Angli

Karton i kuq, gafa dhe eurogol: Ndodh gjithçka në Angli

Sport Ekspres — Tue, 06 Aug 2019 13:30:15 +0000

Një gol i bukur mbetet i tillë pavarësisht se në çfarë kategorie shënohet. Nuk ka rëndësi të madhe nëse një realizim perfekt ndodh përpara 50 mijë tifozëve apo para qindra apo dhjetëra të tillëve.

Ditën e djeshme zhvillohej java e parë e National League në Angli (divizioni i pestë). Ebbsfleet priste ekipin e Halifax, por ndeshja nisi ters për vendasit.

Mbrojtësi King u ndëshkua me të kuqe në minutën e 9-të dhe miqtë kaluan në avantazh pas dy minutash. Edhe miqtë kishin një King në ekip, i cili goditi fort dhe përfitoi nga një gafë e pafalshme e portierit. Vendasit treguan karakter dhe barazuan rreth fundit të pjesës së parë.

Halifax nuk u përmbajt në 45 minutat e dyta, shënoi edhe tre herë të tjera dhe siguroi tre pikëshin e parë, duke fituar me rezultatin 1-4.

Goli i fundit u shënua nga Klark në minutat shtesë. Mbrojtësi lëshoi një “predhë” nga shumë larg (0:58), zuri portierin vendas të papërgatitur dhe topi u ndal në rrjetë. Një gol fantastik që vulosi fitoren e miqve dhe ditën jo të Ebbsfleet, sidomos portierit Nathan Ashmore.

Sulmuesi shqiptar drejt Londrës, 10 milionë euro në lojë

Sport Ekspres — Tue, 06 Aug 2019 07:12:38 +0000

Sulmuesi shqiptar i Bazelit, Albian Ajeti, është kthyer në një lojtarë të shumëkërkuar nga ekipet angleze. Pak ditë më parë drejtuesit e klubit zviceran pranuan ta shisnin te Uest Bromuiç Albion, por kërkesat e larta financiare të lojtarit bënë që transferimi të dështonte.

Së fundmi një tjetër klub anglez ka shfaqur interes për 22-vjeçarin. Bëhet fjalë për londinezët e Uest Hem, të cilët sipas medies zvicerane “Blick” janë të gatshëm për të paguajnë 10 milionë euro për të siguruar shërbime e Ajetit.

Në ndryshim nga Uest Bromuiç Albion, Uest Hem është një ekip me financa shumë të shëndosha dhe plotësimi i kërkesave të lojtarit vështirë të jetë problem. Megjithatë, konkurrenca në këtë klub është shumë më e larë me lojtarë si Haller dhe Çiçarito, të cilët janë një nivel shumë i lartë nga konkurrenca me të cilën është mësuar Ajeti deri më tani.

E papritur, Runi drejt rikthimit në Angli

Sport Ekspres — Mon, 05 Aug 2019 17:12:43 +0000

Uejn Runi mund të rikthehet shumë shpejt në Angli. Sipas medies së njohur “The Telegraph”, legjenda angleze është në bisedime me klubin e Derbi Kauntit për të marrë njëkohësisht rolin e trajnerit, por njëkohësisht edhe lojtarit.

Pronari i klubit anglez, Mel Morris, i ka ofruar 33-vjeçarit të vijojë karrierën me skuadrën që militon në Championship, ku krahas të luajturit futboll do të jetë ndihmës-trajner Filip Koku. Holandezi do të ishte një mentor perfekt për hapat e parë të Runit në rolin e trajnerit.

Megjithatë, ka një pengesë të madhe që e pengon këtë lëvizje. Kontrata e Runit me amerikanët e DC United mbaron pas një viti e gjysmë dhe gjasat që klubi amerikan ta lërë të lirë lojtarin pa një kompensim financiar janë të pakta.

Runi e ka shprehur shumë herë se dëshiron që pas futbollit të luajtur të provojë veten si trajner dhe përgatitjet për këtë i ka filluar duke marrë licencat e para si trajner.

VIDEO | Siti e mbyll të parën në avantazh, mjafton goli i Stërling

Sport Ekspres — Sun, 04 Aug 2019 14:46:09 +0000

Spektakli i futbollit anglez rikthehet ditën e sotme. Trofeu i “Community Shield” ka vënë përballë njëri-tjetrit dy superfuqitë e këtij ishullore: Mançester Siti dhe Liverpul.

Pjesa e parë është mbyllur me skuadrën e Guardiolës në avantazh. Golin që zhbllokoi takimin u u shënua nga Rahim Stërling, i cili në minutën 12-të çoi në avantazh të tijtë, duke shfrytëzuar topin e dhënë nga fantazisti spanjoll David Silva.

“Community Shield”
Liverpul 0 – 1 Mançester Siti
Shënues: Stërling 12′

Goditja e madhe e Njukasëll, firmos talenti francez

Sport Ekspres — Fri, 02 Aug 2019 11:05:37 +0000

Klubi i Njukasëllit po kryen si rrallëherë shpenzime të frikshme. Pasi thyen rekordin e klubit për sulmuesin brazilian Zhoelinton, përforcimi i radhë i skuadrës angleze është talenti i Nicës, Alen Sent-Maksimin.

Futbollisti francez u kërkua me ngul nga Milani gjatë merkatos së janarit, por me kalimin e muajve interesi i klubit nga Milano u shua. Transferimi i 22-vjeçarit në Premier League i ka sjellë 22 milionë euro të ardhura klubit të Lilë.

Sent-Maksimin ka qenë një ndër lojtarët më premtues te futbollit francez gjatë viteve të fundit. Sulmuesi është i aftë të luajë në të dyja krahët e sulmit. Megjithëse nuk ka një raport të mirë me golin, 22-vjeçari shkëlqen në driblim, ku është ndër më të mirët në Europë përsa i përket mesatares së driblimeve për çdo ndeshje.

Dështim fenomenal, Totenhem shet sulmuesin në Meksikë

Sport Ekspres — Wed, 24 Jul 2019 08:52:39 +0000

Klubi meksikan i Monterreit ka habitur të gjithë teksa ka zyrtarizuar transferimin e sulmuesit holandez Vinsent Jansen. “Gjiganti” meksikan ka derdhur 8 milionë në arkat e Totenhem për kartonin e 25-vjeçarit.

