“Futbolli kështu e ka, një trajner të beson më pak, dikush tjetër më shumë. Gjëja më e rëndësishme ka qenë që s’kam humbur vetëbesimin dhe shpresën. Nuk jam një njeri i dobët. Gjithmonë flas me dy shokët e mi Emir Sahitin dhe Lumbardh Dellovën, ata janë nga Kosova. U them gjithmonë që të mos dorëzohen deri në fund. Sahiti është nga Prishtina, po ashtu si dhe unë, ndërsa Devolla nga Prizreni. Në ekip kemi dhe Tahirajn, ai është nga Shqipëria, por i rritur në Itali”.

“Tani arrij të kuptoj kroatishten, por e kam më të lehtë të komunikoj me të tjerët në gjuhën angleze. Hysen Memolla dhe Hamza Berri më ndihmuan të mësoja kroatisht”.

Edi Reja –  “Reja dhe Febrari (përgatitësi atletik) janë njerëz fantastik. Mister Reja na prezantoi një metodë tjetër. U ndjemë shumë të qetë me të. Tani gjithçka po shkon mirë. Humbën ndaj Islandës, por luajtëm mirë, ndërsa fitorja 2 – 0 kundër Moldavisë na gëzoi të gjithëve. Bulku është gjithashtu pjesë e stafit të kombëtares, ai ka luajtur te Hajduku gjithashtu”.

Stili i i ri flokëve?

“Ishte shumë vapë, kështu që vendosa t’i shkurtoja disi flokët.

Me këtë model i ngjan pak Eminemit apo jo?

Jo aspak (qesh). Nuk është se jam fans i Eminemit. Flokët thjesht i shkurtova nga vapa. Përsa i përket këngëtarëve dëgjoj më së shumti këngë të Rita Orës dhe Dua Lipës, dy këngëtare shqiptare”.

Rita Ora do vijë këtu në Kroaci për një koncert tani afër, a do shkosh?

Me të vërtetë? Po patjetër (qesh). Bëj shaka nuk jam nga ata që i pëlqejnë koncertet. Jam këtu për të pnuar fort dhe mirë. Jeta e shkurtër dhe për ta shijuar siç duhet duhet të sakrifikosh për të ardhmen.

Tani jeni një ndër liderët e mbrojtjes së Hajdukut.  A mos ju kanë bërë padrejtësi më parë?

Nuk e mendoj fare këtë gjë. Në fillim nuk isha as në stolin e rezervave, tani jam në formacion. Thjesht dua të vazhdoj kështu e të luaj mirë. Ndoshta pyetja juaj është e drejtë, por s’ia vlen të kthejmë kokën pas.

Kundërshtari më i rrezikshëm në kampionatin kroat?

Do thosha Radonjiç (sulmuesi i Lokomotivës së Zagrebit), ai është një lojtari i fuqishëm, i rrezikshëm në lojën në ajër, pak a shumë si kolegu im Futacs. Kam marrë vesh që do largohet drejt Rusisë. Përveç atij s’di të them ndonjë emër tjetër. Lojtarët e shkurtër mund t’i bllokok pa problem, pasi jam një lojtar shumë i shpejtë. S’kam frikë askënd

Keni marrë 9 kartonë të verdhë. A mo jeni pak më shumë agresivë se ç’duhet?

“Shpesh herë jam ndëshkuar me të padrejtë. Sezonin tjetër do të kemi sistemin VAR dhe kjo do të më hyjë shumë në punë. Më parë çdokush që vinte në duel me mua simulonte dhe arbitri jepte faull”.

KOMBËTARJA – “Jam i lumtur që kam luajtur si titullar te Shqipëria, Reja na ka rritur shumë. Nuk e njeh gjuhën shqipe, por di gjuhë të tjera. Me të kemi punuar shumë në palestër dhe në fushë. Duhet të vijë të pushojë këtu, Hajduku nuk e ka harruar, edhe pse ai ka ikur prej disa kohësh”.

