Talenti ballkanas do i kushtojë Napolit rreth 15 milionë euro. Blerjen e konfirmoi edhe agjenti i lojtarit, Xhorxh Gardi. “Ky është një operacion historik në Turqi. Ishin negociata mjaft të lodhshme sepse Elmas kërkohej nga shumë klube. Prezenca e Ançelotit te Napoli ishte vendimtare”, përfundoi agjenti.

Megjithëse për shkodranin nuk pasur asnjë koment e kundërta ka ndodhur për Xhovani Di Lorencon. Mbrojtësi 25-vjeçar u ble për 8 milionë euro nga Empoli dhe shikohet si zëvendësuesi i ideal i Hysajt. Ançeloti ka thënë se pret shumë prej dhe ne Napoli mund të jetë trampolina që mund ta dërgojë atë drejt kombëtares italiane.

DI LORENCO – “Është eksperienca e tij e parë në një klub me një presion kaq të fort. Megjithatë, ka bërë një hap gjigant për karrierën e tij. Është një djalë serioz e shumë profesionist. Ka cilësi të mira dhe sigurisht që do të na bëhet i dobishëm. Shpresoj që ta shohë në kombëtare, kjo do më gëzonte shumë.

RIVALËT – “Juve mbetet skuadra për t’u mundur, por Interi ka filluar të bëhet shumë konkurrues në vitet e fundit dhe mund të synojnë për të fituar kampionatin. Përsa i përket Sarrit. Askush nuk e priste që shkonte te Juventusi. I kuptoj pakënaqësitë e tifozëve, por i tillë është profesionalizmi”.

MANOLAS – “Na ka ardhur një ndër lojtarët më të mirë në atë pozicion. Është një lojtar i madh dhe me Kulibalinë formon një çift të përkryer që do ta na lejojë të luajmë në mënyrë agresive duke mbajtur një linjë më të lartë në mbrojtje”.

Është arritur dakordësia mes të gjitha palëve dhe në ditët e ardhshme do të kemi lançimin e blerjes më të re të klubit italian. Edhe Atletiko ka shfaqur interes për 27-vjeçarin. Gjithsesi, blerja rekord e Zhoao Feliks për 126 milionë euro nga Benfika e nxjerr automatikisht nga gara klubin bardhekuq.

Për momentin po diskutohet formula e transferimit dhe shifra e blerjes së lojatrit. Ardhja e Hames pritet të jetë në formën e huazimit me blerjen përfundimtare në fund të sezonit të ardhshëm. Kolumbiani nga ana e tij ka arritur dakordësinë për të zbarkuar në Napoli. Bashkimi më një trajner të dashur për të si Ançeloti, është gjëja më e mirë për fantazistin.

“Jo, nuk është një humbje që djeg. E arritëm objektivin tonë që para tre javësh dhe bëmë një ndeshje të mirë. Tani shkojmë për pushime më pas do përgatitemi për sezonin e ardhshëm me qetësi”.

MERKATO – “Po qarkullojnë më shumë se 60 emra në lajme, mendoj që janë pak si shumë. Natyrisht që pjesa më e madhe janë gënjeshtra. Kualjarela? Në jetë gjithçka është e mundur”.

“I dhashë formë Napolin tim. Në pjesën e parë të sezonit arritëm nivele shumë të larta, në të dytën patëm një rënie për shkak të disa problemeve të vogla. Një sezon pozitiv ku vumë baza të shëndosha për vitin e ardhshëm” , përfundoi Ançeloti.

Trajneri beson te përmbysja. Sipas tij, nëse luajnë me zemër dhe me mendje, gjithçka është e mundur. Karleto jep dritën jeshile mbi qëndrimin e spanjollit Kajehon dhe e mbyll me humbjen e papritur të Juventusit mbrëmë.