Futbollisti holandez ka firmosur një kontratë 5-vjeçare me ekipin meksikan, ku shpreson të ringjallë karrierën e tij. Kampionati meksikan ka filluar të afrojë së fundmi lojtarë të shumtë nga Europa, si Ander Pier Zhinjak dhe Zheremi Menez, të cilët kanë vite që luajnë në “Liga MX” dhe bëjnë diferencën.

https://www.instagram.com/p/B0Rm_yOBaE4/?utm_source=ig_web_copy_link

Tre vite më parë Totenhem investoi 20 milionë euro për të blerë nga AZ Alkmar kartonin e Jansen. Sulmuesi vinte pas një sezoni të shkëlqyer si kryegolashënues i “Eredivisie” me 27 gola në 34 ndeshje. Megjithatë, eksperienca 3-vjeçare në Londër rezultoi një dështim i përmasave të mëdha me vetëm 6 gola të realizuar.

Florian Marku: Ju tregoj pse lashë “MMA”-në për boksin

Sport Ekspres — Fri, 19 Jul 2019 11:34:40 +0000

Florian Marku ka filluar në mënyrë perfekte karrierën e tij në boksin profesionist. Boksieri shqiptar është zhvendosur në Londër ku stërvitet prej 6 muajsh. Pak nga pak 26-vjeçari ka filluar të marrë famë në Angli, kjo falë mbështetjes së madhe të komunitet shqiptar në Mbretërinë e Bashkuar. Në një intervistë për emisionin “Ring Talk”, Marku ka zbuluar përse vendosi t’i linte sportin e “MMA” për t’iu përkushtuar boksit.

KALIMI NGA “MMA” NË BOKS –“Vendosa të mos merresha me “MMA” për shkak të një operacioni që bëra në krah. Pas ndërhyrjes e kisha shumë të vështirë pjesën e kapjeve dhe të mundjes, nuk isha më si më parë. E dashuroj akoma atë sport, por s’mund kapja kundërshtarët si më parë”.

https://youtu.be/5AJCrRTljkw?t=951

TRANZICIONI – “E kam pasur të lehtë tranzicioni. Kam filluar të stërvitem që 12-vjeç si kikboksier dhe stili im ka qenë gjithmonë i fokusuar te pjesa e boksit. Do vazhdoj të luftoj në divizionin “welterweight” (66.7 kg). Jam pak i shkurtër për këtë divizion, por kjo më pëlqen pasi jam ndër ata boksierë që kërkoj të luftoj dhe jo të vrapoj nëpër ring”.

DUELI I FUNDIT – “Nuk ishte një duel i vështirë. Kundërshtari im vetëm po vraponte gjatë të gjithë raundeve. Gjithsesi jam i kënaqur me fitoren. Jam i ri në boksin profesionist, kam vetëm 9 muaj që kam filluar stërvitjen si boks. Kundërshtari po më nevrikoste me ngacmimet që po bënte, por e mbajta veten të qetë sepse e dija që do vinte momenti im”.

MBËSHTETJA NGA KOMUNITETI SHQIPTAR NË ANGLI – “I jam shumë falënderues bashkëkombësve të mi. Pa ata kjo s’do ishte e mundur. Në debutimin tim në “York Hall” kishim rreth 1500 shqiptarë. Dueli im i radhës do të jetë në shtator. Mezi po e pres, pasi do të jetë sërish një duel në një platformë shumë të madhe”.

MENAXHERI STEVE GOODWIN – “Ai është menaxheri më i mirë në Angli për mendimin tim. Gjithçka po shkon mirë, s’mund të kërkoj më shumë. Ai po kujdeset për karrierën time, ndërsa po bëj timen duke dhënë maksimumin. Ai e di që ne të dy do jemi shumë të suksesshëm së shpejti”.

Vëllai luajti baste sportive, federata pezullon Starrixh

Sport Ekspres — Thu, 18 Jul 2019 12:39:12 +0000

Futbollisti anglez, Dainel Starixh është dënuar nga Federata Angleze me pezullim nga futbollit për shkak se u provua se ai ka shkelur rregullat duke vendosur baste sportive. Prej dekadash në Angli zbatohet ky rregull i veçantë, ku vit pas viti futbollistë të ndryshëm dënohen me pezullime nëse zbulohet që ata luajnë baste sportive të çfarëdoshme.

Ai që ka vënë në telashe Starrixh ka qenë vëllai i tij, i cili vendosi një bast për transferimin e Starrixh në te Sevija në janarin e vitit 2018. Në fund marrëveshja me Sevijën nuk u konkretizua dhe Starrixh kaloi te Uest Hem, por ishte tepër vonë pasi autoritet angleze pikasën bastin e të afërmit të sulmuesit.

Në fakt, pezullimi është thjesht simbolik pasi zgjat vetëm për muajin korrik. Krahas pezullimit Starrixh do i duhet të paguajë një gjobë prej 75 mijë paundësh. Federata Angleze ishte e pakënaqur nga dënimi i lehtë i dhënë nga komisioni i dënimeve dhe pritet që ta apelojë çështjen.

E kryer | Hysaj – Atletiko “Game Over”, firmos mbrojtësi anglez

Sport Ekspres — Tue, 16 Jul 2019 14:43:23 +0000

Atletiko Madrid i ka dhënë fund kërkimit për një mbrojtës të djathtë. Mediet angleze po raportojnë bashkërisht se futbollisti i Totenhem, Kieran Tripiër, ndodhet në Madrid në këto momente. 28-vjeçari po zhvillon vizitat mjekësore dhe në orët në vazhdim pritet zyrtarizimi.

Atletiko ka paguar 30 milionë euro për transferimin e anglezit. Kjo marrëveshja mbyll dhe mundësinë e kalimit të futbollistit shqiptar Elseid Hysaj te skuadra e drejtuar nga Diego Simone. Tekniku argjentinas ka tani në dispozicion të tij dy mbrojtës të djathtë të një niveli të lartë si Santiago Arias dhe i porsaardhuri Tripiër.

Një tjetër Poçetino te Totenhemi, firmos djali i trajnerit

Sport Ekspres — Tue, 16 Jul 2019 07:31:19 +0000

Trajneri i Totenhemit Mauricio Poçetino ka përjetuar një ditë te veçantë teksa ka qenë prezent në nënshkrimin e kontratës së parë profesioniste të një prej talenteve të akademisë së londinezëve. Mirëpo nuk kemi të bëjmë me një lojtar çfarëdo…

18-vjeçari që hodhi të zezën mbi të bardhë është pikërisht djali i trajnerit e argjentinas. Futbollisti më i ri i Totenhemit ndan të njëjtin emër me babanë e tij, por në stilin e lojës nuk kanë shumë ngjashmëri midis tyre, pasi Poçetino ka qenë një mbrojtës i hekurt, ndërsa i biri aktivizohet si sulmues krahu.

