Kjo është e vetmja mënyrë që të rikthehet në Champions. Sheva beson ende, vlerëson punën e Gatuzos, drejtuesve dhe sulmuesit Piatek. Në fund e ardhmja. Sot drejton kombëtaren e tij, por një ditë do i pëlqente të ulej në stolin e skuadrës së zemrës.

“Shpresoj që Milani t’ia dalë të rikthehet në Champions. Kundër Spalit do të jetë një ndeshje deçizive dhe uroj që ekipi të fitojë. Milani duhet të mendojë vetëm për ndeshjet e vet, më pas të presim ndonjë dhuratë.

Piatek? Ka zhvilluar një sezon të madh. Ai është një sulmues me cilësi dhe ka një të ardhme shumë të mirë. Gatuzo ka bërë një punë të madhe sipas mendimit tim, ashtu si Leonardo me Maldinin. Rino është një trajner, i cili mund të bëjë gjëra të bukura me Milanin. Ai ka bërë më të mirën e tij, por në fund të sezonit vendos klubi për të.

Unë në pankinën e Milanit? Ky klub më ka dhënë shumë. E kam në zemër Milanin ashti si dhe tifozët. Ku i dihet, ndoshta një ditë do më takojë mua që të ulem në pankinë. Jam shumë i impenjuar për momentin me kombëtaren time të Ukrainës, por është e qartë që do më pëlqente të drejtoja Milanin një ditë“, përfundon Andrij Shevçenko.

Si shumë prej lojtarëve të Milani të Ançelotit edhe Sheva ka nisur profesionin e trajnerit. 42-vjeçari drejton kombëtaren e vendit të tij që nga viti 2016.

Ai vlerëson punën e Gatuzos dhe tregon ëndrrën e tij të madhe. Milanin e ka gjithmonë në zemër dhe uron e shpreson që një ditë të rikthehet në “San Siro” si trajneri i ekipit ku kaloi 7 sezone të paharrueshme.

“Milani është një klub që është pjesë e jetës time, por në këtë moment jam i zënë me kombëtaren e Ukrainës. Pastaj është Gatuzo në stol, i cili po bën një punë shumë të mirë. E sigurt që do të më pëlqente ta drejtoja një ditë kuqezinjtë. Jam shumë i lidhur me këtë klub, me tifozët dhe ish-shokët e skuadrës. Ndoshta do të më takoje edhe mua që të drejtoj Milanin një ditë”, përfundon Andrij Shevçenko.

Në një intevistë për “DAZN”, ish-fituesi i Topit të Artë, ka folur për sulmuesin polak Kristof Piatek dhe mikun e tij Xhenaro Gatuzo.

PIATEK –  “E kam ndjekur atë që kur luante me Xhenoan, ku shënoi disa gola shumë të bukur. I është dashur shumë pak kohë për t’u përshtatur me lojën e skuadrës dhe po shënon shumë. Të gjithë golat e tij janë si ato të një “sulmuesi rrace”. Më shumë nga të gjithë më pëlqen goli që i shënoi Romës, pasi tregoi se di si ta nuhasë një rast për gol, duke lexuar mirë lëvizjet e kundështarëve dhe shokëve të ekipit. Gjithsesi mbetemi jemi sulmues të ndryshëm”.

GATUZO – “Rino (Gatuzo) ka qenë gjithmonë një njeri i mbushur me energji që na motivonte të gjithëv. Në fushë ishte një luan, një futbollist që linte shpirtin për hir të skuadrës. Po flisja për Ançelotin për faktin se shumë lojtarë të ekipit tonë të atëhershëm janë bërë trajnerë, kjo do të thotë se kishim shumë lojtarë të zgjuar. Gatuzo po bën punë shumë të mirë, ai po i jep skuadrës stilin e tij”, tha Shevçenko

Adrenalina te tifozët e “Djallit” është në kulm. Kishte vite që ata nuk shijonin një sulmues të madh dhe të gjithë janë dashuruar me 23-vjeçarin. Xhenaro Gatuzo e krahasoi pas fitores 2-0 kundër Napolit me danezin Tomason, ndërsa Hernan Krespo mendon ndryshe.

Argjentinasi luajti me Milanin në sezonin 2004-2005, ku zhvilloi një sezon shumë të mirë. Dygolëshi në finalen e Stambollit nuk mjaftoi dhe Champions Liga përfundoi te Liverpuli, pas një prej finaleve më emocionuese të zhvilluara në historinë e futbollit. Krespo analizon karakteristikat e Piatek, i cili i kujton një emër të madh si Andrij Shevçenko.

PIATEK – “Lehtësia me të cilën godet portën më ka befasuar më se shumti nga Piatek. Ai nuk kursen asnjë sekondë dhe nuk i lejon mbrojtësit të ndërhyjnë. Ai e ka portën në kokë dhe nuk ka nevojë ta shohë fare. Ka një goditje të fortë dhe precize. Diçka të tillë e tregoi me dygolëshin e shënuar kundër Napolit.”

