SportEkspres.com mëson se në drejtim të Hilës ka mbërritur një ofertë nga Izraeli. Skuadra nuk bëhet e ditur, por mesfushori do të mendohet mirë dhe javën e ardhshme pritet të vendosë se ku do të luajë sezonin e ri futbollistik.

Momentalisht ai po shqyrton ofertat, që nuk i mungojnë edhe nga Kosova e Superiorja. Hila në të shkuarën në Shqipëri është aktivizuar edhe me Elbasanin e Teutën. Te këta të fundit spikati dhe më pas pranoi ofertën e Partizanit, duke u shpallur kampion.

Tanimë duket se ka ardhur momenti për një etapë tjetër në karrierën e tij. Nëse Hila firmos në Izrael, atje do të gjejë edhe ish-shokun e tij të skuadrës, Sodiq Atanda, i cili ka firmosur për Hapoel Kfar Saba. Jahmir Hyka, Valon Ahmedi dhe Sabien Lilaj janë shqiptarët e tjerë që luajnë në Izrael.

“26 vite! 26 vite jetë, pas 26 vitesh kampion i Shqipërisë me FK Partizani. Mund të kishin qenë dhe 27 si numri i fanellës që kam mbajtur mbi shpinë apo ndoshta edhe më shumë! Të dashur tifozë! Sot pas takimit që zhvillova me drejtorin sportiv z. Olsi Rama, vendosa të largohem nga FK Partizani.

Kam dhënë gjithçka nga vetja për të qenë kontribuues sado i vogël në suksesin e këtij klubi. Por i vetëm nuk mund t’ia dalësh. Meritat shkojnë së pari për ju që më keni mbështetur edhe në momentet më të vështira për të më rikthyer më të fortë. Meritat shkojnë për trajnerin z . Skënder Gega, puna e të cilit na solli këtë trofe.

Nuk mundem të mos përmend kolegët me të cilët kam ndarë javë pas jave çdo moment. Falënderoj z. Demi për këtë mundësi që më dha. Të gjithë mbase jemi kalimtare, vetëm ju nuk jeni: Ultras Guerrils. Ju uroj suksese neë sezonet në vazhdim. Mirënjohje dhe falënderime”, shkruan Hila.

TELUSHI – Mesfushori vlonjat e ka pasur Hilën krahun e tij të djathtë në fushën e blertë dhe e falënderon atë. Telushi ka postuar në llogarinë e tij në Instagram një foto me lojtarin nga Elbasani dhe shkruan: “Zoti ta bëjë mbarë, pitbull do më mungosh!”.

NJOFTIMI – Klubi zyrtarizon sot zgjatjen e bashkëpunimit me Egzon Belicën. Mbrojtësi 28 vjeçar dhe drejtuesit kanë nënshkruar kontratën e re e cila e konfirmon pjesë të kampionëve deri në 2021. Palët konkretizojnë kështu pozitivisht të ardhmen e titullarit te Partizani.

Belica pjesë e të kuqve nga 2018, falë paraqitjeve dhe cilësive që ka shfaqur përgjatë gjithë eksperiencës me fanellën e kuqe me të cilën u shpall edhe kampion i Shqipërisë, konsiderohet një prej lojtarëve më të spikatur të ekipit dhe kampionatit tonë. Rinovimi i kontratës erdhi me dëshirën e të dyja palëve, fakt i cili pasqyron më së miri besimin dhe korrektësinë e marrëdhënies klub–lojtar.

Një lajm i mirë rinovimi me Velicën për trajnerin Franko Lerda, i cili do të ketë në dispozicion një nga lojtarët më të spikatur të sezonit të shkuar. Ndërkohë burime të SportEkspres.com bëjnë me dije se nuk ka një marrëveshje me mesfushorin Ardit Hila, të cilit i ka përfunduar kontrata dhe do ta vijojë karrierën në ekip tjetër.