? @Lilywhite_Rose exclusive – The Poch pose. Mauricio watching over his son Maurizio signing his first professional contract with the club. What a photo #COYS pic.twitter.com/AsbN0RZZ1e

— Lilywhite Rose (@Lilywhite_Rose) July 15, 2019

Mauricio Xhunior ka qenë prej tri vitesh pjesë e akademisë së Totenhemit, ku ka luajtur pwr skuadrwn U19 dhe U23.

“Mbretërit” e merkatos, shpenzimet e Aston Vilës janë të llahtarshme

Sport Ekspres — Sat, 13 Jul 2019 15:11:22 +0000

Klubi më aktiv i merkatos së verës në Angli nuk ka qenë asnjë prej ekipeve në pjesën e sipërme te tabelës. Të sapo ngjiturit e Aston Vilës kanë zgjedhur të mos presin deri në javët e fundit të merkatos, duke kryer të gjitha blerjet me shpejtësi rrufe.

Deri më tani Aston Vila ka shpenzuar më shumë se çdo klub tjetër në Angli. Plot 93 milionë euro për shtatë lojtarë. Rekordin e mban sulmuesi brazilian Uesli, i cili u ble nga belgët e Klub Bruzh për 25 milionë euro. Faturë të kripur mban edhe mbrojtësi Mings, i cili u transferua në Midlends nga Bornmuth për 23 milionë euro .

Të të rinjtë anglez Target dhe Konsa kanë kushtuar 29 milionë euro së bashku, 20 milionë të tjera kanë kushtuar kartonët e El Gazit, Zhotës, dhe Kortni Hauz. Krahas emrave të përmendur, Aston Vila është duke mbyllur marrëveshjet për mesfushorin e Sitit Duglas Luiz dhe mbrojtësin e Reims Bjorn Engels, të cilët së bashku kanë një kosto pre 25 milionë eurosh.

ZYRTARE | Leister nuk kursehet, 45 milionë euro për mesfushorin belg

Sport Ekspres — Mon, 08 Jul 2019 16:24:23 +0000

Liester Siti ka thyer rekordin e klubit duke paguar 45 milionë euro për kartonin e futbollit belg Juri Tielemans. Mesfushori 22-vjeçar bindi drejtuesit e klubit anglez gjatë qëndrimit 6 mujor në Angli, ku u huazua nga Monako.

Ekipi nga Principata ka arritur të nxjerrë një fitim të konsiderueshëm për futbollistin belg të cilin e blenë dy vite më parë nga Anderleht për 25 milionë euro.

Welcome back, Youri! ?

— Leicester City (@LCFC) July 8, 2019

Interes për Tielemans shfaqi dhe Mançester Junajtid, por në fund “djajtë e kuq” u tërhoqën duke u fokusuar te lojtarë të tjerë. Me Tielemans në klub Leister Siti ka ndërtuar një mesfushë interesante ku krahas belgut të talentuar kanë emra si nigeriani Ndidi ose i riu anglez Çuduri.

VIDEO | Lajthitje në Botërorin e femrave, lojtarja shtyn gjyqtaren

Sport Ekspres — Sun, 23 Jun 2019 18:22:33 +0000

Kombëtarja e angleze e femrave siguroi biletën për në finale për në çerekfinalen e Botërorit. “Luaneshat” mundën 3 – 0 Kamerunin duke mos hasur vështirësi ndaj kombëtares afrikane.

Fakti që aventura e tyre në Botëror mori fund nuk u përjetua mirë nga lojtaret e Kamerunit. Njëra prej tyre gjeti një mënyrë origjinale për të shfryrë inatin, por kjo gjë mund t’i kushtojë shumë.

Një video ky 26-vjeçarja Zhanet Jango shtyn gjyqtaren kineze Liang Qin po bëhet virale në rrjetet sociale. Çuditërisht gjyqtarja vendosi të mos ta ndëshkonte lojtaren afrikane edhe pse gjesti i saj është qartësisht në shkelje të rregullave.

https://twitter.com/passitin/status/1142840892660899841

Selltik nuk toleron, talenti i mbrojtjes s’lëshohet pa 25 milionë paundë

Sport Ekspres — Sun, 23 Jun 2019 15:36:15 +0000

Talenti skocez i Selltikut, Kieran Tierni, është kthyer në një lojtar të shumëkërkuar nga ekipet e Premier Ligës. Pak ditë më parë kampionët e Skocisë refuzuan një ofertë prej 15 milionë paundësh për mëngjarashin.

Sipas “The Times”, çmimi që Selltik kërkon për 22-vjeçarin është 25 milionë paundë, çka do të ishte një rekord i ri për kampionatin skocez. Rekordi i tanishëm mbahet nga francezi Musa Dembele, i cili u shit verën e kaluar nga Selltik për 20 paundë.

Ekipi që ka shfaqur më shumë interes për Tiernin është Arsenali. Topçinjtë janë vënë në ndjekje të një mbrojtësi të majtë, pasi Naço Monreal dhe Sead Kolashinac nuk kanë bindur trajnerin Unai Emeri.

https://www.youtube.com/watch?v=VuWvtgqi1uk

VIDEO | Anglia për turp, Rumania e eliminon me goleadë!

Sport Ekspres — Fri, 21 Jun 2019 18:26:03 +0000

Ndeshja mes Anglisë U21 dhe Rumanisë U21 ishte e çmendur. Plot 6 gola dhe një fitore e merituar 2-4 e rumunëve, që ngjiten në kuotën e 6 pikëve dhe lënë Anglinë me 0 pikë dhe jashtë Euro 2021 vetëm pas dy ndeshjeve të luajtura.

Pjesa e parë, ishte shumë e luftuar dhe me pak raste, me të dyja skuadrat që iu drejtuan dhomave të zhveshjes me rezultatin e barabartë 0-0. Pjesa e dytë, ishte spektakël, me plot 6 gola të shënuar.

