Angel Correa

Atletiko s’bën lëshime, 10 milionë euro ndajnë Milanin nga Korrea

Sport Ekspres — Wed, 31 Jul 2019 09:09:10 +0000

Sulmuesi argjentinas Angel Korrea është rikthyer në objektivin numër 1 të merkatos së Milanit. Drejtuesit e klubit italian po negociojnë prej disa javësh me Atletikon, por palët s’po bien ende në një ujdi.

Sipas “Gazzeta dello Sport”, Atletiko nuk pranon të negociojë çmimin prej 50 milionë eurosh që ka vënë për kartonin e 24-vjeçarit. Ndërkohë, oferta e fundit e Milanit ka qenë 40 milionë euro.

Mbetet për t’u parë se cila do të jetë lëvizja e ardhshme e “djallit”. Situata e vështirë financiare dhe raporti jo i mirë me UEFA-n nuk e lejojnë më ekipin italian të bëjnë shpenzime të pamenduara në merkato.

Një tjetër faktor që po ndikon në vonimin e këtij transferimi është prishja e negociatave për shitjen e Andre Silvës të Monako. Drejtuesit e Milanit ishin shumë pranë përfitimit të 30 milionë eurove për shitjen e portugezit, por në momentit e fundit Monako ndryshoi qëndrim.

Alternativa e Korreas, Milani piketon një interist

Sport Ekspres — Fri, 26 Jul 2019 09:54:46 +0000

Milani vazhdon negociatat për të veshur kuqezi Angel Korrean, sulmuesin e Atletiko Madrid. Spanjollët kërkojnë 45 milionë euro për kartonin e 24-vjeçarit.

Ai është dëshira e madhe, por Maldini dhe Boban nuk duan të mbeten të papërgatitur. Drejtuesit kanë gati planin B nëse nuk arrihet të realizohet me sukses operacioni Korrea.

Keita Balde është i preferuari i kuqezinjve. Senegalezi luajti sezonin e fundit me Interin, ndërsa kartonin e tij e zotëron Monako. Afrikani i krahut të majtë të sulmit mund të vishet kuqezi, gjithmonë nëse nuk arrihet marrëveshja me Korrean.

E kryer | Korrea është i Milanit, investim gjigant i kuqezinjve

Sport Ekspres — Mon, 22 Jul 2019 18:13:10 +0000

Pas shitjes së Andre Silva, Milani nuk pret, por mbyll marrëveshjen me Atletikon për Anhel Korrean. Argjentinasi do të jetë lojtari më i ri i kuqezinjve. Gjithçka është e mbyllur, me Gazidis që do derdhë në arkat e madrilenëve 40 milionë euro në dorë dhe 10 milionë të tjera bonuse në varësi të paraqitjeve të latinit.

Korrea kishte arritur prej kohësh marrëveshjen personale me Milanin. Ai pritet të firmosë kontratë afatgjatë me italianët. Një transferim rekord i kuqezinjve, ku merita të mëdha merr agjenti Horege Mendes. Ai duket se do të jetë kampioni i fushës së tij këtë merkato.

Partner i ri për Piatek, Milani afer akordit final

Sport Ekspres — Mon, 22 Jul 2019 14:40:52 +0000

Milani është gjithnjë e më afër Angel Korreas. Shitja e Andre Silvës te Monako i mbush arkat e kuqezinjve me 30 milionë euro. Corriere dello Sera raporton se argjentinasi është entuziast për transferimin në Milanelo dhe ka gjetur akordin ekonomik me klubin e famshëm italian.

24-vjeçari aktivizohet në të gjitha rolet e repartit ofensiv dhe Xhampaolo e dëshiron me insistim për ta vendosur përkrah Kristof Piatek. Nesër është programuar një takim midis drejtuesve të Milanit dhe Atletiko Madrid, ndërsa akordi përfundimtar pritet të arrihet mbi bazën e 38 milionë eurove.

Djali nga Rozario është pjesë e “Colchoneros” prej vitit 2015, vit në të cilin la San Lorencon për t’u transferuar në La Liga. Korrea numëron edhe 12 ndeshje të zhvilluara me kombëtaren e Argjentinës, aty ku ka shënuar edhe dy gola.

Milani akord me yllin argjentinas, nis negociatat me Atletikon

Sport Ekspres — Sat, 20 Jul 2019 20:11:39 +0000

Sulmi i Milanit pritet të pësojë një revolucion dhe një afrim i madh është shumë pranë. Së fundmi njoftohet se Anhel Korrea me shumë mundësi do të jetë ylli i ri në “San Siro”. Sipas “TYC”, 24-vjeçari ka arritur marrëveshje mbi termat financiare me Milanin, duke pranuar të veshë fanellën kuqezi.

