“E vlerësoj Grizman për pesë vitet që ishte me ne, ishte perfekt. Punoi shumë mirë dhe u rrit mjaft si futbollist. Kam folur shumë me të. Tani është një moment kyç për karrierën e tij. Ka shkuar në një klub gjigant si Barcelona. Disa e vlerësojnë atë për veprimin e fundit, por unë jo.”

“Shumë të afërm më kërkojnë të marr drejtimin e Argjentinës. Nuk do e bëj, pasi jam shumë mirë këtu. Kam folur me drejtuesit e federatës dhe gëzojmë marrëdhënie të mira. Nuk kam pasur asnjëherë një propozim të tillë”, deklaroi Simeone.

120 milionë euro, aq sa është edhe klauzola, do të paguajë Barcelona në arkat e klubit madrilien dhe “El Mundo Deportivo” zbulon se nesër do të kryhet pagesa.

Katalanasja “Sport” raporton se zyrtarizimi i transferimit të Antuan Grizman te Barcelona do të ndodhë ditën e hënë dhe në kontratën e tij do të vendoset një klauzolë largimi prej 300 milionë eurosh.

Zërat e fundit flasin për firmosjen e kontratës së sulmuesit me Barçën gjatë muajit mars. Atëherë ishte akoma në kontratë me Atletikon dhe një veprim i tillë pa dijeninë e klubit është i palejueshëm.

Diçka të tillë e konfirmuar Enrike Cerezo. Presidenti i klubit “colchoneros” ka kërcënuar Grizman gjatë prezantimit të Zhoao Feliks. “Nuk e di nëse do të shkojë te Barcelona, por nëse ka firmosur gjatë muajit mars, atëherë do të vuajë pasojat”, thekson kreu i Atletikos.

Gjithsesi ka qenë trajneri Ernesto Valverde ai që ka thënë “po”. Sulmuesi është një lojtar që mund të luajë në disa pozicione dhe tekniku spanjoll mendon se mund ta inkuadrojë në fushë, madje edhe me Nejmarin që gjithashtu po mbyll marrëveshjen dhe pritet të rikthehet te Barcelona.

Sport.es shkruan se edhe për brazilianin Valverde ka dhënë “OK”-in e tij dhe po mendon të luajë me të, Mesin, Suarezin dhe Grizman në sulm. Kundërshtarët duhet të tremben, ndërkohë që nga ana tjetër trajneri i katalanasve duhet të mendojë për balancat në fushë.

Kërkesa të tjera merkatoje janë një mbrojtës i majtë për të dubluar Zhordi Alban, si dhe një mesfushori qendre në rast se shitet kroati Ivan Rakitiç. Sfida më e madhe për Valverden është menaxhimi i grupit, që tashmë do të ketë shumë yje.

Gjithashtu ai ka bërë me dije se Malkolm, Dembele dhe Kutinjo mund të gjejnë ekip dhe madje para se të nisin përgatitjet, në mënyrë që mos të ketë një numër të madh futbollistësh nën urdhra. Ofertat për ta nuk mungojnë dhe njëri prej tyre me shumë mundësi do të përfshihet në marrëveshjen me PSG-në për Nejmar.

Diçka e tillë nuk po ndodh akoma dhe nuk ka asnjë koment nga klubi katalanas dhe sulmuesi francez. Shkaku? Klauzola e tij. 28-vjeçari ka një klauzolë largimi prej 200 milionë eurosh, por ne datë 1 korrik ajo zbret në 120 milionë.

Mediat spanjolle e lidhin heshtjen me këtë fakt dhe të gjithë janë të bindur se ditët e para të korrikut, Antuan Grizman do të zyrtarizohet si futbollisti më i ri i Barcelonës.

Fillimisht u tha se ishte gjithçka e kryer për një kalim të tijin te Barcelona, por tashmë kalimi i Grizman në Katalonjë duket shumë larg. Diçka të tillë e konfirmon edhe prestigjiozja “Sport“, që raporton se sulmuesi mund të kalojë te PSG.

