Në një intervistë në vendlindje në një emision të radios “Onda Cero”, Ruiz ka zbuluar një detaj mjaft interesant për transferimin e tij te Napoli. Sipas 22-vjeçarit faktor vendimtar në kalimin e tij te nënkampionët e Italisë ka qenë djali i Karlo Ançelotit, Davide Ançeloti.

“Ana Galoça e fejuara e Davides është nga Sevilja dhe ai vinte thuajse çdo javë për ta takuar atë. Natyrisht, kur shkonte atje nuk humbiste asnjë rast për të parë ndeshjet e Betisit e Sevijës. Atje më pa mua dhe më pas më sugjeroi te Karlo (Ançeloti). Sa herë e takoj Anën e falënderoj, pa të nuk do të isha këtu ”, tha mesfushori i talentuar.

Megjithëse për shkodranin nuk pasur asnjë koment e kundërta ka ndodhur për Xhovani Di Lorencon. Mbrojtësi 25-vjeçar u ble për 8 milionë euro nga Empoli dhe shikohet si zëvendësuesi i ideal i Hysajt. Ançeloti ka thënë se pret shumë prej dhe ne Napoli mund të jetë trampolina që mund ta dërgojë atë drejt kombëtares italiane.

DI LORENCO – “Është eksperienca e tij e parë në një klub me një presion kaq të fort. Megjithatë, ka bërë një hap gjigant për karrierën e tij. Është një djalë serioz e shumë profesionist. Ka cilësi të mira dhe sigurisht që do të na bëhet i dobishëm. Shpresoj që ta shohë në kombëtare, kjo do më gëzonte shumë.

RIVALËT – “Juve mbetet skuadra për t’u mundur, por Interi ka filluar të bëhet shumë konkurrues në vitet e fundit dhe mund të synojnë për të fituar kampionatin. Përsa i përket Sarrit. Askush nuk e priste që shkonte te Juventusi. I kuptoj pakënaqësitë e tifozëve, por i tillë është profesionalizmi”.

MANOLAS – “Na ka ardhur një ndër lojtarët më të mirë në atë pozicion. Është një lojtar i madh dhe me Kulibalinë formon një çift të përkryer që do ta na lejojë të luajmë në mënyrë agresive duke mbajtur një linjë më të lartë në mbrojtje”.

Sidoqoftë, marrëdhëniet e Hames me trajnerin Zidan dihen që nuk janë të mira, kështu që gjasat për largimin e tij janë shumë të mëdha. Madje, në Itali e bëjnë diçka të sigurt transferimin e tij në Serie A.
Fillimisht ishte folur për Juventusin, por duket se Napoli është futur vrullshëm në garë. Të kaltrit kanë edhe një avantazh të madh dhe ai është sigurisht Karlo Ançeloti. Trajneri italian ishte ai që e afroi në Madrid në vitin 2014 dhe Hames ka marrëdhënie të shkëlqyera me të.
Shtypi në Itali e bën të sigurt një transferim të tillë, me bisedimet që duket se kanë nisur. Napoli dhe De Laurentis kërkojnë të ndërtojnë një ekip sa më rivalizues për Juven sezonin e ardhshëm dhe blerja e Hames do të ishte një goditje e bujshme.

Sot Napoli u mund në shtëpi nga Atalanta 2-1, duke qenë në avantazh, ndërkohë që dukej qartë inpenjimi minimal dhe atmosfera e vakët.

Pas ndeshjes trajneri Karlo Ançeloti nuk devijoi dhe u përgjigj me ndershmëri para gazetarëve: “Dëshironim të fitonim, për tifozët, por motivimi është i ulët dhe kur ai mungon, nuk mund të bësh shumë. Në pjesën e dytë të sezonit skuadra ka pasur rënie në lojë e rezultate dhe ka ndikuar edhe fakti që për periudha të gjata kemi qenë në tokën e askujt, as për titull e as të rrezikuar nga ndjekësit.

“Insinje? Ka luajtur shumë kohët e fundit, është i sfilitur dhe duhet ta administrojmë sa më mirë. Nuk ka ku shkon, edhe lider në këtë ekip.