Më vonë diçka e tillë është konfirmuar edhe nga klubi i kuq: “Klubi i Futbollit Partizani 16-të herë kampion i Shqipërisë, falwnderon mesfushorin Ardit Hila për kontributin e dhënë me fanellën e kuqe gjatë sezonit të tij të parë si pjesë e ekipit që u shpall kampion i vendit.

Titullar në pjesën më të madhe të sezonit, Hila pati merita në rikthimin e titullit pas 26 vitesh. Klubi informon se mesfushori 25-vjeçar dhe drejtuesit kanë vendosur të ndërpresin bashkëpunimin mes tyre për sezonin e ri. Klubi dëshiron të falënderoj lojtarin Ardit Hila dhe i uron njëkohësisht suksese të mëtejshme në karrierën e tij sportive”.

Egzon Belica është i lirë, por gjatë kësaj periudhe ka qenë me ekipin në fazë përgatitore. Kontratën Partizani ia ka bërë gati me kohë dhe mbetet të shihet nëse mbrojtësit do t’i pëlqejnë kushtet dhe do të nënshkruajë. Ndeshja me Karabakun është në prag dhe duhet gjetur një zgjidhje e shpejtë.

E njëjta situata edhe me Ardit Hilën. Mesfushori nga Elbasani ishte nën kontratë deri më 30 qershor dhe Partizani nuk e ka aktivizuar klauzolën “+1” në kontratë. Afrimi i mesfushorit Rron Broja bën që të ketë dilema për të ardhmen e Hilës te të kuqtë.

Palët pritet të ulen në bisedime dhe të vendosin se çfarë do të ndodhë. Drejtori Olsi Rama duhet të paraqesë ofertën e tij dhe më pas lojtari është ai që vendos. Ose palët mund të kenë edhe një takim sa për të shtrënguar duart dhe për t’u përshëndetur. Sot, ose maksimalisht nesër, vendoset gjithçka.

Me afrimin e tij mund të konsiderohet një çështje e mbyllur pista Julian Shehu. Mesfushori i Shqipërisë U21 ishte një nga dëshirat e Partizanit dhe me drejtuesit e Kastriotit ka pasur edhe bisedime. Palët patën madje edhe një akord, por të kuqtë sikur u tërhoqën dhe mbetet të shikohet se ku do të luajë Shehu sezonin e ardhshëm.

KONTRATAT – Egzon Belica dhe Ardit Hila janë lojtarët të cilëve sot u mbarojnë kontratat. Ende me asnjërin prej tyre nuk ka marrëveshje për vazhdimin e bashkëpunimit. Para disa ditësh në Slloveni mbërriti një mbrojtës, Muarem Axhem, i ngjashëm me Belicën.

Së fundmi ka nënshkruar edhe Rron Broja, i cili luan në të njëjtin rol me Hilën. A po “gatuhet” diçka nuk dihet, por është fakt që me të dy lojtarët kampionë të sezonit të shkuar gjërat duhet të ishin mbyllur me kohë.

Të dy kanë qenë shumë të rëndësishëm në fitimin e titullit vjet dhe janë nga ata që i bëjnë goxha punë të kuqve edhe për të ardhmen. Mbetet për t’u parë se çfarë do të ndodhë me ta, sikurse edhe me lojtarë të tjerë që dalin të lirë nga dita e nesërme.

Ish-futbollisti i të kuqve uron shokun e tij, Ardit Hilën. Së bashku kanë luajtur tek Elbasani dhe Teuta, kurse sivjet kanë qenë kundërshtarë. Në llogarinë  e tij në “Instagram” Musta ka postuar një foto dhe mesazhi është ky: “Urime vëlla titullin kampion! Edhe pse nuk je kurrë nëpër media, ti flet në fushën e lojës. Fjalë pak e punë shumë”.

Nuk mungon një urim edhe nga Kukësi. Është drejtori sportiv, Nderim Nexhipi, ai i cili gjithashtu përmes një postimi në rrjetet sociale përçon përgëzimet e tij për kampionët e Partizanit. Edhe pse ishte rival me ta, ish-fantazisti pranon verdiktin e garës.

