Megjithatë, fati dhe Lukaku duket se nuk duan që ata të jenë pjesëtarë të një klubi. “Corriere dello Sport” zbulon se belgu e ka refuzuar Konten edhe një herë tjetër më parë. Ai e ka bërë këtë në vitin 2017, kur Konte drejtonte Çelsin. Italiani e donte me ngulm, por ndërhyrja e menjëhershme e Murinjos nga Junajtid bëri që sulmuesi të zbarkonte në “Old Trafford” dhe jo në “Stamford Bridge”.

“Konte ka sjellë entuziazëm, pasion dhe një kulturë pune. Këto janë elementët më të rëndësishëm. Ai tregon pasion të madh dhe është e drejtë që trajnerët të kërkojnë sa më shumë lojtarë cilësorë, në mënyrë që ata të mund të funksionojnë edhe më mirë. Ne kemi besim se do krijojmë një skuadër konkurruese.

“Pronarët tanë janë shumë të fortë, por me të drejtë, ne duhet të respektojmë ndershmërinë financiare. Do të shfrytëzojmë mundësitë që do na jepen, por nuk do guxojmë aq shumë. Kemi bërë investime të shkëlqyeshme dhe po ecim përpara me punën tonë”, përfundoi Xhuzepe Marota.

“Duket qartë se Konte ka lënë gjurmë në ekip vetëm pas kaq pak kohësh. Megjithatë ka akoma shumë hapësirë për përmirësim. Ishte një turne që e ndihmoi ekipin të gjente frymën e grupit. Për stadiumin gjithçka do vendoset tre muajt e ardhshëm. Presim vendimin final të bashkisë”, përfundoi Antoneli.

NDESHJA- Ka pasur përmirësime në krahasim me ndeshjen e parë. Dua që lojtarët të presojnë lart dhe sot e arritën pjesërisht. Kam një grup, që japin gjithçka dhe jam shumë i lumtur për këtë. Sa i përket rezultatit, humbja gjithmonë të dëmton, edhe nëse është një ndeshje miqësore. Po ndërtojmë një identitet, stilin tonë të lojës. Për 70 minuta kemi qenë në nivelet e duhura.

MBROJTJA- Dalbert po luan dhe po përmirësohet, ashtu si gjithë ekipi. Ai po jep kontributin e tij, megjithëse duhet të punojë mirë për të marrë idenë e futbollit që kam në kokë. Skriniar, De Vrij dhe D’Ambrozio janë duke bërë mirë. Gjithashtu kemi Godin, që mund të luajë si në të djathtë ashtu edhe në qendër. Kush do tregojë më shumë siguri do të jetë në fushë”, përfundoi Konte.

Në një intervistë, Marota u shpreh se shtë dakort me trajnerin, por nuk premton investime të shtrenjta. ”Tregu nuk ka ardhur ende në jetë. Do veprojmë në qetësi, duke respektuar ekuilibrin financiar. Po kërkojmë studiojmë dy tipe lojtarësh, një me përvojë dhe një të ri”, deklaroi drejtori i përgjithshëm zikaltër.

Pas sfidës foli Antonio Konte. Trajneri, përtej paraqitjes zhgënjyese, duket optimist. Gjeja e vetme pozitive që nxjerr nga kjo ndeshje është angazhimi i të gjithë lojtarëve në fushë.

“Sa i përket aspekteve pozitive, pashë angazhimin e të gjithë lojtarëve. Kjo është e rëndësishme, pasi vinim pas seancave shumë të forta stërvitjeje. Kemi nevojë për shumë përmirësime, por nuk mund ta bëjmë këtë në një kohë kaq të shkurtër.”

“Duhet të punojmë për gjithçka. Nuk ka shumë kohë për t’u rikuperuar fizikisht pas kësaj ndeshje. Duhet jo vetëm të luajmë, por edhe të stërvitemi për të përmirësuar dhe kuptuar situatat gjatë ndeshjeve”, përfundoi tekniku i zikaltërve.

