Mesfushori i Shqipërisë U-21 nuk ka të ndalur, sepse në dy vitet e fundit ka hedhur hapa gjigantë përpara dhe nga një i ri i panjohur në Superioren shqiptare, ku nuk iu dha mundësia të luante te Kamza, tashmë ka firmosur në Ukrainë, tek Olimpik Donetsk.

Në korrik të vitit të shkuar Basha firmosi në Estoni, te Trans Narva, ndërsa aty e kapi shansin që iu dha, sepse luajti 15 ndeshje në të gjitha kompeticionet, shijoi golin e parë në karrierë si profesionist dhe po ashtu shijoi minutat e para në Europa League, duke luajtur në dy ndeshje.

I kthyer në titullar fiks te Trans Narva, duke luajtur rregullisht në kampionat e kupë, Basha tërhoqi vëmendjen e menaxherëve të ndryshëm dhe Olimpik Donetsk e piketoi që në vjeshtë.

Interesimi i klubit ukrainas ishte i vazhdueshëm dhe kjo e bindi Bashën të firmoste në janar, duke parë seriozitetin e klubit që aktualisht renditet në vendin e nëntë në kampionatin ukrainas.

Sot Olimpik luajti një miqësore kundër kazakëve të Kayasar në Antalia dhe Basha luajti titullar, në një ndeshje ku trajneri Vjaçeslav Shevçuk i ndryshoi gjithë lojtarët pas pushimit.

Pjesa e parë u mbyll me rezultatin 2-1 për Olimpik dhe debutimi i Bashës shkoi shumë mirë, me trajnerin Shevçuk që deklaroi pas ndeshjes se kishte mbetur i kënaqur nga paraqitja e të gjithë lojtarëve dhe vlerësoi ritmin e lartë të skuadrës së tij në mesfushë.

Gjithsesi, hapësirën që nuk e gjeti te Kamza tashmë Basha e ka gjetur në kampionatin estonez, sepse po e fiton bastin e tij.

Mesfushori 20-vjeçar është kthyer në titullar fiks te Trans Narva, duke luajtur rregullisht në kampionat e kupë dhe duke debutuar edhe në Europa League, ndërsa pak kohë më parë gjeti edhe golin e parë si profesionist, në një ndeshje kupe.

Paraqitjet e tij nuk kanë kaluar pa vënë re dhe pikërisht ky është synimi i Bashës, i cili ka rënë në sy dhe është piketuar nga një klub ukrainas. Olimpik Donetsk ka shfaq interesim për mesfushorin dhe “Sport Ekspres” raportoi muajin e shkuar se presidenti i klubit Vladyslav Helzin ka pasur një takim me menaxherët e lojtarit, për të diskutuar mundësinë e transferimit në kampionatin ukrainas.

Olimpik është aktualisht në mesin e tabelës në Superligën ukrainase, me 12 pikë në 10 ndeshje, duke synuar ta mbyllë sezonin e rregullt në gjashtëshen e parë, që vijon më pas garën për të përcaktuar ekipet që shkojnë në kupat e Europës.

Helzin ka dëshirë ta marrë në Ukrainë Bashën dhe ka bërë një ofertë interesante, duke qenë se Basha ka kontratë edhe një vit dhe nuk largohet dot falas. “Falënderoj presidentin e Olimpik për ofertën, shpresoj të arrihet marrëveshja, por nuk varet prej meje”, shprehet mesfushori, i cili natyrisht ëndërron të hedhë hapin e madh, duke qenë se kampionati ukrainas është goxha më cilësor se ai estonez.

Mesfushori i talentuar 20-vjeçar, i cili para disa javësh vendosi të braktiste Superioren lër të provuar veten në Estoni, sot ka shënuar në fitoren 7-0 që ekipi i tij Trans Narva arriti kundër rivalit modest nga kategoria e tretë, Kadrina.

Është ndeshja e tretë si titullar vetëm në këtë muaj për Bashën, që shkëlqeu edhe javën e shkuar në fitoren 4-1 kundër Tulevik në kampionat.

Pas aventurës në Kosovë, si dhe një periudhe te Kamza, Basha shpreson të vijojë me këtë ritëm, për të luajtur në klubet kryesore në Estoni, ose të transferohet në kampionatin rus, nëse shkëlqen.

20-vjeçari, i cili ishte pjesë e Kamzës gjysmën e dytë të sezonit të shkuar, kërkoi një aventurë tjetër larg Superiores, pas disa muajve në Kosovë, duke kërkuar eksperiencë në Estoni, një kampionat ku besohet shumë tek të rinjtë.

Trans Narva mori pjesë në Europa League këtë verë dhe Basha luajti në të dy ndeshjet kundër boshnjakëve të Zheljezhniçarit, ndërsa sot ishte titullar në ndeshjen e kampionatit kundër Tamekas, në Tartu.

Narva u mund 2-1, me golat që u shënuan në pjesën e parë, ndërsa Basha u zëvendësua në minutën e 74-t.

Humbja, e dyta rresht në kampionat, nuk ia prish renditjen Narvas, që mbetet në vendin e katërt, shumë larg ndjekësve, ndaj është sërish një pozicion që mund të vlejë një vend në Europa League për sezonin e ardhshëm.