“Më 22 korrik mbushet një vit që nga debutimi im me fanellën e Visel Kobe. Tashmë një vit, dhe një vit shumë intensiv në të gjitha aspektet. Viti im i parë si ish-lojtar i Barçës dhe viti im i parë në një vend si Japonia, që është kaq i ndryshëm nga Spanja.

“E kam thënë kaq shumë herë, dëshiroja të vazhdoja të luaja në Barcelonë për gjithë karrierën time, bashkë me të gjithë miqtë që kam në dhomën e veshjes, në një stadium madhështorSi ‘Camp Nou’, duke përjetuar dashurinë tifozëve dhe luajtur në gara të mëdha si La Liga dhe Champions League. Por ka momente në jetë, ku duhet të marrësh vendime. E kam bërë këtë dy herë, një në kur isha 12-vjeç, me mbështetjen e familjes sime, kur u largova nga Fuentealbilla për të shkuar në La Masia. E bëra përsëri një vit më parë, me mbështetjen e familjes sime të zgjeruar edhe një herë. Kam ardhur në Japoni për të vazhduar të shijoj futbollin dhe kjo është ajo që po bëj sepse është po më pëlqen më së shumti.”
“Sa i përket rezultateve, ata nuk janë aq të mira, por përvoja është shumë interesante. Futbolli japonez është shumë konkurrues dhe, megjithëse nuk duket ashtu, tifozët janë shumë të pasionuar. Atmosfera në stadiume është me të vërtetë e mahnitshme. Ju do ta shihni kur të luajmë kundër Barçës më 27 korrik në Kobe, sepse stadiumi ‘Noevir’ me siguri do të jetë i mbushur. Jam gjithmonë i befasuar nga dashuria që të gjithë tifozët më japin kudo që shkojmë, pasi ata janë shumë mirënjohës dhe të respektueshëm.”

“Sa për jetën në Kobe, familja ime dhe unë jemi të kënaqur. Në fillim është gjithmonë e vështirë, për shkak të gjuhës, zakoneve dhe ushqimit, por fëmijët u përshtatën shpejt, dhe gruaja dhe gjithashtu. Prova është se ne e kemi zgjeruar familjen me Romeon, i cili do të jetojë vitet e para të jetës së tij në Japoni. Jemi shumë të lumtur që jemi një familje prej gjashtë vetash.”

“Është interesante që, një vit pasi kam ardhur këtu, Barça po viziton qytetin tim. Pa dyshim, kjo do të jetë një ndeshje shumë e veçantë për të gjithë. Do të jetë e çuditshme që të kem Busin, Zhordi Albën dhe Rakitiç si kundërshtarë, do të jetë e çuditshme të luaj kundër ekipit të jetës sime dhe do të jetë një ditë shumë emocionuese për mua. Shpresoj që të gjithë të kënaqemi dhe se tifozët e Visel Kobe të argëtohen, duke parë një ndeshje të mrekullueshme”, shkruan Iniesta.

Nga dy gola kanë shënuar Andres Iniesta dhe sulmuesi Vija, ndërkohë që gjermani nuk ishte i pranishëm në këtë takim. Ky trepikësh e ngjit Koben në vendin e 11-të me 21 pikë.

Dueli dhuroi gjithçka, ndërsa nuk munguan gabimet arbitrare, golat shumë të bukur dhe gafat fatale. Pjesa e parë dhuroi vetëm dy emocione. Miqtë kaluan në avantazh me anë të një goli të rregullt, por anësori mendonte ndryshe.

Nga ana tjetër, David Vija zhbllokoi shifrat në minutën e 27-të me anë të një aksioni individual shumë të bukur. Shtatë golat e tjerë ishin ruajtur për në pjesën e dytë.

Miqtë barazonin dhe Kobe kalonte në avantazh. Të paktën deri në 3-3 pasi më pas vendasit shënuan dy herë të tjera dhe fituan ndeshjen.

