Shkëndija, që prej kohësh kërkon një mbrojtës të djathtë tipik, e ka bindur dhe pritet që të zyrtarizohet marrëveshja. Fejzullahi sezonin e fundit është aktivizuar në elitën e futbollit zviceran në vetëm gjashtë ndeshje, katër prej të cilave nga minuta e parë.

Tanimë mbrojtësi është gati të nisë një eksperiencë të re dhe Shkëndija tregon edhe njëherë që dëshiron me çdo kusht që të ndërtojë një skuadër për të shkuar të paktën në grupet e Europa League. Fejzullahi në të shkuarën ka spikatur te Besa, për të shpërthyer te Partizani.

Eksperienca e parë në një kampionat perëndimor nuk shkoi ashtu siç Fejzullahu e kishte menduar. Në gjashtë muajt e parë në Zvicër, 25-vjeçari u aktivizua vetëm tri herë në kampionat, ku në vetëm një rast nga minuta e parë.

Megjithatë, 2019-ta duket se do të jetë një vit shumë më i mbarë për futbollistin nga Presheva. Në dy ndeshjet e para pas pushimit dimëror, Fejzullahi ka rigjetur një vend në formacion, duke u aktivizuar si titullar në humbjen 2 – 1 përballje kampionëve në fuqi të Jang Bojs dhe në fitoren në fundjavë kundër Luzernës.

Grasshopers fitoi 2-3 kundër Ksamaks. Arbnor Fejzullahi nuk luajti asnjë minutë për skuadrën e tij, ndërkohë që protagonist ishte Nedim Bajrami. Ky i fundit shënoi golin e dytë për skuadrën nga Zyrihu. Bujar Lika u detyrua ta ndiqte ndeshjen nga stoli.

Fitore për Sionin e Emir Lenjanit, madje me përmbysje. Anësori i majtë i shërbeu skuadrës së tij duke asistuar për Kasamin në golin e barazimit, ndërkohë që në minutën e 78-të u zëvendësua. Për t’u përmendur që në Ukrainë Besir Demiri nuk mori asnjë minutë në ndeshjen që Mariupol humbi 4-0 me Dinamo Kiev.

Nga sot, a mund të themi se je lojtar i lirë?
Po, jam lojtar i lirë. Nga sot nuk jam më pjesë e Partizanit, pasi nuk kam rinovuar. Nuk do të jem më pjesë e “demave”.
A të kanë krijuar ndonjë problem drejtuesit duke qenë se nuk rinovove?
Jo, nuk më kanë krijuar asnjë problem. U largova pa probleme, pasi i njoh dhe kalova 4 vite në atë klub. Kam kaluar vite të mira.
Pse nuk rinovove me Partizanin?
Nuk rinovova me “demat”, pasi mendova se ishte momenti i duhur për t’u larguar nga aty. Ky viti i fundit ishte shumë i ndryshëm.
Si ju, si Batha, si Ramadani, si Kotobelli nuk keni dalë të kënaqur dhe jeni thuajse në një linjë. Pse ishte i ndryshëm ky vit? Jeni i zhgënjyer?
Jemi zhgënjyer sidomos nga ky viti i fundit. E thashë dhe më lart. Nuk funksionoi asgjë. Kishte shumë probleme. E përsëris nuk funksionoi asgjë, menaxhimi ishte shumë i keq.
A jeni shlyer nga klubi?
Nuk jam shlyer ende nga Partizani.
Ku do ta vazhdoni karrierën tuaj?
Nuk e kam vendosur ende. Kam kontakte me disa klube, por ende nuk e di se ku do të shkoj. Do ta vendos shumë shpejt.
Një mesazh për tifozerinë e Partizanit…
Më vjen shumë keq për tifozët, pasi na kanë përkrahur gjithmonë, kanë sakrifikuar pafund dhe nuk kemi qenë aty ku duhet. Nuk u kemi dhuruar shumë. Ata nuk e meritojnë këtë situatë, meritojnë trofe. Shpresoj ta shijojnë sa më shpejt. I falenderoj dhe për përkrahjen ndaj meje.