Këta të fundit i kanë propozuar Monakos një shkëmbim kokë më kokë midis dy sulmuesve. Pelegri debutoi me Xhenoan në Serie A në moshën 16-vjeçare dhe klubi francez shpenzoi 25 milionë euro janarin e vitit të kaluar për shërbimet e tij.

Dy klubet arritën akordin për shitjen e Andre Silvës për shumën e 30 milionë eurove, por marrëveshja u prish në momentet e fundit. Monako vazhdon të insistojë për sulmuesin luzitan, ndërsa Milani kërkon talentin italian në shkëmbim.

30 milionë euro do të paguante klubi nga principata në arkat e “djallit’ për shërbimet e sulmuesit portugez. Para të nevojshme për blerjen e Angel Korreas, sulmuesit argjentinas të Atletiko Madrid.

Gjatë ditës së djeshme u përfol se Andre Silva nuk kishte kaluar vizitat mjekësore, por e vërteta është ndryshe. Gazzetta dello Sport raporton se Monako ka disa probleme ekonomike, që rrezikojnë këtë transferim.

Siç raporton “Milanneës.it”, Andre Silva dhe klubi i Principatës nuk kanë gjetur akord sa i takon kontratës së ofruar, pasi kushtet ekonomike të portugezit nuk janë plotësuar. Për momentin, dy palët duken shumë larg, por një rihapje e negociatave në ditët e ardhshme është ende një opsion.

Milani do të përfitonte një shumë të konsiderueshme nga ky transferim, si dhe do të largonte një sulmues që nuk ka arritur të bindë për asnjë moment në “San Siro”.

Portugezi do të kalojë në Francë për shifrën e 30 milionë eurove. 23-vjeçari qëndroi vetëm një vit në Milano, për t’u huazuar më pas te Sevija, nga ku u kthye këtë verë. Milani me këtë shitje i hap rrugën ardhjeve të fytyrave të reja me qëllimin e vetëm që është arritja në tre vendet e para.

Mediat italiane raportojnë prej javësh se Silva është nxjerrë në shitje dhe ofertat për të nuk kanë munguar. Fillimisht, ishin anglezët e Ulvërhempton që kërkuan shërbimet e tij, por nuk u gjet akordi me drejtuesit e Milanit për çmimin e lojtarit.

Tashmë, ka dalë në skenë një skuadër e re. Bëhet fjalë për Monakon, ekip tek i cili portugezët janë të mirëpritur. Trajneri Zhardin, portugez, e do me çdo kusht Silvën në skuadër dhe i ka kërkuar klubit të paguajnë. Gjithashtu, klubi i Principatës afroi dhe Gelson Martins nga Atletiko këtë merkato, një tjetër portugez.

Sipas asaj që raporton Sportmediaset, Milani ka gjetur marrëveshjen me Monakon për shitjen e sulmuesit Andre Silva.

Portugezi, i cili luajti i huazuar te Sevilla sezonin e shkuar, ishte me kuqezinjtë në Amerikë për turneun miqësor veror, por tashmë është nisur menjëherë për në Europë.

Milani do të marrë 30 milionë euro, perfshire bonuset. Gjithçka me regji të agjentit Zhorzh Mendesh, i cili ka marrë përsipër të sistemojë sulmuesin dhe të gjejë një tjetër lojtar niveli për Milanin.

Klubi kuqezi dëshiron Korrea të Atletiko Madridit dhe ofron deri në 40 milionë euro, por pritet takimi i Paolo Maldinit me drejtuesit e klubit madrilen.

Ndërkaq, edhe Patrik Kutrone ka ofertë nga Ulvërhempton, por ende nuk është bindur.

Sipas asaj që raportojnë mediat italiane dhe ato britanike, Ulvs do të marrë një tjetër portugez në ekip. Bëhet fjalë për sulmuesin e Milanit, Andre Silva. Ky i fundit luajti këtë sezon si i huazuar te Sevilja dhe pas një nisje të zjarrtë, ritmi i tij ra shumë, duke bërë që klubi spanjoll ta rikthejë në Milano.

Por as kuqezinjtë nuk e duan në skuadër 23-vjeçarin dhe Ulvs është gati të përfitojë. Milani kërkon 26.6 milionë sterlina për sulmuesin, i cili këtë sezon shënoi 11 gola në 40 takime. Ulvs duket mëse gati për të paguar dhe Silva me shumë gjasa do të vazhdojë karrierën në Premier League.

