Bëhet fjalë për sozinë e Andrea Pirlos. Alesandro Palazolo është personi, që ka abuzuar nëpërmjet pamjes së tij, që ishte shumë e ngjashme me atë të ish-yllit italian. 48-vjeçari në biznese paraqitej si Andrea Pirlo dhe kërkonte ulje çmimi.

Kishte kryer vizita mjekësore falas dhe më e bujshmja, ishte paraqitur në një mbrëmje gala si vëllai i Pirlos. Më pas ai e shtoi dozën e mashtrimit, duke marrë rroba apo pajisje teknologjike pa para, me kërkesën për t’i shtuar në llogarinë e Andrea Pirlos së vërtetë.

Kjo gjë ka ndodhur dhe ish-mesfushorit i ka shkuar një listë e gjatë borxhesh nga dyqane të ndryshme në qytetet e Italisë. Pas këtij konstatimi, ish-juventini ka bërë një denoncim në polici. Pas verifikimeve dhe marrjes në pyetje të shitësve të dyqaneve, është bërë i mundur arrestimi i Alesandro Palazolo, ish-argjendar nga provica e Valencas.

Sipas raportimeve të mediave italiane, Andrea Anjeli ka kontaktuar personalisht me ish-mesfushorin e madh. Dy janë opsionet që presidenti i Juves i ka paraqitur 40-vjeçarit: të punojë si ndihmës i Sarrit ose të marrë drejtimin e ekipit U23 të “Zonjës”.

Pirlo luajti për katër sezone në Torinon bardhezi pas largimit nga Milani. Tani mund të rikthehet përsëri, por kësaj herë gati për të nisur një karrierë të re, atë të trajnerit.

Andrea Pirlo e ka një mendim. Regjisori mendon se pas Juves, Kristiano do të largohet nga Evropa. Kampionati amerikan do të ishte një destinacion i mirë për të, sipas Pirlos. Italiani shprehet se ka qenë i befasuar nga lëvizja e portugezit në Itali.

“Nuk e di se ku mund të përfundojë. Ai ka edhe dy apo tre vitë në kontratë me Juventusin. Pas kësaj Amerika mund të ishte një destinacion i mirë. Kur u bashkua me Juventusin isha shumë i befasuar. Të blesh një lojtar si Ronaldo është tepër e vështirë, por ata ja arritën. Kristiano e përmirëson kampionatin italian. Ai mund të jetë një shtysë që yje të tjerë të mëdhenj të zbarkojnë në Itali”, deklaroi Pirlo.

Sipas mediave iataliane, Juventus U-23 do të jetë aventura e tij e parë. Të rinjtë bardhezi do të kenë nderin të stërviten nga një prej legjendave të mësfushës dhe një prej atyre që di ta lexojë në mënyrë perfejte këtë lojë. Megjithatë pritet të shohim nëse 39-vjeçari do të ketë aftësinë të fusë idetë e tij në mendjet e lojtarëve, për t’i ekzekutuar më pas në fushë ndaj kundërshtarit.

Siç duket në pamje të parë ai po ndjek shembullin e Zidan, i cili më përpara ishte trajner i të rinjve të Realit, për të marrë më pas ekipin e parë. Kështu nuk do të ishte fare çudi nëse pas pak vitesh do ta shohim Pirlon në stolin e “Zonës së Vjetër”.

Ish-ylli i Juves, aktualisht opinionist në “Sky Sport” zbuloi një prapaskenë, që lidh De Jong me bardhezinjtë. Pirlo u shpreh se e kishte këshilluar Paratiçin dhe Nedved, për ta ndjekur të riun. Ata e kishin dëgjuar fjalën e tij, por pa rezultat.

“De Jong është një lojtar i madh. Juventusi e ndoqi atë, pasi pata biseduar me ta për cilësitë e tij. Shumë mirë që Barça arriti ta marrë”, u shpreh ish-mesfushori para ndeshjes së mbrëmshme.

Ndërkohë jo vetëm Pirlo kishte besim te De Jongu dhe shokët e tij, por edhe Zhoze Murinjo. Portugezi tregon se ka veti shumë të mira parashikuese. Para ndeshjes ”Special one” pati dhënë sinjalin e një triumfi holandez në Torino.