“E ardhmja? Do ketë ndryshime, por do të ruajmë gjithë lojtarët kryesorë, kemi një bazë të mirë për të ndërtuar të ardhmen”.

Për Sky Sport, trajneri Karlo Ançeloti foli pas ndeshjes: “Ndeshja zgjati 30 minuta, më pas goli i Arsenalit mbylli gjithçka. Kemi humbur pak qartësi në sulm këto muajt e fundit, jemi të ngadaltë dhe të parashikueshëm“.

Disa sektorë të stadiumit në San Paolo fishkëllyen Insinjen kur u zëvendësua: “Ishte i keqardhur për situatën, për ecurinë negative të ndeshjes. Lojtarët besojnë shumë tek ai, ndaj ishte i zhgënjyer. Diskutimi im me të nuk kishte lidhje me zëvendësimin. Tani duhet të shohim përpara, të ruajmë vendin e dytë në kampionat“.

Futbolli italian nuk po ngre kokë: “Është e vështirë të flasësh, mbi të gjitha vlen aftësia e klubeve për të investuar, për të pasur të ardhura të mëdha. Në këtë kontekst, vetëm Juventusi e ka këtë mundësi, ndaj është befasi që nuk mbërriti në gjysmëfinale në Champions, nuk besoj se do përsëritet më. Futbolli italian përfaqësohet mirë nga Juve në Europë, ndërsa ne duhet t’i shtrijmë këmbët sa kemi jorganin: kemi investuar tek disa të rinj interesantë, që do rriten në të ardhmen. E njoh këtë botë dhe e di që do më kritikojnë, por fjalët i merr era dhe për mua bilanci është pozitiv pas këtij sezoni“.

Pikërisht, mbrëmjen e sotme, ekipi i Gatuzos do të tentojë fitoren e gjashtë radhazi, ecuri që mungon që nga koha e Karlo Ançelotit, i cili në sezonin 2005-2006 arriti të marrë dy herë nga gjashtë fitore radhazi. Një ecuri e tillë nuk shihet prej plot 13 vitesh, teksa tashmë mbetet për t’u parë sonte se çfarë do të ndodhë.

Ançeloti ka qenë më i përfolur gjatë kohës kur drejtonte Çelsin në Angli, pasi marrëdhëniet e tij me presidenti Abramoviç nuk kanë qenë shumë të mira. Vetë “Don Carlo” ka zbuluar për gazetarin e “Sky Sport Italia”, Fabio Karesa, se me presidentin Abramoviç komunikonte vetëm me “SMS”.

“Kur gjërat nuk shkonin mirë, në rezultatet e arritura ose në problemet brenda skuadrës, Roman më dërgonte vetëm një SMS, ku më shkruante vetëm një pikëçuditëse (!)”,- tha fillimisht Ançeloti.

“Në fillim, nuk e kuptoja dhe vazhdoja me punën time, por pas çdo problemi më dërgonte të njëjtin SMS. Erdhi një kohë kur u bezdisa dhe i ktheva përgjigje, ku i dërgova vetëm një pikëpyetje (?). Që prej asaj dite, ishte shumë i acaruar dhe e dija që aventura ime te Çelsi ishte drejt fundit”,- përfundoi trajneri italian.

Nuk ndodhi diçka e tillë në San Siro dhe kartoni i kuq i Kulibalit erdhi pikërisht për protestat e mbrojtësit me ngjyrë të Napolit.

Lojtarët e Napolit iu vërsulën arbitrit Macoleni dhe ishte trajneri Karlo Ançeloti ai që ndërhyri me vendosmëri, duke ndalur lojtarët e tij, pasi rrezikohej kontakti fizik.

Megjithatë, pas ndeshjes trajneri i famshëm shpërtheu në akuza: “I kërkuam tre herë Prokurorisë Federale që të ndalte ndeshjen dhe tre herë thjesht paralajmëruan në foninë e stadiumit. Kulibali zakonisht është i qetë, por këtë radhë ishte nervoz,  nuk ishte aspak i qetë. Dëgjuam ulërimë gjatë gjithë ndeshjes, por ndeshje vazhdoi qetësisht”.