MUNDËSIA E PËRMBYSJES – “Do të na duhet të luajmë me zemër dhe me tru. Duhet të mos na mungojë guximi. Nuk duhet të jemi aq të depërtueshëm në mbrojtje. Të bëjmë ndeshjen perfekte. Tifozët do të jenë një shtysë e madhe për të triumfuar. Rezultati na penalizon, por ne do bëjmë çfarë kemi në dorë.”

KAJEHON – “Do të qëndrojë. Kjo është dëshira e tij dhe e jona. Është një lojtar që e ndjen rëndësinë e fanellës së kësaj skuadre. Ai është pikë kyç për ne.”

KAPITULLIMI I JUVENTUSIT – “Mbrëmë u dëshmua se në Evropë gjithçka është e paparashikueshme. Juventusi nuk e përgatiti mirë ndeshjen. Ajaksi u tregua një ekip i madh. Ata gjithmonë prodhojnë lojtarë të mëdhenj. Në Itali është e pamundur të programosh për të ardhmen, sepse të gjithë duan rezultat menjëherë”, përfundoi Ançeloti.

Pjesa e parë e Napolit ishte shumë e dobët. Pavarësisht kësaj, Karlo Ançeloti ka zgjedhur qetësinë në dhomat e zhveshjes. Siç raportojnë mediat italiane, trajneri është shfaqur i përmbajtur në pushim, diçka në stilin dhe karakterin e tij.

Asnjë qortim, aspak nevojë për ngritje zëri, vetëm qetësi dhe besim për të bërë më mirë. Efektet u dhanë në 45-minutëshin e dytë. Napoli u “ringjall”, kërkoi golin, por Zielinski humbi një shans të artë për të rihapur sfidën.

Megjithatë, lojtarët kanë besim se do të kthejnë rezultatin në fushën e tyre. Trajneri ju ka rritur besimin dhe Napoli do të bëjë maksimumin për t’u kualifikuar në gjysmëfinalet e Ligës së Europës.

Megjithatë, viti 2019 ka ndryshuar krejtësisht raportin mes lojtarit dhe trajnerit. Hysaj është kthyer në të luajë si titullar te Napoli, duke fituar plotësisht besimin e trajnerit të njohur.

Me rregullimin e raportit mes të dyve hapi i radhës është rinovimi i kontratës. Marrëveshja aktuale midis Hysajt dhe klubit italian mbaron në vitin 2021, por sipas “Corriere dello Sport”, te Napoli kanë filluar negociatat e para për rinovimin e kontratës.

Kjo lëvizje vjen me miratimin e vetë trajnerit Karlo Ançeloti. Në javën në vazhdim drejtuesit e Napolit do të ulen në tavolinë me agjentin e lojtarit shqiptar për të parashtruar ofertën e tyre dhe për të dëgjuar kërkesat e futbollistit.

Sikur të mos mjaftonte mungesat e dy qendërmbrojtësve, spanjolli Raul Albion është gjithashtu i dëmtuar dhe Ançeloti do i duhet të hedhë sytë nga stoli. Në daljen për shtyp në përfundim të takimit, njëri prej gazetarëve e pyeti trajnerin italian nëse ekzistonte mundësia e zhvendosjes së Elseid Hysajt në qendër të mbrojtjes. Pyetje kjo që mori një përgjigje të prerë nga Ançeloti.

HYSAJ QENDËRMBROJTËS ? – “Nuk kam ndërmend të bëj shpike. Qendërmbrojtësit që kemi janë Çiriçes dhe Luperto.

INSINJE NË STOL ? – “Arsyeja është e thjeshtë. Isinje luajti 90 minuta kundër Juventusit dhe ishte më i lodhur se sa Milik dhe Mertens”.