Duke qenë se çmimi i lartpërmendur është i papërballueshëm për financat e Interit, drejtori Marota ka filluar të mendojë për alternativa të tjera. Sipas “Corriere Dello Sport”, fokusi i klubit zikaltër tashmë është te kolumbiani Duvan Zapata.

Sulmuesi i Atalantës mbylli sezonin më të mirë të karrierës së tij, ku në 37 ndeshje shënoi 23 gola. Kontrata e Zapatës me klubin bergamask mbaron në fund të sezonit të ardhshëm, një fakt ky që i bën më të lehta negociatat për kartonin e lojtarit.

https://www.youtube.com/watch?v=ZUmP4fptSuo

ZGJEDHJA  – “Të zgjidhja Interin ishte e thjeshtë. Në fillim fola me Marotën, më pas me presidentin me të cilin ndaj ambicien për të kthyer Interin si më parë. Fakti që Marota është ka rolin e drejtorit ishte një diçka që më shtyu, ai më njeh mirë të mirat dhe të metat e mija”.

DIFERENCA ME JUVENTUSIN – “Jam në një ndër klubet më të mëdha të botës. Nuk duhet të vendosim limite pa filluar akoma kampionati. Nuk dua të përdor alibi.  E dimë të gjithë që në vitet është krijuar një hendek ndaj Juventusit, por edhe Napolit. Për ta zvogëluar këtë hendek duhet të punojmë më mirë se të tjerët duke dhënë gjithçka. Në fund do të shohim se çfarë do të ndodhë”.

SKUADRA DHE KAMPIONATI – “Kam gjetur një skuadër me një bazë të shëndoshë besoj se do bëjmë mirë. Jam ndër ata njerëz që besoj se mund të fitoj edhe nëse më jepet 1% shans. Në tetë vitet e fundit ka qenë një skuadër në krye që ka bërë një kampionat tërësisht të vetin. Në sezonin tim të parë te Juventusi e mora skuadrën pas dy sezoneve në vend të shtatë dhe dolëm të parët, pavarësisht se kundër kishim një Milan shumë të fuqishëm. Te Çelsi mbërrita pasi skuadra ishte renditur në vend të 11-të dhe fituam kampionatin. Me Italinë munda Spanjën që atëherë ishte kampione bote. Asgjë s’është e pamundur, por duhet punuar në fushë, merkato dhe në mentalitet. Tifozëve u premtoj se tentojmë gjithçka”.

VËNIA NË SHITJE E IKARDIT DHE NAINGOLAN – “ Morëm kohë së bashku me klubin për vendosur. Unë do të jem gjithmonë në i vendosur përkrah vendimeve të klubit. Jemi të bashkuar”.

“Ikardi është një lojtar i shkëlqyer dhe shoku ynë. Do të shohim se ç’do të ndodhë. Nëse qëndron do të gëzoheshim shumë. Spaleti është një person dhe trajner i mrekullueshëm, por klubi bëri zgjedhjet e veta. Tani është Konte, me të ka synime të reja. Duam të luftojmë për fitimin e titullit.”

“Sezoni im te Inter? Gjithmonë mund të bëjmë më mirë. Jemi të kënaqur që arritëm të kualifikoheshim në Champions League. Rezultatet e fundit nuk ishin ato që dëshironim, por fatmirëshisht ja arritëm qëllimit. Godin do të na përmirësojë? Gjëja më e rëndësishme është të krijojmë një skuadër kompetitive”, u shpreh Skriniar.

Edhe pse Juve pret trajnerin e ri, 38-vjeçari e ka një vend të sigurt të “Zonja”. Këto ditë do të jenë kohë reflektimi për Barzalin. Dy oferta tunduese janë në tavolinën e tij. Të vazhdojë me atë që e mbajti si djalin e tij për tre vite, apo me klubin që ishte shtëpia e tij për gati një dekadë.