“Kualifikueset? Me pak fat mund të merrnim një pikë në Islandë. Grupi është shumë i vështirë, me skuadra si Turqia, Franca dhe Islanda. Nuk jemi favoritët, por mund t’ua bëjmë jetën të vështirë të tjerëve. Në shtator shkojmë në Francë dhe pastaj presim Islandën. Pas këtyre dy ndeshjeve gjërat do të jenë më të qarta për ne”, shtoi mbrojtësi qendror.

HAJDUKU – “Hajduku është një nga top klubet e futbollit kroat. Nga fillimi i sezonit do të luftojmë për vendin e parë dhe për t’u kualifikuar në Champions. Hajduku është klubi më i madh në rajon dhe jam i bindur që pas paraqitjeve mjaft të mira në pranverë ne mund të bëjmë shumë në sezonin e ardhshëm.

Europa? Jam gjithmonë optimist, por kjo nuk do të thotë që duhet ta nënvlerësojmë ekipin maltez në Europë. Jemi favorit, por turin mund ta kalojmë vetëm nëse japim maksimumin tonë”, deklaron Ismajli në intervistën e dhënë për Sportske novosti.

KARTONËT – Ismajli është nga ata lojtarë që ndëshkohet shpesh me të verdhë, por mbrojtësi këmbëngul se nëse do kishte VAR gjërat do ishin ndryshe. “Në kampionat i marr pak më lehtë kartonët, sepse arbitrat duken paksa të tensionuar nga ndërhyrjet e mia. Besoj se VAR mund të më ndihmojë mua, sepse unë së pari jam një luftëtar. Jam ky që jam”, përfundon Ismajli.

Bëhet fjalë për mbrojtësin Ardian Ismajli, i cili u pa teksa kryente vrapime rreth fushës gjatë seancës së orës 17:00. Futbollisti që aktivizohet në Kroaci me Hajduk Split ka pësuar një dëmtim muskulor në kofshën e djathtë.

Komuniteti shqiptar në Frankfurt nuk e ka lënë pa shfrytëzuar ardhjen e kombëtares në qytetin e tyre.  Seanca e sotme stërvitore u ndoq nga një numër i vogël mbështetësish të ekipit tonë kombëtar.

ISMAJLI (22 vjeç) – “Në Kroaci është prej vitit 2016, por vetëm këtë sezon spikatur”. Në vlerësimin e bërë për mbrojtësin, theksohet potenciali i madh që ai ka dhe fakti që fizikisht është perfekt, ndërkohë që nuk fal në duelet një kundër një. ka edhe një minus, kartonët e verdhë, pasi këtë sezon është ndëshkuar nëntë herë dhe për këtë pjesë duhet bërë kujdes. Në analizën e bërë flitet edhe për interesimin e Atalantës, ndërkohë që pritshmëritë janë të mëdha që të ketë oferta të shumta. Mes të tjerash përmendet edhe grumbullimi dhe aktivizimi më kombëtaren shqiptar, gjë që i rrit edhe çmimin e kartonit.

UZUNI (23 vjeç) – “Garanci e dhënë nga Besnik Prenga dhe rreth 350 mijë euro të paguara për kartonin e tij te skuadra e Laçit në Superiore. Një goditje e vërtetë”. Vlerësim pozitiv për beratasin, i cili në sezonin e tij të parë në Kroaci ka arritur të shënojë 7 gola dhe të japë 8 asiste. Shifra mjaft të mira. Mes të tjerash vihet në dukje kombinimi perfekt me Dejan Radonjiç, i cili i krijon mjaft hapësira Uzunit si sulmues i dytë. 29 ndeshje në kampionat për anësorin, ndërkohë që u bë edhe pjesë e kombëtares së Shqipërisë dhe ka luajtur 5 sfida me fanellën kuqezi.

ISMAJLI (307) – “Hera e gjashtë në formacionin më të mirë. 63 pasime të sakta nga 67 të tentuara (asiste 0/1, brenda zonës 0/1), një goditje në portë, 10 duele të fituara nga 13, dy driblime të kryera, një sulm i nisur me sukses nga dy tentativa. 8 krose, 6 topa te rikuperuar (1 në mesfushën kundërshtare)”, shkruhet në vlerësimin e bërë për mbrojtësin e kombëtares shqiptare.

