Ander Herrera

Në Angli vetëm Junajtid, Solskjaer bëri çmos të më mbante

Sport Ekspres — Mon, 08 Jul 2019 19:43:06 +0000

PSG pavarësisht largimit të Rabiot ka arritur të bëjë një afrim tjetër të madh me kosto zero. Ander Herrera është integruar tashmë në ekipin e ri dhe është gati për të nisur aventurën pariziene.
Spanjolli në një intervistë për mediet franceze tregon se përse zgjodhi Parisin. I shprehet mirënjohes Junajtid dhe në fund deklaron se ata u kujtuan vonë për ta mbajtur.

“Pse PSG? Sepse pasi të lija Junajtid, klubin më të madh në Angli duhej një klub si Parisi. Janë klubi më i madh në Francë. Nuk mund të luaja për një klub tjetër në Angli. Koha e kaluar atje ka qenë e mrekullueshme.”

“Kam luajtur 189 ndeshje dhe kam qenë i rëndësishëm për të gjithë trajnerët. Kam shijuar çdo moment atje. Solskjaer bëri shumë për të më mbajtur, por gjërat nuk ndodhën. Ata mbërritën vonë dhe atëherë kisha vendosur se do luaja me Parisin”, u shpreh Ander Herrera.

ZYRTARE | Kontrata e jetës, Ander Herrera kap “jackpot”-in në Francë

Sport Ekspres — Thu, 04 Jul 2019 16:55:58 +0000

Është zyrtare. Ander Herrera është lojtari më i ri i PSG. Mesfushori spanjoll do të jetë pjesë e klubit francez për pesë vitet e ardhshme. Ai ka firmosur kontratë deri në vitin 2024 prej secilës do përfitojë 7 milionë euro në sezon. Spanjolli vjen në Paris si një transferim i lirë pas përfundimit të kontratës me Mançester Junajtid.

Herrera pritet të jetë një nga lojtarët kryesorë në mesfushë bashkë me Verratin. 29-vjeçari vjen me qëllimin për të mbuluar hapësirën e lënë bosh nga Rabiot, i larguar te Juventusi. Herrera kishte një sërë ofertash nga gjigantë të Evropës, por Parisi ishte klubi që kënaqi interesat e tij.

Spanjolli është zyrtarizuar nga PSG në faqen e klubit në “Twitter”, ku shfaqet me uniformën e re duke luajtur lojën e njohur “FIFA 20”. Në ditët e ardhshme pritet prezantimi në ambientet e stadiumit “Parc de Princes”.

???? @EASPORTSFIFA

Now the game can begin! ??

?? #ICICESTPARIS pic.twitter.com/a2JqcdIizQ

— Paris Saint-Germain (@PSG_English) July 4, 2019

Të enjten zyrtarizimi, PSG “rrëmben” yllin e Junajtid

Sport Ekspres — Tue, 02 Jul 2019 19:59:25 +0000

Mançester Junajtid i është dashur të heqë dorë nga një yll si Ander Herrera, i cili do të largohet falas pas përfundimit të kontratës në fund të qershorit të kaluar. “RMC”, nëpërmjet gazetarit Muhamed Buhafsi zbulon se 29-vjeçari ka arritur marrëveshjen me PSG.

Ditën e enjte do të udhëtojë drejt Parisit për të zyrtarizuar gjithçka. Më pas, ditën e hënë do të jetë i gatshëm për grumbullimin e parë të skuadrës. Herrera vjen pa asnjë harxhim në “Parc de Princes”. Spanjolli pritet të mbulojë hapësirën e lënë bosh nga largimi i Rabiot, për të qenë partneri i Verratit në mesfushë.

Mesfushori lë Junajtid pas pesë vitesh. Në vitin 2014 “Djajtë e Kuq” e blenë për 36 milionë euro nga Atletik Bilbao dhe tani do i duhet të heqin dorë, duke e lënë të largohet me parametra zero. Ofertat për të ishin të shumta, me kampionët francezë që u treguan më këmbëngulësit.

Junajtid zyrtarizon divorcin, mesfushori mbulohet me ar në Paris!

Sport Ekspres — Sat, 11 May 2019 10:52:41 +0000

Po përflitej prej kohësh dhe tashmë duket se nuk ka më asnjë lloj dyshimi. Ander Herrera do të largohet nga Mançester Junajtid dhe do të kalojë në radhët e PSG-së.

