhej se kanë nisur hetimet.

Hetimet edhe mund të kenë nisur, por punimet vijojnë normalisht dhe kjo shihet qartë edhe në videot që SportEkspres.com ju servir.

Shtetasi me iniciali N.I ka humbur jetën pas plagëve të marra nga rënia nga lartësia. Në një njoftim të Drejtorisë Vendore të Policisë së Tiranës është bërë me dije se instancat shtetërore po punojnë për zbardhjen e plotë të kësaj ngjarje.

NJOFTIMI I POLICISË

Tiranë/Informacion paraprak

Gjatë paradites të sotme shtetasi N. I., 40 vjeç duke punuar në ambientet e një stadiumi aksidentalisht dyshohet të ketë rënë nga lartësia dhe është transportuar në gjendje të rëndë shëndetësore për ndihmë mjekësore në spital.

Disa orë më vonë shtetasi N. I., ndërroi jetë në spital si pasojë e dëmtimeve të marra.

Policia po punon për zbardhjen e plotë të rrethanave të ngjarjes

“Supersport”, raporton se në procedurën standarde që FSHF  dhe UEFA ndjekin para zhvillimit të ndeshjeve eliminatore, institucioni i qeverisës i futbollit shqiptar ka njoftuar paraprakisht se “Arena Kombëtare” do të jetë stadiumi ku do të zhvillohet ndeshja ndaj Moldavisë.

Takimi i parë i fazës eliminatore të “Euro 2020” do të jetë ai ndaj Turqisë më datë 22 mars që me shumë gjasa do të zhvillohet në qytetin e Shkodrës, në stadiumin “Loro Boriçi”.

Në një prej videove, kryeministri tregon nga afër edhe pjesën e hyrjes kryesore të stadiumit, ku është  vendosur fasada e vjetër e stadiumit “Qemal Stafa”, një detaj interesant, që të na kujtojë “shtëpinë”e dikurshme të kombëtares shqiptare.

Shiriti i inaugurimit për “Arenën Kombëtare” do të pritet në fund të pranverës dhe me shumë gjasa ndeshje e parë zyrtare në këtë impiant do të jetë ajo ndaj Moldavisë më datë 11 qershor.

Sigurisht që nuk kanë munguar dhe batutat nga ana e presidentit ë FSHF-së, që ka admiruar punën e deritanishme, duke u shprehur se me këtë punë që është bërë nuk është çudi që të nxjerrin ndonjë ligj për t’i marrë zyrat. Natyrshëm një shaka e rastit.

“Kaq të bukura sa janë bërë zyrat, do na i marrin më duket. Do ta nxjerrin ndonjë ligj për të na i marrë. Zyra e presidentit ku është? Se atë erdha të shoh. Në katin lart? Po normal, nuk ka ku të jetë tjetër”.

“Stadiumi i ri do të jetë gati në mars me shumë mundësi. Na duhet marrim fitore me Skocinë. Nuk do të ishte një edicion i dështuar nëse do ia dilnim. Nuk duhet të harrojmë që kemi shumë mungesa dhe është një problem jo i vogël. Bilanci për Panuçin do të bëhet pas dy ndeshjeve që kemi, nuk mund të flasim që tani. Të presim dhe shortin e kualifikueseve të Europianit”.

Stadiumi është mbuluar në masën 80% siç shihet dhe nga fotot e video e “SportEkspres.com”. Me këtë ritëm dhe nëse do të zgjidhet problemi i fondit pre 2 milionë eurosh që duhet të lirohet nga Ministria e Financave gjasat janë që në fillimin e vitit të ardhshëm kryeqytetit të ketë impiantin e saj gati për të pritur si Kombëtaren ashtu skuadrat shqiptare. Afati kohor i përfundimit nuk besohet se do të shkojë më shumë se gjashtë muaj.

“SportEkspres.com” ka siguruar disa materiale ditën e sotme, ku shihet se ka nisur që të punohet për mbulimin e stadiumit të ri. Struktura ka përfunduar plotësisht dhe tani vjen dhe faza finale e pjesës së sipërme të stadiumit. Siç dihet në fotot dhe videon e mëposhtme duket dhe nisja e punimeve për mbulimin e stadiumit.

Stadiumi është premtuar se do të jetë gati në fillimin e tij të ardhshëm, por kjo mbete për t’u parë nëse do të realizohet. Siç është premtuar, Arena Kombëtare pritet që të jetë një nga stadiumet më të bukura në Rajon, por dhe më gjerë.

Ndërkaq, për mediat ka folur edhe arkitekti Marko Kazamonti: “Jemi të lumtur me ecurinë e punimeve, është një vepër e bukur. Do të jetë një kënaqësi për çdo tifoz të ndjekë ndeshjet në një stadium krejtësisht të mbuluar dhe me mundësinë për të qenë shumë pranë fushës. Do të jetë si një teatër”.

Veliaj tha se stadiumi i ri do të jetë xhevahiri i ri i Tiranës: “Jam i kënaqur, do jetë një xhevahir për Tiranën dhe besoj që kritikët do zhgënjehen, kurse dashamirësit do mrekullohen. Për të gjitha

palët do të jetë një habi, ndaj duhet të kemi pak më shumë besim tek puna e njerëzve të mirë. I gjithë ky investim në fakt është një investim në ekonominë shqiptare”.

Ndërtimi i stadiumit “Arena Kombëtare” do t’i japë zgjidhje edhe çështjes së parkimit të automjeteve në qendër, sepse projekti parashikon ndërtimin e një parkimi nëntokësor me kapacitet 200 vende.

Arkitekti Kazamonti informoi se tashmë ka përfunduar gjysma e punimeve: “Jemi pothuajse në gjysmën e punimeve sepse pjesa më e ndërlikuar në ndërtimin e stadiumit janë punimet nëntokësore, dhe punimet për shembjen e stadiumit të vjetër, mbrojtja e pjesës monumentale,

çmontimi i fasadës së arkitektit Bozio, që do ta rimontojmë. Po nisim të montojmë strukturën e çeliktë. Sigurisht, çeliku është më i shpejtë, ndaj kemi vendosur të bëjmë gjithë pjesën

e lartë të stadiumit me strukturë të çeliktë. Do të përfundojë pas 15 muajsh. Shqipëria duhet të krenohet me këtë, pasi është një sipërmarrje shqiptare që punon shumë mirë dhe kontribuojmë si

skuadër projektimi italiane, por kemi gjetur punëtorë të jashtëzakonshëm në Shqipëri”.

“Arena Kombëtare” është një nga kandidaturat zyrtare të UEFA-s për zhvillimin e finales së Superkupës së Europës në vitin 2019 dhe shanset për ta zhvilluar janë të mëdha, duke parë që UEFA kërkon ta çojë futbollin e madh edhe në vende të vogla dhe këtë vit u luajt në Shkup, me Real Madridin që fitoi ndaj Mançester Junajtid.