Mjafton që një prej këtyre dy skuadrave të mos humbasë përballë Interit apo Atalantës dhe kuqezinjtë do të riktheheshin në Champions Ligë pas 7 vitesh mungesë. Shumë për një klub legjendar si Milani, që ka fituar shtatë herë trofeun më të rëndësishëm për klube.

Andre Silva i dha fund sezonit me Sevijën. Portugezit i përfundoi rinovimi dhe do të kthehet në Milanelo. Qëndrimi i tij te Milani duket shumë i vështirë, ndërsa ka ardhur oferta e parë për të.

Sipas raportimeve të turkes “Sporx”, Fenerbahçe po mendon të sigurojë shërbimet e 23-vjeçarit. Spanjolli Soldado ka zhgënjyer dhe drejtuesit e klubit të anës aziatike të Stambollit pëlqejnë Andre Silvën.

Preferencë ka edhe për Niko Kaliniç, i cili luajti bashkë me portugezin sezonin e kaluar te Milani. Klubi italian pret ofertën zyrtare dhe e ardhmja e sulmuesit luzitan mund të jetë kampioni turk i futbollit.

Gjithsesi, paraqitjet dhe forma e tij vijoi të ishte në rënië të vazhdueshme. Në Spanjë është mbyllur La Liga dhe për Sevijan sezoni është mbyllur. Për këtë arsye edhe ka ardhur vendimi për Andre Silvën, që me sa duket është rikthimi i tij te Milani.

Portugezi do të rikthehet në “San Siro”, me drejtuesit kuqezinj që e kanë në dorë se çfarë do të bëjnë me të ardhmen e tij. Sulmuesi postoi dhe një foto në Instagram, duke falënderuar Sevijan.

“Përfundon një tjetër sezon. Faleminderit Sevija për mirëpritjen e pabesueshme. Më pëlqeu shpirti i klubit dhe qyteti. Shpresoj që e ardhmja të më sjellë gjëra të bukura”, mbyllte postimin e tij Andre Silva.

Kjo gjë tërboi Kaparrosh, i cili hodhi dyshime mbi shkallën e dëmtimit në gju që ka Andre Silva dhe ka kërkuar ndërhyrjen e UEFA-s, për të mos lejuar që lojtari të luajë për kombëtaren.

Andre Silva ka shënuar vetëm 2 gola në vitin e ri dhe tani ka reaguar ndaj aludimeve të trajnerit.

“Nuk po simuloj ndonjë dëmtim, jam kuruar për problemin që kam”, tha Silva për A Bola.

“Unë e kam ndërgjegjen të pastër. Kam dashur të luaj, por shqetësimi është rritur dhe fizikisht nuk kam qenë mirë.

“Ndoshta kjo situatë nuk është administruar si duhej dhe duhej të kisha bërë pushim në dhjetor, por Sevilja kishte nevojë për mua dhe unë doja të luaja.

“Unë jam futbollist shumë i përkushtuar ndaj klubit tim, që në këtë rast është Sevilja. Ata që më njohin e dinë që dua të jem gjithnjë një lojtar me vlerë për klubin”.

“E di që në 5 qershor Portugalia ka ndeshje, nëse riaftësohem në kohë përse të mos grumbullohem?”.

“Jam lojtar i Milanit. Dua të bëj mirë këtu dhe të pres. Nëse duhet të vendosja, do zgjidhja të isha pjesë e ekipit më të mirë në botë. Nëse do të më thonë të zgjedh mes të qenurit titullar te Sevilja dhe stolit te Milani, preferenca është e qartë. Gjithsesi unë jam në dy situata: këtu jam mirë dhe jam lojtar i Milanit. Nuk mendoj për këtë, ndryshe do të shpërqendrohem”, thotë sulmuesi.

Autori i 9 golave në 22 ndeshje, tregon se besimi i dhënë është shumë i rëndësishëm për të dhe për çdo futbollist. “Gjëja më e rëndësishme për një futbollist është besimi. Këtu e kam ndjerë shumë dhe menjëherë. Në Angli të shënuarit më mungonte shumë. Edhe pse e shkuara mbetet e shkuar, gjërat mund të kishin shkuar ndryshe. Futbolli nuk është sport individual, mund të kemi pritshmëritë tuaja por nuk jeni vetëm dhe personat e tjerë duhet t’ju bëjnë ju t’i realizoni ato, ose të përpiqeni”, shtoi portugezi.

