Sezoni i ri do kohë të nisë, por te Tirana ia kanë nisur nga puna. Elton Kale, Agustin Torasa dhe Idriz Batha janë tre afrimet e para, ndërkohë që në vazhdim do të ketë edhe përforcime të tjera. “Nuk po punoj vetëm unë, është e gjithë pjesa sportive. Pasi mbyllën sezonin e fundit, tani mendohet për kampionatin e ri”.

SEZONI I SHKUAR – “Objektivi ynë, thënë nga ne, kanë qenë kupat e Europës. Finalja e Kupës do na shpëtonte, por nuk ia dolëm. Kjo më bën t’i vë notë kaluese, pasi vetëm shpëtuam në fund dhe ishte makth”, thotë Laçi fillimisht.

“Pritshmëritë janë të mëdha, kur nuk ka rezultatet dikush flet më shumë. Ka raste që aludohet dhe abuzohet. Skuadra kishte potencial për më tepër, ashtu si u bë. Nuk dua të nxjerr jashtë problemet e familjes. Në mungesë të rezultateve ka probleme dhe komente, që në shumicën e rasteve nuk kanë qenë të vërteta”.

MERKATO DHE HASANI – “Kam ndjekur merkaton e shumë klubeve, edhe në rajon, Në futboll ka raporte të atyre që dalin efikas dhe atyre efikas. Besoj se janë disa gjëra që duhen rregulluar. Hasani, ndryshe nga ne, ai bëri sezonin e tij. I kam një borxh, pasi më kërkoi një bonus dhe hezitova t’ia vendos. Nuk është se më trembte, pasi i vendos. Nëse i arrijnë janë plus edhe për ne. Nuk e besoja se do i bënte 10 gola, u bëra tifoz i tij për ta ndihmuar në arritjen e objektivit. Ai ia doli, edhe pse shifrat ishin me Rexhinaldon”.

KRITIKAT – “Rezultatet të bëjnë të jesh i keq. Kam zgjedhur të mos replikoj, kam memorizuar çdo gjë. Kemi kaluar tre vite të vështira. Kemi ulur kokën, edhe pse nuk na shkon. Ramë nga kategoria, luajtëm në të parën dhe sivjet luajtëm për mbijetesë. Do kemi kohë për t’i thënë gjëra në sy, kudo. Të vërtetat i dimë ne, jo ato që i shohin nga jashtë. Besoj se kësaj skuadre i ka munguar grinta, diçka nga ADN-ja. Ia kam thënë në një moment skuadrës, që ne kur ramë fituam çmimin Fair-Play. Duhet luftuar, madje edhe në limite”.

LËVIZJET E TANISHME – “Kemi marrë ata që deshëm. Trajneri përcaktoi disa emra dhe së bashkë flasim. Kemi folur me Bathën prej janarit. Morëm ata që na nevojiteshin. Kemi disa tratativa, jemi pranë disa konkretizimeve. Jemi në rrugën e duhur. Zërat kundër Bathës? Është një fenomen që njihet kur një lojtar ndryshon fanellë dhe shkon te rivali. E kemi folur me të. Do ta mbështesim dhe me mund dhe djersë edhe nga lojtari, do ia dalë që të fitojë sadopak respektin e tifozëve.

“Merkato? Janë tre lojtarë që kanë pasur pak hapësira, janë më të kërkuarit. Ernest Muçi, Ismailgeci dhe Çelhaka, pasi të luajnë me siguri do të largohen jashtë vendit. Jemi klubi me më shumë lojtar nga akademia në organikë dhe në fushë. Mauexhe, Oduamadi, Atinga dhe Sentamu janë larguar me shtrëngim duarsh. Do ikin edhe katër, por do ruhet boshti”.

LICENCIMI – “Kam ndjekur një proces të gjatë personalisht dhe nuk morëm kriterin financiar. Nuk e morëm për 2-3 çështje të mbartura. Kam qenë në një takim pune në FSHF, isha bashkë me grupin e punës. I gjithë takimi është i regjistruar dhe na u tha që licencën e kemi të marrë. Ishin disa çështje të rezauruara. Në apel u refuzuam për arsye të paditura”.

“Zgjodhëm të shkonim në CAS, bëmë procedurën dhe pagesat, deri më 1 qershor. Me 2 qershor duhet të fitonim Kupën. Pas bisedave me juristët do e merrnim licencën, ndoshta jo tani, por në shtator. Do kishte histori të tjera më pas. Gjithsesi nuk e fituam Kupën dhe nuk apeluam. Nuk kemi asnjë gjyq prej dy vitesh. Ka dy vite që gjërat funksionojnë mirë jashtë fushës. Ndaj edhe flasin, se nuk kemi qenë mirë në fushë. Çështja e aksioneve ëshët proces i gjatë, por edhe i shkurtër”.

