Të dhënat e fundit për King, janë ato të vitit 2017, ku aktivizohej për Panevezys në Lituani. Edhe me këtë skuadër, figuron vetëm një ndeshje Kupe (Të dhënat marrë nga Soccerway).

Ndërsa në Transfermakt, thuhet se futbollisti është nga data 1 janar i këtij viti pa skuadër. 25-vjeçari është 1.70m i gjatë dhe mund të luajë në të tria repartet e sulmit. Mbetet për t’u parë nëse Mërgjyshi do ta aprovojë këtë transferim, pasi sulmuesi do të jetë fillimisht në provë.

Sipas FieriSot, tek Apolonia do të afrohet një sulmues amerikan dhe dy futbollistë nga Ekuadori, por emra konkret nuk ka. Megjithatë, të dhënat e lojtarëve janë publikuar. Sulmuesi amerikan do të zbarkojë sot në Fier. Ai është 27-vjeç dhe ka luajtur në kampionatin belg dhe atë lituanez.

Ndërsa dy ekuadorianët, kanë rënë parimisht dakort me klubin e Apolonisë që të firmosin. I pari është 23-vjeç dhe aktivizohet në krahun e majtë të fushës, ndërsa i dyti është 22-vjeç dhe luan si mbrojtës. Për të tre lojtarët, Mërgjyshi nuk ka vendosur ende.

Një tjetër futbollist beratas që është prezantuar në një klub të ri është Gelando Sharavolli. Mesfushori 24-vjeçar i është bashkuar Apolonisë së Fierit, duke mbyllur kështu bashkëpunimin me klubin e Tomorit pas gjashtë vitesh.

Mergjyshi e ka pasur futbollistin në fjalë nën urdhrat e tij kur ishte pjesë e Laçit sezonin e shkuar. Smaçi, i cili ka qenë pjesë e moshave të Partizanit dhe Brians, sezonin e fundit ka qenë i pafat. Ai vjen nga një dëmtim që e la jashtë për një kohë të gjatë, pasi iu desh të bënte një ndërhyrje në ligament.

Me kurbinasit Smaçi luajti vjet 11 ndeshje si zëvendësues, ndërkohë që më parë ka qenë i huazuar te skuadra e Shënkollit. Aty ai u aktivizua rregullisht në 14 takime dhe shënoi një gol në gjysmën e dytë të sezonit 2017-18. Në Fier 21-vjeçari pret të ketë hapësira dhe të kthehet në një lojtar të rëndësishëm.

Tekniku tiranas, të premten në mbrëmje konfirmoi për SportEkspres.com vetëm Jurgen Vrapin, ndërsa dy të tjerët ende janë në biseda me drejtuesit e klubit. “Unë konfirmoj 100% vetëm Jurgen Vrapin, ndërsa Vogli e Sharavolli ende nuk kanë mbyllur bisedat me klubin. Gjithsesi, ne po punojmë që jo vetëm këta futbollistë, por edhe të tjerë që kanë spikatur në Kategorinë e Parë dhe në Superiore, do jenë në fokusin e merkatos sonë”.

Mesfushori Jurgen Vrapi njihet për vlerat e tij nga Mergjyshi, pasi ishin së bashku në sezonin e kaluar te Dinamo. Në sezonin e kaluar ai u aktivizua 23 ndeshje me blutë dhe shënoi 4 gola. Veç Vrapit, nga skuadra dinamovite e cila është në vështirësi rifillimi, tekniku tiranas ka kërkuar edhe Marlind Nuriun e Rei Nuriun, por ende nuk janë bërë fakt bisedimet e zhvilluara mes tyre javën e kaluar.

AGRON KAJA

Gjatë një deklarate ditë më parë, trajneri Mergjyshi deklaroi se Apolonia ka arritur akordin dhe është gati të firmosë me mbrojtësit Jurgen Vogli e Marlind Nuriu, si dhe me mesfushorët Gelando Sharavolli e Alked Çelhaka. Në plane është edhe Jurgen Vrapi. Zyrtarizimet e këtyre lojtarëve thuhet se janë vetëm formalitet, por ende nuk ka asnjë firmë.

Pas datës 18 korrik pritet që në Fier të “mësyjnë” 4 futbollistë nga Ekuadori, 3 brazilianë, 2 serbë dhe 1 nigerian, që nënkupton se Apolonia do jetë shumëkombëshe për sezonin e ri. Por edhe këta janë pjesë e listës së dëshirave, pasi ende nuk ka asgjë konkrete. Deri më 20 korrik, kur nisin përgatitjet, priten zhvillime.

AGRON KAJA

“Merkato e Apolonisë nuk ka sekrete të mëdha. Ne po synojmë elementë që t’i shërbejnë skuadrës në misionin e saj për ngjitjen në Superiore. Edhe Marlind me Rei Nuriun janë në planet tona. Të dy këta futbollistë të talentuar kam dëshirë që t’i evidentoj me Apoloninë, e besoj se ata do më mirëkuptojnë. Apolonia ka një plan konkret në këtë merkato, me emra të tjerë nga e Para dhe Superiorja”, shprehet trajneri Mërgjyshi.

Ndërkohë që për emrat, të cilët ai i ka bërë publikë dy ditë më parë, Mërgjyshi sqaron se nuk janë vetëm ata synimi. “Mua më është kërkuar mendim nga drejtuesit dhe u kam dhënë disa emra futbollistësh, kryesisht në ato reparte ku Apolonia ka më shumë nevojë. Vogli, Çelhaka, Sharavolli e Mehmeti janë vetëm fillimi i gjetjes së emrave në këtë treg të merkatos. Për një skuadër më dinjitoze, natyrisht që do të jemi aktivë në treg e shpejt do mësoni emra të tjerë”, përfundon tekniku i Apolonisë.

AGRON KAJA

Andi Ribaj është lojtar i lirë, pasi i ka përfunduar kontrata me Flamurtarin. Sulmuesi vijon të përgatitet individualisht dhe pret të vendosë së shpejti për të ardhmen. Ofertat nuk i mungojnë dhe në atë që ai deklaron për SportEkspres.com, Kosova dhe Superiorja janë opsionet për të.

Pista Apolonia, që ka qarkulluar ditët e fundit, hidhet poshtë prej sulmuesit. “Me Flamurtarin më përfundoi kontrata dhe isha i detyruar të largohesha. Më duhet që të ruaj gjendjen time fizike dhe po stërvitem individualisht, pasi jam në pritje të skuadrës së re.

Kam një ofertë nga Kategoria Superiore dhe një nga IPKO Superliga e Kosovës. Kurse me Apoloninë nuk kam patur asnjë kontakt. Fillimi i muajit korrik do jetë vendimtar për të ardhmen time”, theksoi Ribaj në deklaratën e tij.

Në karrierën e tij 11-vjeçare në elitë, sulmuesi Andi Ribaj ka luajtur me pesë skuadra të Superiores: Apoloninë, Skënderbeun, Teutën, Vllazninë dhe Flamurtarin. Në sezonin 2015-2016 është aktivizuar në Izrael me Makabi Kiryat Gat. Nëse do realizohet që të kalojë në Kosovë, kjo do të jetë hera e dytë që luan jashtë Shqipërisë. Dëshira e tij është të mbetet në Superiore.

