ANDORRA – “U bë një futbollit i pisët, një futboll jo Fair-Play nga lojtarët e Andorrës, gjithsesi kjo ishte strategjia e tyre. Në pjesën e parë pati një nënvlerësim nga ana e lojtarëve, për këtë u indinjova pak, pasi nuk e prisja që të mos jepnin maksimumin, ndërsa në të dytën morën në kontroll lojën, por pati një gabim individual”.

PËRGJEGJËSI – “Do të ndjeja përgjegjësi personale nëse ekipi nuk do të luante në futboll, ata shkuan vetëm dy herë në portë dhe shënuan dy gola, ne ishim gjatë gjithë kohës në portës së tyre dhe shënuam vetëm dy gola. Shpërdoruam shumë, gjithsesi barazimi me Andorrën është i pafalshëm”.

REZULTATE APO EVIDENTIMI I LOJTARËVE – “Unë kam evidentuar shumë lojtarë. Si rasti i Bajramit që luan te Birmingami. Objektivi jonë është që të çojmë lojtarë në ekipin e parë A. Besoj se 3 ose 4 lojtarë që luajnë me shpresat tani do të jenë së shpejti pjesë e ekipit të parë A. Sigurisht dhe rezultatet janë të rëndësishme”.

SHQIPTARËT E MAQEDONISË – “Personalisht unë kam marrë 4 lojtarë nga Maqedonia, ashtu si dhe U19. Do të punojmë akoma me skautët e federatës në Maqedoni, por është një proces që do pak kohë. Unë mendoj që Shqipëria ka lojtarë, por problem është eksperienca e vogël. Kemi probleme në repartin e mbrojtjes, të gjithë shqiptarët duan t’i bëjnë fëmijët mesfushorë ose sulmues”.

AKUZAT PËR QOKA –“Janë mendime individësh dhe mua nuk më interesojnë. Nuk e imagjinoj dot si mund të bësh një qokë në kombëtaren shqiptare. Ne mundohemi gjithmonë të marrim më të mirët, patjetër që mund të gabojmë kur na duhet të zgjedhim mes dy lojtarëve shumë të mirë”.

OBJEKTIVAT – “Objektivat e mi i vendosin disa njerëz të tjerë, nuk i vendosin as specialistët e as gazetarët. Nëse kemi bërë mirë ose kemi bërë keq, janë ata që e vlerësojnë punën tonë. Pavarësisht barazimin me Andorrën që është i papranueshëm, në ndeshje ndaj Turqisë luajtëm shumë mirë”.

DËMTIMI I MALËS – “Mala ka qenë të dëmtuar në gju. Unë do ndjek atë dhe dy tre lojtarë të tjerë këtë javë nëse do të luajnë, pasi me ekipin kombëtar A ose U21 nuk mund të bësh shaka, kur vjen aty duhet të japësh maksimumin. Nëse një lojtarë është i dëmtuar me ekipin kombëtar gjatë ditës së martë e të mërkurë, ndërsa ditën e premte je 100% e tij, atëherë është shumë e vështirë që të jetë përsëri pjesë e kombëtares. Stafi mjekësor më tha se ka një tërheqje në ligament. Doktori më tha se do ishte e pamundur që të luaj për të paktën një javë. S’dua të përmend emra, por dy ose tre trajnerë marrin lojtarët e tyre marrin lojtarët  e tyre duke i thënë mundohuni të luani 30 minuta në Andorra ose fare pasi kemi ndeshje në kampionat. Çdo lojtarë duhet ta dijë se fanella e kombëtares është e shtrenjtë, gjithsesi në grumbullimin e ardhshëm mund të kemi 2 ose 3 mungesa nga këto lojtarë që thashë”.

Eufori e tepruar, e kemi zakon, por nga ana tjetër jo pak gazetarë e tifozë, apo edhe analistë, kaluan në krahun e kundërt, duke e ofenduar Andorrën deri në atë pikë sa dukej se nuk duhej të shkonim fare në Andorrë, mjaftonte të dërgonim nja 3-4 çuna nga Kategoria e Dytë, si dhe ndonjë magazinier, për të fituar thellë.

Duke harruar nga vijmë, duke harruar që para pak dekadash ishim ne gazi i botës dhe nuk kishim “as brekë në b*** “, tashmë mendojmë se jemi Brazili apo Spanja dhe se mjafton që iku Panucci, tani do fitojmë Euro 2020. E vërteta është krejt ndryshe: jemi modestë, profesionistë të një niveli jo fort të lartë dhe amatorë perfektë në mentalitet.

