REAGIMI I ANDI LILËS

I nderuar z. Brace. Lexova me vëmendje reagimin tuaj në të cilin herë flisni si tifoz futbolli dhe herë nga pozita e një zyrtari shteti fatkeqësisht jashtë realiteti. Pa dashur të hyjë në replika pa vlerë jo vetëm me ju zoti Brace por me asnjë dashamires futbolli, por në cilësinë e Kryetarit të Sindikatës se Futbollistëve Profesionistë Shqiptare shpreh keqardhje për paragjykimin që i behet organizimit të sportit në ketë vend. Politika në Shqiperi dhe në veçanti Maxhoranca qeverisëse që tashmë është absolute në çdo nivel qeverisës e ka pasur të gjithë mundësinë qe të përmirësonte statusin e futbollistëve në vend nëpërmjet një ligji qe do të sillte zhvillim në ketë sport në tërësi e për rrjedhoje do e bënte edhe më atraktiv financiarisht dhe jo vetëm, por deri më sot nuk ka bere asgjë të tillë. Z.zv.kryeministër: A nuk ka qenë detyrë e administratës tatimore qe të kontrolloj klubet e futbollit jo vetëm për bilancet mizerabel por edhe për pagimin e kontributeve shoqërore e shëndetësore për futbollistët. Përse z.Braçe, politika kujtohet për futbollin vetëm kur shkojmë në Europian apo fushata elektorale ku premtimet asnjëherë nuk mbahen. A e dini se të humburit e përhershëm nga mungesa e vullnetit politik janë FUTBOLLISTËT. Është pikërisht mungesa e vullnetit politik qe te futbolli profesionist të ketë përmirësime thelbësore që na bëri ne si futbollistë që të angazhoheshim në themelimin e Sindikatës tonë. Do jemi ne Z. Brace, në opozitë me të gjithë politikanët, zëri i munguar i futbollistëve, që të gjithë ato të drejta të munguara të mos nëpërkëmben më apo të përdoren si “lëndë e parë” për statuse rrjetesh sociale. Këto të drejta të nëpërkëmbura do të bëhen patjetër realitet nëpërmjet trysnisë që ne vetë do ushtrojmë ndaj jush si klasë politike si dhe kujtdo tjetër që deri dje i ka shkelur si pa të keq. Premtimet se në “shtator” do behet ndryshimi nuk mund të jenë lajme vere. Së pari duhet të caktoni vitin se ndoshta kalon si “100 ditëshi” dhe së dyti këto draftligje duhet të jenë drafte ligjore të mirëmenduara dhe të debatuara me në futbollistët pasi përfaqësojmë grupin e interesit.

POSTIM I ERION BRAÇES

https://www.instagram.com/p/B0kxuHpHGpM/?utm_source=ig_web_copy_link

“Sinqerisht ndihem i privilegjuar që sot mbyllëm me sukses një punë 3 – 4 mujore. Duke parë problematikat që ka futbollit shqiptar, menduam të krijonim sindikatën e futbollistëve. Ashtu si në çdo fushë në Shqipëri edhe futbollistët hasin vështirësi shumë të mëdha. Tani do jemi një derë ku ata  mund të trokasin. Shpresojmë që të vazhdojmë me ritme të mira e të tregojmë që ne u krijuam në të mirë të futbollit shqiptar”.

“Dua që të rregullojmë kushtet e stërvitjes, kontratat, pagesat e sigurimeve shoqërore. Këtë periudhë kemi parë një problematike të jashtëzakonshme me këto të fundit. Në shumë klube siguracionet e futbollistëve  nuk paguhen prej vitesh” .

“Pas Janina bën me dije ndërprerjen e bashkëpunimit me futbollistin Andi Lila, pas një marrëveshjeje të përbashkët. Pas 7.5 viteve bashkëpunim, ne duam ta falënderojmë Andin për ata që ka dhënë për Pas Janinën dhe për profesionalizmin e treguar. Ne i urojmë atij më të mirat në të ardhmen, me shëndet të plotë, dhe sa më shumë suksese në karrierë”, njofton klubi grek.

E ARDHMJA – Lila është përfolur për një kalim te Shkëndijë e Tetovës gjatë merkatos së verës, por gjasat janë që të nënshkruajë me Tiranën. Lojtari polivalent është i lidhur ngushtë me bardheblutë dhe vetëm një ofertë nga jashtë vendit do ta tundonte të bënte një zgjidhje tjetër.