Të dy kanë pasur probleme me njëri-tjetrin në kohën kur ishin pjesë e futbollit aktiv. Ish-qendërmbrojtësi mendon se Konte nuk do ta ketë shumë të lehtë të fitojë zemrat e Interistëve sepse e shkuara nuk fshihet kollaj. Megjithatë, sipas tij egziston një zgjidhje. Trofetë janë ilaçi i këtij problemi.

“Shpresoj që Konte mund të fitojë zemrat e tifozëve. Nuk do të jetë e lehtë, pasi e ardhmja nuk mund të fshihetapo harrohet. Ai është i uritur për trofe. Nëse Interistët shohin te ai dëshirë dhe angazhim të madh për të fituar tituj, do fillojnë ta duan. Tani është në dorën e tij për të fituar besimin e të gjithëve”, u shpreh Materaci.

Ai shtoi edhe diçka për largimin e pahijshëm të De Rosit nga Roma. Ai u tregua i ashpër me klubin roman, që e quan ndyrësi mungesën e respektit ndaj mesfushorit. “Daniele vlen shumë, ai nuk e meriton këtë ndyrësi”, përfundoi 45-vjeçari.

Kështu, Interit do i duhet të vendosë. Pronarët kinezë kanë projekt madhor dhe nuk e kanë në plan ta vazhdojnë me trajnerin aktual. Megjithatë, gjoba që duhet të paguajnë është jo e vogël. Presidenti i klubit zikaltër, Stiven Zhang nëpërmjet një postimi në rrjetin social ”Instagram”, ka festuar kualifikimin në Champions dhe është shprehur se do të bëjë atë që është më e mira për Interin.

 

View this post on Instagram

 

If life is a magical journey, then part of mine is in ???. I will do the best I can for this color. #Amala

A post shared by Steven Zhang (@stevenzhang91) on May 26, 2019 at 8:10pm PDT

Çështja është shqyrtuar në privatësi nga një komision prej tre anëtarësh. Gjykatësit kanë dalë në përfundimin se Çelsit do t’i duhet të paguajë shifrën e 9 milionë paundëve tek Konte. Kështu ai nuk del duarbosh këtë vit, por merr një rrogë mjaft të majme, duke pushuar. Plot 90 milionë paund është shifra që Abramoviç ka paguar për trajnerët e shkarkuar që nga ardhja e tij në vitin 2003. Shifër që mund të rritet akoma këtë verë, nëse shkarkon trajnerin Sarri.

Italiani, që aktualisht drejton Çelsin, shihet si ndër të vetmit që arrin ta shfrytëzojë talentin ofensiv të bardhezinjve. Me një ekip me sulmues të klasit botëror, 60-vjeçari është në gjendjë të krijojë një ekip me lojë tërheqëse.

Megjithatë Sarri nuk është alternativa e vetme, pasi emra si Antonio Konte, Didier Deshamp apo Zhoze Murinjo janë në balotazh për të marrë timonin e një superfuqie si Juventus. Konte pëlqehët më shumë prej tyre. Nedved dhe Paratiçi me interesin e tyre kanë ndaluar negocimet mes Interit dhe ish-trajnerit të kombëtares italiane. Gjithsesi alternativa Konte qëndron pas Sarrit deri në këto momente.

Mediat italiane janë të sigurt dhe e quajnë çështje kohe zyrtarizimin e marrëveshjes. Xhuzepe Marota është personi që po insiston në afrimin e Kontes te zikaltrit. Drejtuesi nuk më i vetmi, pasi edhe presidenca ka vendosur të ndryshojë.

Stiven Zhang është bindur që të bëjë një ndryshim në pankinë. Presidenti ka vendosur të shkarkojë Spaletin dhe stoli pritet t’i besohet Kontes, i cili personifikon ambiciet e mëdha të klubit nga Milano.

