Zikaltrit barazuan kundër Juventusit në miqësore dhe u mposhtën pas goditjeve të penalltive. Një paraqitje pozitive e djemve të Kontes, të cilët nuk ishin aspak inferior përballë bardhezinjve të Sarrit.

“Puna e Kontes shihet, jemi shumë të kënaqur me të. Ka akoma shumë gjëra për t’u bërë, por jemi optimistë. Ai është shumë më i qetë pas takimit me ne. E siguruam për merkaton dhe tani situata është më pozitive në çdo aspekt”, thekson Xhuzepe Marota.

Trajneri zikaltër ka folur rreth ndeshjes dhe merkatos së klubit. Konte ka besim te drejtuesit, ndihet i lumtur për Vesinon e Godin, si dhe konfirmon faktin që nuk ka qenë kurrë afër rikthimit në pankinën e bardhezinjve.

JUVENTUSI – “Këto ndeshje të ndihmojnë për të përthithur më mirë konceptet e lojës së duam të zhvillojmë, kur kemi topin dhe kur na duhet ta fitojmë. Kundër Juves do të jetë një miqësore e rëndësishme. Si ne edhe ata dëshirojmë që të luajmë një ndeshje të mirë. Shpresoj të shoh përmirësim nga skuadra pavarësisht rezultatit që do të prodhojë fusha.”

MERKATO – “Mendoj se drejtuesit do të marrin vendimet më të mira për Interin. Vesino ka patur një dëmtim dhe është afër rikuperimit. Godin ka nisur stërvitjen me ne dhe mund të them që jam i lumtur që kam dy lojtarë të tillë në dispozicion. Unë te Juventusi përpara se të merrja Interin? Nuk kam qenë kurrë afër rikthimit në stolin e Juves.”

Kroati ka zbritur në fushë vetëm në pjesën e dytë në miqësoren e djeshme kundër Junajtid. Konte e ka aktivizuar në sulm, duke treguar haptazi se eksperimenti me Perishiç mbrojtës krahu modern në skemën 3-5-2 nuk funksionon.

“Po punojmë, por përgjigjet nuk janë pozitive. Nuk besoj se është i përshtatshëm për të bërë rolin që i kërkoj. Perishiç mund të luajë vetëm si sulmues këto momente”, thekson Antonio Konte.

Trajneri zikaltër ka folur në konferencën për shtyp përpara ndeshjes kundër Mançester Junajtid. Trajneri leçez komenton merkaton e klubit dhe situatën e Romelu Lukakut, objektivit të madh për repartin e sulmit.

Konte flet troç dhe ka një mesazh për drejtuesit e klubit. Koha po kalon dhe ata duhet të nxitojnë. Në fund Ikardi dhe Naingolan. Të dy kanë vetëm një zgjidhje: të largohen dhe të gjejnë një skuadër të re.

LUKAKU – “Nuk jam i frustruar për faktin që nuk ka ardhur ende. Kjo është një fjalë e madhe. E pranoj që më pëlqen, do të ishte shumë i rëndësishëm për ne, por është lojtar i Junajtid. E njoh shumë mirë, e kam kërkuar edhe kur isha pjesë e Çelsit, por e di mirë situatën tonë.”

DREJTUESIT – “Krahasuar me planet e rëna dakord me klubin jemi vonë, si në blerje edhe në largime. E kemi të nevojshme të krijojmë një grup të fortë. Ndajmë të njëjtin vizion me klubin, por prisja që të ishim pak më përpara me lëvizjet. Gjithsesi, mbetem optimist.

JUNAJTID – “Nesër kemi një ndeshje të rëndësishme. E vështirë ta konsiderosh miqësore një përballje të këtij niveli. Shoh përmirësim te skuadra, por është e vështirë të luash pa sulmues.”

IKARDI – “Ai është jashtë projektit tonë. Ky është realiteti në këto momente dhe drejtuesit e klubit kanë qenë të qartë me deklaratat e tyre. Naingolan? Edhe ai nuk bën pjesë në projektin tonë. Sa i përket Perisiç dua të kuptoj nëse mund të luajë aty ku mendoj unë. Ka karakteristika të veçanta, por kemi kohë për të vlerësuar nëse mund të bëjë atë çfarë i kërkoj.

Duke qenë se çmimi i lartpërmendur është i papërballueshëm për financat e Interit, drejtori Marota ka filluar të mendojë për alternativa të tjera. Sipas “Corriere Dello Sport”, fokusi i klubit zikaltër tashmë është te kolumbiani Duvan Zapata.