“Zgjidhja? Ekziston, mendoj se ndeshja mund të ndalet, duhet vendosur kur, në rastin e parë, apo në paralajmërimin e dytë. Ndaleni ju, ose ndalemi ne, kështu do veprojmë në ndeshjen e ardhshme! Do na dënojnë me humbje në tavolinë? Durim. Tani mund të duket si justifikim, por nuk është kështu“, deklaroi i tensionuar ish-trajneri i Milanit.

Më shumë se një vit pas asaj dite, Karlo Ançeloti shuan heshtjen dhe flet për situatën e atëhershme në klubin bacarev. “Shkarkimi im te Bajerni është i vetmi peng i karrierës sime”, thotë Ançeloti në një intervistë për “Gazzeta Dello Sport”.

“Doja të ndryshoja shumë gjëra, por drejtuesit e klubit nuk ishin të të njëjtit mendim. Ata nuk donin të ndryshoni strukturën dhe filozofinë e klubit. Në të njëjtën kohë, ata nuk pranuan të bënin një ndryshim brezash në skuadër, diçka pasojat e të cilës Bajerni po i vuan tani”, tha tekniku italian.

Trajneri i Napolit ndalet dhe tek kolegu i tij, Zhoze Murinjo, i cili u bë protagonist i një episodi me tifozët e Juventusit, pas fitores së Junajtid në Torino me rezultatin 1-2.

Ançeloti i del në mbrojtje portugezit, bën thirrje për më shumë thjeshtësi dhe kërkon që t’i jepet fund grindjeve të shumta. Trajneri pret ndonjë dhuratë nga Gatuzo dhe Milani, që do të përnballen me Juventusin, pavarësisht se pohon të kundërtën si dhe e mbyll konferencën me një një vlerësim për Kristof Piatek, sulmuesin polak të Xhenoas, i cili është një nga zbulimet pozitive të Serie A.

XHENOA – “Ne kemi bërë mirë deri më tani, por mund të bëjmë dhe më mirë. Grackat duhen kapërcyer çdo ditë dhe nesër ka një tjetër. Përballemi me një ekip, që ndodhet në vështirësi dhe kjo gjë i ka motivuar shumë. Jam i lumtur me atë që po bën skuadra, nesër pres një test pjekurie, sepse është e komplikuar të gjesh motivime të mëdha, kur kundërshtari nuk është PSG.”

FORMACIONI – “Nesër do i bëj zgjedhjet në bazë të formës fizike të lojtarëve. Kam idenë që nevojitet shumë forcë për të dominuar ndeshjen.”

MILAN-JUVENTUS – “Nuk pres dhurata dhe si një simpatizant pres të shoh një ndeshje të bukur. Ne mendojmë për veten dhe për të zhvilluar një kampionat pozitiv. Jemi përmirësuar në fillimet e ndeshjes, por duhet të jemi më të vazhdueshëm dhe të bindur, të saktë në konkretizim dhe të aftë për të lexuar momentet e rëndësishme të ndeshjes. Unë dua që të gjithë të kenë dëshirën për të luajtur, pastaj ka zgjedhje, që mund të kuptohen, ose jo. Mertens? Ai ka patur problem në shpatull, por është rikuperuar dhe stërvitur normalisht.”

MURINJO – “Reagimi i tij mund të qëndrojë, pasi është ofenduar gjatë gjithë ndeshjes. Ai bëri një gjest ironik dhe nuk ishte aq i rëndë. Problemi është kulturor dhe nuk i referohem vetëm tifozëve të Juves, sepse gjëra të tilla ndodhin dhe në Napoli e Milano, ose në stadiume të tjera. Boll me grindje, le ta jetojmë sportin në mënyrë të thjeshtë dhe të përgjegjshme.”

PIATEK – “Po bën shumë mirë dhe si të gjithë lojtarët me kualitet, mund të pretendojë të luajë në skuadra të mëdha. Për momentin, ai ndodhet në ambientin ideal, duke patur parasysh që sapo ka ardhur në Itali.”

