Një veprim jo dhe aq i papritur nga trajneri, i cili në fakt është bezdisur gjithë gushtin nga zërat që e shihnin të largohej dhe të zëvendësohej nga Bledar Sinella.

Drejtuesit e Bashkisë Berat janë gjendur para faktit të kryer dhe shprehen të habitur për largimin e trajnerit, i cili nuk doli fare në seancën stërvitore të pasdites së të hënës, duke ia lënë drejtimin zëvendësit të tij Klement Agalliu.

PASUESI, NIS GARA – Nga ana e klubit dhe presidencës së Tomorit ka nisur menjëherë nga puna për zëvendësimin e teknikut Arbëri, dhe burime të besueshme për Sport Ekspres kanë bërë me dije se janë 4 kandidaturat alternative për të marrë drejtimin e Tomorit. Kanë nisur bisedimet me ish-teknikun e mirënjohur beratas Kristaq Mile dhe po kështu edhe me kavajasin Bledar Sinella, por edhe beratasin Santiliano Dule. Një emër surprizë është ai i Bledar Devollit, i cili gjithashtu është një kandidaturë potenciale dhe duket se do të përzgjidhet trajneri që do të ketë kërkesat më të arsyeshme financiare dhe njëkohësisht do të garantojë një Tomor pretendent për vendet e kreut.

Edi Spahiu

Akomodimi në Sarandë duket një zgjedhje e çuditshme, pasi atje mungojnë kushtet e stërvitjes dhe mbi të gjitha një fushë me bar natyral, ndërsa një vit më parë futbollistët janë ankuar pas kthimit nga Saranda, pasi ishin akomoduar në një pallat të vlefshëm për pushues, me dhoma me katër shtretër. Nuk dihet se përse Tomori shkon sërish në Sarandë në të njëjtat kushte dhe pse kjo zgjedhje është e imponuar nga klubi dhe presidenca.

ARBRI – Pasi ka mësuar shortin e Kategorisë së Parë, tekniku i Tomorit Gersi ArbArbri ka komentuar me entuziazëm dhe optimizëm: “Nuk mund ta fshehim kënaqësinë tonë që sezonin e ri e nisim në fushën tonë dhe ky është një plus i madh për Tomorin, pavarësisht se Lushnja është një kundërshtar dhe rival shumë i madh dhe i respektueshëm për ne. Për këtë arsye, po punojmë fort dhe shpresojmë ta nisim me fitore, sepse këtë sezon duam të luftojmë për kreun e tabelës”.

Edi Spahiu

Ajo që ka shkaktuar habi është roli i ish-teknikut kavajas Bledar Sinella, i cili sipas burimeve konfidenciale të Sport Ekspres jo vetëm që ka nisur nga puna për rikthimin në krye të skuadrës beratase, por edhe se ka kontaktuar personalisht me të dy futbollistët në fjalë, duke u kërkuar atyre rikthimin dhe bashkëpunimin e ngushtë midis tyre në sezonin e ri.

Duket se rikthimi në krye të skuadrës i teknikut Bledar Sinella është vetëm një çështje formale dhe në Berat janë duke pritur zyrtarizimin e këtij rikthimi, aq më shumë që kontakti i kavajasit me dyshen e futbollistëve Kaloshi dhe Daci që deri më tani kanë qenë jashtë planeve të teknikut Gersi Arbri, e akoma më shumë idenë e rikthimit të Sinellës në krye të skuadrës beratase.

Lajmi i rikthimit të dyshes së dy futbollistëve të mësipërm duket qartë se është një sinjal i fortë për “erën” e ndryshimeve që do të pasojnë në ditët në vijim në pankinën e Tomorit.

Edi Spahiu

Krahas motit me reshje, që nuk e ka zmbrapsur skuadrën nga seanca stërvitore, duket se me shumë interes ka qenë se kush do ta drejtonte skuadrën gjatë kësaj fillimjave, për shkak të zërave që kanë qarkulluar gjatë ditëve të fundit në qytetin e Beratit për një rikthim të mundshëm të ish teknikut kavajas Bledar Sinella.

Gjithsesi, duket se skuadra nuk ka pësuar asnjë ndryshim gjatë kësaj fillimjave, pasi futbollistët në seancën stërvitore janë drejtuar nga tekniku Gersi Arbri, i cili edhe pse gjatë gjithë seancës stërvitore është shoqëruar nga prania e gazetarëve sportivë, nuk ka pranuar të flasë në lidhje me një largim të mundshëm të tij nga pankina beratase.