Sulmuesi i Atalantës mbylli sezonin më të mirë të karrierës së tij, ku në 37 ndeshje shënoi 23 gola. Kontrata e Zapatës me klubin bergamask mbaron në fund të sezonit të ardhshëm, një fakt ky që i bën më të lehta negociatat për kartonin e lojtarit.

https://www.youtube.com/watch?v=ZUmP4fptSuo

Antonio Konte nuk dëshiron të mbetet i papërgatitur dhe ju ka dhënë një emër tjetër drejtuesve. Plani B quhet Fernando Lorente. 34-vjeçarit i përfundoi kontrata me Totenhemin dhe është një lojtar i lirë.

Konte e njeh mirë, pasi ka punuar me spanjollin tek ekipi i Juventusit. Pavarësisht moshës së madhe, Lorente është një sulmues me eksperiencë të madhe dhe operacioni për transferimin e tij në “San Siro” është ekonomik.

“Daily Mail” raporton se Konte i ka kërkuar drejtuesve të klubit që të shesin Mauro Ikardin dhe Raxha Naingolan. Karakteri i lojtarëve nuk është i duhuri sipas trajnerit dhe në ekip duhet të ketë vetëm lojtarë që derdhin gjak për Interin.

Paratë e përfituara nga largimi i dyshes do të investohen për të dy lojtarë të tjerë, konkretisht Arturo Vidal dhe Romelu Lukaku. Mesfushori kilian është ëndrra e madhe e Kontes. Të dy kanë punuar bashkë te Juventusi dhe kanë një raport fantastik me njëri-tjetrin.

Konte sheh te Vidal karakteristikat e duhura dhe liderin perfekt për mesin e fushës, ndërsa gjiganti belg do të ishte investimi i duhur për repartin ofensiv. Lukaku po pret me entuziazëm kalimin tek Interi dhe ky është mentaliteti i duhur sipas Antonio Kontes.

Tomazo Xhulini, presidenti i Kaljarit, deklaroi gjatë ditës së djeshme se ka arritur një akord me verdhekuqtë dhe gjithçka është në dorën e mesfushorit. Për të bllokuar këtë transferim ka menduar Antonio Konte.

Sipas raportimeve të mediave italiane, trajneri i Interi ka telefonuar Barelën, duke i kërkuar të mos pranojë transferimin në Romë. 22-vjeçari dëshiron vetëm Interin dhe ka refuzuar ofertën e Romës.

Kaljari kërkon 50 milionë euro, ndërsa Marota ofron deri në 40 milionë (36 fiks dhe 4 në formë bonusesh). Zikaltrit mbështeten te dëshira e lojtarit, sidomos pas telefonatës bindëse së trajnerit.

Gjithashtu merkatoja pritet të jetë me emra të bujshëm në “San Siro”, me Marotën që ka nisur të lëvizë tashmë. Shumë lojtarë janë përfolur si afrime te zikaltrit dhe “Gazzetta dello Sport” ka ndërtuar formacionin e mundshëm të Interit për sezonin e ri.

? Según el medio italiano, esta sería la alineación resultante del Inter de Milán con la plantilla actual junto con los fichajes que habría pedido Contehttps://t.co/9PmxABe2mw

— AS (@diarioas) 23 juin 2019

Ndryshimi i parë është në mbrojtje, ku do të vijë Diego Godin nga Atletiko, një marrëveshje që është zyrtarizuar prej kohësh. Së bashku me uruguajanin, në prapavijë do të jetë edhe dyshja Shkrinjar-De Vrij.

Mesfusha është me pesë lojtarë, pasi kujtojmë, skema e Kontes është 3-5-2. Ndryshime edhe në mesin e fushës, ku Lazaro do të luajë në të djathtë. Austriaku pritet të vijë nga Herta e Berlinit për gati 20 milionë euro.

Në qendër të mesit të fushës i vetmi i mbijetuar nga sezoni i shkuar është Brozoviç, i cili do të ketë shoqërinë e Barelas dhe Sensit. Të dy lojtarët pritet t’i bashkohen Interit në ditët në vijim, me marrëveshjet me klubet respektive, që thuajse janë mbyllur.

Nga e majta do të vijojë Ivan Perishiç. Edhe pse kroati është përfolur për largim, Konte mund ta bindë të qëndrojë, pasi do të ishte ideal për 3-5-2 e tij. Sulmi është revolucion total më pas. As Lautaro dhe as Ikardi, me këtë të fundit që është me valixhe në duar.

Edin Xheko dhe Romelo Lukaku pritet të jetë sulmi zikaltër për sezonin e ri. Padyshim një ekip i frikshëm për këdo dhe Interi pse jo, mund të synojë shumë sezonin e ardhshëm.

Inter (3-5-2): Handanoviç; Godin-Shkrinjar-De Vrij; Lazaro-Brozoviç-Sensi-Barela-Perishiç; Xheko-Lukaku

Një emër që pëlqehet është Alesandro Florenci. Romanistit i përfundon kontrata me verdhekuqtë në vitin 2023, ndërsa kartoni i tij vlerësohet rreth 30 milionë euro. Zikaltrit e kërkuan edhe verën e kaluar. Spaleti tentoi ta transferonte në San Siro, por akordi nuk u arrit.

