antonione griezmann

Surpriza e Barcelonës, Grizman vlen më shumë se Leo Mesi!

Sport Ekspres — Sun, 14 Jul 2019 12:38:50 +0000

Antuan Grizman është gati të nisë një etapë të re në karrierën e tij. Sulmuesi francez la Atletikon e Madridit për t’u transferuar te Barcelona, aty ku shpreson e beson se do të fitojë trofe.

120 milionë euro pagoi klubi katalanas te “colchoneros” për kartonin e 28-vjeçarit. Kampioni i botës firmosi një kontratë 5-vjeçare, ndërsa si klauzolë e largimit të tij u vendos shifra 800 milionë euro!

Diçka e tillë e bën Grizman lojtarin më të shtrenjtë të Barcelonës, duke ia kaluar edhe Leo Mesit. Kapiteni dhe ylli i ekipit ka një klauzolë prej 700 milionë eurosh, ndërsa në vend të tretë renditen Zherard Pike, Zhordi Alba, Samuel Umtiti, Sergio Buskets dhe Serxhi Roberto me një klauzolë largimi prej 500 milionë eurosh.

Nxiton Barcelona, gati dhurata për Mesin dhe Suarez

Sport Ekspres — Wed, 10 Jul 2019 07:00:43 +0000

Ditë deçizive për të ardhmen e Antuan Grizman. Sulmuesi do të largohet nga Atletiko Madrid dhe është pranë transferimit te Barcelona. Francezi ka arritur akordin me klubin katalanas, që do të paguajë klauzolën prej 120 milionë eurosh.

Kampionët e La Ligës nisin përgatitjet për sezonin e ri ditën e diele. Të gjithë lojtarët do të kryejnë testet mjekësore dhe Barça dëshiron që të jetë edhe 28-vjeçari i pranishëm.

Katalanasja “Sport” raporton se zyrtarizimi i këtij operacioni do të ndodhë para ditës së diele. Tashmë ka mbetur për t’u diskutuar vetëm mënyra e pagesës së 120 milionë eurove, ndërsa Grizman do të jetë zyrtarisht përforcimi më i ri i Barcelonës dhe do të formojë një tredhëmbësh të frikshëm me Mesin dhe Suarez.