AMIENS

E rrallë! Federata e gjobit, klubi francez padit tifozët

Sport Ekspres — Fri, 08 Mar 2019 16:07:11 +0000

Në kampionatin francez të futbollit, tifozët e shumtë nuk mungojnë thuajse në asnjë takim, me të gjitha skuadrat që kanë shumë mbështetës. Të shumtë në numër, tifozët janë shpeshherë dhe problematikë.

Probleme ka pasur në ndeshjen mes Amiens dhe Reims, që është mbyllur me rezultatin 2-2. Tifozët e Amiens shkaktuan trazira në stadium, me flakadanë dhe sende të hedhura në fushë. Si pasojë, Federata Franceze e Futbollit pritet të dënojë ashpër klubin e Amiens.

Shtatë tifozë francezë janë arrestuar për trazirat, por klubi i Amiens nuk ka ndërmend të ndalet. Klubi ka vendosur të padisë tifozët e saj, diçka e rrallë në futboll. Dënimin që pritet të marrë nga Federata, Amiens ka vendosur ta shlyejë duke paditur tifozët e saj.

VIDEO | PSG merr fitoren e radhës dhe rikthen “të harruarin” Kurzaua

Sport Ekspres — Sat, 12 Jan 2019 17:59:21 +0000

PSG është rikthyer të fitojë, pas humbjes së turpshme në kupë ndaj Guingamp. Kampionët e Francës mundën në transfertë me rezultatin 3 – 0 skuadrën e Amiensit. Kavani, Mbape dhe Markuinjos shënuan për parisienët.

Në këtë takim pati dhe një të veçantë, pasi në fushë u rikthye mbrojtësi Leivin Kurzaua, i cili për herë të fundit ishte aktivizuar në një ndeshje të “Ligue 1” në majin e vitit të kaluar.

Me këtë fitore, PSG shkon në kuotën e 50 pikëve në kampionat, 13 më shumë se ndjekësit më të afërt të Lilës. Djemtë e Tomas Tuhel vazhdojnë të mbeten të pamposhtur në kampionatin francez, teksa në18, PSG, nuk ka mundur të marrë fitoren në vetëm dy raste, ku u ndalën në barazim nga Bordo dhe Strasburgu.