Rumania do të kalonte e para në avantazh, me anë të sulmuesit Pushkash, i cili shënon nga pika e bardhë e penalltisë në minutën e 76’. Anglia do të barazonte shumë shpejt, me anësorin Grej që shënon në minutën e 79’.

Rumania do të rigjente avantazhin në minutën e 85’, ku fantazisti Haxhi shënon nga jashtë zone. Anglia nuk do të dorëzohej dhe do të barazonte me sulmuesin tjetër, Abraham, i cili tregohet i saktë para portë në minutën e 87’. Në pjesën e mbetur të takimit, Rumania do të shënonte dhe 2 herë të tjera. Dopieta e Koman në minutat 89’ dhe 90+4’ dotë vendoste rezultatin final të sfidës në 2-4.

EURO 2021, U21

Angli – Rumani 2-4
Grej 79’, Abraham 87’ / Pushkash 76’, Haxhi 85’, Koman 89’ 90+4’

VIDEO | Përmbysje epike e Francës, Anglia thyhet në fund

Sport Ekspres — Tue, 18 Jun 2019 20:58:14 +0000

Asgjë nuk shijon më shumë në futboll se një përmbysje e minutave të fundit, në të njëjtën kohë kjo është humbja më e dhimbshme. Franca U21 ia doli të përmbyste Anglinë në takimin e sotëm të Europianit U21 që u mbyll me fitoren 2 – 1 të “gjelave”.

Pjesa e parë ishte e vakët në raste. Franca mund të kishte zhbllokuar takimin, por Musa Dembele u tregua i pasaktë nga pika e bardhë. Anglezët godasin të parët në fraksionin e dytë. Fil Foden dhuron spektakël dhe i jep avantazhin “tri luanëve” në të dytën.

Pak minuta më vonë mesfushori anglez Çudhuri shkakton penallti dhe del me të kuqe. Francezët shpërdorjnë sërish, por në minutën e 89-të Ikone barazon në rezultatin në 1 – 1. Në sekondat e fundit të takimit Anglezët bëjnë gabimin fatal në një godijte këndi duke i falur francezëve tri pikët.

Francë U21 2 – 1 Angli U21
Shënues: Ikone 89’, Uan-Bisaka 90+4’ / Foden 54’

https://www.youtube.com/watch?v=t13so_vvqwA

VIDEO | Doni të dini si shënohet një gol me “kokë”? Ju tregon Foden

Sport Ekspres — Tue, 18 Jun 2019 20:12:44 +0000

Fil Foden e tregon dita ditës se është një lojtar që premton shumë. Talenti i Mançester Sitit është pjesë e Anglisë U21 që ditën e sotme luan kundër homologëve francezë në Europianin e kësaj grupmoshe.

19-vjeçari ka treguar se është i aftë të bëjë diferencën duke zhbllokuar diferencën me një gol fantastik. Edhe pse në trysninë e të paktën pesë lojtarëve, Foden ruan qetësinë deri në fund të aksionet dhe finalizon me sukses.

Arsenali nuk e harron “vesin” e Venger, gati goditja e radhës

Sport Ekspres — Mon, 17 Jun 2019 15:25:44 +0000

Arsenali ka qenë ekipi i parë anglezi që fillojë të transferojë masivisht lojtarë nga kampionati francez. Gjithçka filloi me Arsenal Venger, i cili kur u vu në krye të “topçinjve” afroi në ekip Tieri Henri, Nikolas Anelka dhe Silven Uiltord.

Për më shumë se dy dekada Arsenali vazhdoi të jetë ekipi i preferuar i francezëve në Angli. Edhe pse Venger është larguar, kjo strategji vazhdon të jetë pjesë e filozofisë së klubit londinez.

Francezi më i fundit që do t’i bashkohet “topçinjve” është mbrojtësi i Sent Etien Uilliam Saliba. Futbollisti 18-vjeçar ka rënë dakord për të vazhduar karrierën në Angli ku e pret një kontratë 5-vjeçare. Sent-Etien ende nuk ka dhënë “Ok” për lëvizjen, por mediet franceze janë të sigurt se akordi është vetëm çështje ditësh.

“Everton kërkon Everton”, rastësi interesante në merkato

Sport Ekspres — Sun, 16 Jun 2019 18:19:28 +0000

Klubi i Evertonit po bëhet gati të ndërhyjë në merkato për të përforcuar repartin e sulmit. Drejtuesit e skuadrës nga Liverpuli duan të shtojnë një brazilian të tretë në skuadrën e tyre pas Bernard dhe Riçarlison.

Sipas “Globo”, objektivi i Evertonit është sulmuesi i Gremios Everton Soaresh. Natyrisht ajo që bie në sy është fakti se emri i futbollistit është i njëjtë me emrin e klubit diçka që është bërë objekt humori në rrjetet sociale.

Everton është një ndër futbollistët më të mirë në kampionatin brazilian. Paraqitje e mira të 23-vjeçarit i siguruan një ftesë nga përfaqësuesja e Brazilit për në turneun “Copa America”, ku Everton shënoi një super gol në takimin hapës ndaj Bolivisë.

Për brazilianin janë të interesuar shumë klube të tjera në Europë, por te Gremio po tregohen kokëfortë duke mos pranuar ofertat që nuk e kalojnë shifrën e 40 milionë eurove.

Dështon transferimi i Uan-Bisakës, Solskjaer kërkon talentin e PSV-së

Sport Ekspres — Sun, 16 Jun 2019 16:10:47 +0000

Mancester Junajtid është futur në merkato për një mbrojtës të djathtë. Eshli Jang është në vitin e fundit të kontratës me “djajtë e kuq”, ndërsa i riu portugez Diogo Dalot nuk i jep siguri trajnerit Ole Gunar Solskjaer.

Sipas së pëditshmes holandeze “De Telegraaf”, Junajtid ka filluar negociatat me PSV-në për kartoni e mbrojtësit Denzel Dymfris. 23-vjeccari është prej disa vitesh një ndër lojtarët më të mirë në Eredivisie dhe pjesë e rregullt e kombëtares holandeze.

Transferimi i Dymfris pritet të sjellë 25 milionë euro në arkat e PSV-së. Fillimisht objektivi i Junajtid ishte mbrojtësi i Kristal Palas, Eron Uan-Bisaka, por kërkesat e larta të klubit londinez bën që transferimi të dështojë.