Konte e njeh mirë pasi e ka patur në kombëtare dhe i vlerëson shumë cilësitë e 28-vjeçarit, i cili përveç krahut të djathtë, mbulon edhe rolin e mesfushorit.

Megjithatë, Konte ka folur shkurt për GQ, aty ku ndalet te mundësia e fitimit të trofeve me Interin. Vështirësitë janë të mëdha, por po aq janë edhe ambiciet e trajnerit, kështu që tifozët duhet të rrinë të qetë.

“Mund ta pranoj që do të kem pak shanse për të fituar në vitin e parë, por mundësitë ekzistojnë. Mund t’ia dalim, nuk kemi limite dhe po pres me padurim që të dërgoj Interin aty ku i takon. U befasova nga vendosmëria e presidentit Zhang për të më besuar stolin. Tifozët të acaruar me të kaluarën time? Ne jemi profesionistë, por tifozët bëjnë mirë që janë të acaruar”, përfundon Antonio Konte.

“Arritëm të kualifikoheshim në Champions, por fundi i kampionatit ishte i vështirë. Vendi i katërt është OK, por mund të kishim bërë edhe më mirë. Për fat të keq, ashtu si na ndodhi edhe sezonin e shkuar, nuk arritëm të shmangnim krizën dhe humbëm shumë pikë”, është shprehur Shkriniar sipas FCInter1908.it.

Fjalët e mësipërme janë OK, por kur pyetet për trajnerin e ri, Antonio Konte, në njëfarë mënyrë “fajëson” Luçiano Spaletin e larguar nga drejtimi i zikaltërve. “Konte? Nuk e kam takuar ende, por me ardhjen e tij do të ketë sfida të reja dhe pritshmëri të mëdha. Me të Interi mund të fitojë trofe”.

Milan Skriniar është pika më e fortë e repartit defensiv. Mbrojtësi gjendet i grumbulluar me Sllovakinë e tij për ndeshjet eliminatore të Euro 2020. Ai komenton ardhjen e trajnerit të ri dhe beson fort te rikthimi i Interit te trofetë.

“Nuk e kam takuar akoma Konten, pasi ne lojtarët nuk ishim në Itali gjatë prezantimit të tij. Tani na presin sfida të reja me të në stol. Ai dhe Interi janë në gjendje të fitojnë trofe.

Sezoni i fundit? Arritëm të kualifikoheshim në Champions. Një arritje e madhe, por vuajtëm shumë në ndeshjet e fundit. Për fat ia dolëm, por renditja jonë mund të ishte më e mirë. Nuk arritëm të evitonim krizën që pësuam dhe lamë shumë pikë rrugës”, përfundon mbrojtësi sllovak.

Kështu shkruan Tyc Sports, ndërsa diçka e tillë është konfirmuar edhe nga Uanda Nara, agjentja dhe gruaja e ish-kapitenit zikaltër.

Megjithatë, vështirë që kjo dëshirë të realizohet. Antonio Konte nuk e preferon 26-vjeçarin. Largimi i tij ka qenë një kusht thelbësor i kërkuar nga trajneri leçez. Konte ka kërkuar siguri që Ikardi do të largohet dhe më pas ka firmosur kontratën me Interin.

Në këtë shifër përfshihen detyrimet ndaj shtetit dhe bonuset e shumta për çdo arritje të objektivave. Me këtë rrogë ish-juventini bëhet më i paguari në Serie A. Këtë post deri para pak ditësh e mbante trajneri i shkarkuar i “Zonjës”, Alegri. Livornezi merrte një pagë neto prej 8,5 milionësh në sezon.

Të gjitha këto përfitime, e bejënë Konten trajnerin e pestë më të paguar në botë. Para trajnerit italian, qëndrojnë Diego Simeone (23 mln euro), Pep Guardiola (19 mln euro), Ernesto Valverde (12.5 mln euro) dhe Zinedin Zidan (12 mln euro).

Klubi nga Firence nuk heq dorë nga kërkesa prej 70 milionë eurosh. Akoma nuk dihet nëse këto negociata do të udhëhiqen nga familja Dela Vale apo presidenti i ri, Roko Komiso. Megjithatë, zikaltrit shpresojnë që të përfshijnë ndonjë lojtar në tratativë, me qëllim uljen e çmimit të Kiezës.

Edhe Juventusi është në garë prej kohësh për “yllin” italian, por Interi synon të mbyllë sa më shpejt akordin dhe të transferojë lojtarin ofensiv në Milanon zikaltër.