RRAHMANI (292) – Ndërkohë në vlerësimin e bërë për Rrahmanin thuhet: “E gjashta herë që Rrahmani përfshihet në formacionin më të mirë. Shënoi një gol, ndërkohë që pasoi 43 herë saktë nga 48 tentativa. Provoi të pasonte në zonë dy herë, por vetëm një herë ia doli me sukses. Pa sukses në dy driblime që ka nisur, ndërkohë që ka fituar 4 nga tetë duelet me kundërshtarët. Gjithashtu ai ia ka dalë të nisë dy aksione sulmuese dhe vetëm në një rast nuk ia ka dalë. Rrahmani ka fituar shtatë duele ajrore, dy në mesfushën e kundërshtarit”.

“Nuk ndihem aspak i lodhur për shkak të numrit të madh të ndeshjeve.  Po stërvitemi mirë dhe mjaft fort për një ndeshje shumë të rëndësishme si kjo me Hajdukun. Kundërshtari është shumë më mirë se më parë dhe janë jashtëzakonisht të fortë”, shprehet Uzuni për faqen zyrtare të klubit.

Ai flet më tej edhe për raportin me Ardian Ismajlin, teksa zbulon dhe telefonatën që ka pasur me të: “Jam në kontakt të vazhdueshëm me Ardian Ismajlin, i cili është pjesë e Hajdukut. Jemi miq të mirë, pasi luajmë së bashku ne kombëtaren e Shqipërisë. Ai nuk do të luajë kundër nesh të dielën për shkak të kartonëve të verdhë. E telefonova dje dhe i thashë që e kishte humbur këtë ndeshje qëllimisht, pasi kishte frikë të përballej me mua”, ka deklaruar me humor beratasi.

Në fund ai ka shprehur bindjen se Lokomotiva e Zagrebit do të marrë pjesë në kupat e Europës, por fillimisht duhet mundur Hajduku i Splitit. “Luajmë në shtëpi dhe duhet të fitojmë. Në fund do të jemi në Europë. I kemi cilësitë dhe mentalitetin e fituesit për t’ia dalë mbanë”, përfundon Uzuni..

HUMBJA – “Kur humb ekipi, nuk ndihesh mirë. Të gjithë lojtarët dhanë maksimumin dhe sot u futëm në fushë për fitore. Deri në minutën e 35-të kemi dominuar”.

KRAHASIMI ME CANËN – “Për mua është kënaqësi shtesë kur krahasohem me Lorikun. Për mua, ai ka qenë kapiten dhe lider i vërtetë. Unë do të bëj punën time, më pas të shohim”.

GOLI I DYTË – “Duhet të bënim faull te Çalhanoglu në mesfushë. E lejuam duke ikur me top dhe morëm gol. Pastaj, shanset tona ishin shumë të pakta të merrnim pikë”, përfundoi Ismajli.

Në lidhje me kualifikimin në Euro 2020, ai shtoi: “Kemi shumë shanse të kualifikohemi. Franca është ekipi i mirë, por i kemi mundur në të shkuarën. Islandën dhe Turqinë i kemi mundësi t’i mundim dhe të dalim të dytët”.

Sa i takon formacionit, Ismajli deklaron: “Askush nuk ka marr premtim për të luajtur. Ekipet kanë qenë të përziera dhe me rëndësi është që të gjithë jemi të gatshëm”. Më tej mbrojtësi foli edhe në lidhje me rivalin e së premtes, Turqinë.

“Mbrojtjen nuk e kanë të fortë. Mesfushë dhe sulm kanë lojtarë që luajnë me ekipe të forta, por jo për t’iu frikësuar. Besoj se do ia arrijmë qëllimit dhe të fitojmë. Nuk janë Turqia e dikurshme. Në Turqi i kemi mposhtur me lojë e rezultat”.

Ismajli nuk ka një partner të preferuar në mbrojtje: “Kam luajtur me Beratin dhe Mërgimin, është njëlloj për mua. Pse Panuçi ka thirrur shumë mbrojtës? E ka parë të arsyeshme që të ftojë më shumë mbrojtës, ndoshta për shkak të kartonëve, ndoshta prej dëmtimeve. Ndoshta edhe për të luajtur në mbrojtje, por do ta shohim të premten si do të luajmë”.