Ajo që ndodhi sot në Andorrë është e ngarkuar me simbolikë: Andorra amatore, me 3 djem që ishin edhe në ekipin A dje, na turpëroi, edhe pse në fushë kishim yjet e së ardhmes, ata që nga dikush thuhet se janë gati të luajnë në ekipin A. Lojtarë nga gjithë Europa, shumica me goxha eksperiencë, por ja që na ndal Andorra.

Ndodh, futboll është dhe u ka bërë vaki edhe ekipeve më të mëdha, fundja Anglia U21, Italia U21 e ndonjë ekip tjetër kanë fituar vetëm 1-0 këto vitet e fundit në Andorrë, por shuplaka që na dha Andorra duhet të na shërbejë si leksion, sepse superioriteti dhe profesionalizmi nuk tregohen me deklarata, zemra me gishta e zemra në Facebook apo Instagram.

Ishin vendasit ata që shënuan të parët, me anë të sulmuesit Alaez, që ishte dhe kapiten i skuadrës. Në minutën e 19’, Shqipëria e sheh veten në disavantazh. Megjithatë, të besuarit e Bushit ia dolën që të reagonin, pas në minutën e 33’ barazojnë shifrat me anë të Imerit, por vetëm dy minuta më vonë, e pësojnë sërish nga kapiteni i vendasve. Kur 21-vjeçarët tanë dukeshin të humbur, Sula gjen golin e barazimit, vetëm në minutën e 88’ të takimit.

Kualifikuese U21, “Euro 2020”

Andorra – Shqipëri  2-2
Alaez 19’ 55′ / Imeri 53′, Sula 88′

Formacionet fillestare

Andorra: Iker, De Pablos, Alavedra, Garsia, Cervos, Martinez, Vales, Guilen, Rebelo, Rosas, Alaez Trajner: Husto Ruiz

Shqipëria: Dajsinani, Maloku, Kryeziu, Mersinaj, Bajrami, Selahi, Kallaku, Sahiti, Zeka, Muçolli, Vrioni Trajner: Alban Bushi

EPISODET

88’ Gooool Shqipëria, shënon Sula. Sulmuesi ndodhet në kohën e duhur dhe në vendin e duhur për të shtyrë topin në rrjetë, duke ndëshkuar portierin vendas poshtë shalëve dhe duke ndarë pikët e këtij takimi

55’ Gol Andorra. Barazimi zgjat vetëm 2 minuta dhe kuqezinjtë tanë ndshkohen sërish. 2-1 vendasit

52’ Gooool Shqipëria, shënon Imeri. Sulmuesi i Shkëndijës përfiton mjaft mirë brenda zonës dhe ndëshkon me kokë porterin vendas, pas një krosimi shumë të mirë nga Sahiti.

19’ Gol Andorra, shënon Alaez. Sulmuesi i Andorrës luajti dhe dje kundër kombëtares A kuqezi, ndërsa sot i shënon Shpresave. Shqipëria në disavantazh

Ndeshja nisi mirë për tanët, pasi që në sekondat e para, Uzuni goditi traversën. Në minutën e 21’, Sadiku përfiton nga një gabim trashanik i portieri Gomesh dhe shënon me portën e boshatisur. Pas këtij goli, kuqezinjtë tanë qarkulluan topin, duke ulur disi ritmin.

Bulku aktivizon sulmuesin Balaj në pjesën e dytë dhe është pikërisht shkodrani ai që shënon golin e dytë. Pas një gabimi në mbrojtje, Bala shënon i vetëm përballë portierit. Do të kishte kohë dhe për një gol të Abrashit në sekondat e fundit të sfidës, duke vendosur rezultatin final 0-3 në favor të kuqezinjve të Shqipërisë.

Kualifikuese Euro 2020

Andorra – Shqipëri 0-3
Sadiku 21′, Balaj 88′, Abrashi 90+4′

Kartonë të verdhë: Lima 5’, Klemente 59′, Martinez 73′, Gomesh 82′

Andorra: Gomesh, Martinez (Alaez 73′), Vales (Pyjol 84′), Rebes, Lima (c), Viera, Klemente (Sevos 67′), San Nikolas, Rubio, Lovera, Rodrigez Trajner: Koldo Alvarez

Shqipëria: Berisha, Hysaj (c), Gjimshiti, Ismajli, Aliji, Basha (Memushaj 87′), Xhaka (Abrashi 67′), Kaçe, Grezda (Balaj 70′), Uzuni, Sadiku Trajner: Ervin Bulku

EPISODET

90+4’ Goool Abrashi, 3-0 Shqipëria. Memushaj ekzekuton në mënyrë të shkëlqyer një goditje dënimi, por portieri e ndal. Megjithatë, topi shkon të Abrashi, i cili shënon me kokë.