Ish-trajneri i Çelsit u largua nga Juventusi në verën e vitit 2014 dhe pas plot 5 vitesh do të rikthehet sërish në kampionatin italian.

Nga mediat italiane raportohet se Roma është pranë akordit me strategun italian, çka sjell shkarkimin e Ranierit. Pas ndeshjes së djeshme ky i fundit është pyetur mbi këtë çështje. Ai tregohet tepër sportiv dhe jep një përgjigje për t’u vendosur në vitrinë. Pas një komenti për ndeshjen, ai u shpreh se nëse Konte vjen, është gati të shkojë për ta marrë në aeroport.

”Është ndeshja më e mirë e jona që kur kam ardhur. Falë dy golave të shpejtë, djemtë u çliruan. Do të doja shumë ta shihja Konten në stolin e Romës. Gjithsesi nuk kam asnjë dijeni. Besoj se do jem i fundit që do e marr vesh. Nëse Antonio vjen, unë do të shkoj ta marr në aeroport”, u shpreh trajneri aktual i Romës.

Këta të fundit po bëjnë maksimumin për ta bindur atë. Takimet mes drejtuesve të Romës dhe Kontes kanë qenë intensive, madje ka patur një takim edhe me Françesko Totin. Ish-kapiteni legjendar është një nga zërat që insistojnë për afrimin e 49-vjeçarit.

Guido Fienga, i cili mban postin e administratorit të deleguar të verdhekuqve, po bisedon  prej 4 muajsh me trajnerin leçez. Mes tyre është krijuar një raport shumë i mirë dhe Konte po dëgjon me vëmendje projektin e klubit nga kryeqyteti.

Roma është gati t’i ofrojë një kontratë 3-vjeçare me një rrogë prej 9.5 milionë eurosh në sezon. Synimi dhe ëndrra e madhe është fitimi i titullit kampion. Të arrish një objektiv të tillë me ekipe “big” është kënaqësi, por edhe detyrim.

Ta arrish me Romën, do të ishte diçka e paharrueshme dhe një emocion i papërshkrueshëm. Konte tundohet nga kjo ide dhe së shpejti mund të vijë përgjigja pozitive dhe ulja në stolin verdhekuq.

Trajneri aktual Masimiliano Alegri u shpreh në përfundim të takimit të së martës se nuk ka ndërmend të largohet nga kampionët e Italisë, qëndrim ky që ishte i njëjtë me atë të presidentit Andrea Anjeli.

Gjithsesi, situata pritet të qartësohet gjatë muajve në vazhdim. Konte fillimisht duhet të mbyllë njëherë e mirë gjyqin me klubin e Çelsit, ku kërkon të dëmshpërblehet për shkarkimin nga skuadra londineze me 23 milionë euro. Ky proces gjyqësor zgjat prej thuajse 1 viti.

Diçka e tillë nuk është pranuar kurrë nga klubi dhe tifozët bardhezi, por Gjykata e Kasacionit të Italisë e ka vendosur përfundimisht: titulli i vitit 2006 është i Interit. Kasacioni përfaqëson shkallën më të lartë të gjykimit në vendin fqinj dhe Juventusit i mbetet ta “harrojë” atë titull.

Një vendim në kohën e duhur për tifozët zikaltër, të cilët e kanë akoma të freskët plagën e eliminimit nga Champions. Ata kanë “shpërthyer” kundër Luçiano Spaletit, të cilin nuk e duan më si trajner.

“Gazzetta dello Sport” ka hapur një sondazh online, ku tifozët e Interit mund të votojnë për preferencën e tyre për trajnerin e sezonit të ardhshëm. Në krye është Diego Simeone me 53.3% të votave, i ndjekur nga Antonio Konte me 20.8%. Vetëm vendi i tretë për Zhoze Murinjon me 13.4%, idhull absolut dhe i përjetshëm për çdo interist, për ta mbyllur me Luçiano Spaletit, për të cilin 12.5% mendojnë se duhet të vazhdojë punën.

