Administratori Sinan Idrizi ka premtuar lojtarët do të marrin me këste pagat e sezonit të shkuar. Nga ana tjetër ai ka pasur edhe një takim me dy prej titullarëve të sezonit të shkuar.

Sulmuesi Xhevahir Sukaj ka postuar një foto me Idrizin dhe Andi Ribajn, duke krijuar idenë se të dy këta futbollistë do të mbeten pjesë e Flamurtarit edhe kampionatin e ardhshëm.

Andi Ribaj është lojtar i lirë, pasi i ka përfunduar kontrata me Flamurtarin. Sulmuesi vijon të përgatitet individualisht dhe pret të vendosë së shpejti për të ardhmen. Ofertat nuk i mungojnë dhe në atë që ai deklaron për SportEkspres.com, Kosova dhe Superiorja janë opsionet për të.

Pista Apolonia, që ka qarkulluar ditët e fundit, hidhet poshtë prej sulmuesit. “Me Flamurtarin më përfundoi kontrata dhe isha i detyruar të largohesha. Më duhet që të ruaj gjendjen time fizike dhe po stërvitem individualisht, pasi jam në pritje të skuadrës së re.

Kam një ofertë nga Kategoria Superiore dhe një nga IPKO Superliga e Kosovës. Kurse me Apoloninë nuk kam patur asnjë kontakt. Fillimi i muajit korrik do jetë vendimtar për të ardhmen time”, theksoi Ribaj në deklaratën e tij.

Në karrierën e tij 11-vjeçare në elitë, sulmuesi Andi Ribaj ka luajtur me pesë skuadra të Superiores: Apoloninë, Skënderbeun, Teutën, Vllazninë dhe Flamurtarin. Në sezonin 2015-2016 është aktivizuar në Izrael me Makabi Kiryat Gat. Nëse do realizohet që të kalojë në Kosovë, kjo do të jetë hera e dytë që luan jashtë Shqipërisë. Dëshira e tij është të mbetet në Superiore.

AGRON KAJA

Janë tre futbollistë, të cilët kanë gjetur katër herë rrugën e rrjetës. Prej tyre vetëm Xhevahir Sukaj po luan si sulmues qendror. Shkodrani ka gjetur veten në Vlorë, ndërkohë që edhe një tjetër lojtar i Flamurtarit ka realizuar po aq sa ai. Edhe Andi Ribaj, i cili po luan në krah më së shumti, ka shënuar këtë vit 4 gola. Surpriza është Herald Marku i Kastriotit, gjithashtu autor i 4 golave, së bashku me Ismail Dungën e Luftëtarit.

Po Shkurtaj e Rexhinaldo, sa kanë shënuar sivjet në kampionat? Të dy sulmuesit e kanë gjetur rrugën e rrjetës tre herë, po të njëjtën shifër e ka realizuar edhe Jasir Asani i Partizanit.

NDESHJA ME KUKËSIN – “Ndeshje e rëndësishme, sidomos për pozitat në tabelë Kukësi në vendin e dytë dhe ne në vendin e tretë. Një ndeshje që nuk është vendimtare, por është e rëndësishme, pasi me një rezultat pozitiv do të ishim në pjesën e tabelës që të çon në kupat e Europës. Do të jetë një ndeshje e fortë, pasi si ne ashtu dhe Kukësi vijmë nga fitore. Besoj që duhet të japim maksimumin për një rezultat pozitiv.”

FORMA E EKIPIT – “Gjendja e ekipit është në forma të mirë dhe optimale. Kemi bërë dy ndeshje të mira këtu në Vlorë. Kemi pasur problemet tona gjatë 90 minutëshit, por ajo që ka vlerë në këtë fazë të kampionatit janë pikët. Gjithashtu dhe gjendja dhe forma e ekipit. Gabimet në lojë janë të riparueshme dhe në rast se do e kemi grintën për të fituar do ta kalojmë dhe këtë ndeshje me sukses.”