Interesimit për Lukakun i shmanget, ndërsa për Ikardin nuk ka vendosur ende. Më pas Çelsi. Konte flet për aventurën londineze dhe zgjedh lojtarin më të mirë që stërviti te “Blutë e Londrës”. Në fund finalja e Champions Ligës.

Trajneri i Interit do të udhëtojë drejt Madridit për ta ndjekur nga afër derbin anglez. Shpreson të shohë një betejë plot ritëm dhe mendon se do fitojë… Liverpuli.

INTERI – “Bisedova me një klub të madh me një histori të madhe. Interi ka të njëjta ambicie me mua në këtë moment. Duam të fitojmë dhe të arrimë gjëra të rëndësishme. Ky është shkaku pse vendosa të vij këtu. Mendoj se është një sfidë e re dhe një kapitull i ri i jetës time. Kam fituar tituj me Juventusin në të kaluarën, dua të bëj të njëjtën gjë me Interin. Duhet të kemi respekt për historinë e klubit dhe ta dërgojmë Interin aty ku e meriton.”

RECETA KONTE – “Është e thjeshtë dhe përbëhet prej dy fjalësh: shumë punë dhe ambicie.”

LUKAKU – “E kam të vështirë të flas për të. Kemi një plan për të përforcuar skuadrën. Rëndësi ka të tregohemi ambiciozë për të zvogëluar diferencat me të tjerët. Për merkaton duhet të pyesni drejtorin sportiv.”

IKARDI – “Të shohim se çfarë do të ndodhë. Do të marrim vendimin më të mirë bashkë me klubin. Nuk kam folur akoma me Mauron, tani po ‘zhytem’ në aventurën e re që më pret.”

ÇELSI – “Jam i kënaqur me eksperiencën time në Angli. E gjeta ekipin në vendin e dhjetë kur mora drejtimin. Fitova titullin vitin e parë dhe luajtëm finalen e FA Cup, të cilën e fituam sezonin e dytë. Është shumë e vështirë të fitosh trofe në Angli.

Lojtari më i mirë te Çelsi? Kishte shumë të tillë. Më pëlqen të zgjedh Kante, sepse është një lojtar special, i cili nuk rresht kurrë së buzëqeshuri. N’golo është fantastik dhe i besueshëm. I dërgoj urimet më të mira.”

FINALJA E CHAMPIONS – “Do ta ndjek ndeshjen në stadium. Shoh një ndeshje të ekuilibruar nga dy skuadra të mëdha. Shpresoj të shoh një ndeshje emocionuese dhe me intensitet. Favorit? Mendoj se Liverpuli.”

Gjithsesi, nga ana ekonomike, kjo lëvizje i ka kushtuar shtrenjtë arkave të klubit. Plot 61 milionë euro i ka kushtuar Interit shkarkimi i Spaletit dhe nënshkrimi me Konten.
Ish-trajneri Spaleti është paguar plot 25 milionë euro për sharkimin, ndërsa trajneri i ri ka firmosur një kontratë 3-vjeçare me një pagë 12 milionë euro në sezon, pra në total 36 milionë euro. Shpenzim kolosal, kur bëhet fjalë për një ekip të Serie A, që nuk dallon për paga të larta.

Pikërisht kreu i klubit nga Milano, Stiven Zhang foli për faqen zyrtare të klubit, ku tha disa fjalë për trajnerin e ri. Sipas presidentit Konte është një ndër trajnerët më të mirë aktual si dhe shtoi se objektivi i klubit për t’u kthyer në majën e Botës përsëri do të përmbushet.

Welcome Antonio!!!! #Inter #Conte #AntonioConte pic.twitter.com/j5wZn0sap9

— Steven Zhang (@stevenzhang91_) May 31, 2019

“Jam i sigurt që Antonio Konte është një ndër trajnerët më të mirë aktual. Jam i sigurt që do të na ndihmojë të arrijmë objektivat tonë dhe të përmbushim misionin tonë, që ka qenë gjithmonë i njëjtë: Ta bëjmë këtë klub më të mirin në Botë përsëri!”

Ishte bërë e ditur që Konte do të ishte një ndër më të paguarit si trajner, por së fundmi kanë dalë në dritë edhe shifrat. Sipas asaj që bën me dije “Sky Sport”, paga që do të përfitojë trajneri i ri i Interit është monstruoze.

Antonio Konte do të paguhet plot 12 milionë euro në sezon, me italianin që do të ketë një kontratë 3-vjeçare me klubin zikaltër. Kështu, 49-vjeçari do të shndërrohet në trajnerin më të paguar në Serie A, të paktën për momentin, pasi Juventusi ende nuk e ka zyrtarizuar trajnerin e ri…

Italiani është shprehur mjaft i lumtur për hapin e tij të radhës në karrierë, teksa gjithashtu shtoi se e pret me padurim nisjen e aventurës dhe se do të përpiqet të shpërblej besimin e dhënë nga presidenti dhe drejtuesit.