88’ Goooool Shqipëria, shënon Balaj. Sulmuesi është i vëmendshëm dhe përfiton nga mbrojtja vendase, duke rifituar një top dhe duke e parë veten të vemtëm përballë portierit. Gjuajtja e tij me të djathtën ndalet në rrjetë. 2-0!

53’ Nuk dorëzohet kapiteni kuqezi, rifutet në lojë i fashuar

50’ Përplasje e rëndë mes Hysajt dhe një lojtari kundërshtar, shqetësohet Bulku, që nxjerr në nxehje Kristi Qosen

46’ Pa zëvendësime pjesa e dytë, Bulku i beson formacionit fillestar

45’ Mbyllet pjesa e parë, goli i Sadikut vendos

44’ Kaçe ka mundësinë të shënojë me anë të një goditje dënimi, por gjuajtja e mesfushorit shkon mbi traversë.

21’ Goooool Shqipëria, shënon Sadiku. Një gabim i portierit shfytëzohet mjaft mirë nga numri 10, i cili shënon me portën e boshatisur. Jemi në avantazh!

19’ Rrëmujë totale në zonën e Andorrës. Basha harkon në zonë, top i cili devijohet dhe shkon rrëzikshëm drejt porrtë. Grushton portieri dhe këndore për kuqezinjtë

4’ Fillim i vrullshëm i tanëve. Uzuni godet traversën, ndërsa Grezdës i mohohet një penallti e pastër. Dominim i kuqezinjve në minutat e para

“Nuk ka qenë atmosferë e mirë për të qenë i sinqertë. Kemi kërkuar ta ndryshojmë dhe pas stërvitjes së djeshme ka ndryshuar pak dhe djemtë janë pak më shumë optimistë.

Sfida do të jetë jashtë mase e vështirë, pasi Andorra është një ekip shumë cinik, ndonjëherë edhe provokativ do të thoja.

Kemi vendosur gati tre sulmues për të hapur sa më shumë Andorrën. Do të provojmë dhe me goditje standarta dhe vertikalizime, që mendoj se do të na japin edhe frutin e suksesit.

Mendoj se ky grup ka cilësi. Nuk mund të vlerësoshen cilësitë për dy ditë, por niveliështë i mirë. Pas fitores së kësaj ndeshje, besoj do të jetë më mirë për të përzgjedhur edhe elementë të rinj.

Ka pasur dyshime edhe për shkak dëmtimesh. Memushaj nuk ka qenë mirë edhe vet e ka ndjerë, por shpresoj që të hyj në fund edhe të na japë atë çfarë presim.

Unë trajner i Shqipërisë? Mosha ime ka kaluar (qesh). Shpresoj të fitojmë sot edhe të bëjmë lojë të mirë.

“Nuk jam trajner, jam ndihmës i ish-trajnerit që iku. Por fakti që unë do të jem drejtues i kombëtares për këtë ndeshje, më bën shumë krenar. Jam shumë i nderuar që të jem unë ai që do të drejtoj. Do të isha krenar nëse do të drejtoja edhe 1 orë, jo më një ndeshje.

Nuk është një moment i vështirë për kombëtaren. Na mundi Turqia, Ok, por ne jemi mësuar të rikthehemi nga rezultatet e këqija dhe më përpara. Nuk duhet të bëjmë gabime siç bëmë kundër Turqisë.

Panuçi ishte një mik shumë i mirë i imi dhe jemi ndarë si miq të vërtetë. Unë di t’i respektoj njerëzit dhe Panuçin e kam respektuar shumë. Do ta fitojmë ndeshjen kundër Andorras!” përfundoi Bulku.

17 vite janë një përjetësi në futboll dhe shumë prej jush mund të mendoni se të gjithë futbollistët e asaj ndeshje kanë varur këpucët në gozhdë prej shumë vitesh. Nëse mendoni kështu, gaboheni.

Ildefons Lima është kapiteni i përfaqësueses së Andorrës. Edhe pse 39 vjeç, Lima vazhdon të mbetet një titullar i padiskutueshëm në kombëtare. Debutoi në vitin 1997, kur ishte vetëm 17 vjeç. Prej 22 vitesh nuk njeh pushim. Në rang klubesh ka ndërtuar një karrierë interesante, duke luajtur në Spanjë, Meksikë, Greqi, Itali e Zvicër.