Tirana e pret krahëhapur kavajasin, pasi energjia e tij është e nevojshme në një moment të tillë. Gjithashtu edhe objektivi për të rikthyer titullin në kampin bardheblu i jep një motiv më shumë Lilës të pranojë ofertën e 24 herë kampionëve të vendit.

Sigurisht për të ndjekur Tiranën, ekipin në të cilin u aktivizua për tre sezone dhe fitoi titullin kampion, të fundit në kampin bardheblu. Xholi i kombëtares analizon duelin kundër Kukësit. Bardheblutë ndodhen në një moment të vështirë, por Lila nuk e mendon mbijetesën, për të mirën e Tiranës dhe futbollit shqiptar.

Zgjidhja janë gjaku i ri, pra puna e mirë me akademitë. Në fund trajneri i ri i kombëtares, Edi Reja. 33-vjeçari beson te eksperienca dhe puna e tij dhe ka një dëshirë të madhe për kombëtaren kuqezi.

Andi, ndoqët Tiranën nga stadiumi. Çfarë prisnit dhe çfarë nuk shkoi sipas jush?
-Faktikisht erdha pjesën e dytë, pasi nuk arrita ta kap dot pjesën e parë. Pashë një lojë ku Tirana e kërkoi golin e barazimit në të gjitha mënyrat, por edhe pak fati i mungoi në rastin kur Imami doli tek për tek me portierin. Normalisht po të shfrytëzohej ai rast rrjedha e lojës mund të ishte tjetër. Gjithsesi Kukësi ka një ekip për t’u lavdëruar, luan futboll dhe me atë që kam parë është ekip që ka besim te vetja, është ekip me personalitet dhe luan shumë mirë futboll. Fitoi dhe ai që e bën këtë është më i miri.

Sa e shikoni Tiranën të rrezikuar?
-Nuk e mendoj që Tirana me këtë grup që ka, me këto kualitete, të jetë në këto pozita që është. Duhet të ishte pak më mirë, ose shumë më mirë se sa sot. Nuk mendoj se Tirana mund të rrezikojë rënien nga kategoria. Kjo pasi i ka kualitetet brenda, dinë të luajnë futboll dhe kanë treguar se kanë bërë shumë ndeshje të mira. Ndodh që në një ndeshje të mos jesh në ditën tate. Mendoj se Tirana do vazhdojë përpara. Keqardhje ndjej për çdo skuadër që bie nga kategoria, pasi unë jam futbollist vetë dhe e ndjej. Më ka ndodhur edhe mua. Normalisht nuk do i bëhej mirë kampionatit shqiptar, pasi Tirona është Tirona, është histori më vete. Respekt për të gjitha skuadrat, por Tirana, që nuk e lavdëroj se kam qenë me ta, e meriton. Kampionati shqiptar është ndryshe me Tiranën dhe pa Tiranën.

Keni disa vite që jeni larguar nga kampionati shqiptar, si e shikoni zhvillimin e tij gjatë kësaj periudhe?
-Kampionati shqiptar është rritur ndjeshëm nga koha kur ishim ne. Tani pothuajse çdo skuadër ka fushën e vet ku të luajë ndeshjet. Më përpara disa fusha nuk i përmbushnin kushtet dhe nivelin e duhur. Kampionati shqiptar ka një rritje. Janë 10 skuadra dhe ky sistem nuk të jep kohë të gabosh. Dua të them që niveli është rritur, duke parë edhe talentet që dalin vit pas vit dhe shiten jashtë vendit. Kjo është gjë pozitive. Normalisht që ka nevojë për punë nga ana e të gjithëve, por është në rrugën e duhur. Një kampionat i mirë këtu, është gjë e mirë edhe për kombëtaren. Kështu dalin edhe lojtarë më të mirë për kombëtaren.