MUNGESAT – “Në pikëpyetje është Koliçi, por me shumë mundësi do të jetë gati. Probleme në gju kam pasur unë edhe Franc Veliu, por shpresoj që deri nesër të jemi në 100% të formës.”

EUROPA – “Përderisa jemi në vendin e tretë dhe duke parë kalendarin që kanë kundërshtarët tanë, duhet të tentojmë dhe të japim maksimumin. T’i marrim ndeshjet një nga një dhe me pak fat mendoj se mund ta kapim Europën, pse jo.”

Gjithashtu, pas Pollozhanit foli edhe Andi Ribaj, i cili po kalon një moment mjaft të mirë. Sulmuesi shënoi edhe golin e parë në ndeshjen e fundit të fituar ndaj Teutës.

MOMENTI I MIRË – “Ndihem shumë mirë dhe vlerësoj edhe ekipin për punën e bërë. Shpresoj që edhe në ndeshjen e radhës të shënojmë.”

GOLAT E SHËNUAR – “Do bëjmë maksimumin. Nuk është problemi kush do e bëjë golin, problem është që të fitojë ekipi dhe të vazhdojmë me serinë e rezultateve pozitive.”

EUROPA – “Përderisa jemi në vendin e tretë, jemi në rrugën e duhur dhe do të vazhdojmë me ndeshjet një nga një. Shpresojmë të jemi aty ku duhet.”

KUKËSI – “Për rezultat pozitiv futemi, si në çdo ndeshje. Edhe ndaj Kukësit futemi për tre pikë. Nuk ka ndryshim, pasi të gjithë ndeshjes janë njësoj.”

Flamurtarit i mjaftuan më pak se 100 sekonda për të zhbllokuar rezultatin. Sukaj shërben për Ribajn, i cili tregohet i saktë në kontaktin me topin. Vlonjatët vazhdojnë të ushtrojnë presion deri në përfundim të pjesës së parë. Pjesa e dytë hapet me një gafë të portierit Hidi, i cili përsërit gabimin e bërë në Laç. Kësaj radhe përfiton Sukaj, i cili shkon në kuotën e 3 golave në Vlorë, rendiment fantastik për një sulmues që dukej “në pension” në janar.

Traore ngushton rezultatin, por më pas Teuta tregohet e pafuqishme për të barazuar takimin. Minuta e 90-të sjell një penallti të dyshimtë për vlonjatët,  fituar me zgjuarsi nga Elton Kale, që ekzekutohet me sukses nga Batha.

KATEGORIA SUPERIORE – JAVA 28

E mërkurë, më 10 prill 2019, ora 18:30

FLAMURTARI 3 – 1 TEUTA
Shënues: Ribaj 2′, Sukaj 56′, Batha 90′ / Traore 65′

Kartonë të verdhë: Kale 70′, Veliu 73’/ Arapi 20′ Latif 62′, Frashëri 78′

Flamurtari: Koliçi, Deliaj, Pollozhani, Veliu, Kotobelli, Batha, Rrapaj (Ymeraj), Musta, Kale, Ribaj (Haruni 92′), Sukaj (Mustafa 76′). Trajner: Ilir Daja
Teuta: Hidi, Frashëri, Bicaj, Osmani, Arapi (Beqja 46′), Gashi, Sidibe, Kallaku, Vajushi (Latif 56′), Kamara (Traore), Progni. Trajner: Bledi Shkëmbi

Gjyqtarë: Juxhin Xhaja, Dojando Myftari, Alfred Shkreta, Kreshik Cjapi
Delegat: Besnik Çela
Vëzhgues: Kastriot Xhaferraj

Episodet –

90′ – Frashëri rrëzon Kalenë brenda zonës së rreptësisë. Batha nuk gabon nga pika e bardhë!