MILANI – “Janë rikthyer dhe jam i lumtur. Renditen në vendin e katërt, pavarësisht se garojnë me rivalë të mëdhenj, dhe ky është objektivi kryesor. Gjithashtu në Kupën e Italisë kanë eliminuar Napolin dhe kjo është gjë e mirë. Shpresoj të vazhdojnë kështu. Milani nuk është ai i disa viteve më parë, por mund të rikthehet i madh dhe shpresoj të ndodhë diçka e tillë”, deklaron Andre Silva.

Ai tregon se vijon të mbajë kontakte me drejtuesit, që kanë paguar jo pak për kartonin e tij te Porto. “Nga klubi më dërgojnë mesazhe dhe më thonë se po bëj një punë të mirë. Për më tepër unë mbetem një investim për klubin. Në skuadër kam shumë miq dhe kur erdhën në Sevilje për të luajtur me Betisin, shkova në hotel për t’i përshëndetur”.

“Blerja e mundshme nga Sevilja? Nëse ata e bëjnë këtë, ndodh sepse kanë besim tek unë dhe mendojnë se mund të bëj mirë. Gjithsesi është herët dhe unë ende nuk kam bërë asgjë. E tashmja kushtëzon në mënyrë të pashmangshme të ardhmen time. Unë dua vetëm të luaj dhe të jem i lumtur”.

RONALDO – “Nuk më habit, që fëmijë e kam pasur idhull, pastaj kam luajtur me të dhe e di si është gatuar. Ai kurrë nuk dëshiron të humbasë dhe personaliteti i tij e bën numrin një, Kristiano është special. Rikthimi në kombëtare? Nuk e kam pyetur. Shpresoj që po, të luash me më të mirin është gjithnjë më mirë: finalet e Nations League janë në shtëpinë tonë, e kemi këtë avantazh dhe duam trofeun”, përfundoi Silva.

Lufta për kampionat është e fortë, por 23-vjeçari nuk i vendos limite vetës. Ai ndihet mirë në Spanjë, tregon përshtatjen e lehtë me ekipin dhe nuk e zbulon të ardhmen e tij. Kartoni i tij zotërohet nga Milani, por Sevilja ka të drejtën e blerjes së tij.

Në prononcimin për “Marca”, portugezi tregon se çfarë i pëlqen më shumë nga kampionati spanjoll, zbulon bisedat me Ronaldon, flet për Europa Ligën dhe kundërshtarin e radhës, Lacion. Sintonia me Ben Jeder është fantastike, trajneri është komandanti i ekipit dhe në fund objektivat personale dhe të Seviljes për Andre Silvën.

SEVILJA – “Ndihem shumë mirë dhe jam shumë i lumtur që ndodhem këtu. Jam ndier mirë që nga dita e parë që erdha, sepse shokët e skuadrës më pritën shumë mirë. E ndjeva besimin e trajnerit përpara se të vija dhe kjo gjë më ka bërë shumë të lumtur.”

PËRSHTATJA – “Kur erdha fola me Karraçon, i cili është portugezi i vetëm që kam në ekip. Ai më ka ndihmuar shumë. Fola me Karraçon përpara se të vija dhe më tha se ndihej mirë këtu. Më tregoi se Sevilja ka luftuar gjithmonë për trofe, kampionati është i fortë dhe ka lojtarë shumë të fortë, kështu që ishte një opsion shumë i mirë për mua. Mendoj se besimi që më ka dhënë dhe po më jep trajneri dhe mënyra e lojës që bëjmë janë thelbësore që gjërat të shkojnë mirë.”

E ARDHMJA – “E vërteta është që të ardhmen nuk e dimë. Për momentin po luftoj për Seviljen dhe po bëj më të mirën për ekipin dhe veten. Jam shumë i lumtur këtu, por të ardhmes nuk i dihet.”

LA LIGA – “Më pëlqen kampionati, pasi të gjitha ekipet preferojnë të luajnë me topin. Ka raste kur luajmë me ekipe që ndodhen keq në renditje, por edhe ata dëshirojnë ta mbajnë topin dhe të luajnë me të. Të gjitha ekipet kanë lojtarë teknikë, të cilët luajnë mirë me topin. Ka dhe shumë kundërsulme dhe unë i adhuroj ato. Më pëlqen të mbaj topin dhe më pëlqen La Liga.”

