Çyrbja ka firmosur një kontratë 2-vjeçare me Teutën. 25-vjeçari është lojtari i tretë që bëhet pjesë e Teutës gjatë ditëve të fundit. Më parë klubi durrsak zyrtarizoi firmat me Orjan Xhemalajn dhe Uendi Vecajn.

Çyrbja gjatë kësaj periudhe ka pasur disa oferta nga klube të ndryshme të Superiores, ndërkohë që edhe Gjilani në Kosovë dëshironte shërbimet e tij. Trajneri Gentian Mezani tentoi ta bindte, por anësori ka preferon të mbetet në Superiore.

Kështu Teuta bën një tjetër lëvizje në merkato dhe është drejt kompletimit para nisjes së kampionatit. Edhe këtë sezon durrsakët do kërkojnë me çdo kusht pjesëmarrjen në Kupat e Europës.

Çyrbja u ble një vit më parë nga skuadra e Teutës, por investimi nuk rezultoi i frytshëm me lojtarin që nuk arriti të siguronte një vend fiks në formacionin e skuadrës verilindore. Në 49 ndeshje me Kukësin, Çyrbja nuk arriti të vinte emrin në listën e golashënuesve.

NJOFTIMI I KLUBIT

Futboll Klub Kukësi zyrtarizon mbylljen e bashkëpunimit me Arbër Çyrbja.

Mesfushori ka ndërprerë me mirëkuptim marrëveshjen me Kukësin.

25-vjeçari, i cili i’u bashka skuadrës sonë sezonin e kaluar, është aktivizuar në 49 ndeshje në gjitha kompeticionet.

FK Kukësi falenderon Arbër Çyrbjen për kontributin e dhënë me skuadrën tonë dhe i uron suksese në karrierë!

Mesfushori anësor iu bashkua Kukësit një vit më parë nga Teuta. Kartoni i 25-vjeçarit i kushtoi jo pak presidentit Safet Gjici, që iu desh të gjente një akord financiar me drejtuesit e skuadrës durrsake për të blerë përfundimisht kartonin e futbollistit.

Përvoja te Kukësi rezultoi një zhgënjim për të dyja palët. Çyrbja u aktivizua në 42 takime me fanellën e Kukësit, ku në asnjë prej tyre nuk arriti të vinte emrin në listën e shënuesve.

Gjërat nuk kanë shkuar mirë për 25-vjeçarin te Kukësi. Çyrbja ka luajtur vetëm 21 ndeshje si titullar dhe pritshmëritë për të kanë qenë të larta. Ndryshe nga se kishte bërë në Durrës, ai nuk arriti dot që të gjente rrugën e rrjetës në kampionat.

Në finalen e Kupës së Shqipërisë ai nuk u preferua nga fillimi, ndërkohë që mësohet se së fundmi ai ka pasur një bisedë me drejtuesit e Kukësit për të ardhmen. Burime të SportEkspres.com mësojnë se Çyrbja ka kërkuar që të lihet i lirë dhe pritet që të mos ketë pengesa.

Kështu i është premtuar të paktën dhe pritet që të marrë lejekalimin në mënyrë që të mund të gjejë një tjetër skuadër. Sigurisht ofertat për të nuk do të mungojnë, pasi cilësitë nuk i mungojnë. Ndoshta mënyra e lojës së Kukësit nuk ishte e përshtatshme për të dhe një sezon “jo” mund ta ketë kushdo.

“Çdo lojtar lëvizjen e parë e ka pak të vështirë sa të ambientohet, si me klubin, ashtu edhe me lojtarët. Nuk jam ende në maksimumin tim. Shpresoj se shumë shpejt e do arrij dhe të tregoj se kush jam, në mënyrë që të ndihmoj ekipin”, u shpreh durrsaku në konferencën e sotme për shtyp.

LUFTËTARI – Më pas ai foli për ndeshjen e radhës me gjirokastritët: “Është një ndeshje shumë e vështirë, pasi Luftëtari është një ekip që luan futboll të bukur. Si me ata, si me të tjerët, ne luajmë për tre pikë”.