“Askush te Ajaksi nuk mendonte se kishin sadopak mundësi për të fituar, por tani e kanë. Është e komplikuar kundër Juventusit, por ata mund ta bëjnë këtë”, shprehet portugezi.

Murinjo më parë pati parashikuar edhe fitoren e Juventusit ndaj Atletikos. “Nëse më duhet të zgjedh, them Atletiko Madrid, por nuk do të isha i befasuar nëse Juventusi përmbys gjithçka.”

Presidenti ka dhënë një prononcim interesant për mediat italiane, aty ku i rikthehet kujtimeve të shumta. Ai ishte pranë blerjes së Leo Mesit. Argjentinasi nuk ishte bërë i famshëm dhe Morati zbulon prapaskenat e kësaj lëvizje.

Më pas Andres Iniesta, një ikonë e ekipit katalanas. Morati e dëshironte tek Interi, por përballë tij ishte dikush, i cili nuk do e shiste kurrë mesfushorin. Më pas Andrea Pirlo dhe Zllatan Ibrahimoviç.

Të dy ishin pranë rikthimit në kampin zikaltër. Suedezi bëri edhe më shumë, telefonoi presidentin për ta bindur, por në fund nuk ndodhi asgjë: mesfushori u transferua te Juventusi, ndërsa sulmuesi te kuqezinjtë e Milanit.

MESI – “Ne filluam ta ndiqnim Mesin në Kupën e Botës U18. Misioni ynë nisi, por skautët e mi u kthyen nga Spanja dhe më treguan për problemet shëndetësore të Leos. Ata më folën dhe për dedikimin e madh të Barcelonës për t’i zgjidhur problemet e lojtarit. Ju thashë që ta linin si çështje. Ju betohem se te Barcelona po kujdeseshin për Leon njësoj si për djalin e tyre.”

INIESTA – “Një ditë u takova me një drejtues të Barçës. Kishim mundësinë ekonomike për të blerë çdo lojtar. Diskutuam për shumë prej tyre, ndërsa më pas unë përmenda emrin e Andres. Qëndrimi i drejtuesit spanjoll ndryshoi totalisht. Mund t’i kisha bërë çdo lloj oferte, por do të ishte diçka pa vlerë. Ata nuk do e shisnin kurrë Iniestën.”

PIRLO-IBRA – “Mund të rikthenim Pirlon pas largimit nga Milani. Ishte viti 2011 dhe Andrea u transferua te Juventusi. Ekzistonte mundësia ta merrnim ne, por nuk ndodhi një gjë e tillë. Ibra? Kur la Barcelonën për të kaluar te Milani, Zllatani më telefonoi. Ai bëri një gjest, që e vlerësova shumë. Më tregoi se nëse do të bëja ndonjë kundërofertë, ai do zgjidhte Interin. Megjithatë, gjërat kishin marrë tjetër drejtim dhe nuk kishte sens që të bëja këtë lëvizje.”

Maks Alegri mund të largohet në fund të sezonit për të marrë drejtimin e Realit të Madridit. Drejtuesit e Juves janë të ndarë midis tre opsioneve për zëvendësuesin e trajnerit livornez: Zinedin Zidan, Pep Guardiola dhe Antonio Konte.

Rikthimi i këtij të fundit nuk përjashtohet, madje “Tuttosport” raporton se në klubin italian kanë një ide interesante dhe tepër intriguese. Drejtuesit janë gati t’i ofrojnë pankinën Kontes, i cili mund të ketë si ndihmës të tij Andrea Pirlon.

Ish-mesfushori fenomenal është gati të nisë karrierën e trajnerit dhe do ishte entuziast të punonte me Konten në një klub ku zhvilloi sezonet e fundit të mëdha në karrierën e tij.

Shumë kritik është shfaqur Andrea Pirlo, i cili luajti katër sezone me Juventusin. Ish-mesfushorit të famshëm nuk i ka pëlqyer aspak paraqitja e ekipit të Alegrit, ndërsa të njëjtin mendim jep dhe ikona Aleks Del Piero.

Ish-kapiteni tregon dhe mënyrën se si duhet të luajë Juventusi në ndeshjen e kthimit për të tentuar kualifikimin për më tej.