Më shumë do të mësohet gjatë kësaj jave pas një prononcimi publik të presidentit të Tomorit dhe kryebashkiakut të Beratit Petrit Sinaj, i cili ka një afrimitet të dukshëm me teknikun aktual të Tomorit, edhe pse zëra të besueshëm pranë tij nuk kanë mohuar gjatë ditës së hënë se Sinella është vetëm një hap larg Tomorit, dhe që zyrtarizimi i tij është vetëm çështje ditësh.  EDI SPAHIU

Sidomos penalltia që zhbllokoi ndeshjes ishte objekt diskutimi dhe Tomori protestoi gjatë, sepse mbrojtësi që ndali topin i kishte duart para fytyrës, në mbrojtje të saj.

Pas sfidës trajneri i Tomorit Gersi Arbri, duke folur për RTSH Sport, ishte dukshëm i zhgënjyer dhe kërkoi drejtësi e asnjanësi nga arbitrat.

“Tirana është superiore, kjo dihet, por nëse edhe arbitrat e ndihmojnë, është e kotë. Më vjen shumë keq, sepse ndeshja ndiqet në televizion nga të gjithë dhe këta arbitra nuk kanë pse bëhen palë, nuk kanë pse bëhen lojtari i 12-të, apo i 15-të me gjithë asistentët. Ne duam të luajmë futboll, vetëm kaq kërkojmë nga arbitrat, që po na bien shumë në qafë. Skuadra është cilësore, mbështetja e bashkisë është e shkëlqyer, por është e pamundur të arrihen rezultate në ndeshje si kjo e sotmja”.

Anton Cicani

Zgjimi herët, dushi, mëngjesi, një puthje bashkëshortes (për ata që janë të martuar) dhe vajzës (pë ata që kanë fëmijë), veshja dhe ikja për në punë, por jo një punë dosido, por hobi, pasioni dhe profesioni yt. Aty ku djersa ka aromën e një parfumi që nuk gjendet në treg, aty ku  luan në një komunitet, ku krijon shumë miqësi, njihesh me shumë histori që herë të frymëzojnë, herë të dëshpërojnë apo të bëjnë pesimist. Por, sidomos ti edhe topi i futbollit. Stërvitje dhe ndeshje. Në disa raste, edhe trofe. Tifozët që të duartrokasin, ndonjëherë edhe kritikojnë, por që të bëjnë të ndihesh i vlerësuar, gjithsesi. Jeta e një futbollisti është kjo. Një jetë e mbushur me shumë ulje dhe ngritje, por edhe me rreziqet e dëmtimit. Pikërisht ato janë të pashmangshme dhe ato mund të vendosin për ty. Si do të ndiheshit nëse një dëmtim do t’iu hiqte profesionin, bukën e gojës, por edhe pasionin, dëshirat dhe emocionet? Nuk duam ta mendojmë aspak se si ndihet Polizoi Arbri, i cili dje i ka dhënë lamtumirën këtij sporti në moshën 28 vjeç. Tepër i ri, pikërisht atëherë kur futbollisti arrin moshën e pjekurisë në karrierën e shkurtër futbollistike. Kroçiati ka bërë “krack” dhe ai s’ia ka dalë. E dhimbshme! Për “Sport Ekspres”, lojtari rrëfen gjithë hidhërimin e këtij lajmi tronditës, pasi u konsultua edhe me mjekët.

….

Një vendim shumë i fortë ky, për të mbyllur karrierën si futbollist dhe varur këpucë në gozhdë në kulmin e moshës. Si ndihesh?

Shumë keq. Nuk e mohoj. Siç edhe e thatë, në kulmin e moshës, s’është e lehtë që një ditë të mos veshësh më këpucët dhe fanellën e një skuadre, duke hequr dorë nga profesioni yt, për të cilin ke investuar pasion, djersë dhe shumë kohë. Megjithatë, kështu e ka jeta. Gjërat ndonjëherë nuk parashikohen por duhet të jesh i fortë t’i përballosh edhe vështirësitë.  Fati deshi kështu, edhe pse mbetet një ditë e zezë.

