Arbnor Mucolli

Manaj e Ramadani “ngrohin” stolin, pak minuta për Grezdën

Sport Ekspres — Sun, 07 Apr 2019 13:57:17 +0000

Albasete ka marrë tre pikë me vlera kundër Alkorkon dhe mban ritmin e skuadrave kryesuese. Sulmuesi Rei Manaj ishte në stol dhe nuk iu besua asnjë minutë në këtë përballje. Kohët e fundit lushnjari nuk po gjen hapësira, duke konfirmuar një moment “jo” që po kalon në Spanjë.

Edhe për Ylber Ramadanin gjërat nuk po shkojnë mirë. Me largimin e Adolfo Sormanit ka ndryshuar situata për mesfushorin e kombëtares. Vejle, e vendit të fundit, ka fituar sot me rezultatin 4-1 ndaj Sonderjyske. Ish-futbollisti i Partizanit qëndroi në stol përgjatë 90 minutave, sikurse edhe mesfushori Arbnor Muçolli. Ky i fundit është pjesë e Shqipërisë U21.

Te Rejnxhërs duhet të presin që Eros Grezda të shpërthejë. Skocezët sot fituan 0-3 kundër Madheruell. Sulmuesi anësor i kombëtares zbriti në fushë në minutën e 79-të në vend të Dejvis. Stiven Xherard e shijoi fitoren nga tribuna, për shkak se ishte i pezulluar.

Festojnë Ramadani e Mucolli, Balliu pranë rikthimit në elitë

Sport Ekspres — Sat, 09 Feb 2019 17:24:48 +0000

Metzi doli i pamposhtur nga transferta kundër Lensit. vazhdon të kryesojë divizionin e dytë të kampionatin francez dhe është pranë rikthimit në elitë. Ivan Balliu e nisi ndeshjen si titullar dhe luajti gjatë gjithë takimit. Barazimi e ngjit Metzin në kuotën e 50 pikëve dhe diferenca me Lorientin e vendit të tretë është shtatë pikë.

Trepikësh i rëndësishëm për Veljen, që fitoi në shtëpi përballë Sonderyskjes me rezultatin 2-0. Ylber Ramadani dhe Arbnor Mucolli e nisën ndeshjen si titullarë, ndërsa mesfushori 19-vjeçar u zëvendësua në minutën e 69-të.

Fitore arriti dhe Karabaku i Ansi Agollit, i cili nuk ishte pjesë e formacionit të ekipit. Kampionët e Azerbajxhanit mposhtën ekipin e Symkait me rezultatin 0-2, duke barazuar me pikë kryesuesit e Nefçi Bakusë, të cilët kanë një ndeshje më shumë për të zhvilluar.

Lokomotiva e fortë për Gavazajn, disfatë edhe për Ramadanin

Sport Ekspres — Sun, 28 Oct 2018 12:55:06 +0000

Humbje për Enis Gavazajn dhe Ylber Ramadanin. Sulmuesi anësor ishte përzgjedhur titullar në ndeshjen që Jenisej humbi kundër Lokomotivës së Moskës me rezultatin 0-3. Dihej që miqtë ishin favoritë dhe nuk është se habit rezultati.

Sa i takon Gavazajt, ka ndodhur si zakonisht dhe me përfundimin e 45 minutave të para është zëvendësuar. Ndeshja në ato momente ishte 0-1, teksa Mirançuk kishte realizuar në minutën e 22-të. Fernandez dhe Eder shënuan edhe dy herë të tjera për Lokomotivën.

Nga minuta e parë me Vejle BK e nisi edhe mesfushori Ylber Ramadani. Skuadra daneze e mesfushorit të kombëtares u mposht 1-0 nga Hobro në transfertë. Ish-lojtari i Partizani qëndroi në fushë deri në minutën e 74-t. Një minutë më parë u aktivizua mesfushori Muçoli, i cili nuk arriti të ndryshojë diçka në lojën e Vejle.

Abazaj nuk duket, disfata për Ramadanin e Zenelin

Sport Ekspres — Sun, 26 Aug 2018 14:41:31 +0000

Fundjava është e mbushur me ndeshje. Vejle BK, skuadra e Ylber Ramadanit, është mposhtur në shtëpi sot me rezultatin e pastër 0-2. Ekipi i drejtuar nga Adolfo Sormani u befasua nga Odense, që mori fitoren e parë në këtë kampionat.

Ramadani, si zakonisht e nisi nga minuta e parë dhe e mbylli takimin në fushën e blertë. Titullar ishte edhe Arbnor Muçolli, i cili është pjesë e Shqipërisë U21. Mesfushori qendror luajti vetëm 56 minuta. Ndryshe nga dy lojtarët e mësipërm, Kristal Abazaj tek Anderlehti akoma nuk ka debutuar në një ndeshje zyrtare.

Sulmuesi anësor nuk ishte përfshirë në 18-she nga ekipi belg për transfertën me klub Bryzh. Anderlehti u mposht me rezultatin 2-1. Humbje edhe për Arbër Zenelin. Herenveni i tij u mposht me rezultatin 3-5 nga Fejnordi, ndërkohë që sulmuesi anësor luajti deri në minutën e 72-të.