Sa e lartë është përgjegjësia për ju, duke pasur parasysh që mungon Telushi?
-Është ndeshja e dytë për mua që kur jam kthyer nga dëmtimi. Mungesa e Telushit ndihet, siç e tha edhe profesori. Ka qenë një nga lojtarët të mirë të ekipit tonë. Përgjegjësi ka çdo lojtar, secili që e nis nga fillimi ka përgjegjësinë e tij. Normalisht edhe unë, pasi kam luajtur shumë ndeshje titullar. Do marr përgjegjësitë e mia.

E njihni mirë ambientin në skuadrën tuaj. Rasti më i keq, një humbje, a është gati grupi ta përballojë psikologjikisht diçka të tillë?
-Ne jemi të qetë, jemi stërvitur shumë mirë, pavarësisht dëmtimeve të lojtarëve. Ka harmoni brenda grupit. Nuk besoj se një humbje me Kukësin do të prishte balancat në ekip.

Goli i shënuar ndaj Teutës ishte një çlirim për ju, pasi keni realizuar shpesh në të shkuarën. Ka një përgjegjësi më të madhe, tani që mungon shënuesi më i mirë i skuadrës, Telushi?
-Për çdo futbollist goli është çlirim, fiton më shumë besim. Edhe unë normalisht ndihem mirë pas golit ndaj Teutës. Siç e thashë, me mungesën e Telushit bie mbi mua përgjegjësi disi më e madhe. Besoj se çdo lojtar që do luajë në vend të tij, ka përgjegjësi.

Është një ndeshje e radhës, apo një finale kjo me Kukësin?
-Kjo është një ndeshje e rëndësishme, por nuk është një finale. Ne jemi të qetë, presioni është mbi ata. Të japim më të mirën, atë që bëjmë në stërvitje. Të luajmë pa presion dhe të marrim më të mirën.

Presioni është te Kukësi, por realisht me titullin kampion nuk është se jeni mësuar. Ndoshta po ndihet edhe te ju presioni…
-Nuk besoj se te ne ka presion. Kemi qenë me këmbë në tokë. Japim më të mirën dhe nuk mendojmë çfarë ndodh pas disa ndeshjes, por për ndeshjen e radhës. Jemi të qetë.

“E prisja që të rikthehesha sa më i fortë. Nuk e kisha menduar që do shënoja, sidomos ndaj Teutës. Humbja e Kukësit na motivoi, tani pas kësaj fitoreje jemi shumë më të qetë”.

“Penalltitë janë caktuar Telushit dhe Asanit, me sa di unë do e gjuante Asani, por kisha një dedikim për djalin tim që është 4 muajsh dhe Telushi dhe Asani s’kishin si të ma refuzonin këtë kërkesë”.

“Unë e kisha deklaruar më parë që s’do të festoja, por ndoshta dhe nga fakti që jam rikthyer nga dëmtimi më emocionoi shumë. Në një moment s’po dija çfarë të bëja të festoja ose jo”.

“Kur je në një ekip të madh si Partizani ke objektiva për kupën e titullin kampion. Sezonin e kaluar te Teuta e nisëm mirë, por më pas gjithçka shkoi për keq, të paktën siguruam qëndrimin në Superligë”.

“Jemi të gëzuar, por qëndrojmë me këmbë në tokë. Kemi ndeshje shumë të rëndësishme ndaj Kukësit më pas të shikojmë”.

Ndeshja e radhës është kundër Teutës, kundërshtari është i vështirë, por Partizani do të kërkojë fitoren dhe vazhdimësinë. Hila nuk e përmend fjalën titull, por jep recetën e duhur për të arritur te fitimi i tij.

FITORJA – “Normalisht që jam shumë i kënaqur, pasi është një derbi që i ka të tria rezultatet dhe arritëm të fitojmë me kthim rezultati. Kjo gjë na jep shumë besim për të vazhduar përpara.”