NDESHJA – “Është një rezultat i mirë, por kemi dhe një ndeshje tjetër për të luajtur. Nuk  na lejohet të bëjmë llogari në këto momente. I lejuam të na kapni disa herë në kundërsulm edhe pse rezultati ishte 3 – 0 dhe mund të ishim treguar më të kujdesshëm”

“Ata janë një skuadër me lojtarë të shpejtë dhe me mushkri, sot e treguan këtë gjë. Do të na duhet të shënojmë të paktën një gol në ndeshjen e kthimit, përndryshe mund të rrezikojmë. Sot skuadra pati ekuilibër, por në fazën mbrojtëse bëmë një hap pas. Jemi me fat që kemi një porteri si Meret”.

“Është një episod polemik. Meret nuk pati kontakt me Ronaldon. Mund ta pranoj ndëshkimin për ndërhyrjen që tentoi, por më pas duhet të marrësh parasysh dhe faktin që po topi po shkonte drejt kornes dhe vendin ku ndodhej Alan”.

“Për derisa tani kemi sistemin VAR, përse arbitri nuk e pa tërësisht lajmin. Kartoni i kuq është shumë i dyshimtë, pasi Kristiano nuk kishte mundësi për ta kapur topin dhe Meret nuk e preku. Janë shumë elemente. Dy gabimet e vetme që bëmë në këtë ndeshje ishte pozicionimi i Zielinskit në golin e Pjaniç dhe në kornen ku nuk markuam Emre Çanin”.

“Juventusi është një skuadër më e mirë në aspektin e organizmit, temperamentit dhe dueleve, por ne kemi më shumë kualitet dhe teknikë. Te këto dy elementë duhet të bazojmë lojën tonë”.

“U surprizova nga reagimi i skuadrës kur loja u bë 10 kundër 10. Na duhet të kemi më shumë besim te aftësitë tona”, tha Ançeloti.

“Nëse ka një gjë që më bën të çmendem, është kur lojtarët duan t’i bëjnë vetë të gjitha. Si në rastet kur një lojtar duhet ta pasojë medoemos topin dhe nuk e bën këtë gjë. E kam paguar shtrenjtë këtë bindje timen. Te Real Madrid, gjëja që nisi krisjet e para midis meje dhe Florentino Perezit ishte kur nxora nga fusha Gareth Bejlin në një ndeshje kundër Valencias (Reali humbi 2 –  1)”.

“Ai kishe një rast të shkëlqyer ku duhej ta pasonte topin te Benzema që ishte me portë bosh dhe pa mbrojtës. Nëse do t’ia jepte topin Benzema do shtynte topin dhe ne do shënonim. Bejl në vend që të bënte këtë gjuajti vit. Më pas unë e zëvendësova dhe ai moment ishte fillimi i fundit të qëndrimi tim te Reali”, tha Ançeloti.

“Oskarin do t’ia jepja Karlo Ançelotit. Ai erdhi në një territor shumë shumë kompleks e të ndërlikuar me një buzëqeshje dhe qetësi që ndikoi të të gjithë ne. Ai ishte i aftë të krijonte këtë atmosferë fantastike që ekziston tani. Ai pati aftësinë për të krijuar këtë grup”, u shpreh De Luarentis.

Që prej emërimit të Karlo Ançelotit në krye të Napolit gjatë verës së kaluar midis tij dhe presidentit De Laurentis është ndërtuar një raport që rrallë e shohim në klube të tjera. Pothuajse çdo javë njëri prej tyre lëshon një kompliment për tjetrin. Të shohin sa do të zgjasë kjo dashuri kaq e theksuar midis të dyve.

Trajneri  i Napolit, Karlo Ançeloti, në një prononcim për faqen zyrtare të klubit dha një koment për shortin, ku vlerësoi forcën dhe eksperiencën e kundërshtarit.

“Salcburgu është një klub i madh  që ka eksperiencë në të tilla nivele. Mjafton të kujtojmë se disa muaj më parë ishin një ndër gjysmëfinalistët e këtij kompeticioni, ndërsa këtë edicion kanë arritur gjashtë fitore në po aq ndeshje. Na presin dy takime të bukura”, u shpreh trajneri i Napolit.