100 VJETORI – “Me rëndësi është të kemi një skuadër konkurruese dhe të shihemi më këndshëm me njëri-tjetrin. Është problem kur nuk fitojmë atëherë kur duhet. Rezultatet na bashkojnë. Kemi menduar shumë gjëra, por ka goxha rrugë. Duhet ta përjetojmë dhe më pas të festojmë”, përfundoi Laçi në RTSH Sport.

KLASIFIKIMI – “Pikët na mbajnë në fund. Nuk më pëlqen fare kur jemi në këto pozita. Sigurisht kjo për fajin tonë. Fitorja e Luftëtarit sot e komplikon disi më tepër për fakti që ato u afruan. Megjithatë, kam një bindje timen të verbër, që ne nuk do merremi me mbijetesën. Jam i bindur që shumë shpejt do të shohim për më lart, sepse kemi kontingjent tjetër, objektiva të tjera dhe emër tjetër dhe besoj që nuk na shkon të qëndrojmë në këto pozita. Besoj se do ta lëmë treshen e fundit të luftojnë midis tyre dhe besoj se do merremi me një treshe më sipër”.

TEUTA – “Do ta konsideroja rezultat pozitiv barazimin me Teutën për mënyrën se si rrodhën ngjarjet, megjithëse  u futëm në fushë për tre pikët. Pësuam një gol në fillim në një moment përgjumjeje, e më pas barazuam e krijuam më shumë volum loje. Besoj se ishim më mirë se kundërshtari, por besoj se barazimi ishte rezultati më i drejtë”.

LARGIMI I POLICISË – “Unë personalisht jam pro largimit të policisë në stadiume. Ky është qëndrimi im. Unë  besoj se policia duhet të dilta nga perimetri i brendshëm i stadiumeve. E para për arsyen se nuk janë të kualifikuar për mbarëvajtjen e një aktiviteti sportiv. Punojnë mbas punë në orë shtesë. E për më tepër eksperienca ka treguar se nuk kanë ditur të menaxhojnë siç duhet, apo në raste të veçantë ka qenë deri diku provokues në mënyrën se janë sjellë me fitozë të ndryshëm. Unë personalisht gjykoj se duhet të përdoret i njëjti standard si në ndeshjet e kombëtarëve, për momentin policia nuk e pranon këtë. Policia duhet të jetë e pranishme në korridoret e brendshme dhe perimetrin jashtë stadiumit Kaq është  e mjaftueshme. Ashtu siç ndodh në futbollin perëndimor, mbarëvajtja dhe sigurua brenda në stadiume duhet të organizohet nga stjuartët”.

“Ne luajmë të dielën dhe kemi kohë mjaftueshëm për atë ndeshje. Edhe për ata (Flamurtarin) me shumë mundësi do luhet të dielën. Do jemi të gjithë në kushte të barabarta. Gjykuam të gjithë të ndërpritej, në mënyrë që të mos kishim dëmtime e probleme”.

“Kupa të luhej më parë?  Në draft kalendarin e propozuar ishte programuar një zgjatje sa më e madhe e ndeshjeve. Kampionati u shty, kurse Kupa tani. Kjo për të pasur një shtrirje të gjerë dhe për të luajtur terrenet. Ishte maksimumi që mund të bëhej, ose të luhej në ditë më të nxehta”.

“Merkato? Pas diskutimeve kemi analizuar gjërat që bëmë mirë dhe jo mirë. Duke pasur p[arsyesh organikën e plotë vendosëm që të ndërhyjmë vetëm lojtarë shqiptarë. Nuk kam parë ndonjë super aktivitet edhe të skuadrave të tjera, që pretendojnë më shumë. Po shohim ende, por duam më të mirë se këta që kemi. Nuk duam të bëjmë eksperimente. Po flasim me dy lojtarë që janë në kontratë me klube të tjera dhe po presim”.

Të tre drejtuesit kanë shprehur para mikrofonit të “Ora Neës”, disa nga kërkesat dhe pakënaqësitë e tyre në lidhje me këtë zhvillim madhor të futbollit shqiptar.

