2.1 milionë euro ka paguar Verona te Dinamo e Zagrebit, duke fituar konkurrencën me Sëlltikun dhe Standardin e Liezhit. Rrahmani luan në të gjithë rolet e repartit të mbrojtjes dhe është gati për të provuar emocionet kampionatit italian.

Forma e tij ka ardhur gjithnjë në rritje dhe sot është lideri i mbrojtjes së përfaqësueses së Kosovës, që po arrin rezultate fantastike. Rrahmani luajti për 3 sezone me skuadrën e Dinamo Zagrebit, ku shënoi 4 gola në kampionatin kroat.

Në Shqipëri ai ka mbajtur veshur fanellën e Partizanit për dy sezone (2013/14 dhe 2014/15). Tashmë do të provojë Serie A dhe kontrata e tij me Hellas Verona do të jetë e vlefshme për 4 vite. Padyshim ky është një hap i madh për mbrojtësin 25-vjeçar.

Transferimi nga Dinamo Zagreb drejt Serie A është bërë i mundur nga Nusi Jashai, i njëjti person që transferoi Shkodran Mustafin te Sampdoria në janarin e vitit 2012.

2.1 milionë euro ka paguar Verona te rekordmenët kroatë, duke fituar konkurrencën me Sëlltikun dhe Standardin e Liezhit. Rrahmani luan në të gjithë rolet e repartit defensiv dhe është gati për të provuar emocionet kampionatit italian.

Forma e tij ka ardhur gjithnjë në rritje dhe sot është lideri i mbrojtjes së përfaqësueses së Kosovës, që po arrin rezultate fantastike.

Hellas Verona do të jetë destinacioni i radhës i 25-vjeçarit. Gazetari i njohur, Gianluca Di Marzio, ka bërë publik marrëveshjen mes palëve, ndërsa lojtari i rritur në Prishtinë ka nënshkruar një kontratë 4-vjeçare. Rrahmani, i cili refuzoi Standartin dhe Sëlltikun, është një lojtar që i bën të gjitha rolet e repartit defensiv, qendrën edhe krahët.

Rritja e tij ka qenë e dukshme, ndërsa numëron dhe tre gola të shënuar në 19 ndeshje me Kosovën. Tani është gati për të provuar forcat e tij në Serie B, me një ekip që synon rikthimin mes më të mirave.

Il primo acquisto dell’@HellasVeronaFC sarà Amir #Rrahmani, difensore della Dinamo Zagabria @SkySport #calciomercato

— Gianluca Di Marzio (@DiMarzio) June 20, 2019

“Mund të them se ky gëzim ndoshta mund të ketë qenë më i madhi i jetës sime. E treguam që jemi një ekip i fortë si në Kosovë edhe jashtë. Luajtëm si skuadër e madhe. I thashtë lojtarëve para ndeshjes që duhet të besojmë te fitorja, duhet të besojmë që jemi më të mirë se kundërshtari, s’duhet të kemi frikë askënd”.

“Kur të vijë koha e Çekisë do të fokusohemi me atë ndeshje. Të them të drejtën mendoj se kemi humbur katër pikë me Malin e Zi dhe Bullgarinë, pasi mendoj se ato të dyja kanë qenë ndeshje që patëm mundësi t’i fitonim”.

Kampionët e Skocisë dhe klubi francez e pëlqejnë shumë 25-vjeçarin e lindur në Prishtinë, i cili bën mirë çdo rol të repartit defensiv, por për ta mund të jetë tepër vonë. Sipas raportimeve të mediave belge, Standardi është një hap përpara dy klubeve të tjera, pasi ka nisur negociatat me homologët kroatë.

Rrahmani numëron 22 ndeshje të zhvilluara me Kosovën (ka luajtur edhe dy ndeshje me Shqipërinë) dhe është kthyer në një pikë fikse të kampionëve kroatë. Ai është gati për të hedhur një tjetër hap cilësor në karrierën e tij dhe Belgjika duket se do të jetë stacioni i radhës.

Vetë lojtari e pëlqen një transferim te Standardi, edhe pse nuk mund të përjashtohen oferta surprizuese nga Sëlltiku dhe Amiens në momentet e fundit.

ISMAJLI (307) – “Hera e gjashtë në formacionin më të mirë. 63 pasime të sakta nga 67 të tentuara (asiste 0/1, brenda zonës 0/1), një goditje në portë, 10 duele të fituara nga 13, dy driblime të kryera, një sulm i nisur me sukses nga dy tentativa. 8 krose, 6 topa te rikuperuar (1 në mesfushën kundërshtare)”, shkruhet në vlerësimin e bërë për mbrojtësin e kombëtares shqiptare.