Takimet e vlefshme për turin e 1/16-ve të Europa League do të zhvillohen më datë 7 mars në Napoli dhe ndeshje e kthimi një javë më vonë më datë 14.

“Skuadra reagoi mirë pas humbjes ndaj Liverpulit. Ishte zhgënjyese, por të gjithë jemi të vetëdijshëm se asgjë nuk ka ndryshuar në lidhje me ambicien dhe projektin e klubit. E ardhmja e Napolit është e ndritur, skuadra është e re dhe do të vijnë edhe lojtarë të tjerë të rinj. Këtu po ndërtojmë një ekip për të ardhmen. Nuk mund të dal garant këtë vit, por së shpejti do të fitojmë diçka”.

“Një trajner gjykohet nga rezultatet, por pavarësisht eliminimit nga Champions, skuadra tregoi se është e aftë të luajë si e barabartë ndaj ekipeve më të forta në Europë dhe kjo është një gjë shumë e rëndësishme për mua. Tani jemi në Europa League, një kompeticion që është fituar nga dy klube të mëdha në dy vitet e fundit (Junajtid dhe Atletiko Madrid). Do të kërkojmë që të jemi protagonistë. Përballjet me skuadra si PSG-ja dhe Liverpuli na kanë dhënë një eksperiencë shumë të vlefshme për këtë kompeticion”, përfundoi trajneri i Napolit.

Ai gjithashtu nuk heziton të mbrojë të tijtë, pavarësisht eliminimit, teksa shton: “Nuk duhet të ketë keqardhje për asgjë. Ne kemi bërë më të mirën dhe kemi humbur vetëm prej fatit të keq. Shpresoj të kthehemi më të fortë në ligën e Europës”.

“Ne bëmë gjithçka mundëm në një grup të vështirë, arritëm të luanim kualifikimin deri në minutën e fundit. Sinqerisht më vjen keq por mungon pak”. Napoli do vazhdojë rrugëtimin ,por tani në Europa League, ku  do gjeje ekipe pretendente si Milani, Arsenali e Çelsi.

“Nuk e kam di si luan Liverpuli, por e di si mund të sigurojmë kalimin më tej. Kemi avantazhin e fitores në ndeshjen e parë, pasi ai rezultat na jep besim dhe bindje për të fituar. Nuk e di a do të jemi të aftë ta përsërisim atë që bëmë në Napoli, pasi varet nga forma e kundërshtarët, por rëndësi ka qe e dimë si munden ata “Ne kemi lojën tonë. Nuk kemi pse t’i përshtatemi kundërshtarit”.

“S’duhet të harrojmë që nesër kemi një test shumë të rëndësishëm.  Është mbarimi i një pune të gjatë, na duhet të vendosim “tullë e fundit” për të kompletuar çdo gjë”.

STADIUMI DHE TIFOZËT – “Anfield” është një ndër stadiumet më të mirë në botë. Të gjithë e dimë me çfarë pasioni shoqërohen ndeshjet aty. Është gjithmonë bukur të luash takimet në stadiume të këtij statusi. Nuk do të jemi pa mbështetje, pasi do të kemi 3000 fansa tanë në stadium  dhe 40 milionë të tjerë anembanë planetit”, tha Ançeloti

Më shumë se një vit pas asaj dite, Karlo Ançeloti shuan heshtjen dhe flet për situatën e atëhershme në klubin bacarev. “Shkarkimi im te Bajerni është i vetmi peng i karrierës sime”, thotë Ançeloti në një intervistë për “Gazzeta Dello Sport”.

“Doja të ndryshoja shumë gjëra, por drejtuesit e klubit nuk ishin të të njëjtit mendim. Ata nuk donin të ndryshoni strukturën dhe filozofinë e klubit. Në të njëjtën kohë, ata nuk pranuan të bënin një ndryshim brezash në skuadër, diçka pasojat e të cilës Bajerni po i vuan tani”, tha tekniku italian.

