HUMBJA ME FLAMURTARIN – “Normalisht kur luan me ekipe të nivelit të lartë, që janë në tabelën e renditjes lart normalisht që presioni është më i lartë. Shpresonim të bënim mirë, por nuk ja arritëm. Tani e kemi obligimin ndeshjen me Tiranën dhe Kupën.”

KUKËSI PA SHTËPI – “Njeriu mërzitet, por duhet të vazhdojë përpara. Ndoshta është koiçidencë, por është hera e dytë që po humb kampionatin prej fushës. Më ndodhi edhe te Shkëndija, ku nuk kishim shtëpi. Edhe kjo pjesë i ka ndihmuar shumë kundëërshtarët tanë. Pa dashur t’i heq meritat Partizanit që kryeson në tabelë.”

VENDI I DYTË DHE TIRANA – “Tragjedi nuk është, pasi futbolli i tillë është. Do të luftojmë maksimalisht për të qëndruar në vendin e dytë dhe për të parë sa më shumë përpara. Do të jetë një ndeshje e vështirë, pasi Tirana lufton për mbijetesë. Dihet emri i madh që ka Tirana. Do të jetë dhe një sfidë për ne, pas ndeshjes zhgënjyese ndaj Flamurtarit, në aspektin e rezultatit.”

KUPA – “Do të ishte një gjë e mirë, pasi çdo futbollist në fund të sezonit kur ngre një trofe, qoftë kupë qoftë kampionat është gjë e mirë. Kukësi e ka dëshmuar që çdo vit është pretendent dhe ngre nga një kupë. Do të ishte gjë e mirë, si për ne si për klubin për të vazhduar ecurinë e ngritjes së trofeve.”

PRESIONI MË I LARTË TE SHKËNDIJA, PARTIZANI APO KUKËSI – “Ekipet që pretendojnë për titull normalisht që te të tre ekipet presioni është shumë i lart. Te të tre ekipet presioni është zjarr.”

BILANCI I CUCULIT – “Deri para dëmtimit kam pasur bilanc pozitiv, por pas dëmtimit nuk kam qenë i kënaqur. Ndoshta edhe për arsyen se kam nisur të aktivizohem shumë shpejt, kjo edhe nga dëshira për të ndihmuar ekipin, mbase i kam bërë edhe dëm.”

SEZONI – “Besoj se ka kohë akoma, pasi janë edhe tetë ndeshje. Fokusi ynë është që të bëjmë sa më shumë fitore dhe objektivi ynë tani normal që është kupa.”

FUSHA – “Jo rastësisht kemi pasur shumë dëmtime këtë sezon. Është një faktor shumë i rëndësishëm. Pasi stërvitemi në bar artificial gjithë javën dhe ndeshjen e luajmë në bar natyral. Është problematike, nuk e them vetëm unë këtë gjë, e thonë dhe mjekët. Shpresoj që të kemi sa më pak dëmtime.”

Në intervistën në emisionin “Gol pas Goli” në “Supersport”, 31-vjeçari foli mbi kualifikimin në gjysmëfinalet e Kupës së Shqipërisë dhe penalltinë “famëkeqe”.

TEUTA – “Kanë qenë dy ndeshje të luftuara. Në ndeshjen e parë bëmë mirë deri në minutën e 75, më pas u tërhoqëm dhe ata na barazuan. Ishin dy takime të vështira dhe jemi të lumtur që kaluam në gjysmëfinale”.

PENALLTIA NDAJ ASANIT – “Normalisht që për mua nuk ka qenë aspak e lehtë, por ne jemi profesionistë. Është thënë se ka qenë një veprim i qëllimshëm, më kanë cilësuar sikur bëra vrasje të qëllimshme, u ndjeva i gozhduar. I pranoj kritikat e presidentit. Asanit bravo i qoftë që ma vodhi penalltinë. Ka qenë e vështirë nga ana psikologjike, por e rëndësishme është që njeriu të ngrihet”.

Mbrojtësi ka luajtur më parë për kryeqytetasit dhe para mikrofonit të “Supersport” e pranon se ky takimi është i veçantë për të.

“Është një ndeshje speciale për mua, pasi përveç faktit që kam luajtur me ata kam pasur dhe raporte të shkëlqyera dhe kemi qenë si një familje e madhe atë. Tani normalisht do të bëj maksimumin që të ndihmoj ekipin tim dhe shpresoj se do të arrijmë ta ulim diferencën e pikëve. Mbetet një ndeshje e vështirë ndërmjet dy rivalëve që besoj se janë skuadrat që kanë treguar më shumë deri tani”.