“Një kapitull i ri nis në jetën time. Jam me të vërtetë i emocionuar. Nëpërmjet punës time do të mundohem ta shpërblej besimin e presidentin dhe të drejtuesve. Kam zgjedhur Interin për vetë klubin që është, për shkak të projektit që mu prezantua, që është shumë ambicioz.

E kam zgjedhur Interin edhe për shkak të historisë së tyre. Më pëlqen transparenca e klubit, si dhe më tërheq ideja për ta rikthyer Interin aty ku i takon. Së bashku me tifozët e Interit, ne ndajmë të njëjtën ambicie, kurajo, uri. Kemi shumë sfida përpara dhe po pres me padurim.”

Për këtë arsye, tifozët e Juventusit kanë nisur që nga dita e djeshme të përgatisin një peticion, ku kërkojnë që ylli i Antonio Kontes në “Allianz Stadium” të hiqet. Deri më tani, kur ende nuk është mbushur një ditë nga publikimi i peticionit janë mbledhur mbi 3 mijë firma.

Diçka interesante pritet të jetë edhe pritja që do t’i rezervohet Kontes në stadium, kur të vijë si kundërshtar në ish-shtëpinë e tij. Rivaliteti mes Interit dhe Juventusit është shtuar akoma më shumë tashmë…

Enigma e trajnerit të ri duket se do të marrë fund këtë javë për zikaltrit. Siç bëhet me dije nga mediat më të mëdha në Itali, Antonio Konte do të firmosë gjatë javës dhe në finalen e Championsit do të jetë i pranishëm në Madrid, krah presidentin Zheng si dhe Bepe Marotës.

Antonio Conte will sign his contract as new Inter manager on next week and will be at Wanda Metropolitano for the UCL final with Marotta and Ausilio. ??? #Inter

— Fabrizio Romano (@FabrizioRomano) May 26, 2019

Kështu, përgatitjet për sezonin e ri duket se kanë nisur me ambicie dhe vrullshëm për Interin. Së bashku me Antonio Konten, janë përfolur edhe shumë emra për merkaton, sidomos në sulm. Gjithsesi, gjithçka mbetet për t’u parë gjatë merkatos…

Interesimi i Interit ka ndikuar te anësori ofensiv. Nigeriani ka prishur çdo raport me klubin. Sipas raportimeve të The Sun, Moses i ka kërkuar turqve largimin nga ekipi. Interi dhe Konte e mirëpresin, por për momentin po monitorojnë situatën.

Lojtari është i huazuar nga Çelsi. Ai ishte një nga lojtarët kyç të “Bluve të Londrës”, gjatë kohës që në stol ishte trajneri leçez. Ata pritet të bashkohen përsëri së bashku, por kësaj radhe në Serie A dhe me ngjyrat zikaltër mbi supe.

Në listën e Kontes gjendet emrat e Romeo Lukakut dhe Viktor Moses. Belgu u kërkua me insistim nga trajneri italian në verën e vitit 2017, kur drejtonte Çelsin. Megjithatë, Lukaku preferoi Mançester Junajtid në fund.

Ky sezon nuk ka qenë aspak pozitiv për të, madje ndeshjet e fundit Solskjaer filloi të preferonte Rashford në vend të tij. 26-vjeçari e ka pohuar më shumë se një herë që ëndërron të luajë në Serie A dhe Interi do të ishte opsioni perfekt për të.

Por jo vetëm Lukaku. Nigeriani Moises ka qenë pjesë fikse e formacionit të Kontes në fitimin e titullit në vitin 2017. Me ardhjen e Sarrit hapësirat u pakësuan dhe anësori ofensiv u huazua te Fenerbahçe.

Marrëveshja e turqve me “Blutë e Londrës” zgjat deri në vitin 2020 dhe Interi duhet të arrijë akordin me drejtuesit e Fenerbahçes në fillim dhe më pas 28-vjeçari mund të transferohet në San Siro.

Diego Godin është afrimi i parë, ndërkohë që priten edhe emra të tjerë të mëdhenj në “San Siro”. Kieza i Fiorentinës, Lukaku i Junajtid, Xheko i Romës dhe Tomas i Atletikos së Madridit janë objektivat kryesorë dhe drejtuesit po punojnë për të mbyllur këto marrëveshje.

Në portë do vijojë si titullar Samir Handanoviç, edhe pse ka interes për Keilor Navasin e Realit. Treshja e mbrojtjes do të plotësohet nga Godin, Shkriniar dhe De Vrij. Krahët e mesfushës do të mbulohen nga Asamoah dhe Kieza, ndërsa në qendër do të vendoset treshja Naingolan-Brozoviç-Tomas.