Siç raportojnë mediat italiane Hysaj me shumë gjasa do ta nisë nga stoli ndeshjen ndaj Liverpulit. Vendin e tij në të djathtë të mbrojtjes pritet që ta zërë Kevin Malkuit, i cili la Lilën në verë për të shkuar në Itali. Francezi ishte titullar ndaj parmës, por u aktivizua dhe ndaj Juves në pjesën e dytë.

Hysja është konsideruar i paprekshëm, por fakti që 27-vjeçari po luan në arenën ndërkombëtare mund ta vërë në pikëpyetje paprekshmërinë e lojtarit kuqezi. Një paraqitje e mirë e Malkuit ndaj “The reds” me shumë mundësi do ta ndryshonte hierarkinë në krahun e djathtë të mbrojtjes napolitane dhe ky është një lajm i keq për Hysajn.

“U treguam të ngadaltë në pasime dhe në marrjet e topit, shto këtu dhe disa gabime që s’na u ndanë gjatë të gjithë lojës. Humbëm dy pikë të rëndësishme, në një grup shumë të vështirë, por kemi dhe pesë ndeshje të tjera. S’duhet ta bëjmë dramë këtë humbje. Momentalisht renditemi të dytët, nuk është nevojë për të qenë negativë”.

“Kur na mbeten vetëm 15 minuta u bë e pamundur për të luajtur futboll të vërtetë. E kam parë disa herë Crvena Zvezdën teksa e bën këtë. Ata janë profesionistë në harxhimin e kohës e simulimet dhe në disa momente gjyqtari ra në grackën e tyre”, përfundoi Ançeloti.

Përballja kundër PSG-së – “E shoh me entuziazëm rikthimin tim në Paris edhe pse këtë herë si kundërshtar në fushë. Do të përballem me një PSG që ka ndryshuar së tepërmi që nga viti 2013 kur unë u largova. Klubi ka ndryshuar shumë, ka bërë investime të mëdha dhe ka shumë më tepër eksperiencë. Tani mund të thuhet me plot gojë se PSG-ja është një klub i madh. Jam shumë i kënaqur që do të kthehem në Parc des Princes dhe të takoj disa prej lojtarëve si Tiago Silva, Rabiot, Mota, Verrati, Pastore. Kemi kujtime të këndshme së bashku.”

Kujtimi më i bukur nga Parisi – “Sigurisht që ka qenë fitimi i kampionatit francez. Ata e ndiqnin prej 14 vjetësh dhe ky është një kujtim i paharrueshëm. Më vjen mirë që kam qenë pjesë e këtij klubi, që e kam ndihmuar të organizohet më mirë dhe të ndërrojë mentalitetin e vet.”

Largimi për në Madrid eh Al-Kelaifi – “Do të dëshiroja që ajo histori të kthehej mbrapsht dhe gjërat të rridhnin ndryshe. Nuk ka qenë një sjellje korrekte, nuk ishte një situatë shumë e këndshme, sepse unë dëshiroja të largohesha dhe klubi që këmbëngulte që unë të vijoja punën në Paris. Kemi pasur disa mosmarrëveshje, por sot që flasim ruajmë marrëdhënie të mira. kujtoj se i kam dërguar Al Kelaifit një mesazh pas fitores madhështore 4-0 kundër Barcelonës. Të njëjtën gjë kam bërë dhe pas humbjes 1-6 në Barcelonë, i kam dërgua një mesazh për t’i dhënë kurajë. Ajo ishte një ndeshje e shënuar në historinë e futbollit. Edhe mua më kishte ndodhur një dramë e tillë në Ligën e Kampioneve me Milanin kundër Liverpulit në finalen e vitit 2005.”