65′ – Goool!  Pas fantastik i Kallakut për Traore. Sulmuesi i Teutës godet saktë me të majtën dhe mposht portierin Koliçi 

64′ – Goli i anuluar ! Latif shënon, por goli anulohet për shkak të një pozicioni të parregullt pamjet filmike i japin të drejtë arbitrit.

56′ – Goool! Gafë e portierit Hidi. “Gardiani” i Teutës nënvlerëson Sukajn, i cili arrin të ndalë gjuatjen e tij dhe më pas topi përfundon në rrjetë.

49′-  Një top i futur në zonë nga Sukaj nuk largohet siç duhet nga Beqja, topi shkon në këmbët e Mustës, i cili shpërdoron një rast të shkëlqyer.

19 – Arapi kryen faull ndaj Kalesë në kufi të zonë së rreptësisë. Veliu ekzekuton goditjen e dënimit, por topi nuk e kalon murin mbrojtës.

7 – Kale i afrohet golit. Braziliani gjuan nga brenda pak metra larg portës, por Hidi i vendosur mirë pret.

2′ – Goool ! Musta shërben Ribajn me një top tokazi. Sulmuesi fierak godet një takim dhe çon topin në rrjetë.

]]> https://sportekspres.com/video-dhuratat-e-hidit-nuk-mbarojne-flamurtari-shkelm-teutes/feed/ 0 https://sportekspres.com/nga-fusha-ne-tv-vezhguesi-shpjegon-kaosin-me-ribajn/ https://sportekspres.com/nga-fusha-ne-tv-vezhguesi-shpjegon-kaosin-me-ribajn/#respond Mon, 25 Feb 2019 09:12:03 +0000 http://sportekspres.com/?p=242007 Vëzhguesi i takimit midis Partizanit dhe Flamurtarit, Albano Janku, ka sqaruar rastin e marrjes së kartonit të kuq të Andi Ribajt në emisionin FAIR PLAY nga Enkeleida Zeko”, ku punon si moviolist. Ish-arbitri Janku ka shpjeguar se vendimi erdhi pas dy gafave të njëpasnjëshme nga arbitri anësor dhe ai kryesor. Ndër të tjera vëzhguesi ka shpjeguar dhe pse Ribaj nuk u lejua të rikthehej në lojë, pasi kryesori e kuptoi gabimin.

“Arbitri në këtë moment është nxituar. Ai është shumë pranë Ribajt vetëm 15 metra larg dhe nuk ka pse influencohet nga asistenti i tij, i cili në audio thotë se Ribaj ka ofenduar tifozët. Për mua nuk ka se si arbitri anësor që është 60 metra larg ta dëgjojë ofendimin që ka bërë Ribaj. Për mua kartoni i kuq është i gabuar”.

“Arbitri i katërt ka komunikuar me kryesorin nëpërmjet audios dhe i bërë të ditur gabimin. Ajo që nuk bëri të mundur rikthimin e Ribajt është se loja kishte rifilluar. Për shembull ne kemi rastin e Pollozhanit kundër Tiranës, që u rikthye në fushë pasi mori kartonin e kuq, por në atë rast lojtari u rikthye pa filluar loja”, tha Janku.

KARTONI I TRASHIT – “Trashi u duk sikur e donte vetë atë karton në mënyrë paradoksale.  Tërheqja e bluzës normalisht është faull dhe ndëshkohet me karton të verdhë, por duke llogaritur rrezikshmërinë e aksionit dhe faktin që ishte vetëm fillimi i lojës e kundërshtari kishte bërë një ndërhyrje të ngjashme pa u ndëshkuar, mund të them se u teprua me kartonin e verdhë”.

KARTON  I RIBAJT – “Është absolutisht e ndaluar për lojtarët dhe zyrtarët të komunikojnë me tifozët. Shikohet në video që Ribaj po flet me tifozin. Unë besoj që arbitri duhet t’i jepte karton të verdhë. Ai nuk është i pafajshëm sipas rregullores.  Vite më parë në Angli, Adebajor u dënua me pesë ndeshje për një gëzim përballë tifozëve kundërshtarë. E njëjta gjë është ”.