Andres Iniesta shënoi dy gola, duke u ngjitur në shifrën totale të tre golave. Po aq shënoi edhe David Vija (kryeson renditjen me 9 gola bashkë me brazilianin Diego të FC Tokios), ndërsa Keiro Ogaua vulosi fitoren e Kobes me golin e shënuar tre minuta përpara fundit.

Arsen Venger do të ishtë i duhuri për ta bërë këtë. Atij i është ofruar kotratë njëvjeçare me të drejtën e rinovimit edhe për një sezon tjetër. Rroga që strategu francez pritet të marrë në Japoni është rreth 4 milionë euro.

34-vjeçari ka folur për “Marca”, duke theksuar dëshirën për t’u rikthyer e punuar në klubin e zemrës. Pengje nuk ka shumë, pasi njerëzit janë dëfryer me futbollin e tij, Mesit, Ksavit dhe të tjerëve, por sigurisht që ajo skuadër duhet të kishte fituar më shumë Champions Liga.

“Nuk kam patur kurrë probleme me Barcelonën dhe jam ndjerë gjithmonë i rëndësishëm. Vendosa të largohem, sepse e kuptova që erdhi momenti. E ndjeja që kisha dhënë gjithçka për klubin. Kam lënë shpirtin tim aty. Vendimi për të ndryshuar ekip, shtet, ambicie dhe objektiva u mor nga zemra dhe trupi im.

Nëse do të varej nga unë, do të rikthehesha. Nuk e dimë se çfarë na rezervon e ardhmja, por do doja të kisha mundësinë për t’u kthyer dhe për të bërë diçka që mundem. Mund të transmetoj gjithçka që kam mësuar në këto vite. Peng? Vetëm fakti që nuk kam fituar më shumë Champions. Megjithatë, njerëzit janë zbavitur me atë që kemi dhuruar ne.“

Emra si Andres Iniesta, David Vija, Lukas Podolski dhe Fernando Torres kanë bërë këtë zgjedhje. Tre të parët luanë në një ekip, pasi janë pjesë e Visel Kobes. Ekipi i tyre ka arritur një fitore të madhe gjatë ditës së sotme. Visel mposhti në transfertë Gamba Osakën me rezultatin 3-4. Kjo fitore e ngjit ekipin e Iniestës me shokë në vendin e katërt me 10 pikë, pas pesë javëve të para.

???1???????????????@Podolski10 scores the first of the day!#J??? ??? #DAZN?
?????https://t.co/rDz2veuND0#vissel #visselkobe #G??vs?? pic.twitter.com/cxrceEWzvt

— ??????? (@vissel_kobe) March 30, 2019

Vendasit shënuan dy herë, ndërsa Podolski shkurtoi rezultatin në minutën e fundit të pjesës së parë. Gol shumë i bukur i gjermanit, i cili dhuroi asistin e barazimit për David Vijën në minutën e 54-t.

?????????
From the @Podolski10 assist to the @Guaje7Villa goal! ?#J??? ??? #DAZN?
?????https://t.co/rDz2veuND0 #vissel #visselkobe #G??vs?? pic.twitter.com/IvIjjAqGV7

— ??????? (@vissel_kobe) March 30, 2019

Gamba u rikthye në avantazh, ndërsa miqtë rikthyen rezultatin në dhjetë minutat e fundit. Junia Tanaka, i ardhur nga stoli, shënoi dy herë dhe dërgoi në festë tifozët e ekipit të tij, duke fituar një ndeshje tepër emocionuese.

??????????@JUNYA18TANAKA ties it up again! ?#J??? ??? #DAZN?
?????https://t.co/rDz2veuND0 #vissel #visselkobe #G??vs?? pic.twitter.com/rYkFxUED2i

— ??????? (@vissel_kobe) March 30, 2019

?????????????????@JUNYA18TANAKA scores the winning goal! ?#J??? ??? #DAZN?
?????https://t.co/rDz2veuND0 #vissel #visselkobe #G??vs?? pic.twitter.com/pBI9TamhWE

— ??????? (@vissel_kobe) March 30, 2019

Presidenti ka dhënë një prononcim interesant për mediat italiane, aty ku i rikthehet kujtimeve të shumta. Ai ishte pranë blerjes së Leo Mesit. Argjentinasi nuk ishte bërë i famshëm dhe Morati zbulon prapaskenat e kësaj lëvizje.