Andi, si mund të kthehet Tirana te rruga e titullit?
-E kujtoj me nostalgji vitin 2009 kur u shpallëm kampion me Tiranën. Futbolli mund them se evoluon, është gjithmonë në përmirësim, por atë kohë e kujtoj me nostalgji. Ishim një ekip me lojtarë shumë të mirë, pothuajse tetë lojtarë ishim pjesë e kombëtares. Mund të them se që të shkojë Tirana në ato nivele, e para duhet të investojë shumë në akademinë e saj. Tirana nxjerr shumë talente, pasi është qyteti numër 1 dhe skuadra numër 1. Nuk duhet ta humbë kurrë ADN-në e saj, e ka në ADN grintën. Duhet investuar tek akademitë, t’u japë dorë të rinjve dhe pastaj të mendohet mirë në përzgjedhjen e lojtarëve. Në atë kohë ishte Tirana që merrte më të mirët, siç ka qenë Skënderbeu këto vitet e fundit. Por i mëshoj akademisë, gjaku bardheblu do vëmendje. Çdo ekip nga të rinjtë duhet të nisë. Jam partizan se gjaku i ri duhet të futet.

Ka ndryshuar edhe trajneri i Kombëtares, Edi Reja ka zënë vendin e Panuçit. Çfarë mund të na thoni?
– Çdo ndryshim është për të mirën e punës dhe mendoj se trajneri i ri që ka ardhur, me eksperiencën që ka do të bëjë shumë gjëra pozitive. Kam bindje absolute për këtë. Ai e ka treguar veten në disa skuadra ku ka qenë. Shpresoj të kthehemi aty ku ishim dhe ku duan të gjithë shqiptarët, të kthehet ai qejfi i madh që kishim në vitin 2016, 2015, në gjithë kualifikueset. E gjithë vëmendja ishte te kombëtarja dhe ishte diçka shumë e mirë. Dua që të rikthehemi sërish dhe Shqipëria të shkojë në një eveniment të madh botëror, pasi janë të gjitha mundësitë. Talente ka, futbollistë ka dhe ekziston mundësia që ne të jemi sërish aty ku ishim. Dua të përsëritet ai entuziazmi, pasi ishte diçka e paharrueshme. Në karrierën time ishte gjëja më e mirë që më ka ndodhur.

Lojtari i përfaqësueses sonë foli për “Supersport” në lidhje me dëmtimin dhe ndeshjen e ardhshme të kuqezinjve ndaj Turqisë.

“Normalisht që jam shumë i mërzitur. Është hera e parë që më dëmtim më largon nga grumbullimi i kombëtares. Bëra një rezonancë që zbuloi një dëmtim në menisk. Do të filloj nga nesër terapitë dhe më pas doktori i skuadrës sime do të vendosë kohën se kur do të rikthehem”.

“Në sezonet e fundit gjithmonë kemi pasur sukses në ndeshjet e parë. Si për shembull ndaj Portugalisë në “Euro 2016” dhe ndaj Izraelit në “Nations League”. Shpresoj që kjo traditë të vazhdojë. Ekipi ka cilësi dhe shpresojmë që të gëzojmë të gjithë shqiptarët”, përfundoi Lila.

Për Egzon Binakun foli vetë trajner Panuçi në konferencën për shtyp të ditës së djeshme. Mbrojtësi i majtë ka një problem në pulpë dhe ndjen dhimbje. Mbetet për t’u përcaktuar nëse mund të jetë opsion për ndeshjen me Turqinë.

Andi Lila gjithashtu ka nj problem muskulor. Lojtari polivalent i Pas Janinës me shumë mundësi do të lërë grumbullimin. Gjithsesi mjekët po tentojnë që ta rikuperojnë dhe gjithçka është pezull për momentin.

Bekim Balaj është lojtari tjetër që shqetëson Panuçin. Shkodrani ka pasur një kontraktim në ndeshjen e fundit të Ahmat Grozni dhe ende ka shqetësime. Deri të premten do të bëhet maksimumi që sulmuesi të rikuperohet plotësisht dhe të jetë alternativë për stafin teknik.

Në Greqi Andi Lila nuk ka marrë asnjë minutë në sfidën Lamia-Pas Janina. Kavajasi qëndroi gjatë gjithë ndeshjes në stol. Skuadra e futbollistit të kombëtares mori një pikë dhe gjërat mund të shkonin edhe më keq, pasi vetëm në minutën e 86-të shënuan golin e barazimit. Pas Janina po kalon në një moment të vështirë dhe është në vendin e katërt nga fundi.