Verrati dhe Barcelona – “Nuk më pëlqejnë shumë këto lloj diskutimesh. Gjatë merkato ka shumë lojtarë që duan të largohen, por ende nuk arrij ta kuptoj nëse është vërtet një dëshirë për t’u larguar, apo për të bërë presion mbi klubet për të përmirësuar kushtet e kontratës. Jam i bindur se Verrati ka kërkuar rishikimin e kontratës.”

Diferencat mes Bajernit dhe PSG-së – PSG-ja është në kërkim të krijimit të nj identiteti me lojtarë si Nejmar dhe Mbape. Tek Bajerni, shihet për të tjera gjëra, sepse ky klub ka një identitet të mirëformuar. Por, unë mendoj se Parisi tashmë është në nivelin e më të mirëve.”

Frikë nga PSG-ja – “Jo, absolutisht jo. Ruaj shumë respekt, pasi janë përmirësuar ndjeshëm. Sulmi i tyre nuk ka zili as klube si Bajerni, Reali apo Barça, janë në të njëjtin nivel.”

Një rikthim në të ardhmen – “në futboll gjithçka është e mundur, por tani jam i lumtur në Mynih. Kur Bajerni të lodhet me mua do të mendoj për të ardhmen, tani jo. Por personalisht mendoj se mund të drejtoj dhe për 10 apo 15 vite të tjerë.”

Pas barazimit 2-2 me Volfsburgun, gjërat nuk janë njësoj te Bajerni. U mendua se fitoret bindëse me Maincin dhe Shalken ishin sinjalet e kalimit të krizës, por ajo që mund të kuptohet me lehtësi është se skuadra bavareze ka një problem me veten. Nuk ka lidhje as me skemën, as me formacionin, as me detaje teknike. Madje, edhe forma fizike nuk përmendet më, sepse Bajerni praktikisht luan futboll dhe të mirë. Çështja është se nuk luan për 90 minuta. Lojtarët e Karlo Ançelotit po përgatiten për ndeshjen në Champions League ndaj PSG-së, por nuk janë gati. Mbrojtja “fut ujë”, skuadra nuk është fare e përqendruar dhe trajneri italian është duke u kritikuar pa mëshirë nga çdo kënd.

Ançeloti
58-vjeçari, në fakt, nuk është i shqetësuar me luhatjet që skuadra e tij ka në rezultate, kryesisht në Bundesligë, ku ndodhet i treti me 3 pikë pas Dortmund, por me karakterin që djemtë duhet të tregojnë në fushë. “Patëm shumë mundësi dhe raste për ta fituar atë ndeshje, por gabuam në fund. Nuk luajtëm ashtu si duhet, pasi ishim më të avashtë se zakonisht, nuk kishim intensitet në fushë. Po luajmë çdo tri ditë, na kuptoni”, – ishin fjalët e Karletos pas barazimit në “Allianz Arena”. Trajneri italian premton se nuk do të ketë më të tilla barazime si ky i fundit, kur nga avantazhi 2-0 skuadra pëson dy gola në fushën e tij. Ai beson se ndaj parisienëve skuadra do të reagojë duke treguar një fytyrë tjetër. “Është një ndeshje e vështirë dhe luajmë në një fushë të vështirë. Por nuk kemi frikë, pasi jemi një ekip i madh dhe unë pres që skuadra të reagojë ashtu si duhet në këtë ndeshje. Duhet të tregojmë se ai barazim në kampionat ishte një rastësi. Unë pres shumë nga ekipi dhe jam i bindur se do të bëjmë një ndeshje të mirë”.

Tradita
Ndeshja me PSG-në është edhe një çështje filozofie. Bajerni do të tentojë të tregojë se futbolli tradicional, pa blerje të bujshme, pa marketing me çdo kosto, pa pronarë nga Katari, pa shpenzime marramendëse, por me ecurinë e arsyeshme të një klubi normal, mund të mposhtë një shtet të tërë, vendin e naftës dhe teprisë.

