Debutim në Serie A, ditë e shënuar për 17-vjeçarin shqiptar

Sport Ekspres — Sat, 04 May 2019 19:53:30 +0000

Futbollisti i kombëtares U19 të Shqipërisë, Angelo Ndrecka, ka debutuar ditën e sotme në Serie A me ekipin e Kievos. Mbrojtësi i majtë u aktivizua për 90 minuta në takimin e sotëm ndaj SPAL-it, që u mbyll me fitoren 4 – 0 të skuadrës nga Ferrara.

Ndrecka, i cili duhet të presë deri në muajin shtator për të festuar ditëlindjen e 18-të, u aktivizua në këtë takim si mbrojtës i majtë.

Në notat e vendosura nga “Eurosport”, i riu shqiptar u vlerësua me notën 5.5.

Bogdani i fiksuar pas “italianëve”, fton mbrojtësin e Kievos

Sport Ekspres — Thu, 08 Nov 2018 19:00:39 +0000

Shqipëria U19 do të luajë dy ndeshje miqësore kundër Rumanisë në datat 18 dhe 20 nëntor, ndërkohë që trajneri Erjon Bogdani e ka përcaktuar grupin e lojtarëve që do të ketë në dispozicion për këto dy sfida.

Sikurse ka ndodhur edhe në të shkuarën, nga Italia do të ketë sërish elementë të rinj dhe për herë të parë është ftuar mbrojtësi i majtë i Kievos, Angelo Ndrecka. Futbollisti 17-vjeçar luan edhe në qendër të prapavijës dhe është një element me të ardhme.

Ndreca më parë është ftuar edhe nga Shqipëria U17 dhe tanimë do të jetë pjesë e kuqezinjve të rinj. Djaloshi, në faqen e tij në “Facebook”, dukshëm është i emocionuar dhe shkruan: “Çfarë të thuash? Shqipëria në zemër”.