Sulmi pritet të formohet nga dyshja Lautaro Martinez-Lukaku, ndërkohë që Politano dhe Edin Xheko do të jenë alternativat. I sigurt deri tani është reparti i portës dhe ai i mbrojtjes, ndërsa Marota dhe Auzilio po bëjnë maksimumin për t’i bërë dhuratat e para trajnerit të ri.

Interi i Kontes (3-5-2): Handanoviç; Godin-Shkriniar-De Vrij; Asamoah-Naingolan-Brozoviç-Tomas-Kieza; Martinez-Lukaku.

Gjithashtu, ditën e sotmë “Corriere dello Sport” raporton se Konte është vetëm një hap larg Interit, ku edhe marrëveshja për sa i përket pagës është gjetur. Italiani do të përfitojë 8-9 milionë euro në sezon, duke u bërë një ndër më të paguarit në Serie A.
Gjithsesi, nuk përjashtohet edhe ndonjë suprizë në momentet e fundit, pasi Juventusi, PSG apo Mançester Junajtid mund të kontaktojnë trajnerin.

Mediat italiane janë të sigurt dhe e quajnë çështje kohe zyrtarizimin e marrëveshjes. Xhuzepe Marota është personi që po insiston në afrimin e Kontes te zikaltrit. Drejtuesi nuk më i vetmi, pasi edhe presidenca ka vendosur të ndryshojë.

Stiven Zhang është bindur që të bëjë një ndryshim në pankinë. Presidenti ka vendosur të shkarkojë Spaletin dhe stoli pritet t’i besohet Kontes, i cili personifikon ambiciet e mëdha të klubit nga Milano.

Ish-trajneri i Çelsit u largua nga Juventusi në verën e vitit 2014 dhe pas plot 5 vitesh do të rikthehet sërish në kampionatin italian.

Sipas mediave italiane, drejtuesit e “Zonjës” e kanë ndarë mendjen për të mbyllur ciklin me trajnerin livornez dhe gjithçka do të bëhet zyrtare gjatë ditës së sotme. Maks Alegri fitoi 5 tituj në po kaq sezone në Torino dhe arriti të dërgojë ekipin dy herë në finalen e Champions Ligës.

Diçka e tillë nuk mjafton dhe marrëveshja mes palëve nuk do të zgjasë. Emri që i ka detyruar drejtuesit bardhezi të marrin këtë vendim quhet Antonio Konte. Ish-mesfushori pritet të rikthehet në stol.

Konte e ka drejtuar Juventusin gjatë sezoneve 2011/2014, aty ku fitoi 3 tituj kampion dhe 2 Superkupa Italie. Pavel Nedved ka qenë zëri më i fortë pro-rikthimit të ish-trajnerit të Çelsit, ndërsa Alegri mund të marrë drejtimin e Interit ose të largohet nga Serie A.

Pikërisht në lidhje me këta të fundit, ka folur vetë Antonio Konte, i cili në një prononcim për mediat italiane, ka thënë se momentalisht nuk janë kushtet që ai të bashkohet me verdhekuqtë. Gjithashtu, trajneri ka zbuluar se është i dashuruar me kryeqytetin dhe se një ditë do ta drejtojë ekipin.

Antonio #Conte a @VeltroniWalter sulla Gazzetta dello Sport: “Mi sono innamorato di Roma frequentandola nei due anni in cui sono stato c.t. della Nazionale. Un ambiente passionale. Oggi le condizioni non ci sono ma penso un giorno, prima o poi, io andrò ad allenare la Roma”.

— Fabrizio Romano (@FabrizioRomano) May 7, 2019

“Rashë në dashuri me Romën në dy vitet që drejtova kombëtaren e Italisë. Kushtet nuk janë të duhurat që aktualisht të bashkohem me Romën, por një ditë, herët apo vonë, do ta drejtoj atë ekip”, përfundoi Konte.

Konte ka jetuar më shumë se dy vite jashtë Italisë dhe sipas ligjit, klubi taksohet më pak për pagën e trajnerit. Kështu nëse paga neto e trajnerit do të jetë rreth 10 milionë euro, Romës do i kushtojë 13 milionë dhe jo 20, pasi do të taksohet vetënm 30%. I njëjti opsion vlen edhe për Interin.

Megjithatë zikaltrit nuk e dinë as vetë sesi do të veprojnë. Trajneri siç vazhdon bisedimet me Romën, e bën këtë edhe me klubin nga Milano. Interi nuk është i sigurt nëse do të vendosë të shkarkojë Spaletin, i cili nuk mund të thuhet se ka bërë keq, duke parë edhe organikën që ka në dispozicion.