LARGIMI I MUSOLLIT – Çyrbja është pyetur edhe për atmosferën në ekip pas largimit të Musollit, por edhe për incidentin që ndodhi me Rexhinaldon në ndeshjen e fundit me Kamzën. “Çunat kanë raport të mirë me njëri-tjetrin. Për Musollin tani e morëm vesh edhe ne. Çdokush nuk e përjeton mirë, pasi ai është lojtari me më shumë këtu. Sa i takon Rexhinaldos, ai kishte një problem me shokun e vet. Ishte një keqkuptim, jo diçka serioze”.

I pyetur se si përjetohet te lojtarët fakti që ndërpritet kontrata me një lojtar pas dëmtimit, Çyrbja tha: “Nuk është diçka e mirë, por besoj se Musolli ka një marrëdhënie shumë të mirë me presidentin dhe besoj se kanë qenë të dy palët dakord që kjo marrëveshje të vazhdonte”.

Thuhet se Çyrbja ka shkelur rregullat e klubit dhe tanimë do të duhet të punojë me ekipin e dytë deri në një moment të dytë. Për anësorin Kukësi në verë pagoi plot 50 mijë euro te Teuta, por deri më tani gjërat nuk kanë shkuar aspak mirë. Më parë te Kukësi janë dënuar për të t’u përgatitur tek ekipi B edhe Donjet Shkodra e Valon Ethemi.

Çyrbja këtë sezon është aktivizuar në gjashtë ndeshje si titullar, kurse të tjerat i ka nisur nga stoli. Ai nuk ka mundur dot të shënojë, ndryshe nga se bënte te Teuta, ku mbante edhe shiritin e kapitenit. Në ndeshjen e fundit kundër Laçit ai luajti vetëm 45 minuta, duke mos lënë shenjë.

Kuksianët si çdo edicion kanë objektiva madhorë, pasi pretendojnë që të marrin titullin kampion. Shijakasi e di mirë se rruga është e gjatë, por beson se skuadra e tij do të arrijë që të jetë aty ku duhet: “Kukësi dihet se çdo fillim sezoni ka objektiv titullin. Rruga është shumë e gjatë, por besoj se do të arrijmë aty ku duhet”.

Kundërshtari i radhës për Kukësit është Laçi, që në sezonin e parë ka marrë një barazim 1-1. E veçanta është se ndeshja do të luhet sërish në “Elbasan Arena”, pasi dhe kurbinasit po kryejnë punime në stadiumin  tyre. Çyrbja thekson se kundërshtari i radhës ka treguar se mund t’i hapë probleme çdo kundërshtari, por kjo nuk e frenon aspak ekipin e tij që të kërkojë maksimumin: “Laçi është një ekip që jo vetëm Kukësit, por çdo skuadre mund t’i hapë probleme. Ne në çdo ndeshje ne futemi për të marrë fitoren”.

“Barazimi nuk na shkon për shtat, por si ndeshja e parë, lodhja dhe harmonizimi ndikuan”, ka thënë shkurtimisht durrsaku për “Supersport”. Më tej ai flet edhe për gjendjen e tij sportive. Ndaj Laçit Çyrbja dha asistin e golit të Uilliam Kordeiros.

“Kjo është lëvizja e parë brenda për brenda Shqipërisë, nuk jam akoma 100%. Do përshtatem shpejt. Nuk ka rëndësi për mua nëse shënoj gol apo jap asist, me rëndësi është skuadra të marrë rezultatet e duhura”, tha mes të tjerash Çyrbja.

“Flamurtari ka marrë lojtarë të rinj, ashtu si ne. Kampionati është i gjatë dhe ka kohë plot për përmirësime. Dihet që Kukësi synon titullin dhe në çdo ndeshje shkon për tre pikët”, deklaroi futbollisti i Kukësit i pyetur mbi objektivin e verilindorëve në ndeshjen me Flamurtarin në transfertë.