Kaq i rëndë ka qenë dëmtimi, saqë nuk kishte më shpresë?

Nëse mjekët do të më thonin që do t’ia dilja, dakord që mund të shpresoja sërish, por është vërtet një situatë e vështirë dhe do të më duhej edhe një tjetër vit e gjysmë jashtë, për t’u riaftësuar dhe më pas do të rinisja aktivitetin. S’është pak, sidomos duke ditur se çfarë kam hequr.

Ku je dëmtuar këtë herë, pasi ke kryer dy operacione, te Vllaznia dhe më pas te Kukësi?

Këtë herë, këputa kroçiatin, sepse më parë ndërhyrjet i kam bërë në kartilaxh, që është një pjesë tjetër e gjurit.

Si është historia e dy operacioneve dhe e fundit, që solli vendimin drastik?

Praktikisht, kur isha te Vllaznia dhe u dëmtova, bëra operacionin dhe më pas riaftësimin me terapinë e duhur, por rezultoi që nuk shkoi mirë, ndaj edhe më pas u detyrova sërish që të hyja në dhomën e operacionit. Luajta një ndeshje me Kukësin dhe m’u rishfaq problemi, ndaj edhe vendosa që të bëja një operacion të dytë, pasi ndryshe s’do të kisha shkuar në sallën e ndërhyrjes kirurgjikale. Pas rikuperimit, ndjeja shqetësim në kroçiat dhe pasi bëra ekzaminimet, doli që e kisha këputur.

Po tani që e ke mbyllur me topin, me çfarë do të merresh, pasi për ty ishte profesion?

Për momentin do të qetësohem dhe qëndroj pranë familjes time. Më pas, kam plane të tjera me bashkëshorten.

Si e priti familja lajmin?

Normalisht i vjen keq për mua, por në anën tjetër do të qëndroj më shumë me ata. Ata kanë qenë mbështetja ime kryesore dhe kanë vlerësuar vendimin tim.

Ndahesh me pengje?

Po, sigurisht.

Cili është pengu më i madh?

Fitimi i titullit me Kukësin.

Te kush skuadër je ndier më mirë në karrierën tënde?

Kudo qe kam luajtur jam ndjerë vërtet mirë, por do të theksoja që te Vllaznia jam ndjerë si në shtëpinë time.

Momenti më i bukur në karrierë?

Fitimi i kupës me Flamurtarin, që s’do ta harroj.

Po tani që s’do të jesh më protagonist në fushë, për cilën skuadër do të bësh tifo?

Natyrisht, për Vllazninë.

A mendon se Kukesi do të përmbysë Sherifin, në ndeshjen e kthimit?

Kam luajtur me Kukësin dhe i ndoqa edhe në ndeshjen në Moldavi. Kukësi ka treguar që di të përmbysë rezultatet dhe kam besim.

Sa mesazhe të kanë ardhur pasi lajmërove tërheqjen?

Shumë, se ke idenë se sa. i falënderoj nga zemra, ma bënë këtë ditë më pak të hidhur nga sa nisi, kur vendosa të lë futbollin.

Skeda personale

Emri: Polizoi

Mbiemri: Arbri

Mosha: 28 vjeç

Datëlindja: 09.09.1998

Pesha: 78 kg

Gjatësia: 182 cm

Karriera e Arbrit me klubet

Sezoni                   Skuadra               Nd.         Gl.

2006–2007           Tomori                  16           0

2007–2009           Lushnja                 18           1

2009–2011           Bylis                      57           5

2011–2015           Flamurtari             84           4

2015–2016           Vllaznia                 19           1

2016–                    Kukësi                 2              0

Me kombëtaren

2004–2005           Shqipëria U17    3              0

2005–2007           Shqipëria U19    2              0

2008–2010           Shqipëria U21    6              1

Një karrierë në nivele të larta, me shumë vite në elitë, duke luajtur me shumë klube, gjithnjë i palodhur, derisa një dëmtim i rëndë i shkatërroi karrierën.

Verën e shkuar mbrojtësi nga Berati shkoi te Kukësi, por që në fillim të sezonit u dëmtua rëndë.

Titullin kampion nuk e ndien të tijin, sepse luajti vetëm javën e parë të kampionatit, ndërsa tani vjen vendimi i hidhur: fund me futbollin, fitoi dëmtimi!