AGRON KAJA

Ky i fundit nuk ka duruar dhe ka publikuar një video, ku tregon edhe se si do të duket stadiumi i ri. Pamjet janë fantastike, të paktën në video. Gjithsesi duhet pritur që fillimisht të nisin punimet dhe më pas të shikohet produkti përfundimtar.

https://www.facebook.com/566133383457834/posts/2826417550762728/

“Me drejtuesit e Apolonisë kemi rënë dakord që ta drejtoj këtë skuadër për sezonin e ri. Për mua është një rikthim te kjo skuadër, por edhe një përgjegjësi e madhe për objektivat që ka Apolonia,  një klub me administrim shumë profesional. Skuadra ka nevojë për 3-4 përforcime, sepse baza e sezonit të kaluar me 13-14 lojtarë është e mirë”, deklaroi Mergjyshi për Sportekspres.com. 

Karrierën e tij si trajner Mergjyshi e ka nisur në vitin 2008 në drejtimin e Dinamos, për tre vite si ndihmës, e më pas si trajner i parë i kësaj skuadre. Kastrioti, Besa, Apolonia, Korabi, Bylis e Laçi janë skuadrat të cilat Artan Mergjyshi ka drejtuar në të shkuarën. Në sezonin 2003-2004 ai ka qenë edhe futbollist i skuadrës së Apolonisë, atëherë në Kategorinë SUPERIORE.  Për të ky është një rikthim i dyfishtë.

AGRON KAJA

Artan Mërgjyshi është një nga kandidaturat e përfolura. Në komunikimin me SportEkspres.com, ai deklaron se ende nuk ka zyrtarizim për kalimin e tij në stolin e Apolonisë. “Në datën 20 qershor vendoset”, ishte kjo sms-ja e Mergjyshit, duke lënë të kuptohet se mes tyre do të rinisë “dashuria e vjetër”. Tekniku, i cili është aktualisht drejtor teknik i Dinamos, e ka drejtuar Apoloninë në sezonin 2015-2016.

Në karrierën e tij si trajner, Mergjyshi ka drejtuar disa skuadra në Superiore e në Kategorinë e Parë, ndërsa skuadra e fundit që ka drejtuar si trajner është Laçi në gjysmën e parë të sezonit 2018-2019. Me kurbinasit ai bëri mjaft mirë, por në fazën e dytë erdhi “divorci” pas dy humbjeve radhazi me Teutën dhe Kukësin.

AGRON KAJA

“E mbylla me Apoloninë, ishte një eksperiencë e bukur me këtë skuadër, ku pa frikë e them se në të ardhmen do të jetë pjesë e elitës. Ka një drejtim shumë profesional dhe punohet shumë me moshat, të cilat janë garanci për një vazhdimësi të mirë”.

“Kur drejtoja Apoloninë më kanë kontaktuar dy skuadra, njera në Superiore dhe tjetra në Kategorinë e Parë. Atëhere nuk mendova se do të largohesha kaq shpejt nga Apolonia, ndërsa sot them se rruga e tyre është e hapur për ofertën. Për mua rëndësi ka projekti që do më afrohet, sepse rruga profesionale kështu e kërkon”.

AGRON KAJA

“Do fillojmë punën për pallatin e ri të sportit, pasi keni pasur një skuadër kampione në basketboll, që stërvitej në Durrës dhe luante në Tiranë. Edhe i thonë Apolonia. As nuk i shikonit, as nuk ju shikonin. Pallatin e sportit do e ndërtojmë aty ku ka qenë këndi i vjetër i lojërave. Ndërkohë kemi folur edhe për stadiumin e ri të Fierit. E meriton të ketë një stadium, një stadium të ri, jo aty ku është i vjetri. Do të jetë diku ku do e vendosim me Bashkinë”.

NJOFTIMI I FEDERATËS – Ditën e sotme, kreu i FSHF-së, Armand Duka, ka qenë në Fier dhe njoftohet se qeveria e futbollit shqiptar do të investojë në stadiumin e ti të Fierit. FSHF njofton si më poshtë: “Federata Shqiptare e Futbollit prej vitesh po investon për përmirësimin e infrastrukturës sportive në Shqipëri. Shuma të mëdha janë investuar për ndërtimin e stadiumeve të rinj, ndërrimin e tapeteve në impiantet ekzistuese, vendosjen e sistemeve të ndriçimit si edhe ndërtimin e fushave stërvitore për disa klube.

Në kuadër të projekteve ambicioze që FSHF ka për përmirësimin e infrastrukturës, është edhe ndërtimi i një stadiumi të ri në qytetin e Fierit. Për këtë qëllim, Presidenti FSHF, Armand Duka, ka zhvilluar një takim me Kryetarin e Bashkisë së Fierit, Armando Subashi, dhe Presidentin e klubit Apolonia, Koço Kokëdhima.

Në këtë takim është rënë dakord që të filloj puna për projektimin e një stadiumi të ri me kapacitet 6000-8000 vende, në të cilin FSHF ka marrë përsipër 1/3 e investimit, me pjesën tjetër që do të duhet të investohet nga Qeveria dhe Bashkia Fier. Shumë shpejt pritet të filloj puna dhe për ndërtimin e stadiumit të ri në Kukës, në të cilën Federata Shqiptare e Futbollit ka një rol të madh si investitori kryesor”.

Gjithsesi ka optimizëm për sezonin e ardhshëm dhe kapiteni Taulant Hysenshahaj nuk e fsheh: “E nisëm shumë mirë sezonin dhe me pretendimin që Apolonia të ngjitej në Kategorinë Superiore. Gjatë garës bëmë disa gabime, që na penalizuan në arritjen e këtij synimi. Renditja në peshën e dytë ishte zhgënjimi i sezonit, pasi skuadra kishte përbërjen e një ekipi të Superiores”.

Mesfushori më tej shton: “Gabimet që bëmë në sezonin e kaluar duhen korrigjuar dhe mbi korrigjimin e tyre do ndërtohet projekti për sezonin e ri. Drejtuesit i kanë gati emrat që mendojnë të përforcojnë Apoloninë, por ende nuk mund të flas për emra konkretë. Gjatë muajit qershor do bëhen zyrtare planet dhe emrat e përforcimeve”.

AGRON KAJA

Apolonia U17 luan me Football Republic në Tiranë, skuadër që kryeson me 3 pikë nga Apolonia. Klubi fierak kërkon mbështetjen e tifozerisë në këtë ndeshje dhe ka bërë edhe njoftime për të ushëtuar drejt kryeqytetit.

“Finalet e sezonit!  Dy autobusë falas drejt Tiranës, nisja në orën 07:00 te stadiumi ditën e diel! Ekipet e moshave këtë javë duan mbështetje më shumë se gjithë sezonin, sepse java e fundit e kampionatit vlen sa vetë sezoni!

Ekipi U-17 do të luajë ndeshjen finale kundër “Football Republic” në Tiranë, ndërsa në “Loni Papuçiu” ekipi U-19 do të presë Lushnjen!”, kështu shkruhet në postimin që klubi fierak ka bërë në faqen zyrtare në Facebook.