VIDEO: Penalltia më e bukur në Angli-Zvicër, e shënon një portier

Sport Ekspres — Sun, 09 Jun 2019 16:51:11 +0000

Anglia dhe Zvicra u përballën sot kundër njëra-tjetrës, sfidë e vlefshme për vendin e tretë në UEFA Nations League. Gjatë 90 minutave, rastet ishin pafund, sidomos për Anglinë, por goli mungoi dhe skuadrat iu drejtuan shtesave.

As gjatë 30 minutave shtesë, nuk pati gol, me Pikford dhe Somer që ndaluan gjithçka dhe mbajtën rrjetat e paprekura. Si pasojë, skuadra iu drejtuan penalltive. Në pesë penalltitë e para, asnjëra nga skuadrat nuk gaboi, por në penalltitë vendimtare, Durmiç gaboi për Zvicrën dhe Anglia u rendit e treta.

Penalltia më e bukur ishte padiskutim ajo e portierit të Anglisë dhe Evertonit, Xhordan Pikford. Numri një i “Tre Luanëve” nuk kishte aspak frikë të godasë, madje shënoi një penallti perfekte, duke mposhtur kolegun Somer.

WATCH:

Switzerland v England penalties in full in less than 200 seconds!

Including Jordan Pickford’s penalty! ?#SUIENG #NationsLeague #VMSport pic.twitter.com/e5zh9JFDEu

— Virgin Media Sport (@VMSportIE) June 9, 2019

VIDEO | Anglia largohet me kokën lart, Zvicra e pafuqishme

Sport Ekspres — Sun, 09 Jun 2019 15:55:29 +0000

Vendi i tretë i fazës finale të “Nations League” i takon përfaqësueses angleze. “Tri Luanët” mundën Zvicrën dhe tanimë mund të ngushëllohen me medaljet e bronzta. Anglia ishte skuadra më dominuese përgjatë të gjithë takimit. “Tri Luanët” goditën 7 herë kuadratin e mbrojtur nga Jan Somer, por pa mundur të shënojnë.

Pak minuta para fundit Kalum Uilson shtyn topin drejt rrjetës, por festën e anglezëve e ndal sërish sistemi “VAR”, që pikas një faull ndaj mbrojtësit zviceran Akanzhi.Koha shtesë nuk prodhoi goli pavarësisht përpjekjeve të vazhdueshme të palës angleze. Në fund skuadrat u detyruan t’ia besonin verdiktin e takimit, “lotarisë” së 11-metërshave.

Asnjë prej skuadrave nuk gaboi në pesë penalltitë e para, por në tentativën e gjashtë të zviceranëve Pikford bëri heroi duke pritur 11-metërshin e Josip Dërmiç.

ANGLI 0 – 0 ZVICËR
(Penallti 6 – 5)

Gafa të pafalshme, Holanda turpëron Anglinë (VIDEO)

Sport Ekspres — Thu, 06 Jun 2019 21:30:21 +0000

Anglia i bën gropën vetes. Holanda e mposht 3-1 nga tre gafa të mbrojtjes angleze, duke iu bashkuar Portugalisë në finalen e Nations League. Edhe pse “Tre Luanët” kaluan të parët në avantazh me anë të Rashford në minutën e 32’, nuk arritën të ruanin epërsinë. Në minutën e 73’ të takimit, mbrojtësi më i kërkuar në merkato, Matijs De Ligt, barazon shifrat, duke mposhtur portierin Pikford me një goditje me kokë.

90 minuta e kohës së regullt u mbyllën në barazim 1-1 dhe skuadrat iu drejtuan shtesave. Në minutën e 97’, një tjetër gabim në mbrojtje i kushtoi rëndë Anglisë. Stones katranos gjithçka dhe Promes ndëshkon, duke shënuar me portën e boshatisur. Në minutën e 114’, do të ishte Barkli ai që do të gabonte, duke i dhuruar një tjetër gol holandezëve. Ndeshja u mbyll 3-1 në favor të “Tulipanëve”, që presin biletën për në finalen e UEFA Nations League.

UEFA Nations League

Holandë – Angli 3-1
De Ligt 73’, Promes 97’ 114’ / Rashford 32’

VAR, gola dhe De Ligt protagonist: Angli-Holandë drejt shtesave

Sport Ekspres — Thu, 06 Jun 2019 20:49:48 +0000

Nuk kanë mjaftuar 90 minutat e kohës së rregullt që të përcaktohet një fitues në gjysmëfianen e dytë të UEFA Nations League mes Holandës dhe Anglisë. “Tre Luanët” gjetën të parët golin, me anë të një penalltie të shdërruar në gol nga Rashford.

Ishte De Ligt ai që e shkaktoi këtë penallti, por mbrojtësi i talentuar do të korrigjonte gabimin në pjesën e dytë, duke shënuar me kokë dhe duke rikthyer baraspeshën. 10 minuta nga fundit, Anglia do të shënonte sërish, me anë të Lingard, por pas konsultimit me VAR-in, arbitri e anulon golin, si pozicion i parregullt.

Pak minuta më vonë, Holanda do të pretendonte për një penallti, pas një prekjeje me dorë të topit nga mbrojtësi Çiluell. Edhe një herë, u dehs ndërhyrja e VAR-it dhe penalltia nuk u akordua. Skuadrat i drejtohen shtesave.

UEFA Nations League

Holandë – Angli 1-1
De Ligt 73’ / Rashford 32’

Tjetër gol, De Ligt korrigjon gabimin (VIDEO)

Sport Ekspres — Thu, 06 Jun 2019 20:17:00 +0000

Plot 73 minuta duhet të kalonin që Holanda të gjente golin në takimin përballë Anglisë. Për më shumë se 40 minuta në disavantazh, “Tulipanët” insistuan dhe arritën të barazonin, me anë të De Ligt. Mbrojtësi ishte ai që shkaktoi penalltinë në pjesën e parë, por korrigjon gabimin, duke shënuar me kokë dhe duke rikthyer baraspeshën.

LIVE, UEFA Nations League

Holandë – Angli 1-1
De Ligt 73′ / Rashford 31’

Gafë e De Ligt, Anglia kalon në avantazh (VIDEO)

Sport Ekspres — Thu, 06 Jun 2019 19:18:20 +0000

Anglia është skuadra që ka kaluar e para në avantazh. 30 minutat e para të takimit ishin shumë të qeta, me të dyja skuadrat që dukeshin të barabarta në fushën e lojës dhe kishin frikë të pësonin të parët.