RRAHMANI (292) – Ndërkohë në vlerësimin e bërë për Rrahmanin thuhet: “E gjashta herë që Rrahmani përfshihet në formacionin më të mirë. Shënoi një gol, ndërkohë që pasoi 43 herë saktë nga 48 tentativa. Provoi të pasonte në zonë dy herë, por vetëm një herë ia doli me sukses. Pa sukses në dy driblime që ka nisur, ndërkohë që ka fituar 4 nga tetë duelet me kundërshtarët. Gjithashtu ai ia ka dalë të nisë dy aksione sulmuese dhe vetëm në një rast nuk ia ka dalë. Rrahmani ka fituar shtatë duele ajrore, dy në mesfushën e kundërshtarit”.

“Ka qenë një ndjenjë e jashtëzakonshme fitimi i kampionatit për herë të dytë. E mbyllëm gjashtë javë para fundit. Arritëm të kryesonim grupin e Europa League, ku kishim kundërshtar si Fenerbahçe, Anderleht dhe Spartak Tërnava”.

“Mendoj se ky është sezoni im më i mirë. Jemi bërë një ekip shumë më i fortë se vitet e kaluara. Kanë ardhur shumë lojtarë të rinj dhe një trajner i ri, i cili ka bërë shumë rotacione midis Kupës, Kampionatit dhe Europa League”.

E ARDHMJA – “Dinamo është një klub që ka bërë shumë shitje me vlera të mëdha gjatë dy viteve të fundit. Nëse vjen një ofertë e mirë dhe klubi është dakord pse jo. Kampionati i preferuar? Ndoshta në Gjermani, aty do të ishte kampionati ku do ndihesha më mirë ”.

UZUNI –“Shpresoj që të kalojë në një ekip më të mirë, pse jo dhe te Dinamo. Dihet që Dinamo e Zagrebit merr gjithmonë lojtarët më të mirë. Uzuni ka bërë një sezon shumë të mirë shpresoj që ta kapin zonës e Europës, megjithëse do të jetë e vështirë”.

PARTIZANI – “Nuk e di a do të jem në festën e titullit. Partizani e ka merituar plotësisht këtë titull”.

Një rreshtim 3-4-3, me Rrahmanin të vendosur në krahun e majtë të katërshes së mesfushës. Të dhënat e marra nga Instat Sports e vlerësojnë mbrojtësin me 354 pikë, vlerësim i njëjtë me portierin e Inter Zapreshiç, Mladen Matkoviç, i cili është zgjedhur edhe lojtari më i mirë i javës.

SHIFRAT E RRAHMANIT– Në dy sulme ai ka arritur të shënojë një gol, ndërkohë që numëron edhe 46 pasime të sakta nga 49 që ka tentuar. Mbrojtësi, i pozicionuar në të majtë, ka fituar 9 nga 11 duele, si dhe tre nga pesë driblimet i ka kryer me sukses. Gjithashtu Rrahmani ka nxjerrë dy herë skuadrën e tij në sulm si dhe ka ndaluar dy herë kundërsulmet e Osijekut.

ISMAJLI DHE KASTRATI – Shqiptarët e tjerë që kanë spikatur këtë javë në Kroaci janë Ardian Ismajli dhe Lirim Kastrati. Mbrojtësi i kombëtares sonë ka arritur të japë pasa më shumë se çdo lojtar tjetër. Nga 93 pasime të nisura, 82 ai i ka dërguar në destinacion. Kastrati, i rikthyer në formacion me Lokomotivën, numëron krosimet më të shumta, teksa ka në katër tentativa ka shërbyer saktë për shokët e skuadrës së tij.

Pas tri vitesh të mbushura me punë e sakrificë, kalimi i Olmos në Kroaci ka sjellë rezultate të pabesueshme. 20-vjeçari është lojtari më i dalluar i Dinamos dhe pak muaj më parë u shpall lojtari më i mirë në Kroaci.

Ecuria e spanjollit ka sjellë interesin e shumë klubeve elitarë në Europë, ndër to dhe ish-klubi i Barcelonës. Megjithatë, së fundmi në garë për Olmon është futur Bajerni i Mynihut.

via GIPHY / Driblimi fantastik i Olmos kundër 6 lojtarëve të Rijekës

Mediet kroate raportojnë se “gjiganti” gjerman kishte dërguar skautë në takimin midis Dinamos dhe Pëlzenit si dhe në ndeshjen në kampionat kundër Osijekut. Me shumë gjasa Olmo do të shitet në merkaton e verës dhe nga shitja e tij prite të vendoset një rekord i ri për transferimin më të madh në kampionatin kroat, që momentalisht mbahet nga transferimi i Marko Pjacës, i cili u ble tri vite më parë për 25 milionë nga Juventusi.

Nuk është një formacion dosido dhe subjektiv, pasi i referohet shifrave të ofruar nga InStat Sport. Gjithsesi të mbetemi tek emri i lojtarit. Amir Rrahmani është ai që ka spikatur me Dinamon e Zagrebit dhe ajo që bie në sy ka të bëjë me faktin se është i pozicionuar si mbrojtës i majtë.