RENDITJA
1- Diego Simeone – 53.3%
2- Antonio Konte 20.8 %
3-Zhoze Murinjo 13.4%
4-Luçiano Spaleti 12.5%

Drejtuesit e PSG po mendonin për t’i besuar stolin ish-trajnerit të Çelsit, ndërsa kandidatura tjetër ishte Luis Enrike. Nejmar do të ishte i lumtur të punonte përsëri me spanjollin, pasi kishin punuar së bashku te Barcelona, ndërsa Konte nuk ka marrë miratimin e lojtarëve brazilianë. Këta të fundit janë të shumtë te PSG dhe grupimi më i madh i ekipit.

Emri që ka bllokuar marrëveshjen e tij me PSG ka qenë… David Luiz! Mbrojtësi brazilian është pjesë e Çelsit, është aktivizuar për dy sezone në kryeqytetin francez me PSG, ndërsa vitin e kaluar punoi nga afër me trajnerin italian. Ai ka informuar miqtë e tij brazilianë te PSG për vetitë e Kontes dhe sigurisht që nuk ka zgjedhur fjalë pozitive. Marrëdhëniet mes tyre nuk ishin kurrë pozitive, kështu që kolonia braziliane e PSG ka qenë kundër uljes së italianit në stol.

Në ato kushte, presidenti i PSG vendosi të zgjidhte gjermanin Tuhel. Ky i fundit njihet si një trajner i rreptë dhe kjo ishte një veçori e nevojshme. Ish-trajneri i Dortmundit kishte dijeni për problemet në grupin e lojtarëve dhe vendosi të përdorë dorë të hekurt. Ai rriti harmoninë mes lojtarëve me rregullat e vendosura dhe tregoi zero tolerancë për gabimet e bëra dhe jetën e natës që bënin shumica e lojtarëve.

“Respekti fitohet dhe nuk imponohet. Kemi fituar trofe me trajnerë të ndryshëm, por menaxhimi i dhomave të zhveshjes është më i rëndësishëm se aftësitë e trajnerit”, shprehej Ramos, ndërsa Konte i është përgjigjur në këtë mënyrë.

“Ne duhet të sjellim edukim dhe respekt kur shkojmë te një skuadër dhe të njëjtën gjë duhet të marrim nga lojtarët. Kur kjo gjë ndodh më pak, fillojnë problemet. Ne kemi një kulturë të madhe pune dhe kur futësh në një ambient të ri pune, nuk mund të përmbysësh gjithçka, por duhet të integrohesh pak nga pak. E ardhmja? Jam i qetë, tani dua të bisedoj dhe komunikoj me trajnerë të tjerë. Pres vitin tjetër për t’u rikthyer në stolin e ndonjë ekipi”, sqaron ish-trajneri i Juventusit dhe Çelsit.

Konte e mbyll prononcimin e tij, duke komentuar ndeshjen Milan-Juventus si dhe duke dhënë mendimin e tij për teknologjinë VAR.

“Juventusi është shumë i fortë dhe po dominon. Bardhezinjtë e shprehen një gjë të tillë mbrëmë dhe komplimente për to, të cilët, për momentin, duken si një armatë e pathyeshme. VAR-i? Më duket një zgjidhje e mirë, sepse kur merret vendimi dihet që është parë dhe riparo disa herë. Ka akoma një marsh minimal gabimi, por jam pro teknologjisë”, përfundon Antonio Konte.

Për mos arritjen e akordit me trajnerin italian ka folur ish-presidenti i Realit gjatë viteve 2006-2009, Roman Kalderon. Ky i fundit njihet për “armiqësinë” e tij me Florentino Perez, por kësaj radhe nuk e ka sulmuar kreun e klubit “merengues”.