Në një intervistë për gazetën italiane “Il Mattino”, Sarri ka rrëfyer eksperiencën disi të çuditshme të shkarkimit të tij: “Isha duke darkuar me disa miqtë e mi në një restorant kur pashë në televizor prezantimin e Ançelotit. Ishte një eksperiencë që nuk ia uroj asnjë kolegu”.

Eksperienca në Angli ka nisur si mos më mirë për ish-bankierin. Katër fitore në katër ndeshjet e para e kanë çuar Çelsin në krye të tabelës, por mbetet për t’u marrë nëse skuadra e tij do ta ruajë ritmin e fillimit të sezonit.

“A është për t’u shqetësuar pas kësaj humbjeje? Po, duhet të jemi të shqetësuar, pasi shqetësimi të jep diçka më shumë. Ishim paksa të relaksuar dhe bëmë një ndeshje të shëmtuar”, ka deklaruar Karlo Ançeloti në “Sky Sport 24”.

Më tej ai ka analizuar çfarë nuk shkoi me skuadrën e tij dhe italiani thekson se u mungoi ekuilibri dhe tanimë duhet punuar me këtë gjë, pasi edhe po vuajnë në mbrojtje.

“Në aspektin tekniko-taktik kemi sulmuar më mirë, por kemi bërë keq në mbrojtje. Në këtë moment ne provomë të shtyjmë lart dhe mendoj se në këtë pikë është më mirë të ulim linjën dhe të jemi më kompaktë në mbrojtje. Me Volsburgun kemi pasur probleme me ekuilibrin. E imagjinoj një Napoli të plotë. Me mbajtjen e topit jemi përmirësuar, por në aspektin mbrojtës kemi bërë hapa prapa”, ka deklaruar tekniku i Napolit.

Sipas raportimeve të gazetarëve të afërt me klubin, Napoli kërkon të rikthejë në Itali ish-portierin e Fiorentës, Çiprian Tatarushanu. Gardiani rumun tani aktivizohet me skuadrën e Nantës ku është ndër lojtarët më të dalluar dhe kjo falë pritjeve të tij të panumërta.

Nëse operacioni për Tatarushanun finalizohet me sukses, atëherë Ançelotit do i duhet të zgjedhë midis tij, të riut Meret dhe Karnezis, por vështirë se ky i fundit mund të bëjë kthesën, me ato që ka treguar deri më tani.

Ka qenë vetë trajneri i Napolit, Karlo Ançeloti, i cili ka hedhur poshtë të gjitha lajmet që e afronin sulmuesin e PSG-së në Serie A. Tekniku italian ka folur edhe për çështje të tjesa si arsyeja përse zgjodhi Napolin dhe marrëdhënien me presidentin Di Laurentis.

KAVANI
“Këto janë lajme merkatoje merkatoje të përvitshme te Napoli. Kur të mbarojë kjo merkato do të shkruajn që ai do të vijë në janar. Nuk më intersojnë lojtarët e ekipeve të tjera, pasi kam në dispozicion një grup fantastik”
AFRIMET
“Nuk e zgjodha Napolin për të kërkuar blerje të shtrenjta. Mu ofrua një ofertë shumë e mirë, dhe mbi të gjitha një klub me një projekt që më bindi menjëherë”
MARRËDHËNIA ME DE LAURENTIS
“Ai është një njeri me kultur shumë të madhe. Bisedoj shpesh me të, futbolli zë pjesën më të madhe natyrisht, por flasim edhe për kinemanë. Falë tij te Napoli është krijuar një ambient i qetë dhe motivues”.

Sarri dhe Hysaj punuan së bashku te Napoli për 3 sezone dhe mesa duket ky bashkëpunim ka qenë i suksesshëm në sytë e trajnerit, duke kërkuar vazhdimin në aventurën e tij të re në Premier Ligë.

Për radio “Kiss-Kiss” në Napoli menaxheri i lojtarit të Kombëtares sonë u shpreh: “Le të themi se ai mund t’i ishte bashkuar Sarrit”.