DËMTIMI – “Të them të drejtën ka qenë një dëmtim jo i lehtë në një vend delikat, që kërkon përkushtim maksimal. Falënderoj stafin mjekësor që bëri të pamundur që të më rikthejë në fushë. Shpresoj që deri ditën e ndeshjes të jem ne 100% tim”.

“Jam i mendimit që kampionati është shumë i gjatë dhe deri në momentin e fundit gjërat mund të ndryshojnë. Janë shumë pikë në lojë. Një fitore do të na shijonte dhe do të hapte kampionatin”.

Mësohet se edhe Ardian Cuculi, mbrojtësi shqiptar nga Maqedonia, do të mungojë ndaj korçarëve. Ai humbet edhe ndeshjen me Partizanin, pasi për tre javë do të duhet të qëndrojë jashtë fushave të blerta.

Sportekspres.com mëson se Cuculi ka pësuar një rupturë të shkallës së parë në pulpë dhe kështu ai humbet ndeshjen me të kuqtë. Trajneri Armando Cungu do të duhet të gjejë një zgjidhë për krahun e majtë.

Me Rrumbullakun jashtë, shpresohej që Cuculi të ishte gati dhe të luante në krah. Tanimë mbetet për t’u parë se kush do të luajë majtas. Faton Xhemaili është alternativa e vetme për stafin teknik të verilindorëve. Këto mungesa Kukësi do i vuajë edhe në takimin e Kupës me Teutën të martën.

E njëjta gjë ndodhi edhe me Ardian Cuculin. Dy mungesa “big” për Kukësin në takimin me Kamzën. Gjithsesi alternativat nuk mungojnë. Gëzim Krasniqi është i gatshëm për lojë, ndërkohë që ka shlyer pezullimin edhe Olsi Teqja.

Ky i fundit, pas rikthimit të Edis Malikit, i krijon mundësinë trajnerit Cungu ta vendosë në qendër të mbrojtjes. Kjo ishte edhe arsyeja pse të Kukësi ngulmuam ta merrnin në ekip. Teqja luan në dispozicion pozicione dhe sigurisht ka edhe cilësi, veç të qenurit “xhol”.

Teuta nga ana tjetër nuk do të ketë kapitenin Tefik Osmani në transfertën e vështirë me Luftëtarin. Mbrojtësi qendror u ndëshkua me karton të kuq, por mungesën në Gjirokastër e kishte siguruar edhe me të verdhin e marrë më parë. Bicaj e Shkalla janë gati ta zëvendësojnë korçarin.

“Për mënyrat se si shkuan gjërat, ishte një ndeshje e vështirë dhe me pak raste. Domethënë ekipi që gabonte më pak, ose që shfrytëzonte një mundësi, do të fitonte ndeshjen. Bravo i qoftë portierit të Partizanit, që ndaloi rastet tona të pastra. Kështu që në fund mund të them se është rezultat i drejtë, pavarësisht gjithçkaje. Ishte një ndeshje goxha e luftuar nga të dyja ekipet dhe jo rastësisht jemi në vendet e sipërme në tabelë”, u shpreh Cuculi për “SportEkspres.com”.

I pyetur mbi atë qoi mungoi Kukësit për të mundur Partizanin, mbrojtësi i shpallur vjet kampin me Shkëndijën e Tetovës, shtoi: “Pak fat na mungoi, por edhe ai pasi i fundit. Bëmë 2-3 raste të mira dhe nuk i shfrytëzuam. Duhet të punojmë në këtë drejtim. Gjithsesi vijojmë serinë e rezultateve pozitive. Nga katër ndeshjet e fundit kemi tre fitore dhe një barazim. Shpresojmë që edhe ndeshjen e fundit ta mbyllim siç i ka hije, për të shkuar në pushime të qetë dhe më pas të mendojmë për kapjen e objektivave tona, që është titulli kampion”.

Barazimi bëri që diferenca mes Partizanit dhe Kukësit të mbeste 5 pikë. Me rëndësi të madhe ishte që verilindorët të mos mposhteshin. “Me thënë të drejtën do na leverdiste një fitore në duelin me Partizanin. Gjithsesi nuk është rezultat i keq, duke qenë se ka shumë për t’u luajtur. E rëndësishme është që ka edhe shumë për t’u luajtur dhe mbetëm aty me shifra të njëjta”.

Për presidentin Gazment Demi, Partizani-Kukësi pa tifozë ishte “një ndeshje e dhjerë”. Një koment në lidhje mungesën e fansave në shkallët e stadiumit e ka dhënë edhe Cuculi, i cili ka edhe një mesazh për Federatën Shqiptare të Futbollit.

“Është gjëja më e shëmtuar të luhet pa tifozë. Është një gjë që shpresoj në të ardhmen Federata dhe komisionet e përkatëse ta rishikojnë këtë gjë dhe të paktën të mos e ndalojnë futbollin e luajtur pa tifozë. Të luash futboll pa tifozë i bie njëjtë si të katrosh në sallë bosh, pa spektatorë”, përfundoi Cuculi. prononcimin e tij.

