Amsterdam

Ndeshja e shekullit, në Amsterdam nuk ka më fanella!

Sport Ekspres — Wed, 08 May 2019 17:53:51 +0000

Ajaksi do të përballet me Totenhemin sot në mbrëmje, në ndeshjen që do të përcaktojë rivalin e Liverpulit në finalen e Champions League.

Është ndeshja e shekullit për të dyja ekipet dhe Amsterdami është zbukuruar për ditën e madhe.

Pak para fillimit të ndeshjes, gjithë fanellat e Ajaksit për të rritur, nëpër dyqanet zyrtare të klubit, janë shitur, nga qendra e qytetit deri në stadium.

?! Just ?!#UCL #ajatot pic.twitter.com/AxQpsumrOa

— AFC Ajax (@AFCAjax) May 8, 2019

VIDEO / Transformimi i “Amsterdam Arena”, 24 orë nga koncerti në Champions

Sport Ekspres — Fri, 26 Oct 2018 18:35:46 +0000

Në stadiumin e Ajaksit të Amsterdamit, “Johan Cruijff Arena” (Amsterdam Arena), nuk organizohen vetëm ndeshje futbolli, por edhe dhjetëra koncerte. Për të bërë këtë transformim të fushës, në mënyrë që të jenë gati duhen shumë njerëz dhe kujdes.

Në Holandë duket se e kanë mjeshtëruar procesin e transformimit të stadiumit në një arenë koncerti dhe anasjelltas. Në videon e mëposhtme mund të shihet sesi stadiumi shndërrohet në një arenë koncerti për mbrëmjen e së dielës dhe rikthehet menjëherë në formën e tij të mëparshme për ditën e henë, ku në Holandë “zbarkuan” portugezët e Benfikës, në kuadër të ndeshjeve të Champions League.

De Ligt injoron Barcelonën e Sitin, deklarata në TV bën xhiron e botës

Sport Ekspres — Sun, 14 Oct 2018 20:18:19 +0000

Matis De Ligt debutoi më 21 shtator të 2016-ës me fanellën e Ajaksit. Një muaj e gjysmë më parë kishte mbushur 17-vjeç dhe i ishte thënë shpesh se duhej treguar i duruar, pasi gjithçka kërkon kohën vet. Por, për qendërmbrojtësin e ri rruga drejt majës do të kalonte sa hap e mbyll sytë.

Iu deshën pak javë për të bindur trajnerin Piter Boz dhe mori një vend titullari përballë futbollistëve me shumë eksperiencë. Ndërkohë, pak muaj më vonë debutoi me kombëtaren Holandës. Sezonin e ardhshëm iu besua shiriti i kapitenit edhe pse vetëm 18-vjeç.

De Ligt duke festuar golin e tij të parë me Ajaksin në debutimin në 21 shtator të 2016-ës

Tani është në sezonin e tij të tretë me ekipin e parë të Ajaksit dhe ofertat nga klubet “BIG” nuk po mungojnë. Fansat e Ajaksit të Amsterdamit e kanë parë shumë herë këtë film dhe e dinë shumë mirë që nuk do ta shohin për shumë kohë në kryeqytet, ashtu siç ka ndodhur me shumë talente të tjerë. Por, ndoshta ky mund të jetë një lojtar unik.

Dje, menjëherë pas fitores historike 3-0 ndaj Gjermanisë, ku ishte ndër më të mirët e “tulipanëve”, De Ligt u mor në intervistë nga një gazetar holandez, i cili e ngacmoi mbi një pyetje për kalimin në një ekip elitar evropian: Cilin klub preferon: Mançester Sitin apo Barcelonën? Përgjigja e 19-vjeçarit ishte e shpejtë dhe befasuese: Ajaksin!

Reporter: "Which club do you prefer: Manchester City or Barcelona?"

Matthijs de Ligt: "Ajax" pic.twitter.com/lRfImdNiDW

— Troll Football Media (@Troll__Footbal) October 14, 2018

Me këtë përgjigje me siguri që ia ka rrëmbyer zemrën çdo tifozi të Ajaksit, por edhe më gjërë në planet, pasi në futbollin modern lojtarët besnik janë në zhduke. Gjithsesi vështirë se Ajaksi do ta bllokojë karrierën e këtij talenti të destinuar për të luajtur në majën e futbollit botëror.