Sipas rapotimeve, thuhet se Grizman mund të vijojë karrierën në vendin e tij, pra në Francë, ku PSG e pret me krahët hapur. Gjithsesi, prania e Mbape, Nejmar si dhe Kavani është diçka që mund ta vështirësojë një kalim në Paris…

Në një prononcim për “Telematin”, 28-vjeçari zbulon vetëm një emër: atë të ekipit në të cilin do të luajë pas shtatë sezoneve, që janë amerikanët e Majemit.

Klauzola prej 120 milionë eurosh e largimit të Grizman aktivizohet me datë 1 korrik dhe deri në atë moment ai nuk mund të shprehet publikisht për të ardhmen. Vendimin e ka marrë, ndërsa opsioni më i mundshëm mbetet kalimi i kampionit të botës te Barcelona.

“E di se ku do të luaj sezonin e ardhshëm. Di edhe ekipin me të cilin do të luaj pas shtatë vitesh. Këtë të fundit mund ta zbuloj: Majemi”, thekson Antuan Grizman.

Sidoqoftë, është trajneri i Barçës që mendon ndryshe. Siç raportojnë mediat spanjolle, Ernesto Valverde ka dhënë dritën jeshile për Grizman, me drejtuesit e klubit që pritet të nisin sulmin për të siguruar shërbimet e tij.

? No genera consenso en el vestuario
? Ya lo esperaba el año pasadohttps://t.co/kY3w9ALNJY

— AS (@diarioas) June 5, 2019

Pavarësisht se lojtarët nuk e pëlqejnë një lëvizje të tillë, numri një i stolit katalanas duket se e ka marrë vendimin dhe tashmë, Grizman duket gjithnjë e më pranë Barcelonës.

Kampionët e Spanjës janë takuar në muajin nëntor me sulmuesin dhe në mars kanë nënshkruar me atë, pikërisht para se Atletiko të eliminohej nga Juventusi në Champions.

Klubi kryeqytetas ka paralajmëruar se do të hedhë në gjyq Barçën, por më parë dëshiron të bindet për vërtetësinë e lajmit që është përhapur.

Pabesi e cilësojnë drejtuesit e Atletikos lojën e homologëve katalanas, duke theksuar se firmosja me francezin është bërë pa dijeninë e tyre dhe ka ndodhur në një moment kyç të sezonit.

Grizman lajmëroi klubin me datë 14 maj se kishte vendosur të largohet, por pa e specifikuar klubin e radhës në karrierën e tij.

Pavarësisht se klubi katalanas e kërkoi me insistim verën e kaluar, ai i refuzoi duke vendosur të qëndronte në Madrid. Situata ka ndryshuar, Barcelona nuk e sheh më si objektiv thelbësor.

Sipas raportimeve të Marca, Josep Bartomeu është shprehur se nuk ka qëllim të nënshkruajë me Grizman. 28-vjeçari nuk është më prioriteti i kampionëve të Spanjës dhe presidenti dyshon në vlerat  e lojtarit, i cili përfiton një rrogë prej 17 milionë sterlinash në sezon.

Edhe lojtarët katalanas kanë dalë kundër tij. Një pjesë e madhe e tyre kanë mbetur keq nga mënyra që “ylli” i Atletikos zgjodhi për të lajmëruar të ardhmen sezonin e kaluar. Grizman refuzoi Barcelonën me anë të një dokumentari, aty ku deklaroi se do të qëndronte, duke lumturuar tifozët “colchoneros”.

Klauzola e tij ka rënë nga 120 në 105 milionë euro dhe kandidati kryesor për të marrë shërbimet e tij për momentin është Mançester Junajtid.

Çështja e trajnerit duket se po merr më shumë vëmendje se ç’duhet në Barcelonë. Ky devijim që po i bëjnë Grizma e ka acaruar yllin francez. Ai priste që direkt pas njoftimit të largimit, Barça të niste bisedimet me të dhe Atletikon. Lojtarët e ekipit blaugrana nuk kanë dhënë asnjë koment rreth tij. Sipas lajmeve të raportuara në mediat spanjolle, thuhet se e shohin të panevojshëm afrimin e një lojtari të profilit të Grizman.