CR7 – ‘Kam folur me Kristianon kur isha te Milani dhe ai ishte te Reali. Kemi folur bashkë dhe në kombëtare. Kur më doli rasti i Seviljes nuk fola me të, pasi gjithçka ndodhi shumë shpejt dhe nuk u takuam në kombëtare. Por, kemi folur më parë për kampionatin spanjoll.”

SEVILJA – “Po punojmë për t’i bërë gjërat në mënyrën më të mirë. Po përmirësohemi dhe po punojmë për ta bërë një gjë të tillë. Të shohim në fund se çfarë do të ndodhë, të gjithë lojtarët janë të përqendruar dhe duam të bëjmë gjëra të mëdha.”

TITULLI – “Barcelona dhe klubet e tjera kanë shumë kualitet dhe janë skuadra të mëdha. La Liga me Barcelonën, Realin dhe Atletikon është shumë e vështirë, por të gjithë luajmë futboll, luftojmë dhe nuk jemi rastësisht këtu. Kemi synime të mëdha dhe duam t’i realizojmë.”

GOLAT – ‘Nuk i vendos limite vetës. Po jap më të mirën time, nuk e kam mendjen te goli, por te fitorja e ekipit. Dua të bëj më të mirën për Seviljen dhe jam i lumtur për punën që po bëj.”

BEN JEDER – “Më kupton mirë dhe kur luaj topin, përfundon tek ai. Shihemi shpesh dhe merremi vesh mirë bashkë. Ai është një sulmues shumë i mirë dhe shpresoj të vazhdojmë kështu.”

STILI I LOJËS DHE TRAJNERI – “Më pëlqen shumë mënyra se si luajmë. Kemi shumë besim te trajneri ynë dhe ai te ne. Kemi treguar se bëjmë gjithçka që na kërkon. Ka një kimi shumë të mirë midis nesh.”

ANDRE SILVA – “Përpiqem që të jemi gjithmonë e më i kompletuar si futbollist. Nuk dua vetëm të qëndroj në zonë dhe të shënoj. Më pëlqen të jem pjesë e lojës së skuadrës dhe dua shumë që të luaj me topin me të gjithë shokët.”

EUROPA LIGË – “Kur jam në një garë dua gjithmonë të bëj më të mirën. Më pëlqen të fitoj dhe dua të fitoj, por ka shumë punë për të siguruar Europa Ligën e gjashtë për Seviljen. Lacio? Janë një kundërshtar shumë i vështirë. Kam luajtur kundër tyre kur isha në Itali dhe janë shumë të fortë. Të fortë jemi dhe ne dhe duam të tregojmë se jemi më të mirë se ata.”

OBJEKTIVAT – “Dua të bëj më të mirën time për të gjithë. Dua që në fund të sezonit të kem bërë një punë të mirë. Dua që të gjithë njerëzit që më mbështesin ta ndjejnë se kam punuar mirë. Si skuadër, dua që të bëjmë mirë në të gjitha kompeticionet dhe të dalim në vend të parë gjithkund, pavarësisht se është shumë e vështirë.’

Aktualisht, sezoni i portugezit ka qenë mjaft pozitiv, teksa ka shënuar 8 gola në kampionat dhe ka një rendiment mjaft të mirë. Paraqitjet e tij duket se e kanë bindur që tani ekipin e Sevijas që ta mendojë seriozisht blerjen e tij nga Milani, verën e vitit të ardhshëm, kohë kur përfundon dhe periudha e huazimit.

Gjithsesi, së fundmi “Mundo Deportivo” raporton se, për blerjen e Andre Silvës është futur në garë dhe Barcelona. Katalanasit me sa duket po mendojnë për përforcimin e fazës ofensive për sezonin e ardhshëm dhe portugezi shihet si objektivi kryesor.
Gjithashtu në listën e katalanasve raportohet të jetë dhe Maksimiliano Gomez, sulmuesi i Selta Vigos, i cili po bën mjaft mirë këtë sezon. Uruguajani ka shënuar tetë gola dhe ka dhuruar katër asist në La Liga me fanellën e kaltër të Selta Vigos.

Andre Silva, i cili u transferua këtë verë në huazim te Sevija, ishte një natë më parë për të takuar ish-shokët e tij të skuadrës. Portugezi po kalon një moment mjaft të mirë në Spanjë, teksa ka shënuar plot 7 gola në kampionat dhe Sevija e tij ndodhet në vendin e tretë në renditjen e La Ligas.