VIDEO E RIBAJT

VIDEO E FESTIMIT TË ADEBAJOR NË VITIN 2009

Fieraku ka folur pas ndeshjes në emisionin “Gol pas Goli” në “Supersport”, duke treguar të vërtetën e ngjarjes dhe fjalët e thëna nga arbitri kryesor.

KAOSI – “Ishte momenti që ne po festonim golin, tifozët nuk pranonin që ne të festonim golin dhe u kapën me fotografin. Në atë moment, solla doktorët sepse pata një problem me brinjët. Kthej kokën dhe pashë tifozët në fushë. Pastaj iu thashë se edhe ata vijnë në Vlorë dhe nuk i ndalon njeri të festojnë.”

GJYQTARI – “Ai më tha do të ta shpjegoj më vonë dhe nuk më dha asnjë shpjegim. Ngjitem lart në tribunë dhe në fund të ndeshjes, më tha kemi bërë gabim. Mendova se do të anulohet kartoni i kuq, pasi nuk i kam sharë tifozët e Partizanit. Asnjëherë në karrierën time nuk kam marrë karton i kuq dhe u ndjeva shumë i ofenduar nga ky gjest. Jam i habitur për gjithçka dhe nuk kam asnjë gjë për të thënë.”

GOLI – “Me largimet, më është dhënë mundësia dhe e kam shfrytëzuar, duke shënuar. Shpresoj të shënoj sa më shumë përsëri. Asnjë nga gjyqtarët nuk më thanë se kanë gabuar, por më thanë delegati dhe vëzhguesi.”

“Ndjehem i lumtur për golin që i shënova Skënderbeut. Goli çdo lojtar e çliron, do vazhdoj të bëj punë time sa më të mirë. Do vazhdoj të luaj dhe do mundohem të shënoj sa më shumë”, deklaroi sulmuesi para mediave.

Fokusi më pas ishte te Partizani, kundërshtari i radhës për Flamurtarin. Nuk lihet pa u përmendur edhe shakaja e Lejdi Liçajt, i cili një ditë më parë thoshte se vlonjatët do fitojnë me një gol të Ribajt. “Partizani është ekipi më i mirë për momentin. Ne e kemi vlerësuar maksimalisht këtë ndeshje. I kemi marrë të gjitha masat për të marrë më të mirën nga kjo përballje. Besoni te besëtytnia e Lejdit? Normalisht (qesh). Ishte një shaka e momentit, shpresoj të dalë edhe ajo batutë e Lejdit”, u shpreh Ribaj.

Gjatë kësaj periudhe Flamurtari ka pasur shumë largime dhe dy të fundit ishin Agustin Torasa dhe Albi Alla. Gjithashtu edhe ana financiare ka pasur një problem më vete. “Ka pasur largime, kjo dihet. Besoj se do i zëvendësojmë këto largime, pasi Flamurtari e ka grupin. Pagesat, si ndikojnë në grup? Kemi një frymë shumë të mirë në grup. Djemtë janë shumë entuziastë. Për problemet e tjera përgjigjen drejtuesit”, përfundoi 29-vjeçari i Flamurtarit, Andi Ribaj.

Kështu për trajnerin Ilir Daja do të ketë një opsion më shumë, ndërkohë që Ribaj është një lojtar që luan në majë të sulmit dhe nga krahët. Vjet ai ishte pjesë e Vllaznisë, ndërkohë që këtë verë ngulmoi më së shumti ta merrte Apolonia.

Së bashku me Ribajn, si dhe me rikthimin e Danilo Alvesh, tashmë Flamurtari është shumë më i plotë në sulm. Bushiç ka qenë në ekip, por këtë verë është afruar edhe Torasa. Gjithashtu në krahë luan Musta e Beqaj, si dhe i riu Ardit Ziaj, i marrë nga Luftëtari.