“Sport.es” raporton se ka informacione që sulmuesi të jetë interesuar vetë për situatën e tij. Ai ka telefonuar njërin prej lojtarëve të Barçës dhe e ka pyetur për opinionin e ekipit rreth afrimit të tij. Ndërkohë Barcelona ka shumë pista të hapura. Orët e fundit ka dalë prapaskena e një rikthimi të mundshëm të Nejmar, që lidhet me një ndërrim me Dembele plus para nga Barcelona për Parisin.

Largimi i Antuan Grizman nga Atletiko ka bërë që drejtuesit e kryeqytetasve spanjolë të vihen në lëvizje për pasuesin e tij dhe Lakazet, shihet si lojtari i duhur për të mbushur hapësirat. Edhe Barcelona, në rast se nuk arrin te firma e Grizman, do të synojë me doemos shërbimet e 27-vjeçarit të Arsenalit.

Lakazet ka shënuar 27 gola me Arsenalin në Premier League në dy sezonet e fundit. Gjithashtu, francezi është shumë i rëndësishëm edhe në krijimin e rasteve të rrezikshme, pasvi vetëm këtë sezon në kampionatin anglez, ka asistuar plot 12 herë.

Barcelona është skuadra që e kërkon më me ngulm francezin. Blerjen e tij katalanasit e shohin si zgjidhjen e problemeve të pareshtura në sulm që nga ikja e Nejmar.

Paratë e ekipeve si Siti apo PSG i shqetësojnë katalanasit. Megjithatë Pep Guardiola i qetëson tifozët katalanas me deklaratën e tij të fundit për mediat. Spanjolli e nxjerr Mançester Sitin nga gara për Antuan Grizman. “Tifozët e Barcelonës mund të qëndrojnë të qetë, ne nuk duam ta blejmë Grizmanin. Nuk kemi para për të”, është shprehur strategu spanjoll.

Gjithsesi, ditën e sotme e përditshmja “Sport”, në faqen e saj të parë ka vendosur një lajm të bujshëm, ku shkruan se lojtarët e Barçës nuk e duan Grizman në “Camp Nou”.

“Dhoma e zhveshjes thotë jo”, kështu shkruhej në titull, me dhomën e zhveshjes që simbolizonte të gjithë lojtarët e Barcelonës. Gjithmonë sipas “Sport.es”, lojtarët e kanë arsyetuar përgjigjen e tyre, me faktin se u duket një transferim i panevojshëm.
Gjithsesi, gjithçka mbetet për t’u parë në ditët në vijim, ku do të sqarohet përfundimisht dhe e ardhmja e sulmuesit 28-vjeçar.

Është pikërisht “pleshti” argjentinas, që sipas “Fox Sports”, anullon operacionin e blerjes së kampionit të botës. Leo dëshiron diçka tjetër, një golashënues të madh. Ai do yllin e Totenhemit, Herri Kejn. Mësohet se Leo i ka kërkuar drejtuesve të orientohen në blerjen e anglezit.
Gjithashtu i është shprehur Valverdes të organizojë një skemë të re 4-3-1-2. Mesi do të qëndronte para dyshes Kejn-Suarez për t’i dhuruar sa më shumnë topa atyre. Kështu Barça do të kishte dy “vrasës” para portës.

Ëndrra e madhe quhet Pep Guardiola. Spanjolli ka folur për këtë mundësi, duke sqaruar situatën. Zërat e fundit të merkatos flasin për një interesim të “Qytetarëve” për Antuan Grizman. Francezi do të largohet nga Atletiko e Madridit në fund të sezonit, ndërsa për të interesohet prej kohësh Barcelona.

Guardiola qetëson tifozët katalanas dhe e mbyll me një koment për UEFA-n. Qeveria europiane e futbollit po heton kampionët e Anglisë, trajneri ka besim absolut te drejtuesit e klubit dhe mungesa e provave përkthehet… pafajësi.