Formacioni më i mirë i Telesport.hr i referohet të dhënave të grumbulluara nga “Instat Sports” dhe Ismajli është nga më të spikaturit.  Javën e fundit nuk kishte asnjë shqiptar të përfshirë në formacionin më të mirë të javës, por spikaste Abazaj me driblimet e kryera.

SHFRAT – Ismajli është mirë me topin dhe ka spikatur sërish me numrin e pasimeve të sakta. Ai ka tentuar 95 pasime dhe 84 herë ka qenë i saktë. Në prej pasimeve të sakta e ka dhënë në zonën e kundërshtarit, në tre tentative. Ndërkohë që ka provuar edhe të asistojë, por pa sukses.

Qendërmbrojtësi ka qenë superior edhe në duelet me kundërshtarët, duke fituar 17 nga 19. Ismajli ia ka dalë me sukses të kryejë me sukses edhe 5 driblime, në po aq herë sa ka tentuar. Ai ka rritur të nisë me sukses 5 sulme, nga 7 tentativa. Gjithashtu ka ndërprerë tetë aksione të kundërshtarëve.

Një rreshtim 3-4-3, me Rrahmanin të vendosur në krahun e majtë të katërshes së mesfushës. Të dhënat e marra nga Instat Sports e vlerësojnë mbrojtësin me 354 pikë, vlerësim i njëjtë me portierin e Inter Zapreshiç, Mladen Matkoviç, i cili është zgjedhur edhe lojtari më i mirë i javës.

SHIFRAT E RRAHMANIT– Në dy sulme ai ka arritur të shënojë një gol, ndërkohë që numëron edhe 46 pasime të sakta nga 49 që ka tentuar. Mbrojtësi, i pozicionuar në të majtë, ka fituar 9 nga 11 duele, si dhe tre nga pesë driblimet i ka kryer me sukses. Gjithashtu Rrahmani ka nxjerrë dy herë skuadrën e tij në sulm si dhe ka ndaluar dy herë kundërsulmet e Osijekut.

ISMAJLI DHE KASTRATI – Shqiptarët e tjerë që kanë spikatur këtë javë në Kroaci janë Ardian Ismajli dhe Lirim Kastrati. Mbrojtësi i kombëtares sonë ka arritur të japë pasa më shumë se çdo lojtar tjetër. Nga 93 pasime të nisura, 82 ai i ka dërguar në destinacion. Kastrati, i rikthyer në formacion me Lokomotivën, numëron krosimet më të shumta, teksa ka në katër tentativa ka shërbyer saktë për shokët e skuadrës së tij.

Në ndeshjen e fundit me Lokomotivën e Zagrebit ai edhe shënoi golin e parë në fitoren 2-1 që skuadra  e tij regjistroi. Ismajli është përzgjedhur në formacionin më të mirë të javës dhe vlerësimi i tij bëhet në bazë të statistikave dhe të asaj që ai ka bërë në fushë.

“Përveçse shënoi një gol, ai pati edhe përqindjen më të lartë të pasimeve të sakta, 85 nga 90 në total. Ai fitoi 9 nga 11 duele, realizoi një driblim, 4 ndërhyrje të suksesshme në 5 ndërhyrje për rikuperimin e topit, 10 krose. Hera e tretë që përfshihet në formacionin më të mirë të javës”, shkruan Telesport.hr.

https://www.youtube.com/watch?v=bfmheig-BJE

Goli ka ardhur në momentin e duhur, pasi në zonën “VIP” të stadiumit të Hajdukut kanë qenë të pranishëm disa skautë. Mediet kroate aludojnë se vëzhguesit ishin nga “gjiganti” i futbollit ukrainas Shaktar Doneck.

Një detaj tjetër që mbështet këtë lajm është dhe fakti që dy ekipet zhvilluan një miqësore gjatë fazës përgatitore në Turqi, ku Hajduku mundi kampionët e Ukrainës me rezultatin e thellë 4-1.

Aktualisht, është mbyllur pjesa e parë, ku vendasit e Hajdukut udhëheqin 1-0 dhe autor i golit është pikërisht mbrojtësi ynë i kombëtares, Ardian Isamjli. Në minutën e 42-të, pas një goditje nga këndi, mbrojtësi ynë kërceu mbi të gjithë dhe shënoi golin e avantazhin për ekipin e tij. Ky ishte goli i parë për Ismajlin për këtë sezon.