AGRON KAJA

Për SportEkspres.com, Bregu thekson se skuadra e tyre nuk është ndërtuar për kompromise, por për një futboll të pastër. “Apolonia është skuadër serioze dhe garën e ka vlerësuar maksimalisht. Në këtë fazë të tretë ka patur shumë aludime për skuadrën tonë, por nga fitorja jonë në Berat javën e kaluar besoj se e kanë marrë përgjigjen reale”, shprehet Bregu.

Zyrtari i Apolonisë premton se edhe në Elbasan gjithçka do të vendoset në fushën e lojës. “Në Elbasan është ndeshja e radhës dhe nga ana jonë është vlerësuar maksimalisht, ashtu si të gjitha ndeshjet e tjera. Edhe këtu janë tri pikë në lojë dhe ne do të jemi në fushë vetëm për të marrë fitoren”.

AGRON KAJA

Në Berat u zhvillua ndeshja mes Tomorit vendas dhe Apolonisë. Ekipi fierak mposhti në çdo drejtim vendasit me rezultatin 1-4. Apolonia shënoi dy herë brenda 5 minutash me anë të Gjatës dhe Nakos, ndërsa Beci rindezi shpresat e Tomorit për të mos dalë pa pikë.

Megjithatë, Mihana shënoi dy herë në pjesën e dytë dhe vulosi fitoren e ekipit të Stojkut me “poker” golash. Kjo humbje e zhyt ekipin beratas në vendin e fundit me 10 pikë kur kanë mbetur për t’u zhvilluar edhe 3 ndeshje, pasi është parakaluar nga Elbasani. Po 10 pikë ka edhe Turbina e Cërrikut, që ka për të zhvilluar një ndeshje më shumë.

Një gol i Ferhatit në minutën e dhjetë të pjesës së dytë i ka dhuruar një fitore jetike Elbasanit. Verdheblutë ia dolën të triumfonin në Pogradec, duke u ngjitur në kuotën e 12 pikëve, ndërsa ekipi liqenor qëndron i qetë me 22 pikë.

Tomori-Apolonia 1-4
Shënues: Beci 33’ / Gjata 15’, Nako 20’, Mihana 57’, 89’

Pogradeci-Elbasani 0-1
Shënues: Ferhati 55’

Skuadra e drejtuar nga Gentian Stojku e ka siguruar mbijetesën dhe këto ndeshje teorikisht duken si formale. Gjithsesi, numri 9 i fierakëve, Mario Gjata, deklaron për SportEkspres.com se do të bëjnë lojën e tyre më të mirë deri në fund të këtij kampionati.

“Në Berat do shkojmë të luajmë një futboll ‘fair-play’ dhe të marrim tri pikët. Për ne situata e ndeshjes së kaluar me Tomorin është e mbyllur dhe deri në fund të kampionatit do bëjmë lojën tonë. Nuk do t’i hapim rrugë asnjë skuadre, në çfarëdo pozicioni që të jetë në renditje”, u shpreh sulmuesi.

Gjata më tej flet për punën që bëhet me të rinjtë tek Apolonia. “Që nga faza e tretë Apolonia ka nisur një projekt për sezonin tjetër dhe po i jep prioritet të rinjve. Baza janë futbollistët që kanë luajtur këtë sezon. Personalisht falënderoj klubin e trajnerin për këtë punë që po bëhet, frytet e së cilës besoj se do të jenë shumë më të mira në sezonin e ardhshëm”, përfundon 19-vjeçari, autor i dy golave në kampionat këtë sezon.

AGRON KAJA

Këtë herë në pankinën e skuadrës fierake do të jetë elbasanasi Gentian Stojku, i cili në sezonin e kaluar ka qenë në drejtim të skuadrës së Tomorit. Për SportEkspres.com, ish-sulmuesi deklaron se nuk është hera e parë që në karrierën e tij si trajner përballet me ekipet që ka drejtuar.

“Është diçka normale për një profesionist që të rikthehet në ekipet ku ka drejtuar gjatë karrierës. Për mua nuk është hera e para që rikthehem të ndeshem me një ekip ku kam drejtuar dhe rikthimi im në Berat, këtë herë në pankinën e Apolonisë, kështu është”, u shpreh Stojku, i cili më pas foli për përballjen ne fushë me beratasit.

“Është një ndeshje normale për Apoloninë, edhe pse Tomori ka një situatë jo të mirë në renditje. Skuadra është e plotë me titullarët e saj, ndërsa kemi menduar që të aktivizojmë edhe lojtarë që kanë patur pak mundësi në ndeshjet e kaluara”, përfundoi trajneri i Apolonisë, Gentian Stojku.

AGRON KAJA

“Ne e respektojmë garën dhe çdo kundërshtar. Apolonia nuk e ka luksin që t’i nënvleftësojë ndeshjet. Jemi në një zonë të ftohtë, edhe pse disi të shkëputur, ndaj asnjëherë nuk mendojmë se gjithçka ka përfunduar”, theksoi Stojku për Sportekspres.com. 

“Në Cërrik na pret një sfidë e vështirë, por synimi ynë është që të marrim tri pikët. Në këto 8 ndeshje të mbetura deri në mbyllje të këtij sezoni, Apolonia jo vetëm që do të luajë me synim maksimal, por gjatë tyre do të provojë edhe futbollistë të rinj.  Këtu ata janë të shumtë dhe mes tyre ka edhe talente”, përfundoi Stojku.

AGRON KAJA

Gentian Stojku provoi Superioren për dy javë me Kamzën dhe tanimë ish-sulmuesi rikthehet të drejtojë në “habitatin” e tij në Kategorinë e Parë. Elbasani pason tek Apolonia serbin Rade Miliç, i cili është larguar së fundmi.

Stojku bëhet i treti trajner që drejton fierakët,  pa llogaritur Maringlen Kulen që ishte në pankinën e Apolonisë në një ndeshje pas largimit të Marjol Mihos. Për SportEkspres.com, Stojku deklaron se është zgjedhje profesionale e tij.

“Unë jam trajner dhe oferta si kjo e Apolonisë nuk mund t’i nënvlerësoj. Këtu ka organizim shumë të mirë, ka elementë që duhet ta kishin çuar Apoloninë në Superiore. Ky është synimi im për sezonin e ardhshëm”, u shpreh shkurtimisht Stojku.

Gjatë këtij sezoni, Gentian Stojku ka drejtuar Erzenin ne Kategorinë e Parë deri në muajin shkurt. Në të shkuarën ai ka punuar edhe në skuadra si Sopoti, Pogradeci e Tomori. Me liqenorët madje ka luftuar deri në javën e fundit për t’u ngjitur në Superiore, por nuk e fituan dot finalen me Luftëtarin në shtëpi javën e fundit të kampionatit. 

AGRON KAJA

Para disa kohësh kryeministri Edi Rama premtoi në Korçë rikonstruksionin e stadiumit “Skënderbeu”, ndërkohë që sot ai ka premtuar stadium edhe në një qytet tjetër. Në një takim me banorët e qytetit të Fierit, ai ka theksuar se ai qytet e meriton një stadium të ri, veç “Loni Papuçiut” ku aktualisht luan Apolonia.