Safet Gjici:Liga duhet të kërkoj sponsorë të fuqishëm, sidomos kryetari i Shoqatës dhe të gjithë klubet që janë pjesëtar të ligës. Kryetari i Ligës duhet të jap rezultate çdo 6 muaj, duhet të raportoj para presidentëve se çfarë kemi bërë. Duke pasur të ardhura më të larta klubet shqiptare, natyrisht do të ketë produkt akoma më të fortë sepse do ketë blerje më cilësore, lojtarë më të mirë. Do të bëhet loja më e fortë, më e bukura. E duke ndodhur kjo do na vijnë tifozët. E duke ardhur tifozët do të rriten edhe të ardhurat e klubit. Pra janë të lidhura zinxhir. Unë nuk e kam parë në fakt kontratën që e drejta televizive është shitur për 4 vite, por nëse Kryetari i Ligës  do të ketë sponsor më të fuqishëm se kjo që është shitur padiskutim që nuk do të jetë pjesë e diskutimit të Ligës, pasi prandaj është krijuar. Por duhet të shikojnë se nëse ka sponsor më të fuqishëm ky që na ka blerë të drejtën televizive për 4 vjet, e nëse do të ketë patjetër që do të shikohen me sy tjetër, pasi të ardhurat e klubit kryesisht janë nga të ardhurat televizive. Liga duhet ta kontrollojë edhe pse prapë e ka në mbikëqyrje Federata. Koordinimi mes Federatës dhe Ligës besoj se do të jetë bashkëpunues që të kemi sa më pak gabime të arbitrave në fushë.

Sinan Idrizi: Si iniciativë e kam përkrahur dhe e përkrah deri në fund. Pra na duhet një Ligë Profesioniste për njerëz profesionist. Kjo është ana teorike e çështjes. Ana praktike është se cilët janë ata që do e krijojnë Ligën Profesioniste. Pra nëse do të bëjmë skanerin e aktorëve që duan të krijojnë Ligën Profesioniste, do të shikojmë një tablo që nuk ka lidhje në terminologjinë, Ligë Profesioniste. Pse? Poseduesit e aseteve dhe aksioneve kryesore të kësaj, të ashtuquajtur Ligë Profesioniste duhet të jenë ente publike shqiptare. Pra e përsëris për Bashkitë që menaxhojnë dhe janë aksionere kryesore të të gjitha këtyre shoqërive që ne sot menaxhojnë. Pra flas në rastin konkret Flamurtarin. Nëse unë do të vij dhe do të marr përsipër që të jem pjesë e Ligës Profesioniste, unë jam askushi. Jam vetëm një firmëtar i radhës. 100% aksioner i SHA-së është Këshilli Bashkiak i Vlorës. Po kështu, përjashto Partizanin janë të gjitha ekipet shqiptare. Nëse ne nuk zgjidhin përfundimisht në mënyrë të qartë ose kapitalizëm ose bolshevizëm, Liga Profesioniste për mua është ajo dilema e madhe mes një virusi dhe një bakteri. Pra nuk ka të ardhme në syrin tim. Pra ky muhabet nuk fillon nga A-ja. A-ja është që sporti shqiptar duhet t’i kthehet kapitalizmit. Nuk duhet të ngelet peng i aseteve publike. Domethënë klubet shqiptare janë të gjitha me minus dhe vazhdojnë të mbeten në këmbë. Dmth me ligj ne duhet të kishim falimentuar të gjithë, duhet të kishim shfaqur falimentimin. Janë të gjitha hipokrizi. Klubet shqiptare janë qesharake, ose më mirë jemi qesharak.

Arbi Laçi: Emri duhet shitur më mirë. Emri duhet mbrojtur. Emri duhet kuruar në të gjitha pikat më të rëndësishme të tij. Dhe në këtë linjë logjike duhet në mënyrë absolute që ajo pjesa organizative të ndihmojë futbollin në mënyrë që të jetë më i shitshëm, të jetë më produktiv për thithjen e të ardhurave dhe më pas, jo vetëm që duhen marrë por edhe duhen rishpërndarë më mirë. Kam kërkuar gjithmonë të na vihet në dispozicion kontrata katërvjeçare për të drejtën televizive. Ende nuk e kemi marrë. Unë vijoj ta kërkoj për ta konsultuar dhe për ta parë sepse ajo kontratë duhet ribërë në momentin që Liga do të marrë jetë sepse Liga do të vendosi vetë për sa i përket burimit të të ardhurave, menaxhimit të shitjeve të të drejtës televizive etj. Kështu që Liga domosdoshmërisht duhet të jetë kompetente për të vendosur kontratën që normalisht duhet rishikuar.

