anwar el ghazi

Aston Vila lumturon tifozët, firmos “heroi” holandez

Sport Ekspres — Mon, 10 Jun 2019 14:42:15 +0000

Aston Vila ia doli të rikthehet aty ku e meriton. Ekipi nga Birmingami i mposhti të gjithë në ndeshjet play-off, duke siguruar ngjitjen në Premier Ligë pas katër sezoneve “errësirë”.

Drejtuesit duan të formojnë një skuadër të fortë për sezonin e ardhshëm dhe objektivi minimal është qëndrimi në elitën e futbollit anglez.

Ekipi u përforcua në janar me Anuar El Gazin. Holandezi erdhi në huazim nga francezët e Lilës dhe zhvilloi ndeshje shumë të mira me Aston Vijën, duke u kthyer në idhullin e tifozerisë. 24-vjeçari ofensiv shënoi 6 gola dhe dhuroi po kaq asiste për shokët e tij.

Paraqitjet pozitive bënë të mundur që klubi anglez të përdorë të drejtën e blerjes së tij. Ashtu ka ndodhur, Aston Vila ka zyrtarizuar gjithçka me anë të një postimi në Twitter.

He’s back! ?

We’re delighted to confirm @AElGhazi7 has signed on a permanent deal.https://t.co/Ul4YFczCBc #AVFC pic.twitter.com/VCUI5AfZcY

— Aston Villa (@AVFCOfficial) June 10, 2019

VIDEO | Finalja më e pasur e historisë, El Gazi “heroi” i Aston Vilës

Sport Ekspres — Mon, 27 May 2019 14:55:35 +0000

Po luhet në “Wembley” finalja e fazës “play-off” të Championship midis Aston Vilës dhe Derbi Kauntit. Aston Vila është vetëm 45 minuta larg rikthimit në Premier League. Një gol i holandezit Anuar El Gazit i ka dhënë avantazhin skuadrës nga qyteti i Birmingamit, që ka qenë qartazi ekipi më dominues në fraksionin e parë të lojës.

https://twitter.com/villareport/status/1133021674092281856

Rikthimi në Premier League do të sjellë minimumi 180 milionë paundë të ardhura për ekipin fitues, para këto që do i hynin shumë në punë Aston Vilës, po të marrim parasysh faktin se bilancet e klubit janë tepër të rënduara dhe para pak muajsh u përfol dhe për një skenar falimentimi.

Limbs! #avfc El Ghazi! Best player on the pitch this half 1-0 #PlayOffFinal pic.twitter.com/HRtf32yaBI

— Nathan Judah (@NathanJudah) May 27, 2019

Shpërthen Andi Van der Mejde: “Është klub m***, mos bëj gafë të shkosh atje!”

Sport Ekspres — Mon, 20 May 2019 14:56:52 +0000

Anvar El Gazi para disa vitesh shihej si një ndër talentet më të mëdhenj, me holandezi që shpërtheu tek Ajaksi. Gjithsesi, dëmtimet e shumta nuk e kanë lënë të qetë.

Fillimisht kaloi te Lila në Francë, ndërsa tashmë është i huazuar tek Aston Vila. Këtë sezon është paraqitur mirë dhe është vetëm një hap larg ngjitjes në Premier Ligë, ku do të luajë në finalen e fazës “Play-Off” ndaj Derbit.

Sidoqoftë, edhe në rast se nuk ngjitet në Prermier Ligë, duket se El Gazi është i destinuar për të luajtur në elitën e futbolli anglez sezonin e ardhshëm. Ishte vetë lojtari që në një emision sportiv në Holandë e pranoi hapur që ka interes nga Premier Liga, por pa zbuluar klubin.
Nga analistët e ndodhur në studio u hodh ideja se është Evertoni që e kërkon dhe në këtë moment ndërhyri menjëherë ish-futbollisti i njohur Andi Van Der Mejde. Ish-lojtari i Interit apo dhe Evertonit, reagoi, duke këshilluar El Gazin.

“Mos e bëj. Mos shko tek Evertoni. Është një klub m***. Do të humbasësh shumë nëse shkon atje. Mjafton të më shohësh mua”, përfundoi Van Der Mejde, i cili ka luajtur për 4 vite në Merseyside, por ka zhvilluar vetëm 20 ndeshje.