Marota është i vendosur për ta marrë Konten te Interi. Ata kanë punuar së bashku te Juventusi dhe kanë marrëdhënie shumë të mira me njëri-tjetrin. Mbetet të shohim nëse drejtori zikaltër do të bindë drejtuesit kinezë.

Antonio Konte është dëshira më e madhe për të marrë drejtimin e stolit. Media të ndryshme në gadishull, janë shprehur se Roma është pranë akordit me Italianin. Françesko Toti nuk tregon asgjë rreth këtij detaji, por shprehet se Konte është një trajner i madh dhe fitues. Toti e dëshiron në stolin e Romës, por i duket e vështirë të ndodhë kjo gjë, pasi trajnerin e kërkojnë disa klube.

“Javët e fundit kemi parë shumë lajme mbi Konten te Roma, por ne kemi Ranierin në stol dhe duhet të respektojmë atë deri në fund. Ne kemi objektiv Championsin dhe nuk më duket e drejtë të flasim për trajner të ri në këtë moment. Megjithatë, ju siguroj se zgjedhja e trajnerit nuk varet nga mbërritja në vendin e katërt.”

“Konte është një nga trajnerët më të mirë në botë. Ai ka fituar kudo që ka shkuar. Shumë klube do të futen fuqishëm në garë për ta pasur. Ka pasur kontakte me klube të mëdha. Kështu që, është shumë e vështirë. Natyrisht që do ta doja Konten te Roma, por duhen parë shumë gjëra për ta bërë këtë”, tha Françesko Toti.

Këta të fundit po bëjnë maksimumin për ta bindur atë. Takimet mes drejtuesve të Romës dhe Kontes kanë qenë intensive, madje ka patur një takim edhe me Françesko Totin. Ish-kapiteni legjendar është një nga zërat që insistojnë për afrimin e 49-vjeçarit.

Guido Fienga, i cili mban postin e administratorit të deleguar të verdhekuqve, po bisedon  prej 4 muajsh me trajnerin leçez. Mes tyre është krijuar një raport shumë i mirë dhe Konte po dëgjon me vëmendje projektin e klubit nga kryeqyteti.

Roma është gati t’i ofrojë një kontratë 3-vjeçare me një rrogë prej 9.5 milionë eurosh në sezon. Synimi dhe ëndrra e madhe është fitimi i titullit kampion. Të arrish një objektiv të tillë me ekipe “big” është kënaqësi, por edhe detyrim.

Ta arrish me Romën, do të ishte diçka e paharrueshme dhe një emocion i papërshkrueshëm. Konte tundohet nga kjo ide dhe së shpejti mund të vijë përgjigja pozitive dhe ulja në stolin verdhekuq.

Sipas prestigjiozes “The Sun”, përtej këtij pëlqimi ai nuk dëshiron të kthehet për një pagë neto nën 9 milionë sterlina. Nëse Interi do të pranonte këtë kusht, Konte do të kalonte Alegrin (trajnerii Juventusit pwrfidton 6.5 milionë sterlina) si trajneri më i paguar në Itali.

Për të zëvendësuar Spaletin në sezonin e ardhshëm në skenë është edhe Mourinjo. Megjithatë italiani pëlqehet shumë nga drejtori i përgjithshëm Marota, me të cilin Konte ka punuar për disa vite tek Juventusi. Portugezi ka kaluar në plan të dytë tashmë. Konte ka që nga fundi i sezonit të shkuar që nuk drejton një skuadër dhe Interi shihet si mundësia më reale për 49-vjeçarin.

1.5 kuotohet kalimi i Kontes në stolin zikaltër sipas “Sisal Matchpoint”, ndërsa më pas vjen Roma. Verdhekuqtë kërkojnë një trajner me peshë për sezonin e ri dhe transferimi i Kontes në kryeqytet kuotohet me koefiçentin 4.5.

Kaq mundësi ka dhe ulja e tij në pankinën e PSG-së, pavarësisht se drejtuesit e klubit janë afër rinovimit me gjermanin Tuhel. Tepër i vështirë mendohet kalimi i Kontes te Milani, që ka gjetur stabilitet dhe rezultate me Xhenaro Gatuzon.

Konte u largua nga kampionati italian në verën e vitit 2014, pasi drejtoi për tre vite Juventusin. Ai mori drejtimin e kombëtares italiane, ndërsa në verën e vitit 2016 u ul në pankinën e anglezëve të Çelsit.

Trajneri italian u shkarkua nga klubi anglez në korrik, periudhë nga e cila qëndron pushim. Në mes janë 9 milionë sterlinat që Çelsi i detyrohet Kontes, por “The Sun” flet për një shumë më të madhe.

