antoine griezmman

Grizman: Atletiko gjithmonë në zemrën time, s’doja të largohesha kështu

Sport Ekspres — Sun, 21 Jul 2019 18:59:56 +0000

Antuan Grizman ka dhënë një intervistë për mediet spanjolle “MARCA”, ku ka folur mbi ditët e para si lojtar i Barcelonës. Francezi ka shpjeguar se u mundua të largohej pa polemika nga Atletiko, por situata doli jashtë kontrolli.

Si po ndiheni në këto ditë të parë si lojtari i Barcelonës?

“Mirë, shumë mirë. Isha me pushime, por finalizimi i transferimit më stresoi shumë. Doja të vija sa më shpejt këtu. Shokët e ekipit më kanë pritur mirë, lojtarë, staf, doktorë etj. Po e shijoj këtë moment”

LARGIMI NGA ATLETIKO – “Nuk doja të largohesha me kaq polemika. U mundova t’i bëja gjërat siç duheshin me sa më pak zhurmë. Ishte një largim i dhimbshëm, siç ndodhi dhe me Real Sociedadin. Ato dy ekipe do t’i kem gjithmonë në zemër. Atletiko po ndërton një skuadër shumë të fortë dhe më një trajneri si Simeone ato do luftojnë deri në fund, është e sigurt se do t’i hapin punë kujtdo. “El Cholo” (Simeone) ka bërë gjëra të pabesueshme me atë skuadër, i ka çuar në një nivel që s’do ia priste mendja.

Barcelona nuk zë mend, presioni i Atletikos nuk jep efekt

Sport Ekspres — Sun, 07 Jul 2019 15:38:29 +0000

Atletik Madrid zbuloi pak ditë më parë detajet e bisedimeve që po zhvillohen për kartonin e Antuan Grizman. Katalanasit janë të gatshëm të paguajnë klauzolën e largimit prej 120 milionë eurosh të francezit, por me një kusht.

Barcelona kërkon që ta paguajë me këste shumën prej 120 milionë eurosh, një praktikë kjo që ndodh shpesh në lëvizjet e merkatos në mbarë botën. Megjithatë, te Atletiko e kanë bërë të qartë në mënyrë publike: Grizman largohet vetëm nëse 120 milionë eurosh paguhet i plotë.

Pavarësisht situatës të tensionuar te Barcelona besojnë se Atletiko do e zbusë qëndrimin e saj dhe për këtë klubi është i gatshë që t’i ofrojë madrilenëve në një shumë më të lartë se 120 milionë, por të ndarë në tri këste që do të paguhen në një periudhë 3-vjeçare.

Grizman te Barcelona? Presidenti Atletikos jep vendimin përfundimtar

Sport Ekspres — Mon, 01 Apr 2019 18:15:45 +0000

Antuan Grizman është një ndër emrat më të përfolur të momentit, pasi francezi thuhet që do të kalojë te Barcelona verën e ardhshme. Këtë lajm e konfirmuan edhe mediat franceze para disa ditësh, duke vënë Atletikon në alarm.

Lidhur me këtë çështje, së fundmi është prenoncuar edhe presidenti i “Los Colchoneros”. Enriko Cerezo, ka folur për mediat në Spanjë, ku ka thënë shkurtimisht se sulmuesi do të qëndrojë në Madrid. “Grizman qëndron tek Atletiko, kjo është diçka e sigurt”, tha shkurt numri një i klubit madrilen.

E zbulon ish-futbollisti francez: Grizman e ka gjetur ekipin e ri

Sport Ekspres — Thu, 28 Mar 2019 13:05:50 +0000

Antuan Grizman u përfol shumë sezonin e kaluar për një kalim te Barcelona, por në fund sulmuesi vendosi që të rinovojë kontratën e tij me Atletikon e Madridit. Kur kanë kaluar gati një vit që nga ajo kohë, spekulimet për një transferim në Katalonjë, akoma nuk janë ndalur.

Madje, së fundmi, gjiganti francez “RMC Sport”, zbulon se 27-vjeçari ka gjetur marrëveshjen me klubin blaugrana dhe në fund të sezonit do të veshë fanellën e Barcelonës.
Është pikërisht Zheron Roten, ish-futbollisti i PSG-së, i cili ka thënë për “RMC Sport”, se transferimi i Grizman në “Camp Nou” është diçka e kryer.

Në rast se diçka e tillë konkretizohet, atëherë padyshim do të ishte një ndër lëvizjet më të mëdha të merkatos, me Barçën që do të kryente një përforcim mjaft të rëndësishëm.