61-vjeçari është ndalur te situata e Juventusit dhe analizon zërat e largimit të Alegrit në fund të sezonit. Në prononcimin e dhënë për “RMC”, Agostineli shpreh preferencat e tij për trajnerin e ardhshëm të bardhezinjve.

“Varet se çfarë dëshiron të bëjë Juventusi në të ardhmen. Nëse duan një emër të madh për stolin dhe një menaxher të mirë të kampionëve, zgjidhja më e mirë është Zinedin Zidan. Në Itali unë do të vija bast për njërin midis Xhampaolos së Sampdorias ose Inzagit të Lacios. Alegri është një trajner i vërtetë, i cili ka ardhur nga poshtë dhe ka mbërritur këtu ku është. Në këto nivele të duhet të bëhesh një menaxher i aftë. Nuk mund të mbash bashkë dhomat e zhveshjes së një ekipi si Juventusi vetëm me zgjuarsi”, përfundon Andrea Agostineli.

Në një prononcim për mediet kongoleze,  ish-trajneri i Skënderbeut dhe Partizanit u shpreh se u detyrua ta merrte këtë vendim pas parregullsive në kushtet e punës.

Mungesa e sigurisë në stadiume dhe në fushën stërvitore kishte sjellë shpeshherë problematikë për trajnerin italian dhe stafin e tij, por problemi më madhor kishte të bënte me vonesat në pagesa dhe në arrogancën e drejtuesve për t’iu përgjigjur telefonatave të shumta të tij.

Vareze është klubi i fundit që Agostineli ka drejtuar në Itali, ndërsa në vitin 2015 ai u ul në stolin e Partizanit. Marrëdhënia e tij me të kuqtë u ndërpre në fund të sezonit, ku pati dhe akuza në drejtim të tij për mos fitimin e titullit. Në vitin 2016 ai mori drejtimin e Skënderbeut. Ecuria me kampionët nuk ishte e mirë dhe në janar palët vendosën për të shkëputur raportin mes tyre dhe palët u ndanë.

Agostineli është transferuar në Kongo bashkë me stafin e tij, ku ka marrë me vete: Mateo Basilen si përgatitës atletik dhe Emanuele Botonin në rolin e analistit taktik.