Kroatët e kanë aktivizuar edhe herë të tjera në atë pozicion ish-futbollistin e Partizanit. Formacioni i më të mirëve dominohet nga lojtarët e Dinamos së Zagrebit, pasi janë tetë të përzgjedhur pas fitores 3-0 të regjistruar kundër Slaven Belupo. Madje ishte një ndeshje supergolash.

Sa i takon shifrave, Rrahmani ka pasuar saktë 41 herë në 51 pasime të bërë në total. Mbrojtësi ka tentuar dy herë të asistojë, por ka dështuar. Ai numëron një pasim në saktë në zonën kundërshtarë, nga tre herë që ka provuar të shërbejë për shokët e skuadrës.

Të luante në krah nuk ka qenë e lehtë. Duelet i ka fituar shumicën: 9 nga 17. Rrahmani nuk shquhet për driblime, por një që e ka ndërmarrë e ka realizuar me sukses. Gjithashtu ai ka nisur tre herë aksione për skuadrën e tij, si dhe ka krosuar pesë herë në zonën e Slaven Belupo. Për Rrahmanin është hera e tretë që përfshihet në formacionin më të mirë.

“Partizani është klubi më i mirë në Shqipëri, ata kanë fituar shumë trofe. Gjatë periudhës së komunizmit ata gjithmonë i fitonin titujt. Por shtatë vite më parë ata ranë në Ligën e parë dhe ishin në krizë. Vitin e parë që u rikthyen në elitën e futbollit shqiptar, unë firmosa për Partizanin. E mbyllëm të dytët në të dy sezonet që isha atje (në fakt në sezon 2013-2014 e mbylli në vendin e pestë, kurse sezonin pasardhës në vendin e tretë). Skënderbeu ishte shumë i fortë. Gjithashtu kishte edhe shumë ndryshime në klub, nga presidenti, trajneri dhe lojtarët. Pas dy sezoneve te Partizani shkova te RNK Split”, tregon Rrahmani, i cili ka folur para miqësores së djeshme me Partizanin, që Dinamo e Zagrebit e fitoi me rezultatin 2-1.

KALIMI TE KOSOVA – Por shtatlarti, i cili në Kroaci ka veshur edhe fanellën e Lokomotivës së Zagrebit, nuk flet per Partizanin. I ngacmuar për kalimin te Kosova, ai e pranon se la Shqipërinë prej faktit se nuk e llogarisnin dhe se nuk mori një ftesë për në Europianin e Francës.

“A ju akuzuan në Shqipëri për ndryshimin  e përfaqësueses? Sigurisht. Isha në ekipin kombëtar të Shqipërisë, por vendosa të luaja për Kosovë. Pashë që nuk do të kisha shumë hapësira në kombëtaren shqiptare dhe ata nuk më shihnin ashtu siç unë dëshiroja. Isha në përgatitje për kampionatin europian, por nuk mora pjesë në kompeticion. Kjo ishte arsyeja që vendosa të luaja për Kosovën. Mendova: “Nëse nuk më llogaritin tani, kur do më llogaritin…”.

Një ndeshje e veçantë dhe për Amir Rrahmanin, mbrojtësin e Dinamos, i cili do të luajë kundër ish-ekipit të tij. 24-vjeçari i përfaqësueses së Kosovës zhvilloi dy sezone me ekipin e Partizanit, ndërsa tashmë është kthyer në një pikë fikse të Dinamos së Zagrebit, që kryeson kampionatin kroat me 11 pikë më shumë se Osijeku i vendit të dytë.

Ekipi kroat po zhvillon fazën përgatitore në Belek që nga 10 janari, ndërsa miqësorja përballë Partizanit është e para për ta në Turqi. Nenad Bjelica, trajneri i Dinamos, ka folur për “Sport News”, duke deklaruar se formacioni titullar do të luajë 60 minuta, ndërsa në gjysmë orëshin e fundit do të ketë një ndërrim total të skuadrës, ndërsa nesër kundër Dinamo Drezden do të ndodhë e kundërta.

Arian Ademi dhe Ivan Sunjiç, dy ndër lojtarët më të mirë të ekipit, nuk do të zbresin në fushë kundër Partizanit, si pasojë e dëmtimeve. Nga minuta e parë do të zbresë në fushë dhe Rrahmani, i cili do të aktivizohet në rolin e mbrojtësit të majtë.

Një ditë më parë ishte Inter Zapreshiç që u kualifikua dhe Herdi Prenga ishte në fushë për 90 minuta. Lokomotiva e Zagrebit u eliminua dhe Myrto Uzuni që në pjesën e parë e la skuadrën e tij me 10 lojtarë.

Sot u eliminua një tjetër lojtar i kombëtares nga Kupa e Kroacisë. Ardian Ismajli ishte në fushë nga minuta e parë për Hajduk Split, që u mund 2-1 nga Osijek. Mbrojtësi u ndëshkua me karton të verdhë në minutën e 50-të të takimit. Një sezon jo i mirë për Hajdukun, që edhe në kampionat renditet në vendin e gjashtë dhe është larg pritshmërive.