PIRLO – “Është normale të ketë presion kur luan për objektiva kaq të mëdha. Nëse je një lojtar i Juventusit duhet ta përballosh presionin dhe të japësh gjithçka ke në ndeshje të tilla. Për fat të keq nuk e pashë një gjë të tillë kundër Atletikos. Pashë një skuadër pa personalitet dhe me pak dëshirë për të prodhuar dhe krijuar lojë. Ata dukeshin si një skuadër që po priste, siç e tha dhe Alegri. Dukej sikur lojtarët po prisnin që të kalonin minutat me idenë që do ta gjenin golin herët apo vonë.”

DEL PIERO – “Juventusi duhet të bëjë më shumë nga ajo që pamë. Alegri e ka kërkuar një gjë të tillë gjatë këtyre ditëve. Atletiko zhvilloi një ndeshje të mirë, ndërsa bardhezinjtë duhet të qarkullojnë më shumë topin dhe të sulmojnë nga krahët.”

Për këtë arsye dhe ish-shoku i skuadrës te Milani, Andrea Pirlo, i ka dalë në krah Xhenaro Gatuzos. Ish-mesfushori ka folur për formën që po kalon ekipi kuqezi dhe italiani ka thënë se trajneri i Milanit e meriton të jetë në krye të stolit, sepse po bën gjithçka që “djalli” të paraqitet sa më mirë.

“Nuk kam dyshime, Rino meriton të qëndroje te Milani. Ai po bën çdo gjë që është e mundur, por për momentin është një situatë e komplikuar, kështu që për mua Gatuzo duhet të vazhdojë të jetë në krye të kuqezinjve”.

Juventus u shpall ekipi më i mirë i kampionatit, ndërsa Maks Alegri fitoi çmimin e trajnerit më të mirë. “Falënderoj djemtë, jemi një grup spektakolar. Ronaldo ka sjellë më shumë konkurrencë, por ai është gjithashtu një djalë shumë i përulur”, u shpreh trajneri i bardhezinjve.

Gjatë ceremonisë u përcaktua dhe formacioni më i mirë i sezonit të kaluar. Në portë u zgjodh Alison (ishte pjesë e Romës, ndërsa tashmë luan me Liverpulin). Në mbrojtje Kulibali dhe Kielini në qendër, ndërsa nga krahët u zgjodhën Aleks Sandro dhe Kanselo. Pjaniç, Milinkoviç-Saviç dhe Naingolan ishin treshja më e mirë e mesfushës, ndërsa sulmi përbëhej nga Ikardi, Imobile dhe Dibala.

Lojtari më i mirë i sezonit u shpall Mauro Ikardi. Sulmuesi i Interit fitoi dhe çmimin e golit më të bukur, duke triumfuar me golin me finte kundër Sampdorias (18 mars, 2018). Nga arbitrat u vlerësua Xhanluka Roki, i cili u nderua me statujën e simbolit të Aic.

Dy legjenda dhe kampionë bote me Italinë në 2006, respektivisht Françesko Toti dhe Andrea Pirlo u nderuan me çmimin e karrierës. Çmimin e lojtarit të ri më të mirë e fitoi Sandro Toneli i Breshias, ndërsa Alia Guanji e Fiorentinës u shpall futbollistja më e mirë.

Tashmë është e thjeshtë të flasësh, por “regjisori” italian e shpjegon qarte, se pse argjentinasi duhet të godiste fort atë top. Më pas një koment për Karlo Ançelotin. Napoli i tij po bën shumë mirë dhe Pirlo i sheh në garë për titull, ndërsa tregon një nga pikat më të forta të Ançelotit si trajner.

“Kur gjuan penallti ke gjithmonë ndjenja të çuditshme, mos të harrojmë që Gonzalo e ndjente këtë ndeshje dhe donte të shënonte. Ka nga ata, të cilët vendosin se si t’i gjuajnë penalltitë përpara fillimit të ndeshjes. Topi peshonte shumë, duhet ta godiste fort, pa e menduar se ku do të gjuante. Ançeloti? Napoli është për titull dhe po e tregon dhe në Champions. Ançeloti është shumë i aftë për të bërë rotacion. Sarri përdoret 13 lojtarë, ndërsa Karlo i përdor të gjithë dhe në Xhenova arriti të propozojë një lojë të ndryshme”, përfundon Andrea Pirlo për “Sky Sport”.