49-vjeçari pretendon më shumë dhe kërkon dëmshpërblim me kartën që është pushuar në një periudhë të papërshtatshme. Konte dhe çdo trajner tjetër do e kishin të pamundur për të arritur një akord me një klub në mesin e verës, periudhë kur sezoni ndodhet në prag të nisjes dhe të gjithë janë gati.

Nga ana tjetër është Çelsi, që ka vendosur të “shpëtojë” falë Diego Kostës! Sulmuesi i Atletikos pati probleme të mëdha me Konten gjatë periudhës që ishte pjesë e “Bluve të Londrës”.

Hendeku mes tyre u bë i madh dhe klubi anglez është gati ta përdorë këtë opsion. Drejtuesit e cilësojnë sjelljen e trajnerit si shkelje të kontratës, që i ka sjellë dëme të mëdha Çelsit.

Ata mund ta shisnin sulmuesin për një shumë më të madhe, por problemet e bëra publike midis tij dhe Kontes bënë të mundur që shumë klube të mos investonin aq sa duhet për braziliano-spanjollin.

Tekniku italian kërkon që paga e tij të shlyhet, pasi në kontratë ai kishte dhe një vit. Kështu, sipas avokatit të Kontes, italianit i takojnë plot 10.5 milionë euro. Çelsi nuk e pranon diçka të tillë dhe tashmë çështja duket se do t’i drejtohet Gjykatës së Lartë për të gjetur një zgjidhje.

Kujtojmë, Roman Abramoviç ka shpenzuar plot 82 milionë euro nga viti 2003 dhe deri më tani, duke paguar trajnerët e shkarkuar prej tij. Konte pritet të jetë i radhës në listë, teksa dhe Mauricio Sarri me rezultatet e fundit, pse jo, mund të shkojë drejt asaj rruge…

Maks Alegri mund të largohet në fund të sezonit për të marrë drejtimin e Realit të Madridit. Drejtuesit e Juves janë të ndarë midis tre opsioneve për zëvendësuesin e trajnerit livornez: Zinedin Zidan, Pep Guardiola dhe Antonio Konte.

Rikthimi i këtij të fundit nuk përjashtohet, madje “Tuttosport” raporton se në klubin italian kanë një ide interesante dhe tepër intriguese. Drejtuesit janë gati t’i ofrojnë pankinën Kontes, i cili mund të ketë si ndihmës të tij Andrea Pirlon.

Ish-mesfushori fenomenal është gati të nisë karrierën e trajnerit dhe do ishte entuziast të punonte me Konten në një klub ku zhvilloi sezonet e fundit të mëdha në karrierën e tij.

Fitimi i Champions Ligës është objektivi madhor i Juventusit dhe djemtë e Alegrit do të provojnë deri në fund për të vazhduar aventurën në kompeticionin më të rëndësishëm për klube.

Trajneri është mërzitur me kritikat e mëdha, sikur të ishte ai fajtori i vetëm i humbjes përballë ekipit të Diego Simeones. Nga ana tjetër drejtuesit e “Zonjës së vjetër” po studiojnë alternativat e duhura për zëvendësimin e tij në fund të sezonit. Zinedin Zidan mbetet dëshira e madhe, por ditët e fundit janë rritur shanset e një tjetër trajneri.

Siç raporton “Corriere dello Sport”, bardhezinjtë mund të vendosin të rikthejnë Antonio Konten në stol. 49-vjeçari drejtoi kampionët e Italisë për tri sezone dhe fitoi tre tituj kampion e dy Superkupa Italie. Në vitin 2014 ai u largua mes polemikash nga ekipi për të marrë kombëtaren italiane. Më pas eksperienca me Çelsin, një titull kampion i fituar në Angli dhe tashmë… rikthimi në shtëpi.

Marrëdhëniet me drejtuesit e Juventusit dhe presidentin Anjeli janë përmirësuar me kalimin e kohës dhe ai është një kandidaturë e fortë për t’u ulur në stolin e ekipit nga Torino në sezonin e ri.

Drejtuesi i klubit konfirmon trajnerin në prononcimin e dhënë për ”Sportmediaset”, mohon kontaktet me Antonio Konten dhe tregon problemin e vërtetë të Interit.

“Spaleti është solid në pozitat e tij dhe do arrijë të rikthejë Interin në nivele të larta. Stoli i tij nuk rrezikohet. Unë punoj prej 22 vitesh si drejtues në Serie A dhe nuk kam shkarkuar kurrë një trajner. Për ta bërë një gjë të tillë duhet të ketë kushte të veçanta, që këtu nuk ekzistojnë.

Konte? Nuk e dëgjoj prej muajsh. Karakteri dhe motivimi janë disa nga problemet më të mëdha të Interit. Kultura jonë duhet të përmirësohet dhe nga krizat dilet, vetëm nëse përmirësohemi në këtë aspekt”, përfundon Xhuzepe Marota.