Disa vite më parë fitoi famë pas një video nga “BBC”, ku zbuloi koleksionin prej 600 fanellash që kishte ndërruar në rang klubesh dhe kombëtaresh. Përgjatë 22 viteve karrierë është ndeshur me emra si Maldini, Terri, Kristiano Ronaldo, por ndër ta veçon vetëm një: Ronaldo Nazario de Lima, futbollistin brazilian të cilin e pati përballë në vitin 1998, kur ishte vetëm 18 vjeç. Në një intervistë për “MARCA”, Lima u shpreh se një ndër paraqitjet e tij më të mira ishte pikërisht ajo ndaj Brazilit në atë miqësore ku Andorra u mund 3 – 0 dhe Ronaldo ishte autori i një prej golave.

“Janë një kombëtare që të befason me shpejtësinë që kanë lojtarët e krahut, por edhe me fuqinë e madhe që kanë qendërsulmuesit e tyre si Bekim Balaj ose si Armando Sadiku, që është një lojtar me karakteristika të tjera”.

SHKARKIMI I PANUÇIT – “Ndryshimi i trajnerit mund të rrisë motivimin në skuadër, gjithsesi është një situatë që ne do të mundohemi ta përdorim në favorin tonë”.

Kapiteni Ildefons Lima vlerësoi ekipin tonë përfaqësues duke vlerësuar cilësinë e lojtarëve tanë. “Nuk është një skuadër më e lehtë se Islanda. Shqipëria ka lojtarë që luajnë në skuadra të mira dha kanë pasur shumë suksese gjatë viteve të fundit”.

Duhet të theksojmë se në atë periudhe ekipi ynë, merrte pjesë në kompeticione të çuditshme siç ishte Turneu i Kryeministrit të Bahrein !!!!, ku morën pjesë ekipe si Shqipëria, Maqedonia, Finlanda dhe Bahrain. Turne që rezultoi një dështim i vërtetë, ku në 3 ndeshje koleksionuam 2 barazime dhe një humbje poshtëruese 3-0 përballë vendasve.

Më 5 mars 2002, Asambleja e FSHF zgjedh Armand Dukën në krye të FSHF. Edhe pse Duka preferonte një trajner të huaj në krye të ekipit, vendosi të konfirmonte Demollari-n.

Futbolli shqiptar kishte filluar të ndryshonte, por kombëtarja jo. Kuqezinjtë udhëtuan deri në Dallas, për të organizuar një miqësore me Meksikën, e humbur me rezultatin 4-0. Demollari nuk e pa të arsyeshme të udhëtonte, ku në vendin e tij ekipin e drejtoi asistenti Mirel Josa. Edhe pse krisja e marrëdhënieve nisi që në këtë ndeshje, miqësorja me Andorrën do të rezultonte fatale.

Me humbjen 2-0 ndaj Andorrës, kombëtarja jonë shkroi faqen më të zezë të historisë së saj. Një kombëtare e shpërfytyruar i dha mundësinë vendit prej 77 mijë banorësh që të festonte një nga ngjarjet më të mëdha të asaj kohe, një fitore në arenën ndërkombëtare që mungonte prej kohësh.

Andorra e vogël, me madhësi dhe densitet banorësh sa një lagje e Tiranës, arriti të fitonte krejtësisht pastër, me nga një gol në çdo pjesë. Të nesërmen, Duka duke ushtruar pushtetin që i jep funksioni, shkarkoi Demollarin dhe tërë stafin e tij, si përgjegjës për këtë humbje të turpshme. Vendin e tij do ta zinte italiani Dossena.

Por pikërisht në atë periudhë, një djalosh i ri sapo kishte nisur karrierën me kombëtaren kuqezi. Quhej Ervin Bulku dhe aktivizohej me ekipin e Tiranës. Binte në sy për teknikën dhe dëshirën që të shkëlqente me ngjyrat kuqezi. Përkushtimi dhe dëshira bënë që të koleksiononte 56 ndeshje me Shqipërinë, duke u tërhequr në vitin 2014. Si për ironi të fatit 17 vjet më vonë, do të jetë përsëri Andorra debutimi i tij i parë, kësaj here në një tjetër drejtim, atë të trajnerit. Debutimi i parë i solli fat….