Gjithashtu, përsa i përket mënyrës se si ndihet klienti i tij nën urdhrat e trajnerit të ri Ançeloti, menaxheri u shpreh se tashmë Hysaj duhet të përshtatet me mënyrën e re sulmuese të lojës, ndryshe nga ajo e Sarrit që ishte më mbrojtëse.

E ardhmja e shkodranit është ende në pikëpyetje, nëse do të vazhdoj apo jo tek Napoli. Kjo gjë do të merret vesh pasi palët të bisedojnë sërish mbi këtë temë.

Megjithatë, duket se ndarja mes Ançelotit dhe skuadrës ka qenë e thellë, duke parë çfarë ka ndodhur në orët pas largimit të trajnerit italian.

Lojtarët e Bajernit, që zakonisht janë shumë aktivë në rrjetet sociale, duke postuar gjithçka, nuk kanë postuar një mesazh përshëndetës, qoftë edhe sa për sy e faqe. Heshtje totale, nga frika apo nga mungesa e keqardhjes për Ançelotin, i cili nga ana e vet i përshëndeti të gjithë.

Në fakt, ka pasur vetëm tre lojtarë që e përshëndetën dhe i uruan fat trajnerit. Si për koincidencë, janë tre latinë dhe të gjithë e përshëndetën trajnerin në spanjisht. Arturo Vidal, Tiago Alkantara dhe Havi Martinez kanë përdorur rrjetet sociale për t’i uruar fat në të ardhmen Ançelotit. Sinjal i qartë që te Bajerni skuadra është e ndarë në grupime?

Míster,ha sido un honor poder jugar para ti.Os deseo toda la suerte del mundo en vuestra siguiente etapa. #Mino #Francesco #Davide #Giovanni pic.twitter.com/B9qsvlKQkn

— Thiago Alcantara (@Thiago6) September 28, 2017

Gjithsesi, kur arrihet deri aty sa një president klubi deklaron se lojtarët larguan trajnerin, futbolli ka marrë të tatëpjetën.

Uli Hënes, presidenti i Bajernit të Mynihut, ka deklaruar sot: “Karlo Ançeloti u bë armik me 5 lojtarë. Nuk mund të vazhdohej ashtu, e pamundur të punosh kur ke kundër emrat më të të rëndësishëm. Një shprehje thotë: Armiku më i rrezikshëm ëdhtë ai në shtratin tënd. Në 3.30 të mëngjesit e morëm vendimin për largimin e Ançelotit”.

Por kush na qenkan këta 5 “profesorët” që i ishin kthyer kundër trajnerit?

Mediat gjermane zbulojnë emrat: Mats Humels, Zherom Boateng, Arjen Roben, Frank Riberi e Tomas Mylet. Të gjithë VIP-a, super të paguar, liderë dhe të adhuruar nga tifozët, por të ulur në stol herë pas here nga Ançeloti. Trajneri duhej fë rinovonte skuadrën, përveçse të fitonte trofe. Nuk e lejuan.

Karlo Ançeloti duket se e ka parashikuar largimin e tij nga Bajerni. Të mërkurën, në ndeshjen me PSG-në, ai luajti “blofin” duke rrezikuar në maksimum. Plani i tij ka qenë i qartë, të tregojë “tradhtarët”, të cilët janë Arjen Roben, Frenk Riberi, Mats Humels dhe Zherom Boateng. Italiani befasoi duke lënë jashtë 11-shit titullar pikërisht këta lojtarë, duke mos luajtur me asnjë mesfushor tipik krahu. Trajneri preferoi të luajë me sistemin 4-3-3, krejtësisht të ngjeshur, me lojtarë si Arturo Vidal, Korentino Toliso dhe Tiago Alkantara në mesfushë, që mbështesnin dyshen Tiago-Myler dhe më pas Levandovskin. Pra, saktësisht ai luajti me 4-3-2-1.