Ky në futboll quhet problem luksi, që 58-vjeçari është mësuar ta ketë kudo ku ka punuar. Italiani nuk vuajti aspak, edhe pse aktualisht i mungojnë Manuel Nojer dhe David Alaba gjithashtu, kurse Arjen Roben ishte me grip. Së bashku, pesë lojtarët që ai la në stol numërojnë 324 ndeshje me kombëtaret.

Së bashku ata kushtojnë rreth 150 milionë euro. Bajerni fitoi 3-0 ndaj Shalkes dhe bindi me lojë, sidomos prej kthimit të Hames Rodrigezit në formën e tij të zakonshme.

“I shoh të gjitha ndeshjet e Bajernit dhe kam përshtypjen se entuziazmi i skuadrës ka humbur. Ançeloti fajtor? Epo, kur je duke u plakur, e humb pasionin dhe vullnetin. Kjo është jeta”, është shprehur Saki për mediet gjermane. Deklaratë e fortë, apo jo? Arjen Roben, në fundjavë, kur u pyet se çfarë bëri Ançeloti për të sjellë në formë skuadrën, u përgjigj: “Asgjë të veçantë”. Pra, duket qartë se lojtarët kanë diçka me trajnerin e tyre.

Saki ka vijuar me analizën e tij. “Lojtarët e Bajernit po shfaqin mungesë përqendrimi në mbrojtje. Kjo nuk duhet të ndodhë në skuadrat e mëdha. Mbase atyre u duhet ndryshim, kjo do t’u bënte mirë. Ançeloti, megjithatë, ka qenë i suksesshëm kudo. Më gjeni një trajner të sotëm, i cili ka fituar tri herë Ligën e Kampionëve”.

Ndeshja – Sot Bajerni do të luajë me Maincin në “Allianz Arena”. Ançeloti, në konferencën për shtyp një ditë para takimit, nuk u pyet aq shumë mbi ndeshjen, sa për kontratën e tij në Mynih dhe a e ndien veten të rrezikuar. “Absolutisht jo. Kam kontratë deri në 2019 dhe shpresoj të qëndroj dhe më gjatë. Nuk jemi në formën ideale, por edhe aq të keqe sa e bëni ju. Do të përmirësohemi”, – deklaroi italiani. I pyetur për formacionin, ai u shpreh: “Boateng është gati ta nisë si titullar. Me klasin dhe përvojën e tij, kemi një avantazh të madh. Rotacion? Jo, nuk mendoj se do të  ketë”.

Gjendja – Bajerni nuk është aspak mirë. Pas miqësoreve të turpshme të gushtit, skuadra po luan dobët edhe në kampionat dhe, ndonëse fitoi 3-0 me Anderlehtin, lojtarët patën përplasje me njëri-tjetrin. Humbja 2-0 me Hofenhajmin fundjavën e kaluar ishte një alarm i madh dhe mediet kanë nisur me kritikat, ashtu si ekspertët e futbollit gjerman. Përveç kësaj, disa lojtarë kryesorë si Robert Levandovski, Tomas Myler dhe Frenk Riberi po shprehen në versione krejt të pazakonta, duke u ankuar brenda dhe jashtë fushës. Drejtuesit kanë nisur me dënime dhe gjoba, por ndoshta këto nuk do të mjaftojnë dhe “kokë turku” do të bëhet Karletoja.

Pasuesi – Ky lajm bëhet edhe më i besueshëm duke kujtuar një tjetër para tij. “BBC” para pak ditësh raportoi se Julian Nagelsman po projektohet si pasues i Ançelotit për verën e ardhshme. Mos vallë është rastësi që trajneri i Hofenhajmit nuk u shkrua se do të lërë ekipin e tij në vitin 2019, kur i përfundon kontrata, por fiks vitin që vjen? Pra, janë dy lajme të ngjashme, të cilat kanë trazuar jo pak gjërat në Mynih. Ndryshime të mëdha priten!