“Do fillojmë punën për pallatin e ri të sportit, pasi keni pasur një skuadër kampione në basketboll, që stërvitej në Durrës dhe luante në Tiranë. Edhe i thonë Apolonia. As nuk i shikonit, as nuk ju shikonin. Pallatin e sportit do e ndërtojmë aty ku ka qenë këndi i vjetër i lojërave. Ndërkohë kemi folur edhe për stadiumin e ri të Fierit. E meriton të ketë një stadium, një stadium të ri, jo aty ku është i vjetri. Do të jetë diku ku do e vendosim me Bashkinë”, u shpreh Rama.

Ekipi beratas do të udhëtojë në Fier për t’u ndeshur me Apoloninë dhe duke marrë parasysh rëndësinë e madhe të kësaj ndeshjeje, Bashkia e Beratit ka vendosur në dispozicion autobusë falas për tifozët. Kjo gjë u njoftua dhe nga faqja zyrtare e klubit në “Facebook”, e cila shkroi:

Futboll Klub Tomori | Njoftim
Njoftojmë të gjithë tifozët se Bashkia Berat do të vendos në dispozicion të tyre, 3 deri në 4 autobusë për transfertën ndaj Apolonisë. Kjo ndeshje do të luhet të shtunën në orën 15:00 në stadiumin “Loni Papuçiu” të Fierit.

Ne dëshirojmë që të gjithë tifozët e zjarrtë të Tomorit të jenë të pranishëm në stadium për të mbështetur ekipin në këtë përballje të rëndësishme. Autobusët falas do të nisen nga stadiumi “Tomori”. Për informacione më të detajuara do t’iu njoftojmë në vazhdim.

Nuk është thjesht një ndeshje futbolli, pasi tensioni  i lartë që shkaktoi ndeshja më e fundit midis tyre në Berat solli edhe dënimin ekstrem të Tomorit, që fill pas këtij takimi është “masakruar” nga ana e Komisionit të Disiplinës, duke u penalizuar aq shumë sa i janë zbritur edhe plot 6 pikë pas humbjes në tavolinë me Apoloninë (fitore 3-2 në fushë) dhe mosparaqitjes në ndeshjen me Bylisin në transfertë.

Ndaj dhe ballafaqimi me Apoloninë pritet me shumë interes, për të mos thënë se në fushën e lojës Tomori do të ketë një motivim ekstra me këtë rast, për të kërkuar pse jo dhe revanshin ndaj skuadrës fierake.

Për takimin e radhës skuadra beratase është e privuar nga mesfushori me tipare sulmuese Aldo Dervishi, ndërsa si një lajm pozitiv që inkurajon stafin teknik dhe vetë skuadrën është rikthimi pas pezullimit 1-javor i dy futbollistëve titullarë si qendërmbrojtësi  Beci dhe sulmuesit Sharavolli, që rrisin sigurinë në prapavijë dhe forcën goditëse.

Për momentin Tomori stërvitet intensivisht dhe jo rastësisht ka zgjedhur që të heshtë përpara këtij takimi, pasi siç shprehet Genaldo Sharavolli: “Është më mirë për të gjithë që skuadra të flasë më shumë në fushën e lojës ditën e shtunë, sesa nëpër media.

EDI SPAHIU

Vetë trajneri serb, Rade Miliç, deklaron për SportEkspres.com se janë të shqetësuar për mosarritjen e objektivit kryesor për të qenë në pesë skuadrat e para të Grupit B. Ai thkeson se skuadra e tij do të luajë në vazhdimësi me seriozitet e grintë.

“Ne nuk ndjehemi të shqetësuar për pozicionin tonë në renditje, por vetëm për mosarritjen e synimit. Jemi aksidentalisht në këtë situatë. Tani na duhet të luftojmë për një objektiv të vështirë, që nuk e prisnim”, u shpreh Miliç.

Të shtunën skuadra fierake luan në transfertë me Egnatian, ndeshje që luhet në Shijak për shkak se fusha e Rrogozhinës është e dënuar nga Disiplina e FSHF-së. Këtë fakt Miliç nuk e quan shumë të rëndësishëm, ndërkohë që e ka skuadrën të kompletuar dhe shkon për fitore.

“Çdo ndeshje luhet për fitore, kështu që edhe të shtunën me Egnatian kemi të njëjtin objektiv. Skuadra është e plotë dhe e gatshme për tri pikët, për këtë po punojmë”, përfundoi tekniku serb i Apolonisë.

AGRON KAJA

Kjo humbje skuadrës fierake është komentuar edhe nga kundërshtarët e javës së shkuar, Tomori. Pas shumë polemikave gjatë gjithë javës, Tomori nuk ka ngurruar të ironizojë as sot me skuadrën e Apolonisë. Sapo u mbyll takimi mes Apolonisë dhe Orikut, klubi i Tomorit ironizoi me një postim në faqen e tyre zyrtare, duke shkruar:

“E kuptoni tani se çfarë skuadre ka Apolonia? Nuk ia kemi ne fajin që i kthyem rezultatin dhe kurdisën atë çorbën me pretendim që mund të ishin në 5-shen e parë. Ata janë skuadër tavoline dhe lëpirës të diktaturës. Zoti i ndëshkoi dhe do t’i rindëshkoi këta palaço. Sërish do luani me ne, do e shikojmë edhe forcën tuaj…”

Sot, shefi i klubit të Tomorit, Alban Pambuku ka dalë në konferencë, ku ka shtruar problemet dhe i është përgjigjur FSHF-së për dënimin. Duke siguruar që të gjitha dënimet do të shlyhen, Pambuku tha se skuadra e Tomorit do të bojkotojë ndeshjen kundër Bylisit dhe beratasit nuk do të udhëtojnë drejt Ballshit.

Një ndeshje shumë emocionuese është zhvilluar në Berat midis Tomorit e Apolonisë, të cilat në luftë për vendin e pestë në grupin B kanë dhuruar emocione pa fund, gola e tension, por edhe akuza e ofendime për shkak të gjykimit, që sipas beratasve nuk ishte korrekt.

Askush nuk e kishte parashikuar që qysh në sekondën e 17-të miqtë do të kalonin në avantazh dhe do t’u jepnin një goditje të rëndë psikologjike beratasve, pas atij gabimi trashanik të mbrojtësit afrikan Dore, që u ka dhuruar aq shumë miqve qysh pa nisur mirë takimi.

Në minutat 12′ dhe 17′ beratasit insistojnë për 11-metërsh të mohuar, çka ka acaruar apo tensionuar jashtëzakonisht atmosferën në fushë dhe në shkallët e stadiumit. Vendasit janë të gjithë në sulm për golin e barazimit dhe me mbështetjen e më shumë se 1000 sportdashësve kanë mbyllur në portë Apoloninë, ku rastet janë të shumta, por goli mungon.