Prapaskena

“Sport1” ka zbuluar episodin kur italiani ka njoftuar formacionin e tij para skuadrës së tij. Sipas një lojtari, i cili normalisht që do të mbetet anonim, Ançeloti thjesht ka shkruar 11 emra në tabelë, ata të cilët do ta nisnin nga minuta e parë, dhe është larguar pa ndonjë koment shtesë. “Klubi duhej të vepronte. Dukej sikur trajneri po e provokonte vetë shkarkimin nga puna”, – shprehet burimi i televizionit gjerman.

Përshëndetja

Pavarësisht shkarkimit, Ançeloti nuk mund të mos tregohej zotëri me fjalët e fundit, siç është gjithmonë dhe për këtë nuk ka diskutim. “Ka qenë një nder i madh të jem pjesë e historisë së Bajernit. Dua të falenderoj klubin, lojtarët dhe tifozët e mrekullueshëm. Ciao dhe Mia San Mia!” – shkroi dje italiani në faqet e tij zyrtare në Facebook, Instagram dhe Twitter.

Sot drejtuesit e Bajernit kanë programuar një takim me trajnerin italian, ku nuk është çudi të arrihet në marrëvshje për mbyllje të bashkëpunimit.

Rumenige dhe Drejtori Sportiv Hasan Salihamixhiç nuk kanë lëshuar asnjë koment, por tashmë po analizohet gjithë ecuria e këtij sezoni dhe po mendohen dhe planet rezervë. Ndihmëstrajneri Uilli Sanjol është gati të vazhdojë si trajner i përkohshëm, ndërsa i lirë në treg në këtë moment është Tomas Tuhel, i cili ka marrë lëvdata nga Rumenige në të shkuarën.

Po Ançeloti? Një ofertë e jashtëzakonshme i ka ardhur me kohë nga Kina: nëse Ançeloti preferon milionat, avioni është gati ta çojë në Azi.

Gjermania është ngritur kundër trajnerit Karlo Ançeloti. Humbja poshtëruese 3-0 në Paris ka treguar limitet e këtij Bajerni. Por ajo që ka tërbuar më shumë gjermanët ka qenë formacioni që Ançeloti kishte hedhur në fushën e lojës. Frenk Riberi, Arjen Roben, Mats Humels, Zherom Boateng, asnjë në fushë që nga minuta e parë. Në fund Bajerni e ka paguar me një humbje të rëndë, ndërsa Karlo Ançeloti është përballur me një “uragan” kritikash.

Ançeloti mbrohet –  Ende pa u mbyllur ndeshja në Gjermani ka nisur të flitet për Nagelsman, për Jurgen Klop e për emra të tjerë. Duket se fati i Ançelotit është vendosur. Megjithatë tekniku italian ka mbrojtur idenë e tij dhe formacionin që kishte hedhur në fushë. pas ndeshjes Ançeloti ka deklaruar se në fushë ka qenë Bajerni më i mirë. “Nuk mund të them se kemi luajtur shumë keq. Kemi pasur kontrollin e topit, por na ka munguar shpejtësia dhe rrezikshmëria. Na ka munguar ekuilibri në fushë dhe për këtë jemi ndëshkuar. Nuk mendoj se kam rrezikuar shumë me rreshtimin e skuadrës në fushë. Kur hodha këtë skuadër në fushë, e bëra me besim të plotë se do të fitonim ndeshjen. Për mua si trajner i Bajernit, ai që nisi takimin ishte formacioni më i mirë. Sigurisht që e di se do të përballem me kritika, por kjo është diçka e zakonshme në profesionin tonë”- ka thënë Ançeloti.

Zgjedhjet – “Pësimi i golit shumë shpejt ndryshoi të gjithë strategjinë tonë. Ne kemi krijuar shanse por nuk ishte spak e lehtë. Nëse vazhdoni të më pyesni për formacionin, po e përsëris se ishte më i miri në fushë. Roben dhe Riberi nuk e kanë nisur titullarë për zgjedhja taktike”- ka thënë Ançeloti.

Arjen Roben – “Nuk mendoj se kemi luajtur keq, sigurisht që kemi shfaqur probleme, por kemi krijuar dhe mundësi për shënim që nuk i kemi shfrytëzuar. Formacioni? Nuk kam asgjë për të thënë për formacionin, sepse çdo fjalë do të ishte e tepërt në këtë moment. Ne na duhet qetësi dhe jo kaos.”