Silva është parë në shoqërinë e Leonardos më së shumti, ku ndoshta mund të ketë pasur dhe diskutime në lidhje me të ardhmen e sulmuesit. Gjithashtu nga fotot që ka postuar dhe faqja zyrtare e Milanit në “Instagram”, Andre Silva shihet i lumtur, teksa shoqërohet dhe me Hoze Maurin e Suson.

Sezoni i ri ka nisur më i mirë për sulmuesin, teksa numëron plot 7 gola në kampionat pas 11 javësh, ku Sevija mban vendin e tretë. Në një intervistë për prestigjiozen portugeze “A Bola”, Andre Silva ka folur për kalimin e tij në Spanjë, si dhe largimin nga Italia.

“Punoj për t’u bërë më i miri në botë. Nuk desha të largohesha nga Milani, thjesht kisha nevojë për besim dhe minuta, kjo ishte arsyeja që ika nga Italia. Isha në kërkim të një zgjidhje dhe hipoteza e Seviljas më tërhoqi. Tani që jam këtu mund të them që kam bërë vendimin më të mirë të mundshme. Benfika apo Sporting? Nuk do t’i them kurrë “po”, zemra ime i përket Portos”.

Pas takimeve djeshme në Ligën e Kombeve, “ËhoScored.com” ka nxjerrë lojtarin më të mirë të çdo ndeshje dhe përkrah tij ka vënë dhe vlerësimin. Bie në sy që Kololli jo vetëm që është pjesë e 7 më të mirëve të ndeshjeve të djeshme, por ka dhe vlerësimin më të lartë, duke lënë pas vetes dhe emra si Andre Silva apo dhe Mitroviç.

Një vlerësim jo i vogël ky për lojtarin e Kosovës, nga një pres faqeve më të mëdha të statistikave. Kosova do të ndeshet më datën 14 tetor në San Marino ku do të kërkojë një tjetër sukses, në mënyrë që të konsolidojë pozitat në kreun e grupit të saj.

Last night's star man ratings from the UEFA Nations League:

?? A. Silva (8.04)
?? A. Granqvist (7.84)
?? A. Mitrovic (8.22)
?? T. Tawatha (7.66)
?? A. Chipciu (7.69)
?? R. de Oliveira (8.54)
?? B. Kololli (8.79) pic.twitter.com/Evv7ta6hc2

— WhoScored.com (@WhoScored) October 12, 2018

Pa CR7, Portugalia fitoi bindshëm kundër Italisë dhe dominoi edhe sot në Poloni.

Në fakt, polakët shënuan të parët dhe Piatek po konfirmohet zbulimi i sezonit në Europë, sepse po shënon me një ritëm të çmendur.

Megjithatë, Andre Silva barazoi, me 7 gola në 6 ndeshjet e fundit jashtë fushe për kombëtaren, ndërsa Glik shënoi autogol në fundin e pjesës së parë.

Në minutën e 52-të Bernardo Silva shënoi edhe golin e tretë portugez, para se Blashçikovski ta bënte emocionues fundin e takimit, me golin e shpresës shënuar 13 minuta para fundit, por që nuk u pasa nga gola të tjerë. Tashmë Portugalisë i duhen vetëm dy barazime, ose një fitore, për të shkuar në gjysmëfinale.

LIGA B

Dy gola nga sulmuesi Aleksandar Mitroviç, nga një në çdo pjesë, i kanë dhënë fitoren 2-0 Serbisë në Malin e Zi, në derbin e parë që luhet që pas shpërbërjes së Jugosllavisë. Mali i Zi ishte inferior, edhe pse u mundua gjatë, por Serbia me qetësi dhe eksperiencë shënoi me penallti në minutën e 18-të, për të mbyllur gjithçka 9 minuta para fundit.

Fitorja e ngjitur në krye të grupit 4 Serbinë, me 7 pikë në 3 ndeshje, ndërsa e ndjek Rumania me 5 pikë, që fitoi 2-1 një ndeshje dramatike në Lituani. Kipçiu shënoi në minutën e 13-të, Zhulpa barazoi në të 89-tën për Lituaninë modeste dhe Maksim shënoi në shtesë për rumunët.

Njeriu i momentit në Sevilje, është padyshim Andre Silva. Portugezi është marrë në huazim me të drejtë blerje nga Milani dhe duket se është ambientuar në mënyrë perfekte në Spanjë. Janë shtatë, golat e shënuar në kampionat nga talenti portugez, i cili së fundmi ka folur për mediat, konkretisht për “calciomercato”, ku dhe ka diskutuar për momentin e tij dhe për Milanin.