Pas tensionit dhe revoltës masive të vendasve ndaj gjykimit të ndeshjes në pushim të ndeshjes, pjesa e dytë nis me po të njëjtin spektakël në fushë dhe agresivitetin e vendasve, që kanë rritur dukshëm presionin në portën e Apolonisë

Pas një gjuajtje nga Gjonaj në min e 66-të dhe superpritjes së Harizajt, do të vinte edhe goli i barazimit të vendasve me anë të Kolecit, në minutën e 67-të.

Hidhen në sulm vendasit, por Apolonia luan mirë në kundërsulm dhe në minutën e 80-të Hysenshahaj shënon golin e dytë fierak.

Fundi është dramatik, sepse në minutën e 89-të Galica nfalet me faull nga portieri Harizaj dhe penallti, që e shënon kapiteni Paja.

Nuk mbaron me aq, sepse Sharavolli në minutën e 92-të merr një top në hyrje të zonës, depërton bukur dhe nuk fal, duke bërë të shpërthejë festa në stadiumin Tomori.

TOMORI – APOLONIA 3 – 2

Shënues: Koleci 67′ Paja 90′ ( 11 m ) Sharavolli 90+ 2′ / Vladisihevlski 1′ Hysenshahaj 80′

Tomori: Kaloshi, Beci, Dervishi, Dore (Mujkiç 58′), Duka, Dyca (Galica 50′), Gjonaj (Kacoli 50′), Koleci, Paja, Shaqe, Sharavolli. Tr; S. Dule.

Apolonia: Harizaj, Buzi, Nako,  Andoni, Hysenshahaj, Mehmeti (Zoga 46′), Jovanovic, Mihana, Prifti, Sota, Vladisavljevi?. Tr: R. Milic.

Kartonë të verdhë: Sharavolli 44′  Dervishi 84′ Beci 88′ / Buzi 13′ Andoni 64′

Gjyqtarë: E. Halo, R. Malaj, T. Kasa

DEKLARUAN

Santiliano Dule: Jam shumë i lumtur për fitoren dhe për atë që kanë dhënë futbollistët e mi në këtë ndeshje dramatike, por edhe shumë të tensionuar, jo për fajin tonë. Unë kam vetëm një këshillë për kolegjiumin e gjyqtarëve në FSHF: që të mos veprojnë me dy standarde me delegimet e gjyqtarëve në ndeshje të tilla kaq të rëndësishme. Besoj se Apolonia nuk ka nevojë për t’u mayrë në mbrojtje nga gjyqtarë që sjellin tensione dhe acarojnë ata 2000 sportdashës në stadium, sepse verdiktin e një ndeshje futbolli duhet ta vendosë fusha dhe jo gjykime të tilla që na kanë ngrënë hakun sot me mosakordimin e dy 11-metërshave, duke krijuar një tension që nuk i shërben futbollit. Me përmbysjen që kemi bërë në fund të takimit, treguam se Zoti është aq i drejtë saqë mund çdo pasion apo dëshirë të faktorëve të jashtëm që kërkuan të prishin një ndeshje dhe t’i dhuronin pikë apo fitore në mënyrë të pamerituar Apolonisë në Berat. Ne meritojmë të jemi në pesë të parat e grupit, sepse luajmë me pasion dhe drejtësi edhe kur kemi 14 kundërshtarë në fushë.

Rade Miliç: Më vjen vërtet keq që kemi shpërdoruar avantazhin që kishim në këtë takim, sepse ishte një avantazh i dyfishtë nga fillimi dhe keqardhja është e dyfishtë, sepse kur kryesonim 2-1 mund dhe duhet ta kishim mbyllur ndeshjen më parë me dy apo tre raste flagrante për të realizuar golin e sigurisë. Për sa u përket pretendimeve të beratasve për gjykimin apo 11-metërshat e padhënë në favor të tyre, më duhet të them se ato janë vendime të pavarura të gjyqtarit, dhe s’ka asnjë arsye pse të ofendohem unë si serb apo skuadra ime me ofendime nga sportdashësit vendas, që në përfundim të pjesës parë edhe mua personalisht me kanë goditur me një bidon uji që për fat të mirë nuk më ka dëmtuar.

TENSIONI

Në përfundim të pjesës së parë, drejtues të skuadrës së Tomorit dhe sportdashësit beratas kanë reaguar shumë ashpër me thirrje protestuese ndaj gjykimit të ndeshjes, dhe më konkretisht duke i kërkuar llogari kryesorit Halo dhe ndihmësve të tij për mosakordimin e dy 11-metërshave që janë pretenduar nga ana e skuadrës dhe sportdashësve vendas.

Po në pushimin e pjesës së parë, sportdashësit beratas kanë sulmuar verbalisht me thirrje ofenduese presidentin e Apolonisë Koço Kokëdhima, duke e ofenduar në kor, fyerje të cilat kanë vazhduar gjatë gjithë kokës së pushimit të ndeshjes.

Përpara fillimit të pjesës së dytë, skuadra fierake ka dalë me 4 minuta vonesë në fushën e lojës. Gjithçka ka ardhur pas tensionit të shfaqur në pushim të pjesës së parë, ku bashkë me ofendimet ndaj presidentit Kokëdhima, nga ana e miqve është pretenduar edhe një goditje me bidon uji të teknikut mik Miliç.

Tensioni i lartë i shfaqur nga ana e sportdashësve vendas gjatë gjithë këtij takimi nuk ka qenë vetëm i fokusuar tek gjykimi i njëanshëm i treshes së gjyqtarëve të këtij takimi. Sportdashësit beratas kanë shprehur zemërimin e tyre ndaj teknikut serb që komunikonte herë pas here në serbisht me skuadrën dhe futbollistë të veçantë të tij, dhe kjo ka irrituar jashtëzakonisht sportdashësit beratas.

Ndërkaq, tifozët vendas kanë kontestuar ashpër edhe mbrojtësin afrikan Dore, i cili u fajësua për golin e parë, pësuar nga Apolonia që në fillim të ndeshjes.

KRAHASIMI ME GJICIN – “Nuk dua të flas për modelet e të tjerëve. Nuk kam informacion si është i organizuar Kukësi dhe as për financat e këtij klubi. Unë e vlerësoj për rezultatet sportive, sepse Kukësi ka vite që është në majën e futbollit shqiptar dhe meriton përgëzime. Megjithatë, ne kemi politikë tjetër, politika jonë është realiste dhe nuk bazohet në planifikime që nuk justifikohen as me të ardhura dhe as me rezultate. Duke qëndruar në binarë realistë, me bilanc të balancuar, krejtësisht transparent me shtetin, të bazuar në detyrime fiskale, tatimore, kontraktore e ligjore, klubi ynë është shumë i qëndrueshëm, duke pasur mundësinë të promovojë vlera dhe të ndërtojë karriera.