Kalderon ka fajësuar Konten për kërkesat e tepruara, një gjë që nuk mund të pranohet nga Perez. Kalderon vazhdon të mendojë që kjo ishte një gjë e mirë, pasi ish-trajneri i Juventusit dhe Çelsit është shumë mbrojtës dhe kjo gjë nuk është në stilin e Realit të Madridit.

“Ka kërkuar një kontratë 3-vjeçare dhe donte të merrte stafin e tij, prej pesë personash, me vete. Konte ka kërkuar të ketë dorë të lirë në merkato dhe largimet e lojtarëve. Por, kjo është diçka e papranueshme për Florentino Perez. Nuk mendoj se Antonio Konte është trajneri i duhur për Realin. Ai i ngjan Murinjos, është trajner difensiv, i cili luan me tre qendërmbrojtës dhe përdor kundërsulmin. Në Bernabeu nuk duan të shohin diçka të tillë. Perez e provoi me Murinjon, por Champions-i nuk erdhi dhe portugezi e la klubin në një gjendje të keqe”, përfundon Roman Kalderon.

 Megjithatë, kreu i Realit nuk është akoma i bindur dhe kuotat e Kontes janë ulur siç citon një radio e vendit iberik. Palët nuk kanë gjetur akordin mes tyre dhe klubi “merengues” po sheh për alternativa të tjera. Tre janë emrat në listën e Perez: Zhoze Murinjo, Santiago Solari dhe Roberto Martinez. Ky i fundit është trajneri i Belgjikës dhe vjen nga një Botëror shumë i mirë, duke arritur të fitojë medaljen e bronztë.

 Ëndrra mbetet portugezi i Junajtid, ndërsa Solari, i cili drejton ekipin e Real Madrid B mbetet një alternativë e momentit. Si fillim pritet të vijë shkarkimi i Lopeteguit dhe më pas do të mësohet më mirë se kush do të jetë pasardhësi i tij. Solari, Martinez, Murinjo, ose… Konte.  

“Sport.es” kujton një detaj të veçantë sa i përket një deklarate të Antonio Kontes kundrejt klubit madrilien. Ishte 23 tetori i vitit 2013 dhe Juventusi i tij përballej me Real Madridin e Ançelotit në “Santiago Bernabeu” për fazën e grupeve të Champions-it.

Ndeshja mbyllej me fitoren e vendasve me rezultatin 2-1. Kristiano Ronaldo shënonte një dygolësh, ndërsa Fernando Lorente barazonte përkohësisht rezultatin. Pas ndeshjes, Konte fliste këto fjalë për ekipin kundërshtar.

“Në ditët e sotme, Reali i Madridit përfaqëson maksimumin e nivelit të futbollit. Ky ekip është ndërtuar për të fituar gjithçka që mund të fitohet dhe çdo vit ka të njëjtat objektiva. Kush vjen këtu, e di mirë se duhet të japë maksimumin nga vetja për të fituar.”

Sot është shumë pranë kalimit në Madrid dhe Florentino Perez e sheh si më të përshtatshmin për të rikthyer ekipin në rrugën e duhur. Konte është një trajner i aftë, një motivues i madh dhe nuk e ndjen presionin. Kur transferohej te Çelsi para dy vitesh, ai prezantohej në këtë mënyrë. “Kam lindur nën presion dhe nuk kam frikë. Do të jetë një sfidë e madhe për mua”. Pas pesë vitesh, Konte ka shansin të verifikojë nëse fjalët e tij i përshtaten realitetit. Mungon vetëm telefonata e Perez, që do t’i jepte trajnerit italian mundësinë të jetë trajneri i ekipit që përfaqëson maksimumin e nivelit të futbollit…

Drejtuesit e Junajtid janë lodhur me këtë situatë dhe po shohin për alternativat e duhura. Siç citojnë mediat angleze, dy janë kandidatët kryesorë për stolin e “Djajve të Kuq” në sezonin e ardhshëm: Antonio Konte dhe Maks Alegri.