“Unë nuk do të shkoj te Juventusi apo në Itali. Kam edhe dy vite kontratë me Sitin. Jam i lumtur këtu dhe nuk dua të ndryshoj ekip. Sezonin e ardhshëm do të jem trajneri i Mançester Sitit.

Grizman? Njerëzit në Barcelonë nuk duhet të shqetësohen. Nuk kemi para dhe nuk do e blejmë Grizmanin. Dënimi nga UEFA? Gjithmonë e kam përsëritur se i besoj klubit tim. Nëse UEFA vendos se kemi gabuar, atëherë do të dënohemi. E di se njerëzit duan të na gjejnë fajtor, por jemi të pafajshëm derisa të gjendet provat. Sot jemi të pafajshëm”, përfundoi Pep Guardiola.

Klubi katalanas ka gati planin B, nëse nuk arrihet akordi me Grizman. Tre janë objektivat, të cilët luajnë në Premier Ligë. I pari është Markus Rashford. Ernesto Valverde pëlqen shumë karakteristikat e 21-vjeçarit, të cilit i përfundon kontrata me “Djajtë e Kuq” në fund të sezonit të ardhshëm.

Rinovimi nuk po vjen dhe Barcelona ka gati 100 milionë sterlina për Rashford. Pëlqim ka edhe për dyshen e Arsenalit: Lakazet-Obamejang. Të dy bashkë kanë shënuar 50 gola këtë sezon.

Francezi u shpall lojtari më i mirë i Arsenalit këtë sezon, ndërsa sulmuesi nga Gambia ndau çmimin e golashënuesit më të mirë në Premier bashkë me Salah dhe Mane të Liverpulit (nga 22 gola secili). Për Obamejang interesohet edhe Reali i Madridit, që ka gati 74 milionë sterlina për “topçinjtë”.

Tashmë në shënjestër është Antuan Grizman, i cili zyrtarisht do të lërë Atletikon e Madridit këtë verë. Destinacioni do të jetë Barcelona, ndërkohë që skocezët e Livingston kanë bërë një postim në twitter: “Pavarësisht përpjekjeve tona maksimale, ishte e pamundur. Megjithatë… qëndroni gati!”. Një mënyrë e bukur për t’u thënë tifozëve që do të ketë zhvillime nga merkato.

??| Antoine Griezmann to the @_TonyMacaroni Arena was a no go despite our best efforts.

However…#StayTuned ?? https://t.co/ZThHu51cJF

— Livingston Football Club (@LiviFCOfficial) May 16, 2019

Parizienëve i duhet të shesin para se të blejnë për të rregulluar bilancet e klubit. Katalanasit duken shumë më afër tij. Francezja “L’Equipe” e bën të kryer transferimin e 28-vjeçarit te Barça, madje tregon edhe rrogën dhe afatin e kontratës.

Sipas gazetës prestigjoze, Grizman do të firmosë një kontratë pesë vjeçare me ekipin katalanas. Paga e tij do të jetë 17 milionë euro në sezon. Kështu ai do të pranojë një ulje të rrogës, pasi të Atletiko me kontratën e re të firmosur verën e kaluar përfitonte rreth 21 milionë euro në sezon.

Kontrata e tij me katalanasit do të jetë një vit më e gjatë se ajo në “Wanda Metropolitano”. Gjithmnonë duke iu referuar gazetës franceze, marrëveshja e Barcelonës me përfaqësuesit e lojtarit është arritur kohë më parë. Grizman e ka marrë vendimin e tij direkt pas eliminimit në Champions ndaj Juventusit.

Në mesin e muajit mars avokatët dhe përgjegjëit e merkatos katalanase janë takuar me agjentin e lojtarit, ku kanë arritur termat kontraktuale.

Sipas katalanases “Sport.es”, drejtuesi i klubit bardhekuq do organizojë sot një takim me sulmuesin e kombëtares franceze. Ai pritet t’i kërkojë Grizman të zbardhë të ardhmen e tij dhe jo ta mbajë atë pezull. Gil Marin do të jetë i shoqëruar nga trajneri Diego Simeone dhe drejtori sportiv Andrea Berta. Sulmuesi 28-vjeçar pritet të deklarojë vendimin e tij përfundimtar në ditën e sotme.