Por në minutën e 31’, “Tulipanët” e panë veten në disavantazh, pas një penalltie të shndërruar në gol nga Rashford. Ky i fundit e fitoi vetë penalltinë, e cila u shkaktua nga lojtari më i përfolur në merkato, Matijs De Ligt.

LIVE, UEFA Nations League

Holandë – Angli 0-1’
Rashford 31’

Talente dhe yje në fushë, Holandë-Angli luajnë finalen

Sport Ekspres — Thu, 06 Jun 2019 17:47:14 +0000

Sot, luhet gjysmëfinalja e dytë e UEFA Nations League dhe pasi Portugalia arriti finalen mbrëmë, Holanda dhe Anglia do të diskutojnë biletën e dytë finaliste. Dy trajnerët, Ronald Kuman dhe Gareth Sauthgejt, kanë zgjedhur formacionet e tyre.

Te Holanda, ka shumë talente dhe shumë cilësi. Që në prapavijë, De Ligt-Van Dajk ofrojnë garanci, ndërsa De Jong do të jetë lojtari kyç në mesfushë. Ndërsa te Anglia, nuk ka shumë ndryshime, por vërehet mungesa e Heri Kejn. Sanço e nis titullar, ndërsa maja e sulmit i është besuar Rashfordit.

Holanda: Cilesen, Dumfris, De Ligt, Van Dajk, Blind, De Run, De Jong, Vijnaldum, Bergujin, Babel, Depai

Anglia: Pikford, Uolker, Meguajer, Stons, Çiluell, Rajs, Delf, Barkli, Sanço, Rashford, Sterling

388 milionë paundë humbje, vetëm Premier League i shpëton kolapsit financiar

Sport Ekspres — Fri, 24 May 2019 21:11:54 +0000

Na ndodh shpesh të dëgjojmë nga presidentët klubesh në Shqipëri se futbolli është një “gropë e zezë”. Të nxjerrësh fitime është e padëgjuar dhe sukses quhet nëse të paktën zeron humbjet.

Megjithatë, ky realitet nuk prek vetëm një vend me 1001 probleme si Shqipëria. Në një analizë të fundit të kryer nga media prestigjioze “The Times”, është nxjerrë në pah fakti i keqmenaxhimit të klubeve në futbollin anglez.

Nuk po flasim për Premier League, që është kampionati më elitar i planetit dhe ku vendi i fundit ka të garantuara diçka më shumë se 100 milionë paundë nga të drejtat televizive. Futbolli profesionist në Angli shtrihet deri në divizionin e katërt për nga rëndësia, “League One”.

Shumica e klubeve të Premier League arrijnë të nxjerrin fitime në bilancet e përfundimtare, krejt e kundërta ndodh në ligat e poshtme. 52 nga 72 klube të Championship, League 1 dhe League Tëo” kanë mbyllur sezonet duke regjistruar humbje kolosale, shifra e kombinuar e të cilave është plot 388 milionë paundë.

Risi në Angli, merkato fillon që në maj!

Sport Ekspres — Tue, 14 May 2019 14:10:42 +0000

Bordi i drejtuesi i Premier League ka vendosur që të hapë periudhën e merkatos për transferimet brenda Anglisë më datë 16 maj. Në të shkuarën klubeve i është dashur të presin deri më 1 qershor për këtë zyrtarizuar blerjet e merkatos së verës.

Megjithatë, nuk ka lehtësime për lojtarët e blerë nga jashtë Anglisë. Çdo futbollist që transferohet nga një kampionat i huaj duhet të presë minimumi deri më datë 11 qershor.

OFFICIAL: The summer window for domestic Premier League transfer will open on 16th May, international transfers may take place from 11th June onwards.

It will close at 17:00 BST on Thursday 8th August 2019 – a date agreed by all clubs in November 2018. pic.twitter.com/gdo4cbe2t9

— Squawka Live (@Squawka_Live) May 14, 2019

Fundi i merkatos do të jetë 8 gushti, një ditë para fillimit të sezonit të ri të Premier League, rregull ky që është vënë në fuqi prej dy vitesh.

Jo vetëm rënia nga kategoria, klubi anglez e nis sezonin me -12 pikë!

Sport Ekspres — Tue, 14 May 2019 10:21:56 +0000

Fitimet në futboll janë rritur, por nuk mungojnë problemet ekonomike për shumë klube të ndryshme. Bolton Uonderers kaloi një sezon të tmerrshëm në aspektin financiar në Championship dhe u rrëzua në League One (niveli i tretë i futbollit anglez).

Jo vetëm kaq, por Boltoni do e nisë kampionatin e ri me -12 pikë. Një dënim i rëndë, ndërsa klubi ka zgjedhur administratorët e rinj. Borxhi shkon në 1 milionë sterlina, ndërsa presidenti Anderson deklaroi javën e kaluar se kalimi i klubit në duart e administratorëve ishte zgjidhja e fundit që i kishte mbetur.

Pol Appleton, Asher Miler dhe Dejvid Rubin janë tre zyrtarët e zgjedhur dhe qëllimi është që klubi i njohur të vazhdojë ekzistencën. Ekipi nuk zbriti në fushë në ndeshjen kundër Bretfordit, pasi lojtarët bojkotuan për mungesën e rrogave.

Tifozët shpresojnë që kjo lëvizje në drejtimin e klubit të jetë pozitive dhe Boltoni i tyre i dashur t’i kalojë vështirësitë dhe ditët e errëta.

Fenomeni “Salford City”, klubi i ish-lojtarëve të Junajtid arrin suksesin historik

Sport Ekspres — Sat, 11 May 2019 17:33:40 +0000

Salford Siti është skuadra më e suksesshme në Angli në 5-vjeçarin e fundit. Sigurisht që shumica prej nuk mund të kenë dëgjuar për këtë ekip, por pronarët e tyre i njihni mjaft mirë. Bëhet fjalë për një grup ish-lojtarësh të Mançester Junajtid, si vëllezërit Geri dhe Fil Nevill, Nik Bat, Pol Skolls dhe Rajan Gigs.

The class of 9?2?legends enjoyed that one! ? pic.twitter.com/LVqdtc5OvQ

— Wembley Stadium (@wembleystadium) May 11, 2019

Ditën e sotme ekipi nga qyteza në rrethinat e Mançesterit fitoi me rezultatin 3 – 0 ndeshjen “Play-Off” të divizionit të pestë për nga rëndësia në Angli, “Conference National”.