Arisi i Selanikut nuk e ka përballuar dot forcën e Olimpiakosit, që fitoi me rezultatin 4-1. Migjen Basha sërish e nisi nga stoli. Mesfushori u aktivizua në minutën e 79-të, kur shanset për të ndryshuar diçka ishin të pakta, pasi skuadra e tij po humbiste 3-1. Në shtesë pësuan edhe të katërtin.

Korçarit i kanë shkuar sytë te arbitri i ndeshjes, i cili ishe qeros. “Të kishte flokë edhe arbitri kryesor, do të ishte super foto”, shkruan Osmani. Sigurisht Lila nuk nguron të përgjigjet: Tefik Osmani, pse vetëm ju keni arbitër qeros! (Kridens Meta)”.

Lojës së komenteve i bashkohet edhe gjyqtari i FIFA-s, Juxhin Xhaja: “Andi Lila, nuk e ka mirë me qerosët Tefik Osmani”.

Kavajasi, në postimin e tij në Instagram ka shkruar: “Viti i ri nuk mund të niste më mirë! Faleminderit.” 32-vjeçari aktualisht luan në Greqi, me Pas Janinën, por gjithsesi kjo gjë duket se nuk e ka penguar për të treguar “klasin” e tij edhe jashtë fushe, duke kontribuar për vendin e tij të lindjes.

“Ishte një nga ditët më të bukura. Ishte menjëherë pas ndeshjes dhe insistova të isha i pranishëm. Kur bëhesh prind për herë të dytë është diçka e bukur, sepse je mësuar me të parin dhe je më në formë. Si çdo fëmijë, fillimet janë më të vështira, por Ajan po e kalon për bukuri se po mësohet me motrën e vogël”, shprehet Lila në “A2 News-CNN”.

VITI ME KOMBËTAREN – “Këtë vit isha i grumbulluar në të gjitha ndeshjet, përveç miqësoreve me Kosovën dhe me Ukrainën. Mendoj se mund të luanim më mirë, por personalisht jam i kënaqur që isha pjesë e skuadrës. Mund të bënim edhe më mirë si ekip, kualitetin e kemi si grup. Është pak e vështirë, sepse jemi në moment revolucioni, por me kalimin e kohës shpresoj të bëhet një grup i mirë edhe të ecim përpara”

GRUPI KUALIFIKUES I EURO 2020 – “Nuk ka ndeshje të lehta dhe jo të lehta, si me Lihtenshtejnin, edhe me Francën. Duhet të japim maksimumin nga vetja, për të bërë gjëra të mëdha. Ky është një grup që na përshtatet shumë. E nisim me Turqinë në shtëpi dhe nga statistikat këto ndeshje të para i kemi fituar. Fillimi i mbarë do të jetë gjysma e punës. Ndeshjet do të merren me radhë. Islanda nuk është ekipi i disa viteve më parë. i kemi të gjitha mundësitë të shkruajmë historinë për herë të dytë dhe shpresoj të jem pjesë e historisë”.

“Vendi i dytë i kapshëm? Me Turqinë kemi treguar vlera të mira, edhe pse fitorja në miqësoren e fundit nuk ishte barometër për ndeshjet zyrtare. Kam besim të plotë se mund të bëjmë surprizën përsëri në këtë grup”.

E ARDHMJA ME KOMBËTAREN – “Kur isha 20 vjeç objektiv kisha të luaja 30 ndeshje me Kombëtaren, ndërsa sot që po flasim kam luajtur 70 ndeshje. Do të dëshiroja të luaja edhe 70 ndeshje të tjera. Do të vijë dita kur nuk do të jem pjesë e skuadrës, por në çdo moment, në çdo grumbullim, në çdo sekondë do të jap maksimumin si gjithmonë, për ta ndihmuar vendin tonë të përfaqësohemi në mënyrë dinjitoze”.

“Grup i mirë, janë skuadra me të cilat kemi luajtur më parë, si me Francën dhe Turqinë. Ndaj Francës kemi bërë ndeshje spektakolare. Moldavinë dhe Andorrën duhet t’i mposhtim normalisht. Shpresoj të jemi në maksimum në mars dhe të përsërisim historinë dhe të shkojmë në Europian. Ishte gjëja më e bukur. Nations League? Çfarë iku, iku. Të shohim përpara, me grupin që na ka rënë është fat për ne“, thekson Andi Lila.