Barcelona e pëlqen shumë lojtarin dhe është e gatshmë të hedhë në arkat e Atletikos shifrën e 120 milionë eurove. Katalanasit kanë patur probleme me lojtarët e sulmit. Kutinjo nuk ka pasur nivelin e pritur dhe Dembele është penalizuar shumë nga dëmtimet. Grizman pritet të sjellë stabilitet në këtë repart dhe më në fund Mesi do të ketë një partner ideal në ofensivë.

Media të ndryshme e bëjnë fakt të kryer akordin mes klubit katalanas dhe yllit të ekipit “colchoneros”. Rreth kësaj situate ka folur Diego Simeone. Trajneri i Atletikos tregohet i qartë në fjalët e tij dhe beson e shpreson që Grizman të vazhdojë të qëndrojë tek ekipi i tij.

“Antuan është kapiteni jonë dhe është shumë i rëndësishëm për ne. Nuk jam i shqetësuar për çfarë flitet. Ka gjithçka për t’u përmirësuar akoma me ne. Nëse mendoj se mund të largohet, sigurisht që nuk do të flisja mirë për të”, përfundon trajneri argjentinas.

Pista e Antuan Grizman është hapur sërish dhe francezi pritet të jetë objektivi i Barçës në verë. Kohët e fundit në mediat spanjolle ka qarkulluar lajmi se Grizman, ndryshe nga viti i kaluar, dëshiron të transferohet në “Camp Nou”. Dështimi Kutinjo dhe dëmtimet e shpeshta të Dembele e bëjne Barcelonën të mendojë seriozisht për të investuar për marrjen e francezit. 120 milionë euro do t’i kushtoje katalanasve një afrimi mundshëm i 28-vjeçarit.

De Ligt është operacioni aktual që Barça shpreson ta mbyllë sa më shpejt të jetë e mundur. “Sport.es” shprehet se transferimi është pranë përfundimit dhe se për mbrojtësin do të paguhen rreth 75 milionë euro. Paga e tij pritet të jetë e përafërt me atë të De Jong.

Me ardhjen e këtij të fundit një nga mesfushorët pritet të sakrifikohet. Ivan Rakitiç është në dyshim për të ardhmen e tij të Barça. Kroati është lidhur me një kalim të mundshëm te Interi. 31-vjeçari konsiderohet si një lojtar kyç në “Camp Nou”, megjithatë mosha e tij nuk premton shumë dhe blaugranët e mendojnë seriozisht një largim të tij, për të përfituar edhe financiarisht. Katalanasit pritet të arketojnë rreth 50 milionë euro.

Kutinjo është gati i larguar. Braziliani nuk i ka justifikuar kurrë 140 milionët e shpenzuar nga Barcelona. Klubi kërkon ta shesë sa më shumë të jetë e mundur për të ulur sa më shumë humbjet e këtij operacioni.

Atletiko nuk dëshiron të mbetet e papërgatitur dhe ka zgjedhur zëvendësuesin. Sipas raportimeve të portugezes “Record”, Zhoao Feliks është objektivi i madh. Klubi “colchoneros” është futur në garë për shërbimet e yllit të Benfikës.

Klauzola e largimit të 19-vjeçarit është 120 milionë euro dhe Atletiko është gati ta paguajë atë. Zhoao Feliks është një nga surprizat më të bukura të futbollit portugez dhe Diego Simeone e sheh atë si lojtarin e duhur për të zëvëndësuar një emër të madh si Grizman.

Francezi përfiton një rrogë prej 3.3 milionë eurosh në muaj, por ai tundohet nga ideja për të luajtur e fituar trofe të rëndësishëm me ekipin katalanas. Diego Simeone e ka shprehur gjithmonë faktin që francezi nuk do të largohet. Trajneri argjentinas nuk mund ta imagjinojë ekipin “colchoneros” pa yllin e saj.