SHEVA – “Tomason ishte i aftë të ndihmonte mesfushorët, krijonte hapësira për shokët e repartit të sulmit, por nuk ishte një finalizues i madh. Për mënyrën se si godet portën dhe si ç’markohet, më kujton shumë Andrij Shevçenkon. E shoh pak dhe veten time tek ai, por dua ta ndjek më vëmendje ecurinë e tij. Fizikisht ngjajmë, por jam kurioz të shoh rritjen e tij në goditjet me kokë. Shevçenko, i cili ishte një fenomen i vërtetë, kishte karakteristika të ngjashme me Piatek: në kundërsulm ishte vdekjeprurës, nuk e humbiste kurrë topin, ishte potent dhe kishte një shpejtësi ekzekutimi, që rrallë e kam parë.”

“E vështirë ta thuash, Napoli kërkon të fitojë që të mbetet pas Juventusit. Për Milanin gjithashtu është e rëndësishme për ta mbyllur kampionatin i katërti”, thotë Shevçenko në intervistën e dhënë për “Il Giornale” në Itali.

Përballja Gatuzo-Ançeloti merr vëmendjen më pas: “Xhenaro ka treguar se mund të luftojë edhe me mjeshtrat e mëdhenj, që në këtë rast është Ançeloti. Është një trajner që i pëlqen një lloj futbolli dhe e menaxhon grupin shumë mirë. Ekipet e tij luajnë mirë, pasi atij i pëlqen të gjejë ekuilibrin. Plus ai ka përvojë të madhe dhe jo rastësisht ka fituar gjithçka”.

I pyetur nëse mund ta kushtëzojë kualifikimin e Milanit në Champions largimi i Higuain, ukrainasi shton: “Milani mund të arrijë në Champions edhe pa të. Gjithsesi, me Higuain do të kishte qenë më e lehtë”.

“Piatek apo Higuain? Nuk ndryshon shumë. Të dy janë finalizues shumë të mirë. Higuain e ndihmon ekipin më shumë, por të dy janë në gjendje të shënojnë shumë gola. Njëri ka më shumë forcë fizike, tjetri ka më shumë shpejtësi. Higuain ka shkruar shumë faqe në historinë e futbollit, Piatek është një futbollist premtues që aktualisht e ka treguar atë që është në gjendje të bëjë”.

“A mund ta ndryshojë një penallti jetën e një sulmuesi?”, kjo ishte pyetja e radhës për Shevën, i cili në vitin 2003 shënonte nga pika e bardhë në fianlen e Champions-it dhe kthehej në hero për Milanin. Argjentinasi ndërkohë humbi një penallti kundër Juventusi dhe nga ai moment e ardhmja e tij te kuqezinjtë mori rrjedhë tjetër.

Për të mbetur te pyetja e bërë, tekniku i Ukrainës thotë: “E kush mund ta thotë këtë, që një penallti ndryshon jetën e një sulmuesi? Nuk e di se çfarë bëri që Higuain të futej në krizë. Gjithkush ka uljet dhe ngritjet e veta, por unë nuk e di çfarë ka ndodhur. Duhet të jesh brenda të kuptosh çfarë ka ndodhur. Unë jam larg prej vitesh dhe nuk e di çfarë ka ndikuar që ai të largohet.  Të dy, edhe Bonuçi, e lanë Milanin, por e vetmja gjë që di, është që të veshësh fanellën e Milanit është një nder dhe gjithmonë duhet të konsiderohet si diçka e tillë”. Sheva ka folur edhe për tema të tjera më pas.

“Maldini dhe Leonardo për Milanin e madh? Absolutisht është zgjedhja e duhur, pasi ata përfaqësojnë Milanin e sotshëm dhe të ardhmen. Maldini është një garanci absolute”.

“Momenti i afirmimit të Kutrone? Ai është një lojtar që është që po i përdor më së miri mundësitë e dhëna. E njeh portën dhe sigurisht që do të dëgjojmë të flitet për të”, thotë Shevçenko për të riun, i cili është krahasuar me Inzagin për nga mënyra e lojës dhe shënimit të golave.

“Shembulli si trajner? Unë përpiqem të ndjek rrugën time, gjithashtu i frymëzuar nga të gjithë trajnerët që më kanë stërvitur. Drejtimi i një klubi? Tani për tani qëllimi im i vetëm është kualifikimi i Ukrainës në kampionatin europian. Kjo është gjëja që më intereson më shumë. Mund t’ia dalim. Nëse mendoj ndryshe, do të hiqja dorë nga puna”, tha mes të tjerash Shevçenko.

42-vjeçari ka nisur karrierën e trajnerit dhe po bën shumë mirë në stolin e Ukrainës së tij. Si ndihmës ka Mauro Tasotin, ndërsa Ligën e Kombeve e mbyllën në vendin e parë në grup.