VLADIMIR PRENGA

Para këtij takimi ka folur mbrojtësi Ardian Cuculi, për të cilin kjo ndeshje me të kuqtë është speciale, nisur nga e shkuara e tij. Shqiptari i Maqedonisë për herë të parë në vendin tonë ka mbrojtur ngjyrat e Partizanit.

“Te Partizani kam kaluar një sezon mjaft të mirë, por tashmë jam futbollist i Kukësit dhe mendoj për skuadrën aktuale. Do të jetë një sfidë mjaft e vështirë, ku edhe një pikë do të ishte shumë e rëndësishme”, shprehet Cuculi në Supersport.

Mbrojtësi qendror nuk dëshiron ta quajë një finale ndeshjen me Partizanin, duke kujtuar se ende nuk është mbyllur as gjysma e parë e kampionatit. Gjithashtu ai flet edhe për mungesën e tifozëve.

“Mungesa e tifozëve? Është disi e çuditshme. Është njëlloj si të jesh në një teatër pa spektatorë”, komenton Cuculi faktin që Partizani-Kukësi do të luhet pa praninë e tifozëve, për shkak se të kuqtë u dënuan pas derbit me një ndeshje pa tifozë.

“Do të jetë ndeshje e rëndësishme, pasi ata janë në krye, por nuk është vendimtare për titullin, pasi ka mbetur më shumë se gjysma e kampionatit për t’u luajtur, ndaj mund të rikuperojmë”, ka deklaruar Cuculi, i cili do të sakrifikojë në këtë ndeshje. Një goditje e marrë në kavilje e ka shqetësuar mbrojtësin, por do të jetë në fushë ndaj Partizanit të premten.

“Ishim të detyruar të ndryshonim skemë prej dëmtimeve të shumta që kishim. Për mua kjo skemë është shumë ofensive. Të gjithë futbollistët treguan vlerat dhe grupi fitoi ndeshjen. Deri ku mund të shkojmë? Është e vështirë, sepse nuk luajmë në shtëpi. Por, në këtë kampionat diferencat janë të volgla, edhe ekipi i fundit mund të marrë rezultat. Mund të kishim edhe më tepër pikë me pak fat”.

“Penalltia e padhënë për Kamzën? Mendova se kam qenë me duart shumë pranë trupit, por në fakt ishte penallti. Dua të jem i sinqertë. Pavarësisht se arbitri e pa të tillë, edhe ai është njeri. Por, realisht e them me sinqeritet që ishte 11-metërsh”.

“Partizani i 2014-ës apo Kukësi i tanishëm? Grupi ka qenë më i harmonizuar atëherë, por futbollistë cilësorë ka patur edhe atëherë edhe tani. Në vitin 2014 kampionati ka qenë shumë nivel i mirë, sepse çdo skuadër kishte 2-3 lojtarë kombëtaresh. Ishin Tirana, Skënderbeu, Partizani dhe Kukësi, plus edhe Laçi”.

“Objektivi titull? Do shohim ndeshjet e nesërme. Kampionatin është i ekuilibruar, ka shumë ndeshje dhe pak diferenca. Çdokush mund të fitojë ndaj kujtdo. Do vazhdojmë të tentojmë të realizojmë objektivat tona”.

“Atmosfera në skuadër? Nuk kemi atmosferë mbytëse, ka harmoni. Tragjikja për ne është dëmtimi i lojtarëve kryesor. Jemi të kënaqur me ata që i kanë zëvendësuar. Vetëm duhet të përmirësohemi në aspektin psikologjik”.

Cuculi është zgjedhur lojtari i ndeshjes, por futbollisti i Kukësit do kishte dashur më shumë që të realizonte shoku i tij i skuadrës, Rexhinaldo. “Do isha kënaqur më shumë po të shënonte Rexhinaldo”, përfundoi Cuculi.

Një tjetër synim ka qenë edhe Olsi Teqja, i cili mund të luante në disa pozicione. Daja ka punuar më parë me të te Tirana, por edhe lojtari kryeqytetas vendosi të pranonte një ofertë tjetër. Sot ai është prezantuar te Kamza.

Tashmë në Vlorë kanë vetëm një objektiv për mbrojtjen dhe ai është Ardian Cuculi, i cili është lojtar i lirë. Vjet fitoi gjithçka me Shkëndijën dhe pret ofertën e duhur për të vendosur se ku do të luajë. Flamurtari e ka kërkuar disa herë mbrojtësin, por nuk ka arritur për arsye të ndryshme të sigurojë shërbimet e tij.