Në këtë aspekt, ndryshimi më i madh i Apolonisë nga klubet e tjera është se Apolonia është pa dyshim shkolla më e mirë e futbollit që ka sot Shqipëria, gjë që duket nga lojtarët që janë promovuar në tregjet e zhvilluara të futbollit, apo në tregun e brendshëm. Edhe aktualisht kemi shumë talente që besojmë se do të lënë gjurmë në futbollin tonë në të ardhmen. Apolonia do vazhdojë në këtë mënyrë, nëse sot stërvitim 250 lojtarë, synimi është që vitin e ardhshëm të stërvitim 500 lojtarë. Apolonia investon më shumë në teknologji, infrastrukturë dhe trajnim, sesa në paga lojtarësh, sepse duam të rritim djemtë e vendit dhe lojtarët e Akademisë tonë. Jo rastësisht pjesa dërmuese e lojtarëve të ekipit të parë të Apolonisë vinë nga Akademia jonë e futbollit.

PROBLEMET NË SUPERIORE – “Në përgjithësi, futbolli shqiptar është rritur shumë këto vitet e fundit dhe FSHF ka merita, sepse nga një federatë shumë e varfër dha pa kapacitete është shndërruar në një institucion i pasur, që ka punuar shumë edhe në aspektin e infrastrukturës dhe në shumë drejtime të tjera. Megjithatë, janë pjekur kushtet që futbolli shqiptar të reformohet rrënjësisht, me qëllim që ai të mos jetë futboll i klubeve piramidale. Duhet seriozitet, në çdo drejtim, pasi përndryshe bëjmë vetëm dëme dhe nuk prodhojmë asgjë. Duhen marrë masa urgjente, që loja të jetë më e pastër dhe cilësore dhe që klubet të jenë solide në aspektin financiar dhe të trajtohen të gjithë njësoj.

Problemi që ngrini ju është real dhe serioz. Kjo reformë duhet bërë në mënyrë urgjente, pasi nëse disa klube kanë probleme dhe u largohen lojtarët, apo luajnë mes gjyqesh dhe nuk licencohen dot për kupat e Europës, domethënë se kemi një shtrembërim të garës. Disa luajnë dhe punojnë duke qenë korrektë, ndërsa disa të tjerë thjesht zvarriten deri në mbyllje të sezonit, duke shpresuar që FSHF të mos i dënojë apo përjashtojë”.

TALENTET TE APOLONIA – “Aktualisht tek Apolonia kemi tre grupe lojtarësh të rinj shumë të talentuar. Grupi i parë janë 22 vjeçarët Buzi, Andoni dhe Prifti. Këta luajnë shumë bukur krahas lojtarëve të formuar e të pjekur Hysenshahaj, Nako dhe Çako që luajnë dhe mbajnë peshë të madhe te skuadra jonë. Grupi i dytë janë tre 18-vjeçarë të formacionit bazë Omeri, Zogaj dhe Gjata. Grupi i tretë përbëhet nga lojtarët 19-20 vjeçarë Mihana, Memeti, Sota dhe Harizi. Janë katër lojtarë fantastikë. Njëri më i mirë se tjetri. Mund të luajnë titullarë në çdo ekip të Superiores.

Redon Mihana, është një lojtar i shkëlqyer dhe shumë interesant. Ka qenë i dëmtuar për pak kohë, por tashmë ka rigjetur formën e plotë dhe është kthyer në fushë. Është shumë premtues, do të keni mundësi ta shihni edhe në vazhdim. Mendoj se bëhet fjalë për një talent që do të lërë gjurmë në futbollin tonë dhe nëse ndodh, është diçka që do të na gëzonte shumë, pasi do të konfirmonte punën e mirë që po bëhet tek Apolonia me këta talente. E rëndësishme është që këta futbollistë të rriten gradualisht, t’i hedhin hapat një nga një, derisa të arrijnë maksimumin e vet dhe të ndihmojnë klubet ku do të luajnë, por edhe veten.

Për punën e jashtëzakonshme që bëhet me këta talente të veçantë dua të përgëzoj trajnerët e Apolonisë. Ata janë vërtet skuadra më e madhe e KLUBIT dhe Akademisë tonë.

DUKA – “Kam pasur besim se zoti Duka do e fitonte vendin në këtë organ kaq prestigjioz dhe të rëndësishëm. Ai e meritonte. Ka bërë shumë për futbollin. Zgjedhja e Dukës është një ngjarje historike për futbollin Shqiptar. Është vërtet shumë e rëndësishme për Shqipërinë. E kam inkurajuar të konkurrojë dhe jam i lumtur që ia doli”.

NDESHJA – “Nuk ishte e thjeshtë, për shkak edhe të rezultatit të ndeshjes së parë. Edhe në këtë ndeshje kundërshtari kishte menduar më shumë për mbrojtjen dhe rreshtohej me shumë forca mbrapa. Ishin 11 futbollistë afër zonës së tyre dhe ishte e vështirë t’i çaje. E njëjta gjë na ndodhi edhe në Fier.

MUNGESAT – “Ky nuk është justifikim për të mos qenë më i bukur në zhvillimin e lojës. Kishim momente jo të mira, kishim pasiguri, si rezultat edhe i mungesave të rëndësishme si Uilliam, Dzaria që na jep ekuilibër. Në këto kushte, çaluam disi. Shto këtu edhe presionin. Futbollit nuk i dihet kurrë, me djem të ri dhe kur nuk ke çfarë humb, mund të ketë edhe surpriza.

SULMI ME DY – “Nuk është çështje hipoteze sulmi me dy, e kam provuar dhe në Turqi. E provova dhe në ndeshjen e parë kundër Fierit, por kjo nuk do të thotë se nuk do të provojmë dhe në kampionat. Por për të filluar takimin me dy, nuk mendoj se është zgjedhja e duhur. Janë lojtarë të ndryshëm dhe duan kohën e tyre për tu përshtatur. Koha jonë nuk pret dhe zgjedhjet e mia dihen.”

RAMA – “Është një lojtar që nuk ka nevojë për reklamë. Është një futbollist me kualitet, e shihni dhe ju në mënyrën se si ai luan dhe pason për shokët. Unë thjesht shoh gjendjen e tij fizike. Me aq sa kemi biseduar, na ka thënë se është i stërvitur, por gjithçka do t’ia lëmë kohës”,- tha Cungu pas ndeshjes.

Ndërsa zëvendëstrajneri i Apolonisë, Stefan Çareviç tha se ishte shumë i lumtur për ndeshjen që skuadra fierake bëri, përballë një rivali shumë të fortë. Pasi iu thuri elozhe të tijve, Çareviç foli edhe për futbollin shqiptar, si dhe për afrimet që Apolonia ka bërë.

NDESHJA – “Jemi shumë të zhgënjyer për eliminimin, pasi patëm shumë raste të pastra për të shënuar. Bëmë një ndeshje shumë të mirë përballë një skuadre me buxhet të madh dhe që synon të shpallet kampion. Dua t’iu uroj fat atyre.”

FUTBOLLI SHQIPTAR – “Ka shumë vend për përmirësim në futbollin shqiptar. Ne po bëjmë një punë shumë të shpejtë, pasi nuk kemi shumë kohë. Po flas për klubin tonë. Do të shikojmë në të ardhmen se çfarë do të ndodhë me futbollin shqiptar.”