“Antuan është një nga kapitenët tanë. Klubi ka bërë një punë të jashtëzakonshme për ta mbajtur dhe ai është i lumtur këtu me ne. Grizman është shumë i rëndësishëm për Atletikon dhe as që më shkon ndërmend largimi i tij”, përfundon “El Cholo”.

Presidenti i Atletikos ka konfirmuar edhe njëherë faktin që Grizman nuk do të largohet, madje tregohet tepër i bindur në atë që thotë.

“Antuan do të qëndrojë tek Atletiko. Kjo është e sigurt 3000%! Edhe sa herë duhet ta përsëris diçka të tillë. Më marrin çdo pesë minuta dhe më pyesin se çfarë po ndodh. Grizman është një futbollist i Atletikos së Madridit”, përfundon presidenti i klubit “colchoneros”.

Mungesat e shumta kanë prekur ekipin “colchoneros”, ndërsa Dieogo Simeone tenton të rikuperojë Diego Kostën për sfidën me ekipin kryesues. Trajneri është shumë i lidhur me sulmuesin dhe ka besim maksimal tek ai.

“Do të përpiqemi ta kemi gati Diego Kostën për ndeshjen e fundjavës kundër Barcelonës. Dëshiroj që të vazhdojë të qëndrojë me ne edhe për sezonin tjetër. Shpresoj të ketë vazhdimësi me këtë klub. Diego ndodhet në një moshë ideale dhe unë i besoj deri në vdekje atij. Nuk është rastësi fakti që nga momenti që është kthyer, kemi fituar Ligën e Europës dhe Superkupën e Europës”, thekson Simeone.

Argjentinasi ndalet dhe te situata e Antuan Grizman. Fjalët e merkatos e lidhin francezin me një kalim te Barcelona, por Simeone nuk e beson. Grizman është një nga kapitenët e ekipit dhe do ia bënte me dija trajnerit, nëse dëshiron të transferohet tek ekipi katalanas.

“Antuan është një prej kapitenëve të ekipit. Nëse do duhet të thotë diçka, do e bëjë. Unë e shoh të përfshirë në grup dhe me dëshirën për të ndihmuar ekipin. Shpresoj që të rikthehet te goli, ka nevojë ai dhe ekipi. Kundër Alaveshit u zëmërua kur e zëvendësova. Po fitonim 0-3, por ai donte të luante akoma. Ky është qëndrimi i duhur që kërkoj nga të gjithë lojtarët”, përfundon trajneri i Atletikos së Madridit.

Finalja e madhe e këtij sezoni do të luhet në “Wanda Metropolitana” dhe ëndrra e madhe e të gjithëve në kampin “colchoneros” ishte mbërritja aty. Diçka e tillë nuk ndodhi, pasi Kristiano Ronaldo mendonte ndryshe dhe tashmë ka filluar të mendojë ndryshe edhe vetë “ylli” i ekipit të Simeones.

Siç raporton “Mundo Deportivo”, kampioni i botës me Francën dëshiron të luajë ne një ekip me Mesin sezonin e ri. Grizman dëshiron shumë transferimin te Barcelona, aq sa është gati të pranojë një rrogë më të vogël.

28-vjeçari përfiton 23 milionë euro në sezon tek Atletiko. Ai është gati të heqë dorë nga 7 milionë euro dhe të pranojë një rrogë prej 16 milionësh në sezon, aq sa ofronte dhe klubi katalanas verën e kaluar.

Grizman refuzoi në verën e kaluar dhe rinovoi me “colchoneros” deri në vitin 2023. Megjithatë, ai ka ndryshuar mendim dhe dëshiron të transferohet në Katalunjë në fund të sezonit.

Kjo gjë e lumturon mbrojtësin e Barçës, i cili komenton këtë transferim të mundshëm në konferencën për shtyp përpara ndeshjes së kampionëve të botës kundër Islandës.

“Nuk kam biseduar me Antuanin për këtë gjë, por do të isha i lumtur nëse do të vinte te Barcelona. Jemi miq dhe do të më pëlqente shumë. Sigurisht që te Barcelona ka vend për një lojtar si ai. Ndonjëherë, në një karrierë, ka disa zgjedhje që duhen bërë dhe për të cilat pendohesh më vonë”, përfundon Samuel Umtiti.

