Ndërkohë që shumica presin një ofertë dhe janë gati të largohen për një aventurë të re, Onana është i qartë për të ardhmen e tij dhe atë që dëshiron.

Sipas raportimeve të anglezes “Metro”, 23-vjeçari ka refuzuar një ofertë të Mançester Junajtid. “Gjiganti” anglez e shihte afrikanin si zëvendësuesin perfekt të David De Gea, por oferta nuk është pranuar.

Onana nuk e ka fshehur kurrë dëshirën e tij për të vazhduar me Ajaksin dhe faktin që ndihet për mrekulli në këtë ekip. Me vepra, jo vetëm me fjalë…

Kështu sipas “Daily Record”, drejtori Ed Uduord ka nisur një ofertë drejt Amsterdamit për portierin Onana dhe kapitenin De Ligt. Përpjekje kjo, që nuk është marrë aspak në konsideratë nga klubi holandez.

Siç raportohet, Onana dëshiron një klub, ku mund të luajë në Champions dhe mendon se Junajtid nuk do të përbënte kapërcimin e madh të karrierës për 21-vjeçarin nigerian. Ndërkohë De Ligt ka refuzuar menjëherë ofertën e “Djajve të Kuq”. Ky refuzim i 19-vjeçarin shton edhe më shumë shanset që ai të bashkohet me De Jong në Barcelonë.

Legjenda Van der Sar pak kohë më parë qe shprehur se De Ligt do të largohet në Spanjë ose Angli. Me lajmin e fundit pista e ishullit bie, pasi vetëm Junajtid ka shfaqur interes konkret për yllin holandez. Ajaks e vlerëson De Ligt rreth 75 milionë euro, ndërkohë që kërkon plot 40 milionë euro për Onana.

Shifra për portierin nuk e ka shtyrë të këmbëngulë ekipin nga “Old Trafford”, që e konsideron tepër të fryrë çmimin e gardianit. Cilesen i Barcelonës shihet si alternativa më e mundshme për Junajtid.

Pas ndeshjes kanë folur dy nga yjet e Ajaksit. Kapiteni De Ligt dhe portieri Onana ndaluan te mikrofonët e “Movistar” për të treguar emocionet e para të fitores. De Ligt është i lumtur, megjithëse thotë se bënë një pjesë të dytë jo të mirë. Ai thekson se nuk është një yll, por një i ri i thjeshtë që ndodhet në gjysmëfinalet e kompeticionit më të madh të kontinentit të vjetër.

“Jemi shumë të lumtur, pasi këmi fituar ndaj një ekipi të madh si Totenhemi. Bëmë një pjesë të parë të mirë, në gjysmën e dytë ata përparuan në lojë. Janë edhe 90 minuta dhe asgjë nuk është e sigurt. Sekreti ynë? Jemi një ekip ku askush nuk dallohet më shumë se tjetri. E njohim njëri-tjetrin shumë mirë pasi jemi rritur bashkë. Nuk jam një yll. Jam një i ri normal që është në gjysmëfinale”, u shpreh De Ligt.

Portieri Onana ka besim te vetja dhe te shokët e tij. Shprehet se kanë një mentalitet fitues. Në lidhje me një përplasje të mundshme me Barçën në finale nuk ka frikë asnjë ekip përfshirë katalanasit, megjithatë së pari i duhet të mundë Totenhemin. Nuk e bezdisin aspak vërshëllimat e tifozëve kundërshtarë.

“Kemi besim te vetja. Kemi ardhur me një mentalitet fitues. Jam shumë i kënaqur pas kësa ndeshje. Na duhet të bëjmë një ndeshje perfekte në shtëpi, pasi janë shumë të rrezikshëm. Vuajtëm në pjesën e dytë, por në futboll duhet edhe të durosh presionin. Ndaj Barçes gjithmonë është ndjenjë e veçantë të luash. Nuk i kemi frikë sepse po eliminojmë vazdimisht ekipe të mëdhenj. Megjithatë së pari duhet shumë punë për të arritur atje. Vërshëllimat nuk më shqetësojnë. Një portier duhet të mësohet me të tilla gjëra, pasi do ta shoqërojnë gjatë gjithë karrierës”, përfundoi 20-vjeçari Onana.

Agjenti i tij, i intervistuar nga mediat holandeze, ka konfirmuar interesin e blaugranave për klientin e tij. ”Nuk është një sekret që Barcelona është e interesuar për Onana”,- u shpreh agjenti, që e mbylli intervistën duke thënë se çdo gjë pritet të vendoset në muajt e ardhshëm.

Duhet të themi se Ajaksi nuk pritet ta lëshojë lehtë portierin dhe Barça duhet të bëjë një ofertë joshëse për t’i bindur holandezët ta lënë të lirë në merkaton e verës.

Sipas Radio Katalunja, gjigandët spanjollë janë të gatshëm të blejnë kartonin e tij. Klubi i Barcelonës ka shfaqur zyrtarisht interesin për Onana. Kjo vjen edhe nga pasiguria që ata kanë mbi një larginm të mundshëm të Cilesen.

Ajaksi pritet të ulet në bisedime me Barçën vetëm pas një oferte të mirë financiare. Objektivi i tyre është që ta shesin kamerunasin për jo më pak se 20 milionë euro.

Kujtojmë se Onana është formuar në La Masia, ku ka ardhur që në moshë të vogël për të kaluar në vitin 2015 tek Ajaksi. Ai është portieri titullar i kombëtares së Kamerunit.

Onana komenton dhe teknologjinë VAR. Tek Ajaksi janë të acaruar për anulimin e golit, por kjo nuk është ndonjë befasi e madhe kur përballë është Reali i Madridit!

DE LIGT – “Ashtu si dhe De Jong, Matijs dëshiron të luajë me Barcelonën. Kam biseduar shumë herë me të dy lojtarët dhe De Ligt i pëlqen të transferohet në Katalunjë. De Jong? Frenki është i ri, shumë i fortë dhe mund të përmirësohet akoma.”

VAR – “Janë gjëra që nuk i kemi ne në dorë, pasi nuk mund ta ndryshojmë vendimin e arbitrit. Jemi të zemëruar, por ky është futbolli. Ka gjëra që nuk mund t’i kontrollojmë dhe VAR-i është një prej tyre. Mos të harrojmë që po luanim kundër Realit të Madridit dhe e dimë mirë që mund të ndodhin gjëra të tilla… ”