Sulmuesi 22-vjeçar, shënoi në minutën e 93-të një gol, që më shumë kishte vlera personale për të se sa për ekipin, pasi rezultati ishte 4-1 në favor të Larisës në atë kohë. Durmishaj që rikthehet të shënojë pas dy ndeshjesh. Ky ishte goli i katërt për djaloshin kuqezi këtë sezon.

Ndërkohë, Andi Lila nuk arriti më shumë se një barazim me Janinën e tij në shtëpi. Mbrojtësi ynë luajti si titullar për 90 minuta, ku dhe u ndëshkua më një karton të verdhë në pjesën e dytë.

“Xholi” i kombëtares është gati të japë maksimumin dhe kërkon që të gjithë të japin 200%. Kombëtarja po përjeton një fazë ndërrimi brezash, ndërsa ai është gati të luajë në çdo rol për Shqipërinë. Me Skocinë vlen vetëm fitorja dhe ky është objektivi i djemve të Panuçit për sfidën e së shtunës.

RËNDËSIA E NDESHJES – “Çdo ditë me kombëatren është e veçantë dhe duhet të japim maksimumin për momentin dhe të ardhmen e ekipit. Do luajmë shanset tona. Shpresoj të luajmë mirë si me Izraelin, por të marrim rezultatet këtë herë. Duhet të përmirësohemi, të bëjmë më të mirën dhe çdo lojtar të tregojë cilësitë e tij.”

DËSHTIM – “Europianin e kaluam me sukses. tani është një kualifikuese tjetër për në Europian. Ne do bëjmë maksimumin, si çdo herë. Por ne kemi dhënë maksimumin. Shpresoj edhe këtë ndeshje të bëjmë më të mirën dhe të luajmë shanset tona.”

GRUPI I LOJTARËVE – “Shkuam në Europian dhe ndërruam nivel. Nuk ka skuadra të lehta apo të forta. Ne duhet të kemi shpirtin luftarak dhe të japim 200 për qind për ekipin. Kjo është e vetmja rrugë. Po dhamë më të mirën, nuk kemi problem asnjë kundërshtar, kjo në thonjëza pasi ka edhe ekipe shumë të forta. Kur kemi nënvlerësuar ndonjë kundërshtar, kemi vuajtur.”

MBROJTËS I DJATHTË – “Kam disa vite që nuk luaj në atë pozicion. Për kombëtaren nuk është problem, e bëj. Është pyetje për trajnerin më shumë.”

SKOCIA FUTBOL FIZIK – “Çdokush do të luajë. Rëndësi ka të fitojë skuadra. Do tregoj veten në momentin që do të më jepet mundësia.”

TIFOZËT TË PAKËNAQUR – “Nuk mund ta themi që janë të pakënaqur. Ekipi ëshët në një fazë ndërrimi brezash, ndaj duhet kohë. Në ndeshjet e fundit kemi luajtur mirë, bazohem te përballja me Izraelin. Vetëm fati dhe rezultati nuk ishin në krahun tonë.”

Me një goditje nga jashtë zone ka befasuar portierin mik dhe i ka dhënë fitoren skuadrës së tij, që shkon në kuotën e 9 pikëve. Diosgior synon mbijetesën në elitën e futbollit hungarez dhe kjo fitore ishte shumë e rëndësishme.

Në Greqi pati një derbi mes shqiptarësh. Faton Andoni dhe Andi Lila ishin në fushë për 90 minuta në përballjen AEL Larisa-Pas Janina. Ndeshja u mbyll 2-0 në favor të AEL, ndërkohë që kavajasi mori një karton të verdhë në minutën e 80-të. Nëntë minuta më pas Suad Sahiti zbriti në fushë për vendasit dhe në fund festoi fitoren e skuadrës së tij.

https://www.facebook.com/M4sport.hivatalos/videos/255236445168348/UzpfSTEyOTA0ODMwNzE1NDkxMzoyMDMwNDMwODU3MDE2NjM5/

MENDIMI PËR TRAMEXANIN – “Kemi punuar së bashku për shumë vite. Bëhet fjalë për një person shumë të mirë dhe një njeri me karakter të jashtëzakonshëm. Një nga trajnerët më të mirë me të cilët kam punuar. Ishte shumë i rëndësishëm në atë që kombëtarja jonë bëri. Mendimi im është shumë pozitiv. Ai është një trajner që punon 24 orë në fushë dhe është i përkushtuar në atë që bën. Mendoj se Tramexani në 5-6 vjet do të jetë një nga trajnerët më të mirët në Europë”.