I pari shkëputi marrëdhënien me Çelsin dhe është i lirë, por emri i tij shihet afër stolit të Real Madrid. Vështirë do të jetë për të mbërritur dhe te trajneri i Juventusit, i cili po bën mirë me bardhezinjtë dhe dëshiron të fitojë Champions-in, pas dy finaleve të humbura. Mbi të gjitha, Alegri ka refuzuar më parë ofertat e Arsenalit dhe Çelsit.

Florentino Perez ka nisur bisedimet me Konten dhe italiani ka vepruar menjëherë. Siç citon “Sportmediaset.it”, trajneri ka ndërprerë kontratën me Çelsin, duke dalë zyrtarisht një trajner i lirë.

Tashmë ai do të ulet të shohë klasiken e futbollit spanjoll në televizor, të dielën në orën 16:15 dhe ndoshta do i duhet të bëjë tifozllëk për… Barcelonën. I “detyruar” për një gjë të tillë, sepse një gjë e tillë do të sillte fundin e Lopeteguit te Reali dhe nisjen e epokës Antonio Konte.

“Antonio ndodhet me pushime për momentin dhe nuk ka marrë asnjë telefonatë nga Reali i Madridit. Sigurisht që ata janë një klub i madh, por nuk ka kontakte mes palëve për momentin”, flet Daniele Konte për “Cadena Ser”.

Nga ana tjetër, Toni Kros është shprehur pro qëndrimit të trajnerit Lopetegui. Mesfushori gjerman i Realit ka folur për “AS”, duke dalë në mbrojtje të trajnerit aktual.

“Duam që Lopetegui të vazhdojë punën me ne. Ai është një trajner shumë i mirë dhe nuk jemi nervozë. Kemi patur edhe më parë momente delikate dhe i kemi kaluar”, thekson Toni Kros.

Perez kërkon kthesën e ekipit, që nuk fiton dhe shënon prej katër ndeshjesh. Nga ana tjetër, kompania e basteve angleze “Paddy Power” ka nxjerrë kuotat e trajnerëve kandidatë për të zëvendësuar Loeteguin, nëse ky i fundit shkarkohet nga stoli i Kampionëve të Europës.

Mauricio Poçetino mbetet favoriti kryesor, ndërsa pas tij renditen Antonio Konte dhe Guti. Trajneri i Totenhemit mbetet dëshira kryesore e drejtuesve të Realit dhe koeficenti i tij është 3.5. Ai drejton me sukses Totenhemin prej vitit 2014, ndërsa kontrata me klubin anglez skadon në vitin 2023.

Antonio Konte është një tjetër kandidat për të zëvendësuar Lopeteguin, ndërsa koeficenti i italianit është 4.5. Më pas vjen ish-fantazisti i Realit, Guti me një koefiçent 7, ndërsa janë rritur shanset e ish-trajnerit të Arsenalit, Arsen Venger, i cili ka patur koeficentin 34, ndërsa tashmë e ka 15.

Julen Lopetegui seems to be fighting for his job at Real Madrid already, and we make Mauricio Pochettino 5/2 favourite to be the next man in at the Bernabéu.

We’ve also seen a bit of money for Arsene Wenger, who’s now in from 33/1 to 14/1. https://t.co/H1fU5wma6N pic.twitter.com/CgJCyntOog

— Paddy Power (@paddypower) October 14, 2018

Pas humbjes së fundit në kampionat kundër Alaveshit, presidenti Florentino Perez ka diskutuar me drejtuesit e tjerë të klubit për të ardhmen e trajnerit. Lopetegui është konfirmuar për momentin, por tre ndeshjet e ardhshme janë deçizive për të ardhmen e tij në stolin e Kampionëve të Europës.