“Milani është skuadra që më pëlqen më shumë. Kam parë ndeshjet dhe është skuadra që bën futbollin më të bukur. Gatuzo po i bën të luajnë mirë, janë një skuadër miks me lojtarë të rinj italianë dhe disa të huaj, kusht që në perspektivë është skuadra që më pëlqen më shumë.

Ardhja e Maldini dhe Leonardos ka sistemuar skuadrën dhe në nivelin drejtues. E ardhmja është e mirë dhe ekipi mund të arrijë rezultate të mëdha në të ardhmen”, përfundon Andrea Pirlo, i cili ka zhvilluar 284 ndeshje me Milanin gjatë dhjetë sezoneve.

TRANSFERIMI I RONALDOS – “Në fillim mendova se ishte një nga shumë thashethemet e verës. Më pas telefonova Paratiçin dhe ai më tha:”Është e gjithë e vërtetë, jemi në tratativa”. E përgëzova atë, Marotën dhe presidentin Anjeli. Por asnjë nostalgji, në karrierën time kam pasur fatin të ndaj dhomat e zhveshjes me shumë lojtarë që kanë fituar Topin e Artë. Ronaldo nuk ka arritur të shënojë në tre javët e para, por mund të shënojë 10 në pesë javët e ardhshme”.

“Manxhukiç-Dibala , partneri më i mirë për Ronaldon? Kristianos nuk e di nëse do t’i pëlqente të ishte sulmues i vetëm,ai ka nevojë për një lojtar të jetë pranë tij dhe mendoj që Manxhukiç është ideal për të”.

DIBALA – Duhet që Dibala të pranojë faktin që është bërë zgjedhje e dytë deri tani? Jo, para së gjithash sepse jemi ne fillim të sezonit dhe duhet të pranojmë që shpesh fillimi i sezonit është i vështirë për të gjithë. Paolo do të bëjë gjithçka për të luajtur sa më shumë të jetë e mundur. Kur një lojtar nuk luan do të thotë që duhet të bëjë diçka më shumë. Cilësitë e Dibalës nuk vihen në dyshim, por për t’u bërë një lojtar themelor tek Juventus dhe një lider ai duhet të gjejë diçka brenda tij, mbi të gjitha duhet ta bëjë për vete”.

Diçka e tillë nuk është një gjë e re në futbollin australian, sepse në të njëjtën mënyrë kanë vepruar më parë dhe ekipe të tjera. Heidelberg Junajtid arriti akordin me grekun Kostas Katcuranis në vitin 2015 në çerekfinalet përballë Melburnit. Katcuranis luajti 46 minuta, por pa e ndihmuar dot ekipin e tij, që humbi me rezultatin 5-0.

Të njëjtën gjë provoi dhe ekipi i Hume Siti, që kërkuan Arda Turan të luante në Melburn Viktori, por lojtari pati probleme regjistrimi dhe nuk u arrit marrëveshja me lojtarin.

Andrea Pirlo po mendohet dhe në ditët e ardhshme pritet përgjigja e tij me interes. Avondale nuk dorëzohet dhe dëshiron që mesfushori i madh italian, të veshë të paktën njëherë uniformën e tyre dhe t’i japë një dorë për të avancuar më tej në kupë, edhe pse do të jetë shumë e vështirë përballë Sidnei FC.

“Trajnerëve italianë iu mungon guximi. Ndodh pak nga gjithçka: shumë të huaj janë më pak të aftë se lojtarët tanë dhe kjo ndodh dhe në Serinë B dhe kategoritë më të ulta. Ndoshta, kjo ndodh, sepse ata janë të lirë dhe klubet nuk shpenzojnë shumë. Mendoj që Mançini i është referuar më shumë klubeve të mëdha si: Inter, Juventus, Napoli dhe Roma, të cilët kanë pak italianë, ndërsa Fiorentina dhe Milan janë përjashtimet.

Për një lojtar 18-vjeçar është shumë e vështirë t’i zërë vendin një 28-30 vjeçari, por U21 është pasqyra e një brezi dhe ekipi ynë i U21 nuk fiton që nga viti 2004. Megjithatë, nuk duhet të merren me alibi, sepse nëse je lojtar i aftë mund të luash dhe diçka të tillë e demonstron Verrati me PSG”, përfundon ish-mesfushori i famshëm italian.