RAPORTI ME FUTBOLLISTËT – “Arrin të marrë 100% të lojtarëve. Sjella e tij ishte e pashoqe për mua dhe shokët e skuadrës. Kjo është më e rëndësishmja për mua në futboll.  Kur trajneri ka mënyrën për të kontrolluar dhomat e zhveshjes dhe për t’u imponuar respekt lojtarëve, mund të arrijë shumë”.

FILOZOFIA E TIJ – “E thashë, ai mund t’u nxjerrë lojtarëve më të mirën. Gjithashtu është i shkëlqyer në anën taktike dhe në leximin e lojës. Për këtë ra në pah te kombëtarja jonë. Sepse, kur je pas De Biazit, mund të shohësh më qartë. Kishte përgjegjësi të mëdha nga trajneri ynë dhe bëri punë të mirë. A është agresiv? Varet nga grupi i lojtarëve që ka. Por, po, mendoj se ka një strategji agresive”.

PËRBALLIMI I PRESIONIT – “E njoh APOEL-in shumë mirë dhe e di çfarë do të thotë të drejtosh një ekip si ai. Ai do të bëjë një punë të madhe. Mendoj se APOEL-i dhe Tramexani mund ta marrin titullin. Mendoj se do të ketë sukses në APOEL”.

MESAZHI – “Jam një tifoz i tij dhe do ta ndjek atë. Dua që t’u shkojë mirë dhe uroj më të mirat për të. Jam i sigurt që do ia dalë”.

“Kapiteni? – Të hapim kutitë (qesh). Hysaj është i dyti dhe Basha i treti”.

Goli – “Më mungon goli në kombëtare. Ishte ndeshja e 69 dhe nëse do të shënoja sot do të ishte diçka e jashtëzakonshme. Jam krenar që kam luajtur kaq shumë me Kombëtaren. E kam shijuar çdo minutë. Objektivi im është të thyej numrin e prezencave të Klod Duros”.

“Jam që në 2007 me Kombëtaren. Kur vjen ftesa, mund të marr shembull herën e fundit, që një natë para nuk më ka zënë gjumi. Ardhja këtu është gjëja më e bukur që i ndodh një futbollisti. Si para 11 vitesh, edhe herën e fundit uroj të jap më të mirën time. Ky zjarr që kam brenda meje uroj të vijojë dhe kjo dashuri që kam për fanellën të shkojë dhe më para”, u shpreh fillimisht kavajasi, i cili luan në Greqi me Pas Janinën.

IZRAELI – “Forca jonë është grupi dhe nëse luajmë në grup, atëherë them se ndaj Izraelit do të jetë në favorin tonë, siç ndodhi një vit më parë kur fituam. Uroj të bëjmë një ndeshje të mirë dhe të fitojmë e të jemi të parët në grup. Gjithnjë kemi pasur shpirtin e garës që na ka karakterizuar. Kemi ndeshjen me Jordaninë si fillim dhe më pas do të shohim për ndeshjen me Izraelin. Do të shohim për një rezultat pozitiv”.

SHUMË KAPITENË – “Të them të vërtetën kam shumë respekt nga të gjithë Kapitenët, por në kombëtare nuk është mbi gjërat e tjera. Lojtarët janë të gjithë njësoj dhe uroj që çdokush të bëj më të mirën e tij në fushë, qoftë kapiten apo jo. Edhe në stërvitje nuk duhet të ketë diferenca, pasi është shumë pak kohë. Duhet të tregojmë veten dhe më të mirën tonë”.

TË RINJTË  – “Çdo lojtar i ri që vjen mendoj se nuk ndjen asnjë lloj presioni, pasi ne që jemi me më shumë eksperiencë kemi qenë afër. Jemi të gjithë shqiptar, nuk ka diferenca. Të bëjmë më të mirën për njëri-tjetrin e të japim më të mirën në fushën e lojës. Lojtarët që kanë ardhur janë me shumë kualitet”.