Konti ishte fatkeq, pasi vjet luajti vetëm dy ndeshje në kampionat në muajin gusht dhe më pas dëmtimi në gju e la jashtë fushave të blerta për shumë kohë. Së fundmi është rikthyer të luajë dhe në sfidën e radhës kundër Kievos mendohet ta nisë nga minuta e parë.

“Jam mirë, kundër Empolit luajta për të parën herë 90 minuta pas shumë kohësh. Mendova se do shkonte më keq, e them sinqerisht, pasi jam i vetëdijshëm që nuk i kam 90 minuta në këmbë. Jam vetëm në 70% të mundësive të mia. Jam gati dhe trajneri e di se kur të më llogaritë. Stërvitem në maksimum dhe kur më thirrin për të luajtur mundohem të jap kontributin tim”, shprehet Konti për Milan Channel.

Sigurisht dëshira e Kontit është që të marrë minuta, por është i gatshëm të sakrifikojë për kuqezinjtë vetëm e vetëm që të arrijnë kualifikimin në Champions League. Deklarata e mbrojtësit të djathtë është shumë e qartë.

“Kam qëndruar jashtë fushave të blerta për shumë kohë dhe do të doja të luaja më shumë, por Kalabria që po luan në vendin tim po bën një kampionat të mirë. Rezultatet flasin qartë. Gatuzo e di çfarë kam kaluar, e ka provuar edhe ai. Di si të sillet me mua dhe kur të më lejojë të luaj. Do firmosja të mos luaja asnjë ndeshje vetëm ta shoh Milanin ta mbyllë në vendin e katërt në fund të sezonit”, përfundoi Konti.

Sezonin e shkuar, mbrojtësi luajti vetëm 158 minuta, në dy javët e para të kampionatit dhe më pas u dëmtua me kombëtaren dhe humbi thuajse të gjithë sezonin. Aktualisht, 24-vjeçari është rikthyer nga dëmtimi dhe ka qenë në stol ndeshjet e fundit, por pa mundur të aktivizohet për kuqezinjtë.

Konti është testuar me ekipin primavera të kuqezinjve, ku ka luajtur si titullar dhe shenjat kanë qenë pozitive. Gjithsesi, tashmë mbrojtësi duket gati dhe së fundmi ka folur për mediat italiane.

“Ende nuk i kam 90 minuta të plota në këmbë. Trajneri mund të mbështetet te unë, pasi jam totalisht i gatshëm. Psikologjikisht dëmtimet më kanë masakruar dhe jam munduar ta fsheh këtë gjë, por ka qenë me të vërtetë një vit i vështirë. Sheh shokët e tu të skuadrës të vuajnë dhe nuk je i aftë t’i ndihmosh ata”.

“Një klub si Milani nuk mund të bëjë gjë tjetër, përveçse të jetë të paktën në vendin e katërt këtë sezon dhe të sigurojë pjesëmarrjen në Champions. E kam thënë gjithmonë, që objektivi im është që të ndihmoj për të kthyer Milanin aty ku i takon, në majë të Italisë dhe Europës”.

Gjatë momentit të parë, të anullimit të golit, nga stafi i Milanit pati shumë kontestime. Andrea Konti, një ndër më të ashprit ndaj arbitrave, është pezulluar për tre takime. Mbrojtësi italian u pa të shtynte arbitrat dhe t’u bërtiste, gjë që ka sjellë dhe pezullimin e tij. 24-vjeçari sapo ishte kthyer nga një dëmtim, që e mbajti larg fushave për më shumë se 8 muaj.

Andre Konti, bëri rikthimin e tij si titullar me ekipin Primavera të Milanit, ku luajti për 60 minuta dhe pati sinjale pozitive prej tij. Tashmë mbrojtësi nuk do të jetë në dispozicion të Gatuzos dhe për tre ndeshje të tjera, ndaj Juventusit, Lacios dhe Parmës.

Ditën e sotme Milani merr një tjetër lajm të mirë nga mbrojtësi i djathtë. Konti ka luajtur titullar në sfidën që ekipi i moshave kuqezi ka zhvilluar ndaj Kievos. 24-vjeçari ka luajtur për thuajse një orë, konkretisht 59 minuta, ku është zëvendësuar më pas nga Baraxeta.

Ndërkohë, për sa i përket sfidës, kuqezinjtë e vegjël pësuan një disfatë ndaj Kievos në shifrat 0-2. Golat u shënuan nga Rovalia dhe Rabas që në pjesën e parë. Kjo humbje e lë Milanin në vendin e dhjetë, në kuotën e 7 pikëve pas shtatë ndeshjesh të luajtura. Një nisje jo e mirë e Pimaveras kuqezi.

Në kuadër të kësaj sfide, trajneri Gatuzo merr një lajm të mirë nga infermieria, ku Andrea Konti është rikthyer të jetë në dispozicion të tij. Mbrojtësi italian është konfirmuar dhe në listën e të grumbulluarve për këtë takim.

24-vjeçari u ble nga Atalanta para dy sezonesh, por dëmtimet nuk i kanë lënë mundësi që të shprehet në fushë. Konti grumbullohet me ekipin për një ndeshje për herë të parë pas 225 ditësh. Një “përforcim” mjaft i rëndësishëm për kuqezinjtë, të cilët presin jashtëzakonisht shumë nga mbrojtësi i djathë, për të cilin u shpenzuan plot 24 milionë euro.