Andrea Doviciozo

MotoGP: Doviciozo e mbyll me fitore, shiu nxjerr jashtë Markezin dhe Rosin

Sport Ekspres — Sun, 18 Nov 2018 15:16:32 +0000

Sot është zhvilluar gara e fundit në MotoGP për këtë sezon. Andrea Doviciozo ka arritur të fitojë çmimin e madh të Valencias në një garë, që u ndërpre dhe u shoqërua me shira të rrëmbyeshëm. Vendi i dytë në kampionat për pilotin italian të Dukatit, i cili e mbyll një vend sipër Valentino Rosit.

Pas tij janë renditur Aleks Rins i Suzukit dhe Pol Espargaro i KTM. Mark Markez, kampioni i botës, është rrëzuar, por nuk ka qenë i vetmi. Jashtë garës kanë përfunduar dhe dy pilotët e Jamahës: Valentino Rosi dhe Maverik Vinjales.

Kjo ishte gara e fundit për këtë sezon, ndërsa çështje e titullit ishte zgjidhur kohë më parë me Mark Markezin e Hondës, i cili fitoi titullin e pestë në karrierë.

Renditja e garës së Valencias

.@marcmarquez93 afortunadamente está bien pero estas imágenes dejan claro que ha sido bastante fea la acción. #MotoGP #VALmovistarMotoGP pic.twitter.com/6qZlrWUrma

— MotoGP en Movistar+ (@movistar_motogp) November 18, 2018

Doviciozo i përulet kampionit: Markez bëri diferencën!

Sport Ekspres — Sun, 21 Oct 2018 09:46:25 +0000

Mark Markez arriti të fitonte garën e Motegit në Japoni, duke u shpallur kampion bote në MotoGP. Titulli i pestë në karrierë për 25-vjeçarin e Hondës, ndërsa nuk kanë munguar elozhet për të. Andrea Doviciozo tentoi deri në fund të rivalizonte me spanjollin, por nuk ia doli. Dukati i italianit ishte në formë, por Markez bëri përsëri diferencën, duke triumfuar për të pestën herë në kampionatin e MotoGP.

“E përgëzoj Markun, e ka supermerituar. Këtë sezon nuk e kishte motorin për të arritur një diferencë prej 100 pikësh në renditje, por u treguar vendimtar. Jam i zhgënjyer për garën e sotme, dëshironim ta fitonim për të luftuar deri në fund. Kërkova t’i shkëputem dhe të krijoj distancë me të, sepse të dueloja në fund të garës me të nuk është diçka që ta këshillon doktori. Motori jonë është përmirësuar dhe jemi të shpejtë.”

“Pas garës së Brno kemi qenë gjithmonë në formë dhe konkurrues. Vetëm Markez ka bërë më mirë se ne, duhet ta studiojmë më mirë që të jemi gati për sezonin e ri. Duhet të ‘shpikim’ diçka, sepse nuk është e thjeshtë të luftosh me Markun. Nderime dhe njëherë, sepse e bëri ai diferencën dhe jo motori i tij”, përfundon 32-vjeçari italian.

Doviciozo siguron “pole-position” në Japoni, Mark Markez e nis nga rreshti i dytë

Sport Ekspres — Sat, 20 Oct 2018 09:37:46 +0000

Andrea Doviciozo ka arritur të jetë më i shpejti në provat zyrtare të Çmimit të madh të Japonisë në MotoGP. Piloti italian i Dukatit regjistroi kohën 1’44”590 dhe do të niset i pari në garën e nesërme të Motegit, ndërsa pas tij u renditën Johan Zarko me Yamaha Tech3 me (+0.068) pas vendit të parë dhe Xhek Miler me Dukati Pramac me (+0.137).

Vetëm vendi i gjashtë për Mark Markezin e Hondës, i cili u rendit pas Cal Crutchlow dhe Andrea Janones, ndërsa Valentino Rosi me Jamahën e tij u rendit në vendin e nëntë.

Spanjolli Markez mund të fitojë titullin, nëse renditet në garë sipër Doviciozos, por kjo vështirë të ndodhë me “pole-position” e italianit, me këtë të fundit që ka treguar forcën e tij në Japoni dhe dëshiron të mbajë të hapur garën për titull.

Renditje e provave zyrtare të garës së Motegit

MotoGP: Markez triumfon në Buriram dhe “prek” titullin e pestë, rikthehet Jamaha

Sport Ekspres — Sun, 07 Oct 2018 09:33:27 +0000

Mark Markez ka fituar garën e Buriramit në MotoGP dhe është pranë fitimit të titullit të pestë në karrierën e tij. 25-vjeçari spanjoll i Hondës zhvilloi një duel fantastik me Andrea Doviciozon, i cili e mbylli garën në vendin e dytë.

Garë pozitive për Jamahan, që kthehet në podium me Maverik Vinjales, i cili e mbylli në vendin e tretë, ndërsa Valentino Rosi përfundoi një vend më poshtë.

He would not be denied ?@marcmarquez93 fends of the determined Dovi to take the victory ?#ThaiGP ?? pic.twitter.com/mlzaz9D4US

— MotoGP? (@MotoGP) October 7, 2018

Markez dhe Doviciozo zhvilluan një duel shumë të bukur, por emocionet prekën kulmin në xhiron e fundit. Spanjolli e parakaloi italianin e Dukatit në kthesën e fundit, duke marrë fitoren dhe thelluar diferencën me 77 pikë me Doviciozon.

Mjafton që Markez të mos humbasë më shumë se dy pikë kundrejt Doviciozos në garën e Motegit, që zhvillohet pas dy javësh në Japoni dhe piloti i Hondës do të fitonte titullin e pestë në MotoGP.

Renditja e garës së Buriramit

Spektakël i Dukatit, triumfojnë edhe në Austri

Sport Ekspres — Sun, 12 Aug 2018 14:32:23 +0000

Një triumf i madh për Horge Lorencon në garën e Moto GP së Austrisë. 31-vjeçari me Dukatin e tij ka fituar duelin me Mark Markez duke mbërritur i pari në finish. Podi plotësohet nga një tjetër Dukati me Andrea Doviciozon, i cili e mbylli në vendin e tretë. Një garë e mirë dhe për Valentino Rosin, i cili e mbylli në vendin e gjashtë dhe rezultati mund të quhet pozitiv, duke llogaritur që “Doktori” e nisi nga vendi i 14.

Spektakël dhe parakalime në garën e “Red Bull Ring” të Austrisë. Markez niset i pari dhe pas tij Doviciozo dhe Lorenco. Duel i fortë mes treshes së parë dhe parakalimet dhe ndërrimet e pozicioneve ndodhin gjatë gjithë garës. Një pistë e favorshme për Dukatin dhe pavarësisht duelit të zjarrtë midis Markez dhe Lorencos, në fund ka triumfuar ky i fundit, duke i dhënë një tjetër fitore motorit italian. Me fitoren e sotme, Lorenco ka arritur triumfin e tretë personal për këtë sezon.

Horge Lorenco parakalon në renditjen e përgjithshme dhe shokun e tij, Andrea Doviciozo dhe tashmë renditet në vendin e tretë. Markez vazhdon kryesimin e kampionatit në kuotën e 201 pikëve. Në vend të dytë është Valentino Rosi (142) me 59 pikë më pak. Podin e kompleton Lorenco (130), i cili ka kaluar shokun e tij te Dukati, Andrea Doviciozo (129) me një pikë më shumë.

Renditja e pilotëve në garën e Austrisë