Klubi katalanas ishte gati për të paguar klauzolën prej 90 milionë eurosh, por ishte vetë lojtari që “hodhi në erë” planin e kampionëve të Spanjës duke refuzuar transferimin. Madje këtë e bëri në një mënyrë të padëgjuar më parë, duke përgatitur një dokumentar enkas për këtë çështje.

Kur dukej se palëve nuk mund të kishte më mundësi pajtimi, një lajm befasues vjen nga Franca. Sipas revistës prestigjioze “L’Equipe” në orët e fundit drejtuesit e Barcelonë i kanë dorëzuar 27-vjeçarit një ofertë “faranike”.

Bëhet fjalë për një kontratë 5-vjeçare prej secilës Grizman do të paguhet 16 milionë euro (neto) në sezon. Në ditët në vazhdim do të fillojnë edhe bisedimet ndërmjet drejtuesve të klubeve për të parë nëse ky transferim mund të kryhet me sukses.

Sulmuesi ka folur për ”Oh my Goal”, aty ku jep mendimin e tij rreth futbollistit më të mirë të historisë së futbollit. Grizman zbulon dhe partnerin me të mirë me të cilin ka luajtur. Ai është braziliano-spanjolli Diego Kosta, me të cilin formon një dyshë tepër të frikshme. Në fund formacioni më i mirë me 5 lojtarë, aty ku ka vetëm një mbrojtës dhe asnjë… portier!

MË I MIRI – “Futbollisti më i mirë i historisë së futbollit varet nga koha dhe periudha, por mendoj se ai është njëri mes Mesit dhe Ronaldos. Nuk i kam parë Pelenë dhe Maradonën dhe është një pyetje e vështirë. Çdo lojtar ka stilin e tij. Mes më të mëdhenjve është dhe Zidani, i cili ka fituar Botëror, ndërsa Mesi e Ronaldo nuk ia kanë dalë.”

PARTNERI MË I MIRË – “Diego Kosta. Ai më ndihmon që të jem më i lirshëm në lojë në të gjithë fushën. Skuadra e ëndrrave me 5 lojtarë? Unë, Dembele, Kante, Godin dhe David Bekam. Nuk kemi nevojë fare për portier.”

Grizman ka dhënë një intervistë interesante për “UEFA.com”, duke e nisur metodën e punës së Diego Simeones, përmirësimin e tij si futbollit dhe ëndrrën e madhe për të mbërritur në finalen e shtëpisë. Rrugëtimi është i gjatë dhe i komplikuar dhe gjithçka nis nga dy përballjet e zjarrta kundër Juventusit të Kristiano Ronaldos.

KALIMI TEK ATLETIKO – “Stili i lojës së Simeones ishte pak ndryshe me atë që isha mësuar te Real Sociedadi, sepse tek Atletiko luhej më shumë taktikisht dhe në mbrojtje. Mu desh të mësoja, të shikoja shokët e skuadrës dhe të dëgjoja. Brenda pak muajsh arrita të siguroj një vend në formacion. Në fillim ishte e vështirë, sepse nuk isha përshtatur. Çdo sulmues preferon të qëndrojë në sulm dhe të presë topin, por kjo është diçka që nuk mund ta bësh këtu. Në ekipin tonë të gjithë duhet të punojnë dhe të ndihmojnë njëri-tjetrin në fazën defensive për të kërkuar fitimin e topit. Me kalimin e kohës mëson të zbavitesh dhe një gjë të tillë e bën duke luftuar për rikuperimin e topit dhe fitimin e dueleve. Kjo gjë të jep siguri kur ke topin në anën tënde.”

PËRMIRËSIMI – “Për momentin e konsideroj vetën pjesë të rëndësishme të projektit të Atletikos dhe kjo gjë më ka ndihmuar të vendos për të ardhmen, përveç faktit që kam mbështetjen e klubit, trajnerit dhe shokëve të ekipit. E di që këtu kam një rol kyç dhe do jap gjithçka për të ndihmuar Atletikon të shkojmë sa më larg të jetë e mundur.”