Tomas Myler – “Fakti që kemi pësuar një gol shumë të shpejtë ka ndryshuar të gjithë rrjedhën e takimit. Nuk i kishim bërë planet me një gol aq të shpejtë nga Parisi. Ne duhet të kishim mbrojtur më mirë. nëse do të flisja për formacionin do të bëja gabim, nuk jam njeriu i duhur për të folur për formacionin. Vendimet i merr trajneri dhe ai e ka pasur të qartë në kokë se çfarë ka kërkuar nga ne. Po ashtu ne e kemi të qartë se nuk kemi luajtur ashtu siç do të kishim dashur.”

Sezoni i dytë i trajnerit Karlo Ançeloti te Bajerni nuk do të jetë aspak i thjeshtë. Revista gjermane “Kicker” ka bërë një renditje të gjashtë çështjeve më delikate, të cilave italiani duhet t’u japë zgjidhje duke synuar në veçanti suksesin në Evropë. Lojtarët kryesorë të skuadrës janë çështje më vete, secili me nga një problematikë, kështu që 58-vjeçari duhet të jetë gati.

Levandovski – Sulmuesi para pak ditësh u shpreh shumë i zhgënjyer (me fjalët e agjentit të tij) për faktin që skuadra nuk e ka ndihmuar të bëhet kryegolashënues i kampionatit. Kjo nuk është pritur mirë në dhomat e zhveshjes së rekordmenëve dhe Don Karlo do të duhet të qetësojë gjendjen.

Riberi – Po, francezi është lojtar kryesor i Bajernit, por në disa ndeshje të rëndësishme, si ndaj Real Madridit, Ançeloti e ka zëvendësuar dhe 34-vjeçari ka reaguar keq. Ai duhet t’i bëjë mirë llogaritë, ashtu si trajneri, sepse Bajerni synon të blejë një lojtar tjetër anësor, plus që presion mund të bëjë edhe Koman.

Boateng – Dëmtimet e shpeshta, por edhe fakti që trajneri preferoi në qendër të mbrojtjes Humelsin dhe Martinezin në një ndeshje të madhe si gjysmëfinalja e Kupës së Gjermanisë, e kanë lëkundur humorin e lojtarit të kombëtares gjermane. Blerja e Zyles (20 mln euro) e ka rritur më shumë konkurrencën në mbrojtje, kështu që ndoshta në mbrojtje do të kemi tema të reja.

Myler – Në rreshtimin 4-3-3 ai nuk mund të jetë pjesë e formacionit, sepse nuk driblon dot, ndërsa me 4-2-3-1 i preferuari është Tiago. Vjet, kampioni i botës qëndroi në stol në pjesën më të madhe të ndeshjeve të rëndësishme. Ai nuk polemizoi, pasi e kuptonte që nuk ishte në formë, por vështirë se do të pranojë të jetë në hije edhe sezonin e ardhshëm.

Largimet – Lahm dhe Alonso nuk janë më pjesë e skuadrës dhe duhet gjetur mënyra më e mirë për kompensimin e mungesave të tyre. Ish-kapiteni ishte lider i padiskutueshëm, ndërsa Alonso lidhte spanjollët me gjermanët. Askush përveç tij nuk kishte mundur t’i kërkonte llogari Vidalit, kur ishte e nevojshme. Atëherë lind pyetja: Cili do të jetë në gjendje të vërë rregull vitin tjetër? Don Karlo shpesh është kritikuar për sjelljen e butë me futbollistët. A ka ardhur koha që ai të bëhet i ashpër? Ndoshta.

Stili –  Blerja e Tolisos, Rudit dhe Zyles janë rifreskim i skuadrës. Ritmi do të jetë më i lartë, ndoshta me humbjen disi të kontrollit të topit, por me vertikalizime më të shpejta. Pikërisht me këtë stil loje Bajerni arriti të fitojë Ligën e Kampionëve me Jup Hajnkesin dhe ndoshta kështu do të jetë vitin e ardhshëm.