Me blerjet e shumta në Madrid, Korrea nuk e ka aspak të sigurt vendin në formacion. Edhe sezonin e kaluar nuk ishte një zgjedhje stabël e Simeones. Atletiko e ka pasuruar sulmin dhe mesfushën me shumë cilësi dhe ikja e Korreas duket në horizont.

Së fundmi ata kanë blerë 10% të kartonit të tij, që i takonte San Lorenzos. Sinjal ky që tregon se shitja është një opsion real. Milani do të hyjë në negociata me klubin spanjoll. Bardhekuqtë kërkojnë 50 milionë euro për të, ndërkohë që Milani jep më pak. Negociatat do zgjasin, por Korrea me shumë mundësi do zbarkojë në “San Siro”.

Kutrone “kurbani” i parë, Milani bën gati blerjen rekord

Sport Ekspres — Fri, 19 Jul 2019 07:34:10 +0000

Skuadra e Milanit nuk ka qenë shumë aktive në merkato. Megjithatë, periudha e transferimeve s’do të mbyllet pa një blerje “big” te skuadra nga Milani. Sipas “Sky Sports”, përfaqësuesit e klubit po negociojnë blerjen e argjentinasit të Atletiko Madrid, Angel Korrea.

Kartoni i sulmuesit shtatshkurtër vlerësohet në shumën e 55 milionë eurove nga drejtuesit e klubit spanjoll. Nëse transferimi mbyllet me kushtet e vendosura nga madrilenët, Korrea do të jetë blerja rekord e historisë së Milanit.

Për të mundësuar një transferimin të përmasave të tilla, Milanit i duhet të sakrifikojë një nga yjet e sulmit. Bëhet fjalë për të riun italian Patrik Kutrone. 21-vjeçari kërkohet me ngulm nga anglezët e Ulvërhempton. Një tjetër opsion është ai i shitjes së portugezit Andre Silva. Portugezi është në bisedime me Monakon dhe në ditët në vazhdim palët mund të gjejnë akordin përfundimtar.

Revolucion tek Atletiko, tre sulmues përfundojnë në merkato

Sport Ekspres — Mon, 15 Jul 2019 18:43:53 +0000

Atletiko Madrid ka pësuar një revolucion të vërtetë. Merkato intensive e klubit “colchoneros”, me shumë largime e po aq afrime. Antuan Grizman, Diego Godin, Huanfran dhe Rodri janë disa nga largimet më të rëndësishme, por jo të vetmit.

Filipe Luis nuk ka rinovuar dhe është me valixhe gati, ndërsa Diego Simeone ka vendosur të nxjerrë në merkato edhe tre lojtarë të tjerë. Marca publikon emrat dhe ata janë Diego Kosta, Nikola Kaliniç dhe Angel Korrea.

Spanjolli me origjinë braziliane kërkohet nga Uest Hemi dhe Evertoni në Premier Ligë, ndërsa garës për sulmuesin potent i është bashkuar edhe Flamengo. Drejtues të klubit brazilian kanë zbarkuar në Europë dhe kanë nisur negociatat me Atletikon.

Në merkato kanë përfunduar edhe Kaliniç dhe Korrea. Klubi është në pritje të ofertave më të mira, ndërkohë që Simeone pret arritjen e marrëveshjes përfundimtare për Hames Rodrigez, i cili pritet të formojë repartin ofensiv bashkë me Moratën dhe Zhoao Feliks.

“I palodhuri” i La Ligas, plot 59 ndeshje në 2018-ën

Sport Ekspres — Tue, 25 Dec 2018 11:29:48 +0000

Viti kalendarik po mbyllet dhe në Spanjë futbolli do të nisë të luhet muajin e ardhshëm. Bilancet për sa i përket vitit kalendarik 2018 janë bërë, gjithashtu dhe statistikat në lidhje me lojtarët.

Në La Liga lojtari që është aktivizuar më së shumti në vitin 2018 ka qenë mesfushori i avancuar i Atletikos së Madridit, Angel Korrea. Argjentinasi është aktivizuar në plot 59 ndeshje, dy më shumë se mesfushori i Sevijas, Pablo Sarabia.

Listën e plotësojnë, Franko Vaskez me 56 aktivizime dhe Ever Banega e Saul Niguez me 55 ndeshje. E veçanta e “top 5” është se të pestë lojtarët aktivizohen me dy ekipe, Atletiko Madrid dhe Sevija.

59 – @atletienglish's Ángel Correa has played more games than any other LaLiga player in 2018 in all competitions. Tireless. pic.twitter.com/IrlvYzKMAe

— OptaJose (@OptaJose) December 23, 2018