Klubi anglez gjen akordin, 22 mln euro në arkat e Barcelonës

Sport Ekspres — Wed, 19 Jun 2019 20:12:48 +0000

Barcelona ende nuk ka bërë blerje këtë merkato vere, pavarësisht se disa lojtarë janë larguar ose janë në prag largimi. Një nga futbollistët që është larguar përfundimisht nga katalanasit, është Andre Gomesh.

Mesfushori luajti si i huazuar te skuadra e Evertonit sezonin e shkuar, duke bërë paraqitje shumë të mira dhe duke bindur drejtuesit e klubit anglez që të paguajnë për kartonin e plotë të tij.

Siç raportohet nga mediat angleze, Evertoni ka paguar plot 22 milionë euro për shërbimet e futbollistit portugez, i cili ka lënë pas dëmtimet dhe është rikthyer në formën e tij më të mirë.

Një vit jashtë merkatos, Totenhemin e “zgjon” një portugez

Sport Ekspres — Thu, 13 Dec 2018 18:18:10 +0000

Totenhem doli përtej çdo parashikimi, kur në merkaton e verës që lamë pas, nuk shpenzoi qoftë dhe një “kacidhe”. Lojtari i fundit që u është bashkuar londinezëve është Lukas Moura, i blerë nga PSG më datë 31 janar të këtij viti

Kjo strategji e pazakontë nuk ka se si të vazhdoj edhe në merkaton e janarit. Gara për një vend në katërshen e parë është më e fortë se kurrë dhe për këtë duhen përforcime cilësore. Sipas së përditshmes britanike “The Telegraph”, objektivi i Totenhemit është mesfushori portugez Andre Gomesh.

25-vjeçari ka luajtur këtë sezon me skuadrën e Evertonit, ku ndodhet i huazuar nga Barcelona. Paraqitjet e mira me skuadrën nga qyteti i Liverpulit kanë tërhequr vëmendjen e trajnerit Poçetino, i cili i ka kërkuar admistratorit të klubit të veprojë sa më shpejt.

Tek Evertoni i kanë duart e lidhura, pasi sipas medieve angleze, në kontratën e huazimit të lojtarit ka një klauzolë që lejon prishjen e njëanshme të marrëveshjes.