AFRIMET – “E gjithë skuadra jonë bëri një ndeshje shumë të mirë, të gjithë lojtarët ishin në një ritëm të lartë. Ata që kanë ardhur janë ambientuar shumë mirë dhe kanë gjetur hapësirat e tyre. Bënë një performancë shumë të mirë dhe të vazhdojnë me këto ritme.”

SULMI – “Mihana ka treguar një nivel shumë të lartë, ka qenë në provë në një skuadër Kroacie. Aty u provua në një skuadër dhe mungoi në disa seanca stërvitore te ne. Është diçka normale që nuk bëri një ndeshje perfekte, por bëri një ndeshje të mirë. Shpresoj të jetë në 100% për ndeshjet e ardhshme”,- u shpreh zv. trajneri Çareviç.

DEBUTIMI – “Ishte kënaqësi që e fituam këtë ndeshje, duke parë që edhe e kemi humbur ndeshjen e parë 2-1. Ia dolëm si ekip dhe unë jam i kënaqur që isha pjesë e skuadrës në fushën e lojës, pasi kisha disa kohë pa luajtur.” 

VËSHTIRËSI – “Normalisht, ishte ndeshja e parë dhe unë vetëm 2 stërvitje kam me ekipin. Pak e nga pak, do i mësoj të gjitha gjërat se si luan ekipi. Mendoj se do të arrij shumë shpejt në nivelet më të mëdha. Kam punuar dhe në Gjermani dhe gjithmonë kam qenë në formë të mirë fizike.”

KUKËSI – “Skuadra më pëlqen që ka dëshirë vetëm të fitojë. Kjo gjë më pëlqen te Kukësi. Ne do të mundohemi të bëjmë detyrat që kemi dhe të arrijmë objektivat.

PRESIONI – “Unë do të mundohem çdo ndeshje të jap maksimumin dhe të fitojmë. Ashtu duhet të jemi e gjithë skuadra dhe të japim maksimumin, pastaj të shikojmë çfarë do të bëhet”,- u shpreh Rama.

Klubi verilindor ka bërë me dije listën e lojtarëve të grumbulluar dhe bie në sy emri i Valdet Ramës. Sulmuesi anësor nuk ka shumë kohë që është bashkuar me Kukësin dhe me shumë mundësi do të debutojë kundër Apolonisë.

Maliki, Dzaria dhe Uilliam Kordeiro nuk figurojnë në listën e të grumbulluarve për takimin e Kupës së Shqipërisë me fierakët.  Ndeshja luhet në Pezë Helmës prej orës 13:30.

Lista e skuadrës: Frashëri, Shameti (kapiten), Krasniqi, Rrumbullaku, Teqja, Rroca, Çyrbja, Ethemi, Reginaldo, Shkurtaj, Limaj, Basha, Sekja, Dzemailji, Rama, Joti dhe Selimi.

Në reagimin e bërë nga faqja zyrtare e klubit në “Facebook”, klubi sqaron se takimi i së mërkurës do të zhvillohet në orën 13:00 në kompleksin sportiv “Internacional” , kompleks ky ku Kukësi zhvillon stërvitjen prej disa vitesh.

POSTIMI I KLUBIT TË KUKËSIT

“Për të kaluar në fazën çerekfinale, Kukësit do i duhet të përmbysë fitoren 2 – 1 që Apolonia regjistroi në takimin e parë të zhvilluar në Fier.

Ndeshja e kthimit mes FK Kukësit dhe KF Apolonisë, takim i vlefshëm për 1/8 e Kupës së Shqipërisë, do të zhvillohet ditën e mërkurë ora 13:30 tek kompleksi sportiv “Internacional”, në Pezë Helmes.

Me gjithë dëshirën e madhe të presidentit Safet Gjici për zhvillimin e ndeshjes në stadiumin “Zeqir Ymeri”, kërkesa e Klubit tonë nuk u pranua nga Federata Shqiptare e Futbollit pasi, sipas institucionit më të lartë të Futbollit Shqiptar, stadiumi i Kukësit nuk plotëson kushtet dhe aktualisht po punohet për studimin e fizibilitetit.

Pas marrjes së kësaj përgjigje, drejtuesit e Klubit vendosën që kjo ndeshje të realizohet në kompleksin sportiv “Internacional” dhe hyrja do të jetë pa pagesë për tifozët“.

Duhet të djersinë më shumë se të tjerat Kukësi e sidomos Laçi nëse duan që të avancojnë më tej. Edhe pse të dyja skuadrat veriore janë konsideruar si eksperte në këtë kompeticion, kanë hasur vështirësi, respektivisht ndaj Apolonisë dhe Bylisit. Kuksianët u mundën në Fier 2-1. Edhe me një fitore minimale do të kalonin në turin tjetër, ndërsa Laçi duhet të bëjë një përmbysje të madhe, pasi duhet të fitojë me tre gola diferencë ndaj ballshiotëve, të cilët në shtëpinë e tyre fituan 2-0.

Partizani duket se e ka likuiduar Kastriotin që në takimin e parë, ashtu si dhe Luftëtari Egnatian. Edhe Teuta duhet të administrojë suksesin e ndeshjes së parë. Skënderbeu po ashtu nuk pritet që ta ketë të vështirë ndaj Besëlidhjes, ashtu si dhe Tirana që ka fituar pastër në kryeqytet me Flamurtarin që ka pa fund probleme.  Interesante duket ndeshja mes Vllaznisë dhe Kamzës, ku mbetet rezultati i hapur.

Kupa e Shqipërisë – Turi i dytë (ndeshjet e kthimit)

E mërkurë, më 6 shkurt
Ora 13:30 | Partizani-Kastrioti (4-2)
Ora 13:30 | Kamza-Vllaznia (1-2)
Ora 13:30 | Luftëtari-Egnatia (3-0)
Ora 13:30 | Skënderbeu-Besëlidhja (2-1)

E mërkurë, më 6 shkurt
Ora 13:30 | Kukësi-Apolonia (1-2)
Ora 13:30 | Teuta-Lushnja (3-1)
Ora 13:30 | Flamurtari-Tirana (0-2)

Ora 13:30 | Laçi-Bylisi (0-2)

Jovanoviç, Vladisavljeviç dhe Mandia janë afrimet e skuadrës fierake dhe ndërkohë, ka pasur plot 6 largime nga bardhekaltrit.

Njoftimi i klubit – Bardhë & Jeshil Jordan Jovanoviç, Lazar Vladisavljeviç dhe Gesjano Mandia janë tre afrimet e klubit tonë për periudhën e janarit!

Jovanoviç luan në qendër të mesfushës dhe Vladislavjeviç në të majtë të sulmit. Të dy vijnë nga kampionati serb dhe kanë eksperiencë në elitën e futbollit të shtetit fqinj. Mandia luan në qendër të mesfushës dhe është një ish-pjesëtar i Apolonisë!

Veç afrimeve, ne si klub duam të falënderojmë dhe lojtarët që kontribuuan gjatë fazës së parë në skuadrën tonë dhe që tani nuk janë më me ne: Erlando Mehmeti, Ervis Troka, Klevis Perkeqi, Franci Bakalli, Erald Kolgega, Agim Meto.