Këtë gjë duket se e ka konfirmuar dhe vetë klubi nga “Old Traford”, me spanjollin që do të firmosë një kontratë 4-vjeçare me parizienët, nga e cila do të përfitojë 29 milionë euro (gati 7.5 milionë euro në sezon).

Gjithashtu, së fundi Herrera ka bërë një viedo mesazh për tifozët e Junajtid, ku shprehej se gjithmonë do ta ketë të kuqen në zemër.

“E kuqja do të jetë në zemrën time gjithmonë dhe këtë gjë e dija që ditën e parë kur erdha këtu dhe vesha këtë fanellë. Një klub me shumë histori dhe me tifozë të pafund. Pata një ndjesi shumë speciale kur të gjithë kënduan emrin tim, u ndjeva krenar që isha pjesë e historisë së këtij klubi”, shprehej spanjolli Ander Herrera.

Ander Herrera’s 5 years at Manchester United:

? Europa League
? FA Cup
? League Cup
? Community Shield

189 games, 20 goals and won the Sir Matt Busby fans’ player of the season 2016/17. #MUFC ? pic.twitter.com/nJZw0vgOrZ

— Football Tweet (@Football__Tweet) May 11, 2019

Goditje e rëndë për Solskjaer, spanjolli largohet me parametra zero

Sport Ekspres — Fri, 26 Apr 2019 13:55:48 +0000

Ander Herrera do të largohet në fund të sezonit nga Mançester Junajtid pas 5 sezoneve të kaluara në “Old Trafford”. Mesfushorit spanjoll i përfundon kontrata në verë, ndërkohë që nuk u arrit marrëveshja e rinovimit.

Një goditje e rëndë për trajnerin Solskjaer, i cili e cilëson Herrerën lojtar kyç për skemat e tij. Prej kohësh është përfolur për një akord me PSG. Diçka e tillë është e vërtetë dhe 29-vjeçari do të transferohet në kryeqytetin francez sezonin e ri, sipas konfirmimit të “RMC”.

Atletiko e Bilbaos, klub ku basku u lind dhe u rrit, tentoi deri në fund që ta bindte Herrerën të rikthehej aty ku luajti tre sezone, por lojtari zgjodhi të vazhdojë karrierën me ekipin e gjermanit Tuhel.

“Vuloset” largimi, PSG merr falas lojtarin e Junajtid

Sport Ekspres — Wed, 10 Apr 2019 18:06:07 +0000

Ander Herrera nuk do të jetë më pjesë e Junajtid për sezonin tjetër. Media shtetërore angleze “BBC” ka mësuar se negociatat për rinovimin e kontratës kanë përfunduar dhe palët do t’i japin fund bashkëpunimit 5-vjeçar në fund të këtij sezoni.

Dy ditë më parë vetë spanjolli pranoi se agjenti i tij dhe klubi nuk po gjenin dot gjuhën e përbashkët për kontratën e re, ndërsa sot vjen lajmi se palët kanë mbyllur bisedimet.

E ardhmja e Herrerës është në Paris, ku PSG i ka ofruar një kontratë 3-vjeçare me pagë tetë milionë euro në sezon, shifër kjo që nuk u gjykua e arsyeshme nga drejtuesit e klubit anglez.

PSG hakmerret për eliminimin, akord me mesfushorin e Junajtid

Sport Ekspres — Mon, 01 Apr 2019 21:55:33 +0000

PSG ka arritur të gjejë zëvendësuesin e Adrien Rabiot. Kampionët e Francës kanë arritur akordin me Ander Herrerën, mesfushorin e Mançester Junajtid. Sipas raportimeve të “The Sun”, spanjolli nuk pranoi të rinovonte kontratën që i skadon me “Djajtë e Kuq” në fund të këtij sezoni.

Ai do të largohet me parametra zero drejt kryeqytetit francez, aty ku pritet të nënshkruajë një kontratë 3-vjeçare me një rrogë prej 150 mijë eurosh në javë. Një lajm i keq për trajnerin Solskjaer, i cili e cilëson Herrerën një lojtar thelbësor për skemat dhe ekipin e tij.

Ander Herrera

29-vjeçari ka zhvilluar 187 ndeshje me Mançester Junajtid gjatë këtyre 5 viteve (u transferua në verën e vitit 2014 nga Atletik Bilbao për shumën e 29 milionë sterlinave).