Reagimet – “Myler luan gjithmonë”, deklaronte ish-trajneri i Bajernit, Luis van Gal, në vitin 2010, por gjithçka ka ndryshuar tashmë. Në vend të tij, në rolin e trekuartistit, janë provuar Tiago Alkantara, Hames Rodrigez dhe Arturo Vidal. Nga Federata Gjermane e Futbollit ka pasur reagime të shumta në mbështetje të mesfushori ofensiv, si Oliver Birhof dhe Sami Kedira, ashtu si edhe nga disa legjenda të futbollit gjerman, mes tyre Otmar Hicfeld dhe Lotar Mateus, por deri tani askush te Bajerni, përjashto drejtorin sportiv Hasan Salihamixhiç, nuk ka reaguar. Pra, është fjala për drejtuesit Rumenige e Hënes. “Sport Bild” e komenton këtë duke theksuar se kësaj dysheje nuk i ka ardhur mirë nga mënyra se si i merr vendimet Ançeloti. Ky i fundit, megjithatë, ka mbështetjen e klubit, sidomos për aspektet teknike, ku askush nuk ndërhyn. Pyetja që lind është kjo: duke marrë parasysh shitjet spektakolare të verës që lamë pas dhe ofertat e shumta, mos vallë Myler do të tentojë largimin?

Ançeloti

Trajneri i Bajernit, Karlo Ançeloti, në konferencën e djeshme për shtyp dha një lajm të mirë për çdo tifoz bavarez i cili ëndërron edhe një blerje tjetër në këtë merkato vere. I pyetur nëse klubi do të bëjë edhe një lëvizje tjetër, ndoshta duke menduar për ndonjë sulmues të dytë në vend të polakut Levandovski, ai nuk e mohoi. “Nuk e përjashtoj kategorikisht si mundësi. Duhet të presim edhe një javë. Gjithçka mund të ndodhë, asgjë nuk është e pamundur”, – tha italiani. Pra, me pak fjalë, brenda kësaj jave kampionët e Gjermanisë mund të zyrtarizojnë një blerje të fundit. Në lidhje me Hames Rodrigezin, i cili po stërvitet veçmas pas dëmtimit në kofshë, Don Karlo saktësoi: “Hames do të vizitohet në Mynih të hënën dhe, nëse do të jetë mirë, nuk e kam problem që ai të grumbullohet me kombëtaren kolumbiane”. Për çështjen e mesfushorit Renato Sançes, i cili mund të huazohet te një skuadër tjetër, 58-vjeçari u tregua i hapur. “Konkurrenca këtu është e madhe. Nëse ai qëndron, do të jem i lumtur. Nëse vendos të provojë veten diku ku mund të luajë më shumë, e mirëpres largimin e tij”.

Nojer

Lajmi tjetër i mirë për bavarezët është se sot pritet rikthimi i portierit Manuel Nojer. Kapiteni ka që nga fundi i sezonit të kaluar që nuk luan, por tashmë është gati, ashtu si edhe Tiago Alkantara dhe Havier Martinez. Sot mungojnë vetëm tre lojtarë, Huan Bernat, Zherom Boateng dhe Hames Rodrigez. Pra, skuadra e Bajernit po formohet e tëra me yjet të gjithë gati për lojë.

“Pa diskutim që ky është grup fantastik dhe emocionues, me skuadra madhështore si PSG-ja. Për mua është diçka e këndshme që do të ndeshem me ish-skuadrën time. PSG-ja është përmirësuar shumë me blerjen e Nejmarit. Dihet se Selltiku ka një mbështetje të jashtëzakonshme nga tifozët, kurse Anderlehti nuk mund të nënvlerësohet, si kampion i Belgjikës që është. I shoh si tri skuadra krejtësisht të ndryshme”, – ka qenë reagimi i 58-vjeçarit për shortin.