antonio valencia

Nga Junajtid në Ekuador, mbrojtësi gjen akordin

Sport Ekspres — Fri, 28 Jun 2019 18:35:41 +0000

Ish-kapiteni i Mançester Junajtid, Antonio Valencia do të kthehet të luajë në atdheun e tij. Ai ka arritur marrëveshjen me skuadrën ekuadoriane të LDU Quito. Mbrojtësi kaloi një periudhë 10-vjeçare në “Old Trafford”, ku provoi të ishte edhe kapiten i “Djajve të Kuq”, kur u emërua nga Murinjo në fillim të sezonit të kaluar.
Klubi i Junajtid vendosi të mos e zgjasë kontratën me Valencian. 33-vjeçari do firmosë për dy vitet e ardhshme me klubin amerikan. Lajmin e bën të ditur vetë klubi i LDU Quito, ku thotë: ”Një nga lojtarët më të shquar të historisë së futbollit ekuadorian, Antonio Valencia është bashkuar me klubin tonë”.

LDU Quito është një nga klubet më të titulluar në vendin e tyre. Janë 11 herë kampionë të vendit, herën e fundit në 2018-ën. Gjithashtu kanë fituar edhe Copa Libertadores në vitin 2008.

Solskjaer konfirmon largimin e kapitenit, hapet balotazhi për pasuesin

Sport Ekspres — Sat, 13 Apr 2019 07:50:09 +0000

Ole Gunar Solskjaer ka konfirmuar largimin e parë nga Mançester Junajtid gjatë kësaj merkato vere. Bëhet fjalë për kapitenin Antonio Valencia, i cili pas një dekade në shërbim të “djajve të kuq”, nuk është më në planet e klubit.

Në intervistën për “The Daily Standard”, trajneri norvegjez shpjegoi se ende nuk e ka zgjedhur kapitenin e ri të skuadrës së tij.

“Do të shikojmë se cili do të jetë kapiteni sezonin tjetër. Kam disa lojtarë në mendje. Kemi pasur Antonion (Valencia), i cili do të largohet. Para tij shiritin e ka mbajtur Jang, Smolling, De Gega dhe Pogba”.

PRURJET E MERKATOS – “Kemi lojtarë që mund ta udhëheqin e ekipin. Ne duhet të vendosim se cili do të jetë ai do të flasë në dhomat e zhveshjes dhe në fushë. Është një pozicion që ka disa kritere. Duhet një lojtar që do të zotërojë “themelet kulturore” të klubit tonë, nëse mund të shprehem kështu”.

“E di mirë që s’do të jetë një udhëtim pa dallgë. Do ta kemi të vështirë. Është një situatë ku mbijeton më i forti ose më i miri. Duhet të jemi të pamëshirshëm. Kemi nevojë për lojtarë që do të na çojnë përpara. Duhet lojtarë që stimulojnë grupin për të bërë më mirë. Liverpuli dhe Siti ndodhen shumë larg nesh në këtë aspekt. Sigurisht, kjo nuk na pëlqen”.

Nëntë vite në shërbim të klubit, Junajtid i tregon derën mbrojtësit

Sport Ekspres — Fri, 01 Mar 2019 20:53:19 +0000

Kapiteni i Mançester Junajtid është Antonio Valencia është në muajt e tij të fundit te “Djajtë e Kuq”. Futbollisti ekuadorian është pjesë e Junajtid prej nëntë sezonesh, por të gjitha shenjat e tregojnë se kontrata e 33-vjeçarit nuk do të rinovohet dhe në verë Valencias i duhet të kërkojë një klub të ri.

Valencia ishte një ndër lojtarët e preferuar të Zhoze Murinjos, por me shkarkimin e portugezit ekuadoriani është zhdukur nga skuadra. Nën drejtimin e Ole Gunar Solskjaer 33-vjeçari është aktivizuar vetëm një herë.

Tekniku norvegjez preferon të përdorë në rolin e mbrojtësit të majtë anglezin Eshli Jang, ndërsa zgjedhje e dytë është portugezi Diogo Dalot, i cili u ble nga Porto për 20 milionë euro gjatë merkatos së verës.

Revolucioni Solskjaer, “kurbani” i parë norvegjezit është kapiteni

Sport Ekspres — Tue, 26 Feb 2019 14:55:24 +0000

Është vetëm çështje ditësh para se Ole Gunar Solskjaer të nënshkruajë një kontratë afatgjatë me Mançester Junajtid. Tekniku i “djajve të kuq” është shprehur pak ditë më parë se po bisedon që tani për blerjet e reja, por në të njëjtën kohë Solskjaer do të marrë vendime dhe për spastrimet.

Sipas “The Sun”, lojtari i parë që do të bëhet “kurban” nga norvegjezi është kapiteni i klubit Antonio Valencia. Futbollisti ekuadorian është pjesë e “djajve të kuq” që prej vitit 2009, por pas pak muajsh ai do të mbush 34 vjeç dhe Solskjaer mendon se ka ardhur koha për t’i hapur rrugë brezit të ri.

E ardhmja e Valencias me shumë gjasa do të jetë sërish në Angli. Sipas “Manchester Evening Neës”, për lojtarin nuk mungojnë ofertat nga ekipe të tjera që militojnë në Premier League, të cilët janë të gatshëm ta marrin 33-vjeçarin me kosto 0 gjatë muajve të verës.

Inter bën pazar në Angli, një tjetër futbollist me emër për mbrojtjen

Sport Ekspres — Sat, 12 Jan 2019 20:21:35 +0000

Tek Interi janë kthyer në modë transferimet me kosto 0. Pas akordit me uruguaianin Diego Godin, drejtuesit e klubit zikaltër duan të përforcojnë mbrojtjen e tyre me një tjetër futbollist me eksperiencë.

Bëhet fjalë për mbrojtësin e Mançester Junajtid, Antonio Valencia. Ekuadorianit i mbaron kontrata me “djajtë e kuq” në fund të sezonit aktual dhe kalimi në Itali është një opsion që e josh shumë 33-vjeçarin.

Sipas medies angleze “The Daily Mirror”, skuadra italiane i ka ofruar Valencias një kontratë për dy sezone. Gjithsesi është mëse e sigurt, që bashkëpunimi 10-vjeçar midis ekuadorianit dhe Junajtid do të marrë fund këtë verë.