Pas golit të avantazhit që u shënua nga Ismajli, për të barazuar ka menduar Myrto Uzuni. Sulmuesi kuqezi po kalon një sezon shumë të mirë me fanellën e Lokomotivës dhe ka shënuar një tjetër gol në kampionat. Në minutën e 53’, Uzuni ndëshkon portierin e Hajdukut dhe vendos baraspeshën.

Hajduk Split – Lokomotiva e Zagrebit 2-1
Ismajli 42′ / Uzuni 53′

Ish-sulmuesi i Shpresave ishte autor i të dy asisteve, duke bërë një ndeshje të shkëlqyer. Një tjetër sulmuesi kuqezi ka arritur të jetë i rëndësishëm për ekipin e tij. Erlis Bakaj i Shaktar Soligorskit ka shënuar golin e vetëm për skuadrën e tij në miqësoren përballë Hajdukut të Splitit, që përfundoi me rezultat 1 – 1.

Një veçantë e këtij takimi ishte dhe fakti se përveç Bakajt në fushë kanë qenë dhe tre shqiptarët e skuadrës kroate. Mbrojtësi Ardian Ismajli dhe sulmuesi anësor dhe Emir Sahiti.

Ismajli u aktivizua si rezervë në miqësoren e zhvilluar ditën e sotme në Antalia ndaj Dinamos së Bukureshtit, skuadër ku ndodhet lojtari tjetër i kombëtares sonë, Naser Aliji. Ky i fundit u aktivizua në këtë takim gjatë pjesës së dytë.

Ismajli spikati duke asistuar në golin e dytë të kroatëve, ndërsa në përfundim të takimit, 22-vjeçari pati një mesazh interesant për disa persona

“Dikush ishte i gëzuar kur unë u operova dhe ata menduan se nuk do të rikthehesha, por jam përsëri më i fortë se më parë me ndihmën e zotit, vazhojmë përpara”, shkroi Ismajli në “Instagram”.

https://www.instagram.com/p/BslaUnont5E/?utm_source=ig_web_copy_link

Qendërmbrojtësi  zhvilloi një paraqitje shumë të mirë, madje u shpall dhe lojtari më i mirë i ndeshjes. Ismajli u aktivizua gjatë gjithë ndeshjes me Hajdukun në fitoren shtëpiake kundër Istrës, ndërsa sot ka përfunduar në “thikë”.

Lojtari shqiptar ka kryer një operacion, që ka kaluar me sukses. Ai ka postuar lajmin në faqen e tij në rrjetet sociale, ku nuk harron të falënderojë Zotin. Akoma nuk dihet koha e rikuperimit të tij, por Ismajli është një lojtar i fortë dhe do të bëjë maksimumin për t’u rikthyer sa më shpejt për Hajdukun dhe kombëtaren kuqezi.

 

View this post on Instagram

 

Elhamdulilah Elhamdulilah Elhamdulilah falenderimi i takon Allahut operacioni kaloj me sukses? Operacion done thankful to Allah i will be back strong than ever thank you everyone for every kind of message ??

A post shared by Ardian Ismajli (@aismajli34) on Dec 11, 2018 at 5:39am PST

Ndër lojtarët me ecurinë më të dobët të muajve të fundit është dhe talenti kosovar Lirim Kastrati, i cili nuk shënon prej më shumë se dy muash. Sulmuesi anësor kryesonte tabelën e golashënuesve në kampionatin kroat me shtatë golat e tij, por tashmë ai numër ka ngelur në vend dhe sulmuesit rivalë e ka kaluar.

Krejt e kundërta po ndodh  me Hajdukun e Splitit, që nuk humb prej gjashtë ndeshjesh në kampionat dhe situata po i rikthehet normalitet. Sot, skuadra nga qyteti bregdetar, fitoi 3 -1 përballë Istrës. Në këtë takim pati minuta të plota për mbrojtësin e kombëtares Ardian Ismajli, i cili me ardhjen e trajnerit Sinisha Oreshçanin është bërë një titullar i përhershëm.