]]> https://sportekspres.com/merkatoja-e-apolonise-largime-dhe-tri-afrime-shume-cilesore/feed/ 0 https://sportekspres.com/apolonia-fiton-derbin-ndaj-albpetrolit-besa-mundet-nga-gjilani/ https://sportekspres.com/apolonia-fiton-derbin-ndaj-albpetrolit-besa-mundet-nga-gjilani/#respond Sat, 26 Jan 2019 14:48:46 +0000 http://sportekspres.com/?p=232780 Apolonia ka zhvilluar ditën e sotme një test miqësor ndaj skuadrës “fqinje” të Albpetrolit. Ndeshja ndaj skuadrës nga qyteti i Patosit nuk ishte e lehtë, por në fund mjaftoi goli i mesfushorit Sota në minutën e 60-të për t’i dhënë fitoren me rezultat minimal palës fierake.

Besa e Kavajës zhvilloi ditën e sotme një ndeshje miqësore ndaj skuadrës së Gjilanit. Ekipi që militon në IPKO Superligën e Kosovës arriti të mundte skuadrën e Gugash Maganit falë golit të Shpend Asanit në minutën e tretë të takimit.

Kategoria e Parë fillon fundjavën e ardhshme. Kavajasit e nisin 2019-ën me një përballje në trasnfertë ndaj Elbasanit, ndërsa Apolonia pret Pogradecin në “Loni Papuçiu”.

Apolonia 1 – 0 Albpetrol
Shënues: Sota 60′

BESA  0 – 1 Gjilani
Shënues: Asani 3′

Fitorja në Kupë ndaj Kukësit me rezultatin 2 – 1, duket se ka vulosur njëherë e mirë të ardhmen e Miliç në krye të stolit të Apolonisë. Përkrah Miliç do të jetë dhe asistenti i tij Stefan Careviç.

Deri më tani gjërat po shkojnë mirë, pasi sulmuesi i Apolonisë po spikat dhe e ka tërhequr vëmendjen. Nga ajo çka raportohet, Hajduku është bindur për cilësitë e tij dhe synon që ta marrë në ekip të riun kurbinas që në janar.

Sigurisht që për këtë duhet të gjejë marrëveshjen me Apoloninë, klub më të cilin Mihana ka kontratë afatgjatë. Nuk ka ende shifër se për sa fierakët heqin dorë nga sulmuesi. Për të mësuar më tepër do duhej oferta zyrtare, që në fakt në zyrat e Apoloninë ende nuk ka shkuar.

Sulmuesi, i cili në fund të korrikut mbush 20 vjeç, u rikthye të luajë në dhjetor me Apoloninë. Ai u kushtëzua prej një dëmtimi të pësuar në gju. Operacioni në menisk e la për disa muaj larg futbollit, por Mihana nuk dorëzohet dhe po mundohet të tregojë sa vlen edhe jashtë vendit.

Nëntë golat e shënuar vjet më fanellën e Apolonisë nuk kanë qenë një rastësi dhe këtë sulmuesi i ri po mundohet ta tregojë edhe në provën me Hajdukun e Splitit. Edhe në Shqipëri interesimi nuk ka munguar, kryesisht nga ekipe të Superiores.

Konkurrenca në ekip është shtuar te skuadra e Kukësit, por kjo gjë sipas Rrumbullakut i bën mirë ekipit dhe vetëm me rivalitet, arrihet te rezultatet e kërkuara. Në një intervistë për “sportekspres.com”, Rrumbullaku ka prekur disa tema: Rifillimin e sezonit, rivalitetin në skuadër, ardhjet e reja të merkatos dhe fokusi në ndeshjen kundër Apolonisë. Në fjalën e tij, Rrumbullaku tha:

Pas një faze përgatitore shumë të mirë, a është gati Rrumbullaku për rifillimin e sezonit?

“Në përgjithësi, si grup por edhe personalisht, jemi të kënaqur nga volumi i punës dhe nga rezultatet e fazës përgatitore në Turqi. Ndihemi mirë edhe të gatshëm për rifillimin e kampionatit. Do mundohemi nga ana jonë të bëjmë të pamundurën që të arrijmë aty ku duhet”.

Konkurrenca në ekip është shtuar me tri afrimet e reja, është një gjë pozitive kjo për ju, apo e shihni vendin tuaj të titullarit në rrezik?

“Futbolli dhe konkurrenca shkojnë bashkë në punën tonë. Është gjë e mirë të ketë ekipi konkurrencë, sepse të gjithë janë më seriozë te puna e tyre dhe më shumë të përqendruar tek ato gjëra që kërkon stafi. Vetëm kështu do të arrijmë te rezultatet dhe sukseset që synojmë”.

Keni qenë një nga lojtarët më të rëndësishëm te Kukësi në gjysmën e parë të sezonit dhe mungesa juaj u ndie tepër kur ishit i dëmtuar. Do vazhdojë Rrumbullaku të jetë një nga lojtarët “flamur” në ekip?

“Personalisht, kam qenë afro tre muaj jashtë fushave dhe ishte pak e vështirë për mua. Gjithsesi, futbolli i ka këto situata te tilla, por nuk e mendoj fare këtë gjë, pasi e kam lënë pas dhe unë shikoj vetëm përpara. Edhe si natyrë, jam njeri pozitiv dhe gjithmonë i lë pas momentet negative. Me besim edhe me punë, do mundohem të arrij aty ku isha më përpara se të kisha dëmtimet dhe të shpërblej besimin që kanë treguar stafi dhe drejtuesit e klubit. 

Dihet se Kukësi synon medoemos titullin kampion, por ndeshja e parë në 2019-ën është në Kupë përballë Apolonisë. E synon Kukësi dhe Kupën?

“Kukësi çdo vit konkurron për sa më shumë trofe. Është mentaliteti i tillë dhe pritshmëritë e klubit dhe të tifozëve çdo vit është kampionati dhe Kupa. Prandaj bëjmë maksimumin te ndeshja me Apoloninë, të tregojmë vlerat në fushën e blertë dhe të fitojmë ndeshjen, pasi kjo është pjesa jonë. Të tilla sfida duan seriozitet dhe me përqendrimin maksimal, pasi në të kundërt, ke probleme. Në futboll, nuk ka kundërshtar të lehtë. Pas kësaj ndeshje, do fokusohemi edhe te takimet e kampionatit”,- u shpreh Rrumbullaku.

Intervistoi: VERONIK ISTREFAJ

Sulmuesi Eduard Uitfilld, liberian me pasaportë amerikane, ka marrë edhe disa ditë kohë dhe do të vëzhgohet sërish me kujdes, ashtu sikurse Yuto Nakamura. Ky i fundit luan si mbrojtës i djathtë, por mund të aktivizohet edhe në pozicionet e tjera. Në të shkuarën ka luajtur në Japoni dhe në Gjermani. Futbollisti 27-vjeçar momentalisht është lojtar i lirë.

Trajneri Rade Miliç dhe krahu i djathtë i tij, Stefan Careviç, do i shohin me kujdes lojtarët e mësipërm dhe në ditët në vijim do të vendoset për ta. Lojtarët e tjerë që ishin në provë nuk do të dalin më në stërvitje.