Fitorja e sotme i mundëson klubit nga veriu i Anglisë pjesëmarrjen e parë në histori në “League 2”, që është divizioni i më i ulët i gjithi profesionist në Angli, tri nivele poshtë Premier League.

Pesë vite më parë Salford Siti ishte një ekip amator, por me investimet e kryera nga ish-lojtarët e “Djajve të Kuq”, klubi arriti të ngjishte katër kategori në vetëm pesë sezoni. Objektivi i drejtuesve është që në harkun e pesë viteve skuadra të arrijë në “Championship”.

FULL TIME |

WE ARE GOING UP, SAY WE ARE GOING UP!

Salford City have been promoted to @SkyBetLeagueTwo for the first time in our history!#WeAreSalford ?? pic.twitter.com/PY0qJhlaNq

— Salford City FC (@SalfordCityFC) May 11, 2019

“Kthim në Itali? Jo, faleminderit!”

Sport Ekspres — Wed, 08 May 2019 15:09:38 +0000

Prej disa javësh qarkullojnë lajme për një rikthim të Mauricio Sarrit në Itali. Mediet italiane kane folur për një interesim të Romës dhe Milanit, por mesa duket të gjitha këto kanë qenë thjesht aludime të pabaza.

Në një dalje për shtyp, tekniku i Çelsit ka sqaruar para gazetarëve se i pëlqen shumë të qëndrojë në Angli. Ndër të tjera Sarri mendon se pavarësisht mungesës së trofe, ai ka bërë një punë të mirë duke përmirësuar skuadrën londineze.

“Dua të qëndroj këtu. Më pëlqen shumë futbolli anglez, atmosfera që kanë stadiumet këtu. Prandaj, nëse do ishte në dorën time do të pëlqeja që të qëndroja. Nuk kam ndërmend të ndryshoj mentalitet, duhet të synojmë që të jemi më të mirët gjithmonë. Ky është objektivi i një trajneri, që të rrisë nivelin e skuadrës, jo të gjithë fitojnë trofe. Mendoj se të gjithë lojtarët e mi janë përmirësuar shumë, sidomos të rinjtë”.

Ekipi më hileqar në Angli, “çmimi” i takon Arsenalit

Sport Ekspres — Mon, 06 May 2019 08:48:41 +0000

Arsenali hodhi poshtë në harkun e pak javëve mundin e një sezoni të tërë, teksa regjistroi rezultate zhgënjyese si ai i ditës së djeshme ndaj Brajtonit.

Shtypi anglez është hedhur në sulm duke analizuar çfarë nuk shkon te skuadra e “topçinjve”. Një statistikë interesante vjen përsa i përket simulimeve.

Arsenali është klubi lojtarët e të cilit kanë simuluar më shumë gjatë këtij sezoni. Plot 6 kartonë të verdhë janë marrë për simulime nga futbollistët e skuadrës londineze, dy më shumë se skuadra e vendit të dytë.

Në mënyrë ironike, qendërmbrojtësi grek u ndëshkua me të verdhë ditën e djeshme për një simulim, ndërsa penalltia prej secilës erdhi goli i Arsenalit, nuk ishte asgjë më shumë se një simulim i pastër i Monreal.

https://twitter.com/TheViTalRema/status/1125063105451560960

VIDEO | Junajtid i thotë lamtumirë Champions-it, barazim i artë për Çelsin

Sport Ekspres — Sun, 28 Apr 2019 17:28:55 +0000

Mançester Junajtid nuk ia ka dalë të mposhtë në “Old Trafford” vizitorët e Çelsit. Takimi midis dy “gjigantëve” anglez u mbyll me rezultatin 1 – 1.

Huan Mata zhbllokoi sfidën duke ndëshkuar ish-ekipin e tij në minutën e 9-të, por Çelsi barazoi shifrat me anë të Alonsos, i cili shfrytëzoi një gafë për portierit David De Gea. Fraksioni i dytë i lojës foli më shumë Çelsin, por rezultati mbeti i pandryshuar.

Teksa në lojë janë vetëm 6 pikë, Junajtid e gjen veten në vendin e gjashtë, tre pikë larg dhe një pikë larg Arsenalit. Një fitore e bluve të Londrës do të mbyllë matemakisht shanset e “djajve të kuq” për të arritur zonën Champions.

Standings provided by Sofascore LiveScore

U ndëshkua me të kuqe, hakmarrja e lojtarit do t’u lërë pafjalë

Sport Ekspres — Sat, 27 Apr 2019 16:51:18 +0000

Kartoni i kuq është gjithmonë i vështirë për t’u pranuar. Çdokush reagon në mënyrën e tij: dikush proteston ashpër dhe mezi duhet ta nxjerrësh nga fusha, ndërsa një tjetër largohet avash avash për t’u… “hakmarrë” më pas.

Diçka e ngjashme ka ndodhur në futbollin amator anglez, siç raporton “The Sun”. Luhej ndeshja midis Cheltenham Saracens dhe Kidlington Development. Në minutën e 73-të, arbitri kryesor vendos të ndëshkojë me karton të kuq Julius Muragën.

Ky i fundit e pranon vendimin dhe niset qetësisht drejt dhomave të zhveshjes. Pas pesë minutash ndodh hataja. Në stadium pllakos errësira, pasi kanë ikur dritat. Nuk ka asnjë defekt si këto që ndodhin në vendin tonë.

Muraga uli automatin dhe për 5 minuta ka rrëmujë dhe paqartësi për çfarë ka ndodhur. U mendua si një “hakmarrje” e lojtarit, por jo. Siç pohon edhe vetë, ai kishte dashur të bëjë një dush, por gabimisht kishte ulur automatin e dritave të stadiumit.

“Nuk kisha asnjë qëllim të keq, doja vetëm të ndizja dushin”, shprehet lojtari i ekipit mik. Ndeshja rinisi, vendasit e Cheltenhamit shënuan edhe dy herë të tjera dhe fituan ndeshjen me rezultatin 3-1.

