Në dy vitet e fundit 32-vjeçari ka qëndruar në huazim te skuadra e Bashakshehirit në kampionatin turk. Mesfushorit ka dhe një vit në kontratë, por dëshira e drejtuesve është që ta shesin për një shumë minimale.

Megjithatë, edhe kjo gjë po rezulton mjaftë e vështirë. Turan nuk është më lojtari që jemi mësuar ta shikojmë kur shkëlqente të Atletiko dhe kjo gjë dihet mirë nga të gjithë. Si të mos mjaftonte kjo rënie në formë e turkut, Turan njihet për problematikat e shumta jashtë fushe.

Paga prej 7 milionë eurosh po bëhet pengesë për transferimin e lojtarit. Asnjë klub nuk pranon t’i ofrojë një kontratë me kushte të ngjashme. Nëse situata qëndron e njëjtë, drejtuesit e Barcelonës s’do kenë zgjidhje tjetër përveç se ta çojnë lojtarin në ekipin rezervë për pjesën e mbetur të sezonit.

Ai mund të dënohet deri në 12 vite burg. Nga ana tjetër klubi turk i mesfushorit ka marrë masa ndaj tij, teksa fillimisht e ka gjobitur me shumën e 360 mijë eurove. Në varësi të vendimit të Gjykatës do të përshkallëzohen masat e Bashakshehir ndaj Arda Turan.

ÇFARË NDODHI – Para pak ditësh futbollisti i kombëtares turke u përfshi në një konflikt me një këngëtar turk, Berkaj Shahin, të cilit i ngacmoi bashkëshorten. Sherri në një klub nate degjeneroi në dhunë fizike, ndërsa më pas Arda shkoi i armatosur në spital, ku debatoi sërish me Berkaj duke qëlluar një herë drejt dyshemesë.

Tani Arda Turan ka mësuar akuzat që rëndojnë ndaj tij: ngacmim seksual, armëmbajtje pa leje dhe dhunë fizike. Edhe Berkaj rrezikon 2 vite burg. Shpresa e Turan është që të përfitojë nga statusi i tij prej futbollisti me më shumë se 100 ndeshje me kombëtaren, por mbi të gjitha nga fakti se është një mbështetës i deklaruar i presidentit Rexhep Tajip Erdogan, duke dalë edhe në mitingjet e “sulltanit” turk.

Ngjarja ndodhi në një klub nate në Stamboll me futbollistin që ngacmoi gruan e këngëtarit. Një gjë e tillë solli reagimin e Berkait, i cili u sulmua nga futbollisti dhe mes palëve plasi grushti. Këngëtari u dërgua në spital për të marrë mjekimet e nevojshme, ndërsa Arda Turan shkoi në spital i armatosur, në shoqërinë e vëllait të tij.

Lojtari i kërkoi falje këngëtarit, duke insistuar që nuk e dinte se vajza ishte gruaja e tij. Më pas i nxori armën, duke ia drejtuar Berkait: “Nuk e dija se ishte gruaja jote. Më vjen keq, merre armën dhe më vrit”

Çështja vazhdon të përflitet në Turqi, ndërkohë që kanë dalë dhe pamjet e videove të ngjarjes. Aty dallohet sherri masiv i nisur në klubin e natës dhe pamjet e momentit, kur Arda Turan shkon i armatosur në spital.

Ka qenë ora 6:24 e mëngjesit, kur lojtari është shfaqur në spital për t’i kërkuar ndjesë këngëtarit. Palët bisedojnë me njëri-tjetrin, me këngëtarin e ulur në një karrige me rrota. Situata ishte e qetë, por pas 18 minutash atmosfera është ndezur.

“Bëj ç’të duash me këtë armë, nëse nuk më beson”, është shprehur lojtari, i cili ka nxjerrë armën dhe ai ka lënë në tavolinë. Berkai e ka marrë pistoletën, duke e hedhur në një karrige aty pranë. ““Nuk ka nevojë të vazhdojmë me poshtërim”, është shprehur këngëtari, duke pretenduar që Turan duhet t’i kishte kërkuar falje që në fillim.

Kjo solli acarimin e lojtarit, i cili mori armën dhe e shkrepi me tytën drejtuar nga dyshemeja. Plumbi bëri rikoshetë dhe goditi një printer, ndërsa askush nuk guxoi të futej mes palëve. Ky moment nuk është kapur nga kamera, pasi nuk ishte në rrezen e saj. Debati u nxeh sërish dhe pati përsëri ngritje zëri, me lojtarin që u largua nga spitali rreth orës shtatë të mëngjesit, nën shoqërinë e disa personave.

Këngëtari i tregoi policisë ngjarjen e ndodhur dhe tregoi dhe për plumbin e shkrepur, që goditi printerin. Arda Turan rrezikon shumë, pasi pamjet me armë dhe shkrepja e komprometojnë shumë situatën e tij, ku nuk përjashtohet dhe burgosja e tij.

Lojtari 31-vjeçar i ka thënë gruas së Berkait: “Po të mos isha i martuar, nuk do të humbisja një vajzë si ti”. Më pas ka ardhur reagimi i këngëtarit, por Arda Turan e ka goditur, duke i thyer hundën. Berkai ka përfunduar në spital, ku ka operuar hundën e thyer, ndërsa futbollisti është paraqitur në spital me një armë me vete.

Pasi ka marrë vesh se vajza ishte gruaja e tij, ai i ka drejtuar armën këngëtarit duke i thënë: “Nuk e dija se ishte gruaja jote. Më vjen keq, merre armën dhe më vrit”.

Lojtari ka reaguar me anë të një postimi në rrjetet sociale, duke mohuar ngjarjen e ndodhur. “Do të doja të bëja një deklaratë për lajmet që kanë qarkulluar në gazetë. Ndodhi një debat në ditën time të pushimit në vendin ku kisha shkuar me miqtë e mi, por shkaku nuk ka të bëjë me nderin dhe pastërtinë e raportuar. Nuk është e mundur që të jetë kështu.”

Mesfushori njihet për gjaknxehtësinë e tij dhe sherret e mëparshme. Në muajin maj ai sulmoi një arbitër anësor në ndeshjen kundër Sivasporit, çka solli pezullimin me 16 ndeshje dhe gjobën prej 7 mijë eurosh.

Vitin e kaluar, ai u përjashtua nga kombëtarja nga trajneri i atëhershëm, Fatih Terim për sulmin verbal dhe fizik kundër një gazetari sportiv turk në avionin që po transportonte kombëtaren turke nga Shkupi në Trieste të Italisë.

Mediet turke raportojnë se futbollisti po ngacmonte gruan e një këngëtari të famshëm turk dhe kur këngëtari në fjalë e ka konfrontuar, Turan e ka goditur me disa grushte duke bërë që ai të përfundonte në spital.

Por, historia nuk mbaron me kaq. Sipas medies turke “Haberler”, Turan ka shkuar më pas në spitalin ku ishte shtruar këngëtari i rrahur me një pistoletë, që më pas ia ka dhënë gruas së këngëtarit duke i thënë: Më vrit! Një histori e denjë për një film hollivudian.