FRIKË NGA HUMBJA? – “E dominuam lojën për 90 minuta. As unë dhe askush nga çunat nuk kishin frikë se do e humbitnim, sepse kemi besim në vetën tonë. Çdo gjë shkoi shumë mirë. Një derbi me përmbysje të shijon pa masë, siç e patë dhe vetë nga festimet në fushë dhe dhomat e zhveshjes. Është një emocion shumë i madh. Gega? Si çdo trajner besoj se është shumë i kënaqur me ekipin e tij.”

TEUTA – “Pas derbit ekipi kalon si në eufori, por jemi të vetëdijshëm që duhet të qëndrojmë me këmbë në tokë. Teuta ka bërë një kampionat shumë të mirë këtë vit. Besoj se do të jetë një ndeshje e fortë që i ka tre rezultatet, por ne shkojmë për 3 pikë.”

DY DERBE DY FITORE – “E vërtetë, dy fitore. Një emocion shumë i madh, shpresojmë të vazhdojmë kështu dhe në derbet e radhës dhe shpresoj që të shënoj.”

TITULLI – “Në 90 minuta nuk u dorëzuam. Shpresoj që ndeshjen e radhës të Duhet të vazhdojmë me këtë ritëm  dhe të mos ulim kokën, edhe pse shënuam. Duhet të mos dorëzohemi, deri kur arbitri të mbyllë ndeshjen.”

Ardit Hila është lojtari që do të mungojë, pasi i verdhi ndaj Skënderbeut ishte i katërti për të. Trajneri Skënder Gega në këtë mënyrë do të duhet të ndryshojë në mesfushë. Me shumë mundësi do të jetë Mala ai që do të zhvendoset në qendër.

Kjo lëvizje do të hapte një vend në krah dhe alternativat janë disa, duke nisur nga Çinari, apo Bardhi që do të linte sulmin për Rubin Hebajn. Gjithsesi gjithçka do të zbulohet gjatë seancave stërvitore të këtyre ditëve.

Partizani luan kundër Kamzës të shtunën prej orës 17:00 në stadiumin “Selman Stërmasi”. Synimi i vetëm është marrja e fitores dhe të kuqtë do të bëjnë çmos ta realizojnë këtë objektiv. Fazën e parë në Kamzë kanë fituar 0-1 me gol të Bruno Telushit, i cili shënoi përmes një goditjeje dënimi.

Ngacmimit të bërë nga gazetarë, që i kujtuan festën e golit të vjetshëm kundër Partizanit, Hila iu përgjigj: “Është e vërtetë që kam festuar. Ishte rezultati 1-2 për ne dhe goli i tretë na çliroi. Ishim në një krizë pikësh, gati për të rënë nga kategoria. Ndaj Partizanit duhej barazim ose fitore.

FORMA – “Me kalimin e kohës, jam ambientuar shumë mirë edhe me shokët e ekipit. Besoj që do rritem edhe më shumë. Nuk është ky maksimumi im. Pastaj është trajneri ai që bën vlerësimet”.

MUNGESA E GOLIT – “Te Teuta kam shënuar gola, pasi ishte viti i tretë aty. Kisha përgjegjësitë e mia, si tip lideri në ekip. Shumë shpejt besoj do të shënoj edhe te Partizani. Pse jo, edhe nesër”.

Më tej mesfushori ka folur edhe për ndryshimin që Partizani ka me klubet e tjera: “Partizani është një nga ekipet më të mëdha në Shqipëri, me objektiva të mëdha. Edhe presioni është shumë i madh. Duhet të japësh maksimumin në çdo stërvitje, në çdo ndeshje, që të arrish objektivat.

BISEDA ME EKIPIN – “Pas derbit, edhe me çunat e kemi biseduar, që duhet të kemi kujdes. Pas derbeve të kaluar, rezultatet kanë qenë më të dobëta. Duhet t’i marrim ndeshjet një nga një, të japim maksimumin dhe të marrim 3 pikët në çdo ndeshje”.