Levante në kampionat, Viktoria Pilzën në Champions dhe klasikja me Barcelonën. Nëse dy ndeshjet e para priten të kalohen lehtësisht nga ekipi “merengues”, përballja me Barcelonën do të zbardhë fatin e trajnerit 52-vjeçar siç citon spanjollja “AS”.

Drejtuesit nuk duan të jenë të papërgatitur dhe po vlerësojnë pistat e mundshme. Santiago Solari, trajneri i Real Madrid shihet si një nga kandidaturat e mundshme për të zëvendësuar Lopeteguin, por kandidati kryesor mbetet Antonio Konte. Italiani pëlqehet nga Perez dhe ishte një nga kandidaturat e verës për të pasuar Zinedin Zidan në stolin e Realit.

Ai është i papunë për momentin dhe nuk do të refuzonte një thirrje të Perez, por gjithçka do të sqarohet në vijim dhe Lopetegui ka dhe tre ndeshje për të shpëtuar stolin e tij.

Raporti mes tyre preku fundin dhe Diego Kosta përfundoi tek ekipi i dytë. Sulmuesi i kombëtares spanjolle, i cili është rikthyer tek Atletiko Madrid, thumbon ish-trajnerin e tij, i cili nuk është më trajneri i ekipit anglez.

“Ishte një periudhë sigurisht e keqe, por jo për fajin tim edhe pse njerëzit çfarë nuk thonin. Koha vendos çdo gjë në vend, shikojeni se ku ndodhet Konte tani, çfarë fundi ka pësuar. Historia e tij me Çelsin mori fund për mënyrën se si i bënte gjërat. Pasi tentoi të fitonte titullin me çdo mënyrë, më dërgoi një mesazh ku më thoshte, se nuk më donte më dhe më detyroi të stërvitesha me ekipin e dytë.”

“Simeone? Ai është i ndryshëm me Konten. Diego është një trajner i drejtpërdrejtë. Dëshiroja të rikthehesha tek Atletiko, përndryshe do të kthehesha në Brazil me familjen time”, përfundon 30-vjeçari për “Marca”.

“Jam këtu sepse doja të luaja për Çelsin, por nëse në pankinë do të vazhdonte të ishte Konte, e sigurt që do të isha larguar.”

Uillian flet dhe për trajnerin Sarri dhe filozofinë e tij të lojës. Të shtunën Çelsi pret Arsenalin dhe braziliani komenton ndeshjen.

“Sarri dëshiron që të luajmë dhe të argëtohemi me përgjegjësi. Tani kemi një stil të ndryshëm loje, ja pse mund t’i krijojmë probleme Arsenalit.”

Sa i përket Gatuzos, presidenca e re e kuqezinjve nuk e sheh me sy të mirë rinovimin e trajnerit për tri vite. Ish-drejtori sportiv, Mirabeli, i afroi një kontratë të re: 3 vite me Milan dhe rroga nga 200 mijë euro në 2 milionë euro në sezon. Megjithatë drejtuesit e Milanit nuk po nxitohen.

Për momentin do vazhdohet me Gatuzon me shpresën për të pasur një ecuri të mirë. Kohë e nevojshme dhe për Konten për të zgjidhur problemet me Çelsin. Nëse Milani i Gatuzos shfaq probleme, atëherë zgjidhja do të jetë gati dhe Konte do të merrte drejtimin e Milanit.

Një emër i ri shihet si përforcimi i kuqezinjve. Siç citon “Tuttosport”, Leonardo ka nisur kontaktet me agjentin e brazilianit, Bernard, i cili ka mbyllur eksperiencën me Shaktar Donjetsk. Lojtari është i lirë dhe palët po vazhdojnë bisedimet. Bernard shihet si një alternativë e mirë për Suson dhe Çalhanoglu. 25-vjeçari ka 5 vite që luan me ukrainasit e Shaktarit dhe numëron dhe 14 prezenca dhe 1 gol të shënuar me kombëtaren braziliane.