“Të them të drejtën nuk e prisja një fillim të tillë. Ndihem shumë mirë, si në fushë ashtu dhe jashtë saj dhe për këtë duhet të falënderoj shokët e ekipit dhe trajnerin. Unë luaj për Seviljan, por jam një lojtar i Milanit, të paktën deri në qershor. Nuk kam ndonjë përgjigje për të shpjeguar formën time në sezonin e parë në Itali, por di që këtë sezon jam në formë dhe po ndihem shumë mirë. Gjëja kryesore është besimi. Në qoftë se ke besim, ti mund të bësh gjithçka. E dija që Sevilja është një klub i madh dhe kishte shumë besim tek unë”, përfundoi portugezi.

“Andre Silva vendosi që të largohej. Askush nuk e përzuri atë nga ky ekip. Tani ai është duke kaluar një moment shumë të mirë në Spanjë. Por, ne si klub nuk kemi pse të pendohemi, pasi bërë gjithçka që ai qëndronte, situata ishte e ngjashme me atë të Karlos Bakës, që u largua për t’iu bashkuar Vijarealit”, tha Gatuzo për medien  spanjolle “ABC”.

Gjatë këtij edicioni të La Ligës, Andre Silva ka gjetur shtatë herë rrugën e rrjetës, duke qenë dhe golashënuesi aktual i kampionatit, një ecuri krejt e kundërt me atë të sezonit të kaluar në Serie A, ku në 24 aktivizime shënoi vetëm dy gola.

Fillimi i keq i kampionatit është harruar dhe tashmë skuadra e drejtuar nga Maçin po fluturon, edhe falë golave të portugezit André Silva. Shtatë gola në 7 ndeshje kampionati për ish-sulmuesin e Milanit, i cili është kthyer në idhullin e tifozerisë dhe është shënuesi më i mirë në Spanjë.

Askush si ai, as Kristiano Ronaldo, sepse CR7 në vitin e parë në Spanjë kishte shënuar “vetëm” 5 gola në 7 ndeshjet e para në kampionat. Pesë ka shënuar edhe Mesi këtë sezon, duke qenë dy gola pas Andre Silvës, i cili ka shënuar që tani po aq gola sa shënoi sulmuesi brazilian Muriel gjithë sezonin e shkuar për Seviljen. Muriel kushtoi 21 milionë euro, Andre Silva është në huazim dhe mund të blihet për rreth 35 milionë.

Milani e sheh me dëshpërim, në Itali Andre Silva nuk shpërtheu dot, por ndoshta thjesht Seria A nuk është për të, pasi ndryshon shumë nga kampionati spanjoll, ku luhet në sulm dhe ka hapësira pa fund.

Andre Silva = G??????????????ALS!#LaLigaSantander pic.twitter.com/E48fF1ACqm

— LaLiga (@LaLigaEN) September 29, 2018

Sulmuesi i talentuar duket se ka gjetur vetveten në Spanjë, duke u rikthyer ai i dikurshmi, i cili shënonte shumë për Porton. Andre Silva u ble me mjaft bujë nga Milan sezonin e kaluar për shumën e 38 milionë eurove, por thuajse në asnjë moment nuk arriti t’i përmbushte pritshmëritë në Milano. Ndoshta dhe besimi që iu dha nga Milan nuk ishte i mjaftueshëm, pasi portugezi numëron në kampionat shumë pak ndeshje si titullar, por gjithsesi dhe statistikat nuk ishin në favorin e tij.

Për të kuptuar edhe më mirë ndryshimin total të 22-vjeçarit, mjafton të përmendet fakti që më fanellën kuqezi ka shënuar vetëm 2 gola në kampionat sezonin e shkuar, ndërsa më Sevijan, vetëm mbrëmjen e kaluar i shënoi 2 herë kampionëve të Evropës, pra Realit të Madridit. 6 ndeshje për andaluzianët e Seviljas këtë sezon, 6 gola të shënuar. Golashënuesi më i mirë në La Liga për momentin, dhe me tifozët e Milan që ndjejnë keqardhje dita ditës për sulmuesin, pasi në sfidën e sotme ndaj Empolit i kanë të dëmtuar të 2 sulmuesit që janë në ekip.