“Është hera e parë në këtë sezon që flas. Nuk kemi zgjedhur të fshihemi, por nuk ka qenë as momenti. E shoh si mundësi kthese sot, skuadra është. Përzgjedhja e lojtarëve ka qenë e mirë. Kam dëgjuar e lexuar, ka kritika që qëndrojnë dhe që nuk qëndrojnë. Skuadra ka nevojë për përmirësime, mos të gabojë në fushë. Në asnjë moment nuk kemi thënë se luajmë për titull. Kemi ardhur nga aty ku nuk duhet të shkojmë kurrë. Nuk kemi bërë shpallje apo reklamime. Kemi thënë luajmë për Europën dhe kërkojmë të shkojmë”.

BASHKËPUNIMI ME ZE MARIAN – “E kemi nisur punën me trajnerin që prej janarit vjet. Kishim kohë të mjaftueshme. Ai ka listuar disa lojtarë, i vumë në dispozicion emra. I dhamë mundësinë t’i shihte. Zgjodhi të polemizonte në media. Problemet zgjidhen brenda familjes. Gjërat nuk shkuan keq vetëm prej tij. Ishte mirë që u ndamë në atë moment”.

GJENDJA E SKUADRËS – “Në lidhje me presionin, këtu ka më shumë se kudo. I kam parë edhe klubet e tjera. Në shumicën e rasteve përdoren mekanizma artificialë për të hapur çështje. Gjërat që shkruhen shumica nuk janë të vërteta. Kemi pak mungesa tani. Oduamadi ka dëmtim të rëndë dhe do e presim për disa muaj. Ngo ka probleme disiplinore, jemi munduar ta menaxhojmë. Tani është me ekipin B. Blazhevski do jetë gati për ndeshjen tjetër. Dje bëmë një mbledhje, që edhe lojtarët ta na flisnin. Klima është e mirë dhe duhet të besojmë që duhet t’ia dalim. Kam besim se do t’ia dalim”.

REPLIKAT ME HALILAJN – “Isha i përgatitur për pyetjen, e njoh dëshirën për t’u marrë me mua personalisht. Jam gati t’u përgjigjem edhe më shumë pyetjeve. Në të gjitha analizat e tua televizive, thua se skuadra luan mirë, është ndërtuar mirë. Kam parë dy formacione të ndërtuara në gazetë. Ke luksin që je në panel dhe do doja të përballesha përballë me ju. Ju refuzoj në distancë. Pa diskutim që kam përgjegjësi. Nuk do të jesh kurrë prokurori i futbollit shqiptar. Nuk merreni dot me fytyrën e Tiranës, jeni i ardhur vonë në Tiranë”.

“Marr përgjegjësi për gjithçka, por para njerëzve që më kërkojnë llogari. Marrëdhënia me tifozët nuk është e mirë, por jam përpjekur. Duhet që skuadra të bëjë mirë në fushë. Klubi funksionon, ekipi jo për momentin”.

“Deklarata e Sinës? Kam marrëdhenie të mirë me Sinën, nuk e ka me mua. Janë situata artificiale nga ju dhe gazetari juaj, që keni vendosur të dërgoni njerëz në burg”.

Ka një arsye të fortë, pasi zyrtari i klubit bardheblu së fundmi është bërë baba. Blazhevski ia ka dedikuar golin pikërisht vajzës së Laçit dhe tanimë do i duhet të nisë të shënojë aty ku duhet më shumë, në kampionat.

Ish-sulmuesi i Vardarit ende nuk është zhbllokuar në Superiore dhe në fundjavë me Luftëtarin do të jetë momenti i duhur. Fitorja është detyrim, ndërkohë që edhe goli në Kupë e ka çliruar Blazhevskin.

“Kemi bërë gjithçka gati për rikthimin në Superiore. Rikthimi është entuziast. Ishte vit transitiv mund të them. Ne nuk e kujtojmë më atë sezon, vetëm ju gazetarët mund të na e kujtoni. Besojmë se gjerat do të jenë mirë këtë vit, pa zhurmë dhe pa premtime besojmë se do të shkojmë aty ku pretendojmë”.

Sa i përket merkatos, drejtori i Tiranës nuk zbulon planet e klubit, por beson se është bërë një punë e mirë dhe nuk përjashtohet mundësia për të kemi ndonjë surprizë deri në fund.

“Kemi bërë përforcime ku skuadra kishte nevojë. Kemi rinovuar me një pjesë të lojtarëve. Mund të them se kemi mbajtur më të mirët. Merkato përfundon në fund të këtij muaji dhe ne po shqyrtojmë mundësitë më të mira”.