Andre Rabiot

E ardhmja e Rabiot, PSG dhe mesfushorin i ndan… 1 milionë euro!

Sport Ekspres — Sun, 18 Nov 2018 21:27:42 +0000

E ardhmja e Adrien Rabiot është akoma në “udhëkryq”. Mesfushorit francez i skadon kontrata me PSG në verën e ardhshme, ndërsa rinovimi nuk ka ardhur ende.

23-vjeçari kërkohet nga shumë klube europiane, me në krye: Barcelonën, Milanin dhe Juventusin. Siç citon spanjollja “Sport”, palët i ndan vetëm… 1 milionë euro! PSG i ofron lojtarit një rinovim me një kontratë prej 9 milionë eurosh, ndërsa Rabiot kërkon 10 milionë.

Një gjë e tillë nuk është e vështirë për t’u zgjidhur, por, për momentin, asnjë nga palët nuk lëkunden nga pozicionet e tyre. Një gjë e tillë mban me shpresa klubet e tjera, duke uruar që Rabiot dhe PSG të mos arrijnë akord mes tyre.

Rabiot dëshiron largimin nga PSG, refuzon milionat

Sport Ekspres — Fri, 05 Oct 2018 07:57:58 +0000

Andre Rabiot i skadon kontrata në verën e ardhshme dhe PSG po bën të pamundurën për të mos humbur shërbimet e mesfushorit me parametër zero në fund të sezonit.

23-vjeçari nuk ka pranuar të rinovojë kontratën, ndërkohë që klube si: Milan, Juventus, Barcelona dhe klube të ndryshme angleze janë të interesuara për të.

Së fundmi lojtari ka refuzuar një ofertë të rëndësishme të kampionëve të Francës. PSG i ka ofruar një rrogë prej 7.2 milionë eurosh në sezon siç citon “bein Sport”, por Rabiot ka vendosur ta refuzojë atë, duke konfirmuar dëshirën e tij për t’u larguar nga ekipi francez.

Rabiot afër Milanit, Bierhof elozhe për Maldinin

Sport Ekspres — Sat, 08 Sep 2018 14:11:40 +0000

Oliver Bierhof ka luajtur për tre sezone me Milanin, nga viti 1998 deri në vitin 2002. Sulmuesi gjerman, i famshëm për goditjet e tij me kokë, fitoi një titull kampion me kuqezinjtë, që në vitin e parë, sezon në të cilin shënoi 19 gola në kampionat. Menaxheri i kombëtares gjermane ka folur për rikthimin e Paolo Maldinit te Milani dhe e nis me një batutë prononcimin e tij për “Mediaset Sport”.

“Shpresoj që të më dhurojë disa bileta falas për të parë ndeshjet kur të vi në Itali. Jam i lumtur për Paolon dhe për të gjithë tifozët e Milanit. Maldini është një kampion i madh dhe një ekspert futbolli. Ai është një figurë e rëndësishme e klubit dhe i uroj që të rikthejë Milanin aty ku i takon”, përfundon 50-vjeçari gjerman.

Lajmet që vijnë nga klubi i Milanit e afrojnë dhe më shumë mesfushorin Adrien Rabiot me kuqezinjtë. Lojtari ka vendosur të mos rinovojë kontratën e tij me PSG dhe shkaku është… Leonardo. Ky i fundit është personi që ndikoi në lançimin e 23-vjeçarit në futbollin e madh, kur ishte pjesë e PSG dhe marrëdhënia e brazilianit me mesfushorin francez është e shkëlqyer. Nëna e lojtarit, e cila është dhe menaxhere e tij, po e merr seriozisht kalimin e djalit të saj në Milano dhe Leonardo do të nisë sulmin për të që në merkaton e janarit.

Rabiot e ka ndarë mendjen, mesfushori drejt La Ligas

Sport Ekspres — Thu, 23 Aug 2018 10:34:41 +0000

Andre Rabiot është pranë largimit nga PSG dhe dy ekipet që po insistojnë për ta afruar në ekip janë: Barcelona dhe Juventus. Siç citon “El Mundo”, 23-vjeçari ka arritur akordin me klubin katalanas, të cilët janë gati t’i afrojnë një rrogë prej 10 milionë eurosh në sezon.

Ekipi aktual shpreson akoma që të rinovojë me mesfushorin, por francezët afrojnë më pak dhe mund të arrijnë deri në 7.2 milionë euro. PSG nuk dëshiron të humbasë Rabiot dhe do të bëjë tentativën e fundit për ta bindur të qëndrojë, por duhet rritur oferta e tyre.

Ndërkohë, Juventus vazhdon monitoron situatën, edhe pse në Spanjë janë të bindur që mesfushori i PSG, më të cilët i ka mbetur dhe një vit kontratë, do të jetë lojtari më i ri i Barcelonës.