Diçka për të ardhur keq për Milan që nuk besoi tek aftësitë e Andre Silvës, i cili tashmë po shkëlqen me fanellën e Seviljas. Spanjollët e kanë në huazim sulmuesin, por me të drejtë blerje për 35 milionë euro, që me shumë mundësi nuk do të jetë problem për drejtuesit e andaluzianëve me formën që po tregon Silva.

Aron Ramsej ka shpenzuar një dekadë tek Arsenal kur erdhi në vitin 2008 nga Kardif Siti. Ndoshta për të mund të jetë momenti për ndërrim ambienti.

PORTUGEZI – Andre Silva bind gjithnjë e më shumë, Sevija po mendon blerjen përfundimtare. Fill pas ndeshjeve të kombëtareve, gjithashtu pas paraqitjes mjaft të mirë në supersfidën Portugali-Itali dhe golit të shënuar, Andre Silva mund të bëhet përfundimisht një lojtar i Sevijas.

Klubi andaluzian po mendon gjithnjë e më shumë për finalizimin e blerjes së sulmuesit të talentuar portugez pas paraqitjeve dhe golave të shënuar në kampionat. Andre Silva aktualisht është në huazim me të drejtë blerje tek klubi i Sevijas nga italianët e Milan.

Tani Andre Silva luan në huazim në Spanjë dhe e ka nisur frikshëm sezonin, sepse pas 3 golave në ndeshjen hapëse të kampionatit, sot shënoi golin që fundosi Italinë në Lisbonë.

Triumfoi Portugalia 1-0, pa Ronaldon, duke shkëlqyer në lojë dhe duke dominuar një Itali të zbehtë e pa asnjë ide. Aq e dobët ishte skuadra e Mançinit, saqë në pjesën e parë kreu një numër shumë të vogël pasimesh, si asnjëherë prej shumë vitesh.

Goli i Andre Silvës sapo nisi pjesa e dytë ishte mëse i merituar për Portugalinë, që e ka nisur shumë mirë Nations League, ndërsa Italia ka vetëm një pikë në dy ndeshje dhe tashmë nuk mendon më për kreun, por për të mos dalë e fundit në grupin e vet në Ligën A.

Revolucioni Mançini ka nisur ters, ose nuk ka nisur fare!

Andre Silva’s goal pic.twitter.com/bYZM9DaCmL

— #FreeLocatelli (@semo33) September 10, 2018

Ndërkaq, në Suedi spektakël e gola, me Suedinë e Turqinë që u ndeshën ballëhapur, vetëm për fitore, në grupin 2 të Ligës B. Turqia duhej të reagonte pas humbjes shtëpiake ndaj Rusisë, por në minutën 35 e 49 Thelin dhe Klaeson krijuan idenë se mori fund. Megjithatë, Çalhanoglu në minutën e 51-të rihapi gjithçka dhe Akbaba barazoi në minutën e 88-të, duke zgjuar Turqinë. Po Akbaba në minutën e 92-të shënoi golin e fitores së madhe për turqit.

Duhet të kthehemi në sezonin 1993-1994, kur Romario i Barcelonës i shënonte tri here Betisit në ndeshjen e tij të parë në La Liga. Braziliani e mbyllte sezonin me 30 gola të shënuar në 33 ndeshje të zhvilluara dhe një vit më vonë, ai do të fitonte Kupën e Botës me Brazilin e tij.

Andre Silva ka përsëritur të njëjtën gjë mbas plot 25 vitesh. Tris që në start dhe tifozët e Seviljes kanë nisur të ëndërrojnë dhe urojnë që portugezi të vazhdojë të shënojë e të thyejë rekorde të tjera. Në një ndeshje në Spanjë, Silva ka shënuar më shumë se gjithë sezonin me Milanin, më të cilët arriti të shënonte vetëm dy gola në 24 ndeshje të zhvilluara.

Kuqezinjtë po ideojnë një shkëmbim sulmuesish. Falkao në Milano dhe Andre Silva në principatë. Menaxher i të dyve është Zhorzhe Mendesh, i cili mund të thjeshtojë operacionin, siç citon “Tuttosport”.

Kjo shihet si një dopio-lëvizje nga ana e “Djallit”. Një plan B nëse nuk vjen Higuain ose Morata, por edhe një “presion” ndaj Juventus për të ulur kërkesat e tyre kundrejt Higuain dhe Kaldara.