Një ditë më parë ishte Inter Zapreshiç që u kualifikua dhe Herdi Prenga ishte në fushë për 90 minuta. Lokomotiva e Zagrebit u eliminua dhe Myrto Uzuni që në pjesën e parë e la skuadrën e tij me 10 lojtarë.

Sot u eliminua një tjetër lojtar i kombëtares nga Kupa e Kroacisë. Ardian Ismajli ishte në fushë nga minuta e parë për Hajduk Split, që u mund 2-1 nga Osijek. Mbrojtësi u ndëshkua me karton të verdhë në minutën e 50-të të takimit. Një sezon jo i mirë për Hajdukun, që edhe në kampionat renditet në vendin e gjashtë dhe është larg pritshmërive.

Ai tregon se të jetosh në Split është një mrekulli më vete, sidomos kur fitojnë ndeshjet. Gradualisht është përshtatur me jetën aty, ndërkohë që edhe familja shpesh lë Prishtinën për ta takuar. Kroatisht kupton, por më së shumti komunikon në anglisht. Lojtari i Hajdukut të Splitit ka folur për “slobodnadalmacija”, duke treguar emocionet e debutimit me Shqipërinë, lojën e mirë dhe momentin fantastik që po kalon.

Ismajli debutoi në humbjen kundër Skocisë, duke u futur në pjesën e parë në vend të Kaçes, ndërsa përballë Uellsit zbriti në fushë si titullar për herë të parë me bluzën kuqezi. Mbrojtësi 22-vjeçar zhvilloi një ndeshje shumë të mirë. Ndërhyrje të pastra dhe shumë personalitet. Ismalji nuk u zmbraps as pas futjes së Garet Bejl në lojë, ndërsa djemtë e Panuçit fituan ndeshjen me golin e Bekim Balajt.

“E futëm Garet Bejl në xhep dhe jam shumë i lumtur për këtë gjë. Kam luajtur shumë mirë dhe Panuçi më aktivizoi nga fillimi i ndeshjes. Këto janë momentet më të mira të karrierës time. Falënderoj Zotin për durimin që më dha. Besimi më ndihmoi të përkushtohem për të punuar dhe për të përballuar periudhën e vështirë, kur nuk isha as në pankinë. Me Kopiç nuk kishte vend për mua në ekip. Më pas erdhi Vuliç, bisedoi me mua dhe më dha besim. Panuçi insistoi të zgjidhja Shqipërinë. Besimi dhe puna dhanë efektin e tyre”, thekson 22-vjeçari.

Më parë kishte luajtur me ekipin U21 të Kosovës, aty ku ishte dhe kapiten. Shqipëria e ftoi, ai vendosi t’i bashkohej dhe lojtari tregon emocionet e aktivizimit me kombëtaren kuqezi.

“Një komb, dy shtete dhe fare pak ndryshim. Me Shqipërinë luajnë shumë lojtarë nga Kosova dhe e kundërta. Megjithatë, kur u largova nga Kosova, u fol shumë në media për një gjë të tillë. U hodh pak pluhur, por nuk është problem. Panuçi insistoi shumë për të më bindur. Isha kapiteni i U21 të Kosovës në barazimin historik 0-0 kundër Gjermanisë, ndeshje e luajtur në Mitrovicë, por nuk më llogariste kush për ekipin përfaqësues. Çdokush ka preferencat e tij dhe Panuçi më donte mua në ekip. Ai kishte informacion të plotë për mua.”

Ismajli nuk u dorëzua kurrë, sakrifica dhe puna shpërblehet, ndërsa qendërmbrojtësi po shijon frytet. Ai është një besimtar i devotshëm dhe një gjë të tillë e shpreh në prononcimin e bërë. “Jam mysliman dhe falem 5 herë në ditë. Në Split nuk ka xhami, por në qendër të qytetit ekziston një hapësirë ku mund të falemi. Besimi është diçka shumë e rëndësishme e jetës time. Më jep fuqi dhe më ndihmon në momentet e vështira. Shoqërohem shumë me Memollën, por ai nuk është shumë besimtar”, tregon lojtari i Hajdukut.