ANDORRA-SHQIPËRIA 2-0

Shënues: 1:0 (34′) Emiliano González (pen.), 2:0 (58′) Manolo Jiménez

ANDORRA: Koldo , Francisco Ramírez, Txema García (90′ Jordi Escura), Juli Fernández, Toni Lima, Ildefons Lima, Emiliano González (69′ Fernando Silva), Juli Sánchez (90′ Marc Pujol),Manolo Jiménez (61′ Roberto Jonás ) ,Justo Ruiz (89′ Agusti Pol), Óscar Sonejee. Trajner: David Rodrigo (Spanja)

SHQIPËRIA: Arjan Beqaj (46′ Blendi Nallbani), Altin Lala, Nevil Dede, Arjan Xhumba, Ervin Fakaj Besnik Hasi (80′ Elvin Beqiri), Edvin Murati, Redi Jupi ( 60′ Enkeleid Dobi), Klodian Duro ( 70′ Florian Myrtaj) ,Altin Rraklli (54′ Ervin Bulku), Igli Tare (59′ Indrit Fortuzi). Trajner: Sulejman Demollari

Mendrit Shehu

Trajneri Ervin Bulku do të debutojë në stolin e kombëtares shqiptare ditën e nesërme. Kolegët tanë të  “Supersport” ndodhen që prej ditës së djeshme në Andorrë dhe sipas tyre, Bulku ka përgatitur një formacion titullar me shumë ndryshime krahasuar me formacionin e përdorur nga Panuçi në ndeshjen ndaj Turqisë.

Berisha qendron i paprekur në portë, ndërsa mbrojtja qendron e njëjtë, por “revolucioni” fillon në mesfushë. Abrashi dhe Memushaj ulen në stol për t’i lënë vend Kaçes dhe Bashës, Taulant Xhaka është i vetmi i mbijetuar në këtë repart.

Ndryshime pritet të ketë dhe në majën e sulmit, ku do të rikthehet nga minuta e parë Armando Sadiku, i cili do të mbështetet nga Eros Grezda dhe Myrto Uzuni.

Formacioni i mundshëm: Berisha; Hysaj, Gjimshiti, Ismajli, Veseli; Basha, Grezda, Kaçe, Xhaka, Uzuni, Sadiku.

Thuajse 17 vite më vonë, takohemi sërish, kësaj radhe në një ndeshje zyrtare. Si për ironi të fatët trajnerët aktual të të dy përfaqësueseve kanë qenë 17 vite më parë përballë njerit-tjetrit në fushën e lojës.

Ervin Bulku u aktivizua në atë ndeshje si rezervë, ndërsa homologu i tij Koldo ishte ai që mbajti të paprekur portën e Andorrës përgjatë 90 minutave. Sot takohen sërish, por kësaj radhe të veshur me kostumin e trajnerit.

Andorra drejtohet që prej vitit 2010 nga Koldo. Progresi është mbresëlënës, sidomos gjatë viteve të fundit. Në 2017-ën mundën Hungarinë me rezultat 1 – 0, ndërsa pësuan një humbje dinjitoze 2 – 0 ndaj Portugalisë së “Kristiano Ronaldos&Co”.

Të nesërmen është e sigurt se nuk do ta kemi fare të thjeshtë. Kombëtarja nga vendi me rreth 70 mijë banorë është kthyer në një kockë të fortë në shtëpi dhe këtë e dëshmon fakti që në nuk u mundën në asnjë takim në tri ndeshjet e zhvilluara në “Nations League”.

Antuan Grizman ishte ai që hapi serinë e golave, ku në minutën e 24-të kombinoi në mënyrë perfekte me Pol Pogba, duke çuar në avantazh kombëtaren e tij.

Tre minuta më vonë, pas një goditje nga këndi, Rafael Varan dyfishoi shifrat, pasi kërceu mbi të gjithë dhe goditi saktë me kokë.

Në minutën e 36-të pati vend edhe për një gol të Oliver Zhiru, gol që mbylli pjesën e parë me shifrat 0-3.

Në fraksionin e dytë, Franca gjeti dhe golin e katërt në minutën e 87-të me anë të Kilian Mbape. Dy minuta më vonë pati festë edhe për vendasit, të cilët shënuan me anë të Ambros. Ndërkohë, nga ana tjetër, kundërshtari ynë i radhës, Andorra, u mposht 0-2 nga Islanda. Bjarnason dhe Kjartanson ishin autorët e golavë për islandezët.

Moldavi 1-4 Francë
Shënues: Ambros 89′ / Grizman 24’, Varane 27’, Zhiru 36’, Mbape 87′

Andorrë 0-2 Islandë
Shënues: Bjarnason 22’, Kjartanson 80’