Plot 38 milionë euro kanë shkuar për Porton, blerja e dytë më e shtrenjtë në historinë e klubit kuqezi, që ka firmosur deri në vitin 2022 me 21-vjeçarin e kombëtares portugeze.

“Jemi të lumtur që zyrtarizojmë një xhevahir të ri të Milanit. Gjetëm shpejt marrëveshjen me Andre Silvën dhe Porton dhe kjo gjë na jep kënaqësi të madhe.

” I premtuam Montelës se 2/3-a e skuadrës do jetë në dispozicion të tij para grumbullimit dhe jemi në rrugën e duhur. Kemi afruar 4 lojtarë, presim të tjerë në ditët e ardhshme, por natyrisht do të shesim disa lojtarë”.

Sot Andre Silva ka kryer kontrollet mjekësore në Milano dhe ka lëshuar deklaratat e para si kuqezi: “Ndjenjë e papërshkrueshme, Milani është një ëndërr dhe gjithçka ndodhi shumë shpejt. Ronaldo më ka lavdëruar? Nuk kam folur ende, por ai është idhulli im dhe shpresoj të bëhem si ai. Tani dua të rritem dhe të bëhem i rëndësishëm për Milanin, për ta kthyer aty ku i takon”.

Blerja e Andre Silvës mbyll përfundimisht rrugët për Moratan, Obamejangun e Belotin, të gjithë superlojtarë, por me kosto të frikshme.

Tashmë synimi madhor i Milanit është të shesë Karlos Bakën, por nëse ikin edhe Deulofeu e Lapadula, detyrimisht do të afrohet një sulmues tjetër dhe nuk ka marrë fund tratativa për suedezin e Lajpcigut Forsberg, futbollist shumë interesant, pasi luan në krah dhe në sezonin e fundit në Bundesligë jo vetëm që ka shënuar 8 gola, por ka dhënë edhe 22 asiste, duke barazuar rekordin e Kevin De Brujnes.

Milani kinez e ka seriozisht dhe përveçse ka nisur spastrimin, po bën edhe blerje të shkëlqyera, me lojtarë mjaft të rinj që po shkojnë në Milano.

Pas Musakios, Kesit dhe Rikardo Rodrigezit, tashmë është praktikisht kuqezi Andre Silva, i cili po kryen kontrollet mjekësore rutinë, para firmave dhe prezantimit.

HERE HE IS! Andre Silva has arrived for his Milan medical at La Madonnina clinic. #welcomeAndreSilva ??? pic.twitter.com/P6vOP1ImTI

— TheMilanBible (@TheMilanBible) June 12, 2017

Kush është Andre Silva? Vetëm 21 vjeç, shënoi 21 gola te Porto sezonin e fundit, ka shënuar 8 gola në 9 ndeshje për Portugalinë dhe luan si sulmues kryesor, duke nxjerrë të tepërt kolumbianin Baka.

Andre Silva for you pic.twitter.com/ufkV2U305T

— Prasiddha Timilsina (@theprasiddha) June 11, 2017

Kostoja? 38 milionë euro, biznes i mirë, sepse Porto ishte i detyruar të shiste urgjentisht, për shkak të një grope të zezë në buxhet, shkaktuar nga fakti se lojtarët që shet Porto i kanë në pronësi edhe kompani e agjentë të ndryshëm, si agjenti i Andre Silvas, Zhorzh Mendesh.

Ky i fundit është afruar me Milanin prej disa javësh dhe po nxjerr jashtë loje Mino Raiolën, i cili me Galianin bënte pazar çdo dritare merkatoje. Zhorzh Mendesh ka në dorë gjysmën e yjeve të Europës dhe në këtë moment mund të bëhet vendimtar për ringritjen e Milanit, sepse si i thonë fjalës, njëra dorë lan tjetrën.

Ylli i parë ka shkuar në Milano dhe quhet Andre, si një “përbindësh” nga Ukraina, por nuk ia themi dot emrin, sepse është rrezik i madh të krahasosh ndonjë futbollist me të. Nëse Andre Silva rezulton sulmues i madh, ashtu si ka parashikuar Kristiano Ronaldo (“Po e lë Portugalinë në duar të sigurta, tani kemi gjetur edhe një sulmues të madh si Andre Silva”), atëherë Milani dhe tifozët mund të ëndërrojnë vërtet.

BLERJET KUQEZI

Musakio €18m
Kesi €8m (huazim me të drejtë blerjeje)
Rikardo Rodriguez €18m
Andre Silva €38m