Julius Muraga sent off for Kidlington Development after 73 mins. Still 1-1. @westcountryfb @sportgloslive @FootyGlos @swsportsnews @SevernSport @JonPalmerSport @tonesport @MarkHalliwell1 pic.twitter.com/0BmT9IEMIA

— Jerry Howse (@howsejerry1) April 24, 2019

Guardiola: S’ka kohë për festë, Liverpuli nuk do gabojë

Sport Ekspres — Wed, 24 Apr 2019 21:59:58 +0000

Mançester Siti është shumë pranë të shpallurit kampion për të dytin vit radhazi i kampionatit anglez. Trajneri Pep Guardiola u shpreh para gazetarëve se lojtarët e tij nuk kanë kohë për festë, pasi në lojë janë dhe tri ndeshje, ndërsa rivali i tyre për titull Liverpuli ka shumë pak gjasa që të gabojë.

“Në këtë nivel fitoret janë gjithmonë të vështira. Në pjesën e parë e kishim në të vështirë, por është normale pasi po ndjenim presionin, në të dytën sulmuam më shumë. E dinim që duhet ta fitonim lojën”.

SANE – “Fernandinjo kishte disa probleme muskulore, prandaj futa Sanen më shpejt se sa e kisha parashikuar. Ishte i mahnitshëm,na e bëri lojën më të shpejtë. Sulmi në krah është specialiteti i tij. Shpesh jam shumë kritik me të, pasi e di potencialin e tij dhe duhet ta ndihmoj në zhvillimin e tij me lojën e top dhe pa të. Sot luajti në një nivel shumë të lartë”.

TITULLI – “Siç e kam thënë dhe në ndeshjet e fundit, titulli është në duart tona. Nuk mendoj se Liverpuli do të humbë. Kemi fituar 10 ndeshjet e fundit, është e mahnitshme çfarë kanë bërë djemtë. Po ta kishim fituar këtë ndeshje në nëntor ose dhjetor do të festonim më shumë, por nesër gjithçka ka mbaruar. Duhet të jemi shumë të përqendruar. Tani duhet të shkojmë te Bërnli, ku në dy sezonet e shkuara kam kaluar momente shumë të vështira”.

VIDEO | Siti i afrohet titullit kampion, Silva dhe Sane nxjerrin nokaut Junajtid

Sport Ekspres — Wed, 24 Apr 2019 20:17:30 +0000

Mançester Siti ka zhbllokuar derbin kundër Junajtid falë një goli fantastik nga portugezi Bernardo Silva që vlen shumë më shumë se vetëm tri pikë.

Pas një pjese të parë të barabartë, djemtë e Guardiolës janë kthyer më të karikuar se kurrë në fraksionin e dytë të lojës dhe rastet e vazhdueshme u shpërblyen më në fund në minutën e 53-të. Pak minut më vonë Sane shënon të dytin për Sitin.

Florian Marku rikthehet në ring, të shtunën e pret një çek i pamposhtur

Sport Ekspres — Wed, 24 Apr 2019 17:41:29 +0000

Florian Marku rikthehet në ring këtë të shtunë. Në duelin e tij të tretë në boksin profesionist, 26-vjeçari do të vihet përballë një kundërshtari të pamposhtur. Përballja do të zhvillohet në Londër, vend ku Marku po stërvitet prej disa muajsh.

Bëhet fjalë për çekun Jan Marsalek, i cili ka një rekord prej tre fitoresh të gjitha me nokaut. Fillimisht ishte programuar që të ndeshej me britanik Robert Asagba, por ky i fundit njoftoi tërheqjen nga dueli për shkak të një dëmtimi të ndodhur disa ditë më parë.

I vetmi boksier që pranoi të ndeshej me Markun me vetëm një javë kohë ishte çeku Marsalek, i cili ka një “CV” shumë më të mirë se dy kundërshtarët e mëparshëm të Markut.

Me anë të një postimi në llogarinë e tij në “Instagram”, Marku ka njoftuar të gjithë fansat e tij mbi detajet e duelit dhe informacionin mbi biletat.

https://www.instagram.com/p/BwnWvWfgzl_/?utm_source=ig_web_copy_link

VIDEO | Solskjaer “thumbon” Nevill: S’është e lehtë të menaxhosh

Sport Ekspres — Tue, 23 Apr 2019 18:08:07 +0000

Geri Nevill dhe Ole Gunar Solskjaer kanë formuar një miqësi tepër të ngushtë falë 11 viteve që ata kaluan së bashku si lojtarë të Mançester Junajtid.

Tani, Nevill punon prej kohësh për kompaninë mediatike “Sky Sports”. Në një intervistë për bërë së fundmi, Nevill flet me trajnerin e “Djajve të Kuq” në prag të takimit të nesërm ndaj Mançester Siti.

Megjithëse situata është tepër e tensionuar, Solskjaer, tregon se është një njeri që nuk i kursen shakatë, duke “thumbuar” gjatë intervistës ish-kolegun e tij për eksperiencën katastrofike qe ai pati si trajneri i Valencias katër vite më parë, ku skuadra spanjoll rrezikoi rënien nga Primera Divizion.

“Sigurisht që do të ketë pasoja. Kundër Sitit s’do të jetë e njëjta skuadër. Sigurisht një ndeshje e tillë bën që të ndryshosh mënyrën e të menduarit. Tani duhet një reagim, një përgjigje. Duhet që të provokosh një reagim, duhet që të frymëzosh një përgjigje nga lojtarët. Ti e di nuk është lehtë të menaxhosh një skuadër në disa raste (qesh)”.

https://twitter.com/utdxtra/status/1120740909409345538

Vuri 140 baste, Pol Skolls “kapet mat” nga Federata

Sport Ekspres — Tue, 16 Apr 2019 16:42:54 +0000

Ish-lojtari i Mançester Junajtid, Pol Skols, është akuzuar nga federata angleze për vendosje të basteve sportive, diçka kjo që del kundër rregullores së vendosur nga institucioni qeverisë i futbollit anglez.

Sipas asaj që kanë mësuar mediet angleze, Skols ka vendosur 140 baste për ndeshje të caktuara futbolli në një periudhë kohore nga gushti i 2015-ës në janar të 2019-ës. Bastet janë ndërprerë pak javë para se Skols të bëhej trajneri i skuadrës së Oldhemit.

Ish-futbollisti ka kohë deri më datë 26 prill për të dhënë shpjegime në lidhje me këtë shkelje të rregullores.

Rasti më i famshëm i kësaj shkelje është ai i mesfushorit Xhoi Barton, i cili u dënua me 13 muaj pezullim nga futbolli për shkak se kishte vendosur 1260 baste sportive.