Hasi debuton me barazim, Hasani e nis si titullar

Sport Ekspres — Thu, 30 Aug 2018 18:21:23 +0000

Besnik Hasi e ka nisur me një barazim aventurën e tij te skuadra e Al Raedit. Ekip i trajnerit 46-vjeçar barazoi 1-1 në transfertën e vështirë ndaj Al Itifak, klub ky që sezonin e shkuar u rendit në vendin e katër në kampionatin e Arabisë Saudite.

Trajneri shqiptar i besoi një vend titullari dhe afrimit më të fundit, Ferhan Hasanit. Sulmuesi i ardhur nga Shkëndija luajti për 60 minuta dhe më pas u zëvendësua. Ekipi vendas gjeti avantazhin i pari, por Al Raed barazoi në fund të takimit duke marrë një pikë shumë të vlefshme.

??? ??????? ????? #?????? / pic.twitter.com/vnZCTKRkyx

— ????? ?????? ? 90% (@ALRAEDFC) August 30, 2018

Pronarët italianë drejt zhdukjes, sheikët arabët pranë klubit të famshëm

Sport Ekspres — Wed, 22 Aug 2018 08:35:12 +0000

Futbollit italian po i pakësohen gjithnjë e më shumë pronarët vendas. Investitorët e huaj po vërshojnë drejt Serie A dhe klubi më i fundit që mund të ndërrojë flamur në aspektin e pronësisë është Sampdoria.

Pronari aktual i klubit nga qyteti i Xhenovës, producenti Masimo Ferrero, po kalon disa vështirësi financiare në biznesin e tij parësor, atë të kinemasë. Një ndër kinematë më të famshme në Itali, “Cinema Adriano”, që është në pronësi të tij mund t’i konfiskohet nga bankat për shkak kredive të pashlyera.

Sipas “Lettera43” dhe “Repubblica”, në këto javë po përgatitet shitja e klubit për vlerën e 180 milionë eurove. Oferta milionere ka ardhur nga Arabia Saudite dhe personi që do t’i besohet menaxhimi i Sampdorias pas blerjes nga sheikët arab do të jetë ish-drejtori sportiv i Romës dhe Interit, Ualter Sabatani.