Më pas Andres Iniesta, një ikonë e ekipit katalanas. Morati e dëshironte tek Interi, por përballë tij ishte dikush, i cili nuk do e shiste kurrë mesfushorin. Më pas Andrea Pirlo dhe Zllatan Ibrahimoviç.

Të dy ishin pranë rikthimit në kampin zikaltër. Suedezi bëri edhe më shumë, telefonoi presidentin për ta bindur, por në fund nuk ndodhi asgjë: mesfushori u transferua te Juventusi, ndërsa sulmuesi te kuqezinjtë e Milanit.

MESI – “Ne filluam ta ndiqnim Mesin në Kupën e Botës U18. Misioni ynë nisi, por skautët e mi u kthyen nga Spanja dhe më treguan për problemet shëndetësore të Leos. Ata më folën dhe për dedikimin e madh të Barcelonës për t’i zgjidhur problemet e lojtarit. Ju thashë që ta linin si çështje. Ju betohem se te Barcelona po kujdeseshin për Leon njësoj si për djalin e tyre.”

INIESTA – “Një ditë u takova me një drejtues të Barçës. Kishim mundësinë ekonomike për të blerë çdo lojtar. Diskutuam për shumë prej tyre, ndërsa më pas unë përmenda emrin e Andres. Qëndrimi i drejtuesit spanjoll ndryshoi totalisht. Mund t’i kisha bërë çdo lloj oferte, por do të ishte diçka pa vlerë. Ata nuk do e shisnin kurrë Iniestën.”

PIRLO-IBRA – “Mund të rikthenim Pirlon pas largimit nga Milani. Ishte viti 2011 dhe Andrea u transferua te Juventusi. Ekzistonte mundësia ta merrnim ne, por nuk ndodhi një gjë e tillë. Ibra? Kur la Barcelonën për të kaluar te Milani, Zllatani më telefonoi. Ai bëri një gjest, që e vlerësova shumë. Më tregoi se nëse do të bëja ndonjë kundërofertë, ai do zgjidhte Interin. Megjithatë, gjërat kishin marrë tjetër drejtim dhe nuk kishte sens që të bëja këtë lëvizje.”

Spanjolli fantastik është rikthyer të flasë për aventurën me Barçën, ndërsa zbulon shkakun e largimit nga ekipi. 34-vjeçari ka folur për “Esquire”, duke zbuluar dhe Japoninë. Në vendin aziatik është gjithçka ndryshe, ata kanë zakone të tjera dhe i përjetojnë ndryshe humbjet. Ky mentalitet ka ndryshuar dhe pikëpamjet e Iniestës, i cili nuk ndjen më presion dhe po shijon qetësinë japoneze.

Andres ka filluar të mësojë gjuhën japoneze, por kur bëhet fjalë për ndonjë bisedë serioze thërret përkthyesin në ndihmë. Ai e mbyll prononcimin e tij me diçka që e ba surprizuar dhe befasuar nga tifozët dhe njerëzit atje…

LARGIMI NGA BARCELONA – “Në Spanjë ndihesha bosh, shpirtërisht dhe fizikisht dhe nuk kisha më asgjë. Të luash futboll në vendin tonë është shumë impenjative në të gjitha nivelet. Presioni i të qënurit në një kub si Barcelona ishte shumë i madh. Kur vendosa të largohem i hoqa një barrë të madhe vetes dhe largova presionin e madh. Në Spanjë nuk më lejohej të gaboja, ndërsa në Japoni presioni është ndryshe. Mund të gaboj, por gjithsesi vazhdoj të zbavitem.”