Lojtari i lindur në Besianë zbulon dhe 3 kundërshtarët më të vështirë në kampionatin kroat të futbollit. “Zhunior Fernandez, Mario Gavranoviç dhe Eros Grezda. Shqiptari im është në Skoci tani dhe jam i lumtur që u largua nga Osijeku“, përfundon lojtari i Shqipërisë dhe Hajdukut të Splitit.

Mbrojtësi ka përsëritur që prej muajsh trajneri Kristian Panuçi e kishte kontaktuar, ndërkohë që ka edhe një reagim për deklaratën e Eroll Salihut, i cili është shprehur se kush nuk e do Kosovën,  nuk e do edhe Shqipërinë.

“Më vjen shumë keq kur dëgjoj deklarata dhe atë pikërisht nga Eroll Salihu, sepse ai më njeh mirë dhe e dinë mirë se çka ka ndodh. Por do të ia lëmë kohës. Me vdekjen e Vokrrit, ndryshuan gjërat në FFK. Nuk e kam thyer premtimin, por u thye puna e të ndjerit”, përfundon Ismajli, i cili ka treguar gjithashtu se te Shqipëria e kanë pritur mjaft mirë.

QËNDRIMI I SALIHUT– Për “Expresss Intervist” në KTV, Sekretari i Federatës së Futbollit të Kosovës ka folur në lidhje me kalimin e Ardian Ismajlit te Shqipëria. Mes federatave ka pasur komunikim dhe është respektuar zgjedhja e lojtarit, por nuk ka munguar “thumbimi” për mbrojtësin.

“Ai që nuk e do Kosovën, nuk e do as Shqipërinë. Ai mund ta gënjejë veten. Në aspektin sportiv është shantazh. Nuk mund t’i garantojë trajneri askujt se do të luajë. Nuk ka luajtur me skuadrën e vet, por e kemi bërë kapiten te të rinjtë. Gjithçka varet nga karakteri. Shqipëria na ka lajmëruar në mënyrë miqësore. Kemi raporte shumë të mira me ta. Kur na lajmëruan u kemi thënë se nëse është vendim i lojtarit, nuk duam të ndërhyjmë. Ai që nuk e do Kosovën, nuk mund ta dojë as kombëtaren e Shqipërisë”, ka thënë Salihu.

Ai që ka shqetësuar të pranishmit ka qenë Eros Grezda, i cili në momentin që doli në stërvitje po mbante akull në kofshë. Shpresohet të mos ketë diçka për sulmuesin anësor të Rejnxhërs. për t’u vlerësuar është situata e Rei Manajt.

Vetë trajneri Kristian Panuçi u shpreh në konferencë për shtyp një ditë më parë se lushnjari ka pasur shqetësime së fundmi dhe po vlerësojnë mundësinë për të përfshirë në grup Fiorin Durmishajn.

Ndërkohë me ekipin është bashkuar për herë të parë edhe mbrojtësi Ardian Ismajli. Futbollisti i Hajduk Split është parë të qëndrojë së afërmi me Frederik Veselin. Edhe Egli Kaja, i ftuar në momentin e fundit, ka mbërritur në Shqipëri dhe ka zbritur menjëherë në fushë.

Liridon Latifi një javë më parë ishte titullar me Pushkash Akademi, ndërsa sot zbriti në fushë në minutën e 89-të. Skuadra e tij u mund 3-2 nga MTK Budapest. Sulmuesi anësor nuk mundi të ndryshojë diçka në ato pak minuta që luajti.

I është gëzuar tre pikëve Fiorin Durmishaj, sulmuesi i Panionos që luajti 90 minuta në fitoren 0-1 që ekipi i i tij mori në transfertë kundër Xanthit të vendit të katërt. Fitore e vyer.  Kozenca e Kastriot Dermakut po përjeton një krizë, teka në katër ndeshjet e fundit është mposhtur katër herë.

Sot ka qenë Leçe që ka fituar 2-3 dhe mbrojtësi i kombëtares ka qenë në fushë gjatë gjithë ndeshjes. Në të 85’ ai u ndëshkua edhe me karton të verdhë. Kozenca e pa veten në dizantazhin e dy golave, por reagoi duke barazuar. Gjithsesi Leçe shënoi tetë minuta nga fundi dhe fitoi.