Sheva ka folur gjatë për “Gazzetta dello Sport”, duke komentuar për Ukrainën, Milanin, dyshen Leonardo-Maldini dhe trajnerin Xhenaro Gatuzo. Me të tre ka luajtur dhe fituar me bluzën e Milanit, ekip me të cilin mbetet akoma shumë i lidhur.

Ish-sulmuesi komenton dhe shanset e “Djallit” në finalen e Superkupës kundër Juventusit, që zhvillohet me datë 16 janar. Në fund një koment për Higuain, deklaratat e Boban dhe të ardhmen e Kaka.

2018 – “Viti që lamë pas ishte shumë pozitiv, skuadra ime po luan më mirë. Puna ime e Tasotit dhe gjithë stafit teknik po fillon të japë frytet e veta. Ukraina është më e organizuar dhe nuk luajmë vetëm me kundërsulme. Kemi vëzhguar shumë lojtarë të rinj, ata po rriten dhe në ndeshjen e fundit të vitit thirrëm 9 lojtarë nga ekipi U21. Jam shumë i kënaqur.”

UKRAINA – “Populli im jeton në një situatë të vështirë prej 6 vitesh, por shpresa për një të ardhme më të mirë nuk është venitur kurrë. Tani kemi zgjedhjet parlamentare dhe të presidentit, kështu që të shohim se çfarë do të ndodhë. Njerëzit ndonjëherë duhet të heqin dorë nga problemet e përditshme. Ata mund të ndjekin ndonjë ndeshje futbolli, paraqitjet pozitive në Europë të klubeve tona dhe suksesi i kombëtares u jep atyre pak argëtim e qetësi.”

MILANI – “Objektivi është për t’u rikthyer në Champions dhe ekipi po lufton për një gjë të tillë. Janë afër me pikë me vendin e katërt dhe unë shpresoj që të rikthehen në kupën më të bukur, sepse aty është vendi i Milanit. Kuqezinjtë janë sot një projekt, që duhet të ndërtohet me qetësi për t’u rikthyer në majë në fillim në Itali dhe më pas në Europë. Nevojitet kohë, durim dhe një renditje e mirë të ndihmon. Milani është prekur dhe nga shumë dëmtime, kontingjenti i lojtarëve nuk është i madh dhe ndihet mungesa e lojtarëve si: Bonaventura, Bilja dhe Romanjoli.”

HIGUAIN – “Ka shumë presion mbi Gonzalon, i cili ka qenë dhe i pafat. I referohem penalltisë së humbur kundër Juventusit, pasi gola të tillë mund të ndryshojnë gjithçka. Ai kishte shumë përgjegjësi në fillim të sezonit, pasi ishte një blerje e madhe. Në ndeshjen kundër Juves të gjithë sytë ishin drejtuar nga ai. Higuain është një sulmues i madh dhe ai e di mirë që në lojë është dhe e ardhmja e tij. Champions-i i siguron qëndrimin në ekip dhe dallohet dëshira e tij e madhe për të qëndruar. Ai dhe Milani duhet të qëndrojnë të qetë në momentet e vështira, pasi çdo moment kalon.”

SUPERKUPA – “Juventusi është skuadra më e fortë e kampionatit dhe është pothuajse e paimagjinueshme që ndonjë klub tjetër të konkurrojë me të. Të mposhtësh Juven në Serie A është e vështirë, por në një ndeshje të vetme është më e thjeshtë. Milani mund t’ia dalë, nëse përgatit mirë ndeshjen dhe kujdeset për detajet.”

GATUZO – “Konfirmimi i tij ishte shumë i drejtë. Më pëlqen ky qëndrim i klubit, ka njerëz me ide të qarta, që nuk hutohen në momente të vështira. Leonardo dhe Maldini po punojnë me qetësi dhe kompetencë. Ata e njohin realitetin më mirë se të gjithë. Mos të harrojmë dhe bllokimin e merkatos. Nuk është e thjeshtë të kthehesh në maje, nëse merresh vetëm me huazime. Të shohim se si do të përfundojë apeli kundër KAS-it.”

BOBAN – “Zvonimir ka kritikuar FPF (fair-play financiar)? Ai është zëvendëssekretari i FIFA-s dhe bën detyrën e tij. Unë nuk hyj në çështje të tilla, por uroj që Milani të vazhdojë të punojë me qetësi për t’u ringritur, ashtu siç po bën. Qëndrimi i këtyre kohëve më pëlqen, ndërsa mbështetja për Gatuzon është shumë e rëndësishme. Rino po punon mirë, i ka rikthyer identitetin skuadrës, që është një pikë e mirë nisje. Vitet e fundit kanë qenë të vështira, por Milani po gjen rrugën e duhur.”

KAKA – “Kush ka qenë pjesë e Milanit mbetet gjithmonë i lidhur me ngjyrat kuqezi. Riki është një person inteligjent dhe si i tillë mund të jetë i dobishëm, por nuk e di se çfarë rruge do të zgjedhë. Mos të harrojmë që ka vetëm një vit që është tërhequr nga futbolli.”