Herrera shpreson ta mbyllë me sukses sezonin me ekipin anglez për të nisur më pas aventurën e re me PSG, aty ku mund të ri takohet përsëri me Zhoze Murinjon, emri i të cilit shihet si një kandidat potencial për të marrë drejtimin e PSG-së.

Herrera dhe Junajtid drejt “divorcit”, Franca destinacioni i ri

Sport Ekspres — Fri, 22 Mar 2019 19:34:40 +0000

Ander Herrera është në vitin e fundit të kontratës së tij te Mançester Junajtid. Mesfushori bask ka marrë shumë minuta këtë sezon, por ai nuk është në planet afatgjatë të drejtuesve të “djajve të kuq”.

Sipas “The Sun”, Junajtid i ka ofruar Herrerës një rinovim për dy sezona, që me shumë gjasa nuk do të pranohet nga futbollisti.

Sipas së përditshmes spanjolle “MARCA”, për Herrerën ka ardhur një ofertë marramendëse nga PSG-ja. Kampionët e Francës i kanë ofruar 28-vjeçarit një kontratë 3-vjeçare me pagë 9 milionë euro në sezon.

Herrera: Mund të mposhtim çdo ekip, sa ndryshe me Solskjaer!

Sport Ekspres — Sun, 27 Jan 2019 13:48:23 +0000

Ander Herrera është sërish pjesë fikse e formacionit të Mançester Junajtid. Emërimi i Ole Gunar Solskajer në krye të Mançester Junajtid ka ndryshuar krejtësisht filozofinë e lojës së “djajve të kuq” dhe këtë gjë e pranon vetë spanjolli në në intervistë për medien angleze “Mirror”.

Ndryshimet me Solskjaer – “Tani më lejohet që të futem në zonën e rreptësisë sapo fillojmë fazën sulmuese. Madje edhe Nemanjës i lejohet që të gjuajë portën. E gjithë skuadra beson se nëse jemi në ditën tonë më të mirë mund të fitojmë ndaj kujtdo ekipi”.

Kontrata – “Për momentin duhet të përqendrohemi në gjëra më të rëndësishme se sa kontrata ime. Prioritetet e mia janë ndeshjet me Bërnlin, Leisterin etj. Nëse e meritoj një kontratë të re, klubi do të ma ofrojë. Nuk jam njeri ziliqar. Dua që klubi të vazhdojë fitoj, nuk kam ndërmend të bëj si i çmendur për kontratën”.

Murinjo, Pogba dhe Herrera surprizojnë tajlandezët e mbijetuar

Sport Ekspres — Mon, 29 Oct 2018 13:57:25 +0000

Futbolli të dhuron emocione të papërshkrueshme, ndonjëherë një gol i shënuar, herë tjetër një veprim teknik i nivelit të lartë, e disa herë ndonjë sparkatë, ndoshta dhe pak e ashpër, por që frenon kundërshtarin t’i ofrohet zonës me tifozët që shpërthejnë në duartrokitje.

Ka dhe raste kur mjafton një gjest për t’i lumturuar të tjerët. Mançester Junajtid ka kryer një të tillë dhe i ka dhuruar momente të paharrueshme ekipit tajlandez të Wild Boars FC.

I mbani mend djemtë aziatikë, të cilët mbeten të bllokuar në një shpellë për më shumë se dy javë? Ishte muajti qershor i këtij viti, forcat e shpëtimit realizuan një kryevepër, duke i shpëtuar të gjithë. Klubi i Junajtid shkruante atë periudhë një komunikatë në “Twitter”.

“Do të donim të ftonim skuadrën e Wild Boars Football Club dhe shpëtimtarët e tyre në ‘Old Trafford’ këtë sezon.”

U tha, u bë. Pas shpëtimit lojtarët, të gjithë mes moshave 11-17 vjeç, ishin akoma të tronditur dhe të lodhur fizikisht për të marrë një udhëtim kaq të gjatë, por momenti i duhur erdhi. Ata kanë fluturuar drejt Mançesterit dhe janë paraqitur në Karington, fushën e stërvitjes së ekipit të Murinjos.

Ky i fundit, bashkë me Pol Pogba dhe Ander Herrera kanë pritur djemtë. Foto, autografe, përqafime dhe shumë buzëqeshje në fytyrat e tajlandezëve. Momente të bukura me idhujt e tyre dhe emocione të forta. Drama e qershorit është lënë pas krahëve, sidomos pas kësaj vizite të veçantë te Mançester Junajtid, që meriton përgëzime dhe respekt për gjestin e fantastik.