Laze: Gjyqi drejt mbylljes, na janë afruar biznesmenë të fuqishëm!

Sport Ekspres — Tue, 28 May 2019 11:41:53 +0000

Skuadra e Elbasanit arriti të mbijetojë në Kategorinë e Parë, edhe pse me një situatë financiare prej vitesh të dobësuar. Kjo për arsyen sepse aksionet e klubit janë ende në gjyq dhe të ngrira.

Gjithsesi, Presidenti i klubit Arben Laze, për SportEkspres.com deklaroi se pritja kaq të gjatë do të marrë fund këtë verë. Kështu që sezoni i ri mund ta gjejë Elbasanin në situata më të përmirësuara, të paktën sa i përket financave.

GJYQI – “Kemi shpresën e mirë që këtë verë ti mbyllim të gjitha problemet ligjore me Kompaninë angleze që zotëronte aksionet e FK Elbasani. Gjyqi është drejt mbylljes, dhe në fund të këtij tuneli ne po shohim dritën e duhur. Ne nuk jemi dorëzuar në të drejtën tonë dhe së shpejti do rikthehemi në normalitetin e duhur”.

AKSIONET – “Na janë afruar disa biznesmenë të fuqishëm që kanë kërkuar të blejnë mbi 50% të aksioneve, ndërkohë që edhe unë do ta mbaj një pjesë të tyre. Këtë procedurë nuk duam ta zgjasim, me qëllim që skuadra të fillojë sa më parë përgatitjet për sezonin e ardhshëm. Koha është e shkurtër dhe ne do shpejtojmë në maksimum”.

AGRON KAJA

E konfirmon Arben Laze, një kompani italiane tenton Elbasanin

Sport Ekspres — Mon, 11 Mar 2019 09:35:56 +0000

Edhe pse janë ende në mbyllje të procesit gjyqësor me Kompaninë angleze “Manchester Group”, drejtuesit aktualë të skuadrës verdheblu kanë gati një alternativë tjetër për privatizimin e klubit.

Për SportEkspres.com, Presidenti Arben Laze deklaron se me Kompaninë “Mançester Group” gjithçka është drejt mbylljes ligjore. “Sipas kontratës, me “Mançester Group” e kemi mbyllur. I kemi dërguar një letër noteriale dhe nuk na kthyen përgjigje. Automatikisht gjyqi është i mbyllur dhe do t’i kërkojmë dëmshpërblim.

Momentalisht jemi në bisedime me një kompani italiane, që është treguar e gatshme ta privatizojë klubin e Elbasanit”, tregon Arben Laze, president i klubit verdheblu.

Sa i takon mbijetesës në Kategorinë e Parë, ai thekson se po behet gjithçka për ta realizuar këtë objektiv. “Po përpiqemi ta sfidojmë këtë situatë që skuadra të mbijetojë në Kategorinë e Parë. Do luftojnë deri në fund”, përfundon numri një i klubit verdheblu.

AGRON KAJA