MENTALITETI NDRYSHE – “Tifozët këtu në Japoni i shijojnë ndeshjet ndryshe. Ata të inkurajojnë, protestojnë, por nuk zemërohen. Japonezët e përjetojnë humbjen ndryshe nga ne europianët. Kjo është filozofia që më ka kushtuar më shumë për ta kuptuar dhe asimiluar. Gjithmonë jam ndjerë kompetitiv dhe nuk më ka pëlqyer kurrë humbja. Tani po përpiqem të mësoj nga ata dhe ta shoh humbjen nga një tjetër këndvështrim. Kjo periudhë e kaluar me Visel Koben ka qenë padyshim më e qetë krahasuar me atë të Barcelonës.”

JAPONIA – “Përshtatja nuk ka qenë e lehtë, si në aspektin sportiv dhe në atë familjar. Zakonet këtu ndryshojnë shumë me tonat, por tani jemi përshtatur bashke me gruan dhe familjen. Kam filluar të flas pak japonisht, por mbaj dhe një përkthyes me vete. Por shumë po përpiqen të mësojnë spanjisht për të komunikuar me mua. Kjo është diçka me të vërtetë befasuese”.

Gjithsesi qendërmbrojtësi nuk dëshiron aspak të qëndrojë larg futbollit. Planet e tij për të ardhmen i ka të qarta. “El Mundo Deportivo” zbulon se Pike në vitin 2021 do tentojë të marrë presidencën e Barcelonës. Zgjedhjet bëhen në verën e vitit 2021 dhe tashmë duhen bërë llogaritë edhe me të si kandidat. Aktualisht Josip Maria Bartomeu është numri një i klubit.

Pike ndërkohë nuk ka projektuar vetëm marrjen e drejtimit të klubit, pasi fitoren në zgjedhje e konsideron punë të kryer. Ai ka nisur të mendojë edhe për hapat që do të hedhë më pas, teksa dëshiron që në stolin e Barcelonës të ulen dyshja Ksavi-Iniesta. I pari i ka ndjekur kurset e trajnerit prej kohësh, kurse Iniesta e ka shprehur se dëshiron të bëhet trajner pasi ta mbyllë me futbollin.

Në klub ka vend edhe për Karlos Pujol, një mik i Pike. Ish-kapiteni mendohet të jetë në krye të Sekretariatit Teknik. Njohuritë e tij për futbollin dhe autoriteti që ai ka shikohet si diçka e rëndësishme për këtë pozicion. Prania e tij çdo ditë në ambientet e klubit dhe në fushat stërvitore është një motivim edhe më shumë për lojtarët e rinj që janë pjesë e Barcelonës.

Planet e Pike nuk përfundojnë me kaq, pasi synohet edhe vënia e një emri për stadiumin “Camp Now”. Një ide fillestare është “Waka Waka Camp Now”. Marketingu dhe menaxhimi i klubit janë në fokusin e qendërmbrojtësit spanjoll, i cili do të ketë edhe mbështetjen e Shakirës, bashkëshortes së tij. Thithja e sponsorëve të rinj është një tjetër sfidë, madje më se e realizueshme.

34-vjeçari u largua gjatë verës në Japoni tek ekipi i Visel Kobe, duke i dhënë fund me Barcelonën e tij. Iniesta ka folur për programin televiziv spanjoll “Salvados”, duke ia nisur nga fëmijëria. Ai ka lindur në Fuentealbilla, zonë që ndodhet më afër Madridit sesa Katalunjës. Albasete ishte ekipi i parë i “engjëllorit” Andres, ndërsa bënte tifozllëk dhe për Barçën.

Në një moment u lëkund, siç e tregon vetë, por vetëm për pak kohë. Iniesta vazhdon të flasë, duke kujtuar periudhën e depresionit që pësoi gjatë vitit të tripletës me Barcelonën (2009), kulmin e rivalitetit Barcelona-Real Madrid dhe personin përgjegjës, për ta mbyllur me tërheqjen nga kombëtarja e Spanjës në Botërorin e Rusisë dhe biseda me Hierron përpara ndeshjes së tij të fundit me ekipin “La Roja”.