CHAMPIONS – “Në ekip kemi lojtarë që kanë luajtur në finale Champions Lige, Europa Lige dhe Kupe Bote. Ne tashmë jemi më të sigurt kur përballemi me momente dhe ndeshje të rëndësishme. Mendoj se në këto situata arrijmë të japim më të mirën tonë. Ka fytyra të reja në ekip, por baza është gjithmonë e njëjta dhe falë kësaj do të shkojmë shumë larg.”

FINALJA NË SHTËPI – “Sigurisht që një gjë e tillë na motivon më shumë. Fakti që finalja e Champions Ligës do të zhvillohet në ‘Wanda Metropolitana’ është një motivim i madh për ne dhe tifozët. Atmosfera është gjithmonë fantastike në stadiumin tonë dhe kemi nevojë për një gjë të tillë. Një finale në shtëpi do të ishte një festë e madhe për gjithë popullin e Atletikos. Rrugëtimi do të jetë tepër i vështirë, por do të japim më të mirën tonë. Do bëjmë maksimumin për të mbërritur në finale.”

Grizman shkon në kuotën e 130 golave, duke lënë pas ish-kolegun e tij Fernando Torres. Vendi i katërt dhe i tretë mbahen nga Hoze Garate dhe Pako Kampos, me nga 136 dhe 146 gola secili, shifra këto që Grizman mund t’i kapë brenda këtij sezoni.

Vendi i parë mbahet nga një legjendë spanjolle si Luis Aragones. Grizman i duhet të shënojë 42 gola për të rrëzuar nga “froni” i golashënuesve të ndjerin Aragones.

Golashënuesit më të mëdhenj në historinë e Atletikos së Madridit
Luis Aragones: 172
Adrián Eskudero: 169
Francisko ‘Pako’ Kampos: 146
Hoze Garate: 136
Antuan Grizman 130
Fernando Torres 129

27-vjeçari ka folur për fitoren e vuajtur, ndërsa ndalet dhe te Diego Godin, kapiteni i ekipit dhe lideri i mbrojtjes së ekipit “colchoneros”. Kampioni i botës me Francën tregohet modest dhe ndan të gjitha meritat me shokët e skuadrës.

“Nuk e nisëm mirë ndeshjen, mungonin pasimet, këmbët e mia ishin të rënduara, por e dimë që kemi mbrojtjen më të mirë prapa nesh. Godin i bën mirë gjërat si gjithmonë, drejton repartin difensiv dhe është i rëndësishëm për ne. Saviç u dëmtua, por Himenez ishte gati për të luajtur dhe kjo është forca jonë. Mos të harrojmë as Vitolon, i cili nuk është aktivizuar shumë, por zhvilloi një ndeshje të madhe.”

“Rekordi im? Le ta tërheqim para karrocën të gjithë bashkë në momente të vështira: trajneri, tifozët dhe ne lojtarët. Nuk mund të bëj asgjë pa shokët e skuadrës. Nuk mund të krijoj raste, apo të shënoj pa ndihmën e tyre dhe jam i lumtur që ndodhem këtu dhe kam këto shokë skuadre”, përfundon Antuan Grizman.

Në një intervistë, lojtari francez ka zbuluar për mediat spanjolle, se fillimi i tij te Atletiko ishte shumë i vështirë, kjo më së shumti për shkakun e filozofisë së lojës që përdor Diego Simeone. Gjithsesi, Grizman pranon se shokët e ekipit e ndihmuan shumë, por mbi të gjithë veçoi një.

“Në fillim ishte shumë e vështirë që të përshtatesha me filozofinë e Simeones. Përfshinte shumë direktiva mbrojtëse, duhet të vrapoje shumë, por në fund me punë çdo gjë arrihet, normal dhe shokët e ekipit më ndihmuan shumë. Diego Godin ishte ai që më ndihmoi pak më shumë nga të tjerët”.