Këtë e tregon në një intervistë të dhënë për “24sata.hr”, teksa fillimisht është shprehur: “Menjëherë pas telefonatës së Panuçit vendosa të luaj për Shqipërinë në të ardhmen, por nuk doja të lija shokët te Kosova U21 deri në përfundim të kualifikueseve. Isha kapiteni dhe lojtari më i mirë, ndaj nuk do të kishte qenë vendim i mirë t’i lija ata në baltë”.

Ismajli thekson se është i sigurt për vendimin që ka marrë dhe ka marrë aprovimin nga familja e tij. “Ne jemi një komb, shpresoj që së shpejti të bashkohemi në një shtet, por kemi ekipe të ndryshme. Shqipëria është më e mirë dhe më ofron mua më shumë mundësi për t’u promovuar. Veç të tjerave, unë kam luajtur për Kosovën U21… Ky ishte motivi kryesor për vendimin e marrë, që kishte edhe mbështetjen e prindërve të mi. Disa gazetarë dhe tifozë më kritikojnë mua, duke pretenduar se nuk do të ketë vend për mua te kombëtarja shqiptare për shkak se nuk kam luajtur shumë te Hajduku. Por unë jam i bindur dhe i sigurt për vendimin që kam marrë. Unë jam gati që të luaj që kundër Skocisë në Nations League”, shtoi mbrojtësi nga Prishtina.

PROBLEMET NË KROACI– “Në jetën time kam vuajtur shumë, por Zoti më ka dhënë forcë për të punuar dhe qetësi. Gjithmonë kam qenë profesionist, duke i realizuar mirë detyrat e mia, por Kopiç nuk kishte besim tek unë. I jam mirënjohës trajnerit Vuliç, i cili më mbështeti që nga dita e parë. Diskutuam shumë bashkë dhe më premtoi që do të më jepte një shans. Shpresoj ta kem justifikuar besimin e tij”.

Ismajli tregon se i kishte kërkuar trajnerit Kopiç së nëse nuk e kishte në plane ta linte të shkonte në një ekip tjetër ku mund të luante. Mbrojtësi rrëfen momentin e vështirë: “Kam qenë në depresion, por e kam përballuar këtë situatë me ndihmën e prindërve, sidomos të babait tim. Ai më inkurajoi të jem i durueshëm, të stërvitem dhe të pres mundësinë time. Tani ajo u shfaq”.

Për lojtarin më të ri të kombëtares ka pasur kritika për faktin se është disi agresiv, gjë që konsiderohet normale prej tij: “Kjo është puna ime, unë jam një mbrojtës”. Me trajnerin Vuliç situata ka ndryshuar dhe tani po grumbullohet me Hajdukun. “U luta për këtë mundësi dhe perëndia iu përgjigj lutjeve të mia”.

E ARDHMJA  – Në fund Ismajli flet edhe për të ardhmen e tij: “Doja të largohesha, por tani është një situatë krejtësisht e re. Do të shoh se çfarë do të vendosin klubi dhe trajneri. Jam këtu për të bërë më të mirën tim dhe për të ndihmuar ekipin sa më shumë të mundëm”.

Veç Dermakut, edhe Ardian Ismajli ka vendosur të veshë fanellën kuqezi. Ai ishte pjesë e Kosovës U21, por më parë është aktivizuar edhe me përfaqësuesen A. Në të shkruarën mbrojtësi i Hajduk Split ka qenë pjesë e zboreve të Shqipërisë U19.

Këto lëvizje i ka komentuar edhe presidenti i Federatës së Futbollit të Kosovës, Agim Ademi. Për “insporti.com” ai ka thënë: “Sigurisht së është dëshira e lojtarëve dhe e shohin një perspektivë më të madhe te Shqipëria. Ismajli ka qenë kapiten i Kosovës U-21 dhe e kemi vlerësuar dhe respektuar. Ndoshta e kanë parë konkurrencën dhe është larguar. Neve na vjen shumë keq. Si për Ismajlin, si për Dërmakun, na vjen keq që nuk janë në mesin tonë. Mund të them se ata janë djemtë të mirë dhe ne u dëshirojmë shumë suksese”.