TIFOZLLIKU – “Kur isha i vogël isha tifoz i Albasetes dhe Barcelonës. Por, një ditë Barcelona na shënoi 7 gola dhe më ndodhi një gjë e çuditshme: u futa në konfuzion dhe për një farë periudhe u afrova me Realin e Madridit.”

MURINJO – “Murinjo ishte komponenti kryesor i marrëdhënieve të këqija në atë periudhë midis Realit dhe Barcelonës. Ajo situatë i krijoi shumë dëme kombëtares tonë. Ishte absurde! Nuk ndjeja më rivalitetin e përhershëm, ishte krijuar urrejtje. Një gjë e tillë po kultivohej dhe ishte e padurueshme.”

DEPRESIONI – “Në një situatë të tillë nuk ndjen asgjë, nuk arrin t’i ndjesh gjërat. Mezi prisja të vinte nata për të marrë ndonjë pilulë dhe për të pushuar. Depresioni është i tmerrshëm, kur e ke nuk je më vetvetja. Kur të ka prekur depresioni është tepër e vështirë të kontrollosh jetën tënde.”

SPANJA – “Kur Lopetegui u largua nga kombëtarja, sportivisht nuk ishte diçka pozitive, nuk mund të ishte në asnjë mënyrë. Ajo që nis keq, përfundon akoma më keq. Përpara ndeshjes time të fundit, Hierro (trajneri i Spanjës në Botëror) bisedoi me mua dhe më tha se nuk do të luaja. Një vendim të tillë e pranova, por nuk e kuptova kurrë. Isha shumë i zemëruar. Largimi nga Barcelona? Mund të luaja gjithë jetën time me Barçën, por nuk isha më në gjendje për të dhënë 100% për skuadrën.”

Kobe luante në transfertë ndaj Nagojas dhe sfida u mbyll me fitoren e miqve 1-2. Dy gola të Lukas Podolskit i dhanë fitoren, ku ai që ra në sy ishte goli i parë. Vetëm 10 minuta kishin kaluar nga fillimi i sfidës, ku Andres Iniesta dhuroi një tjetër magji, teksa asisti i tij është me të vërtetë fantastik. Më pas, Podolski nuk mund të zhgënjente pasimin e spanjollit dhe arriti të shënonte.

Andres Iniesta u transferua këtë verë në Japoni, pasi mbylli aventurën e tij me Barçën, ndërkohë Lukas Podolski po zhvillon sezonin e tij të dytë me ekipin e Kobes.

Fernandez ka folur rreth largimit të Iniestës dhe tregon zëvendësuesin e tij, i cili është pjesë e Barcelonës. Andres Iniesta u largua mbas një jete me Barçën dhe tashme ka nisur aventurën në futbollin japonez me ekipin e Visel Kobe.

“Iniesta ka shkruar epokën e futbollit botëror, por gjithmonë kam menduar që Kutinjo është zëvendësuesi ideal i tij. Duhet të mendonim për të gjetur një lojtar të gatshëm për të mbuluar boshllëkun e lënë nga Iniesta dhe vendimi për të afruar Kutinjon në ekip, ishte ai i duhuri”, përfundon ish-zyrtari i Barcelonës.

“Sezonin e ri e nisim me një entuziazëm të madh dhe shumë objektiva. Duam të fitojmë gjithçka. Po kompletojmë një kontingjent të shkëlqyer. Kemi afruar lojtarë të rinj si: Lenglet, Artur, Malkolm dhe një futbollist ekspert dhe me personalitet si Vidal.

Merkato mbyllet me 31 gusht dhe do të jemi të vëmendshëm deri në fund. Valverde ka ide të qarta dhe po menaxhon shumë mirë grupin. Na pret një e ardhme pozitive.”

“Iniesta? Aventura si futbollist i Barcelonës ka mbaruar, por një ditë do të kthehet të marrë një pozicion të ri në klub. Diçka të tillë e kemi diskutuar së bashku”, përfundon kreu i Barcelonës.