Siç raporton “The Guardian”, katalanasit janë të interesuar për Andreas Kristensen. Danezi është pjesë e Çelsit që nga vera e vitit 2017, kur la Gladbahun për të kaluar në Londër. Sezoni i parë nën drejtimin e Kontes ishte pozitiv, pasi Kristensen luajti 27 ndeshje, ndërsa ardhja në stol e Mauricio Sarrit i ka zvogëluar hapësirat.

Barcelona dëshiron ta ofrojë në ekip 22-vjeçarin që në janar dhe ka paraqitur ofertën zyrtare për drejtuesit e “Bluve të Londrës”. Mbrojtësi do e mirëpriste me kënaqësi kalimin në ekipin e Mesit, por duhet pritur dhe përgjigja e Çelsit, që nuk do të heqë dorë lehtë nga shërbimet e danezit.

Ekipi i “Djallit” ka shumë probleme në mbrojtje, ndërsa Romanjoli është i fundit që ka përfunduar në infermieri. Milani ka hedhur sytë nga Anglia, konkretisht tek ekipi i Çelsit. Marrëdhëniet mes palëve janë shumë të mira dhe një gjë e tillë u vë re me huazimin e Bakajokos.

Geri Kahil dhe Andreas Kristensen pëlqehen nga kuqezinjtë. Të dy nuk po luajnë shumë me Sarrin, i cili preferon dyshen Rudiger-David Luiz. I pari është 33 vjeç, ndërsa danezi 22 vjeç. Pikërisht Kristensen është preferenca kryesore e italianëve. Ai ishte titullar sezonin e kaluar me Konten dhe bëhet fjalë për një mbrojtës kualitativ.

Gjithçka do të qartësohet në vijim sa i përket mbrojtësit danez, ndërkohë që Leonardo po punon dhe për arritjen e një marrëveshje me San Paolon. Rodrigo Çaio është emri i preferuar dhe Leonardo do të bëjë maksimumin për të siguruar shërbimet e mbrojtësit 25-vjeçar.

Në mesfushë pëlqehet Stefano Sensi. Vështirë që Sasuolo të heqë dorë nga 23-vjeçari në janar, por Milani po insiston dhe palët mund të arrijnë akordin. Një tjetër emër që përflitet për mesfushën e Gatuzos është dhe Lenadro Paredes i Zenitit. Argjentinasi e njeh mirë Serinë A, pasi ka luajtur me Empolin dhe Romën, por Sensi mbetet objektivi kryesor i Leonardos.