Në një intervistë për “Supersport”, futbollisti ganez u shpreh se prishja e transferimit nuk ka ndikuar fare tek ai dhe si një njeri besimtar, Latif beson se Zoti ka planifikuar gjëra akoma më të mëdha për të.

“Para se të dëgjoja për transferimin nuk dija gjë fare për Bjellorusinë. Unë e di se Zoti ka një plan për çdo kënd. Kam qenë dhe do të vazhdoj të jem i përqendruar te Teuta, s’kam pse të shqetësohem”.

“Zoti ka një plan për gjithçka dhe ndoshta ka një plan të shkoj në një klub më të madh se sa ai në Bjellorusi. Mendoj se Zoti dëshiron të bëj gjëra të mëdha me Teutën, ndoshta do të fitojmë titullin”.

BUSHIÇ – “Jam gëzuar kur mora vesh se do vinte te Teuta. Ai është një sulmues shumë i mirë. Së bashku mund të ndihmojë Teutën”.

KAMPIONATI – “Teuta do të jetë më mirë se gjysmën e parë të sezonit. E nisim me vështirësi dhe njerëzit nuk kishin besim te ne, dhe më pas të gjithë e panë. Mendoj se do të pjesa e dytë do të jetë akoma më eksplozive se e para”, përfundoi Latif.

Shkak për këtë situatë të papritur është bërë një ndryshim i metodës së mënyrës së pagesës së shumës prej 150 mijë eurosh që Teuta kërkonte, ndërsa nuk është gjendur as gjuha e përbashkët midis ganezit dhe klubit të Shakhtjotir për kushtet personale.

Klubi Bjellorus kishte rënë dakord për të paguar 150 mijë euro për kartonin e Latif, por për të shlyer të gjithë shumën, Shakhtjor ka kërkuar që këstet të shtrihet deri në vitin 2020. Nga ana tjetër në kontratën që i është ofruar lojtarit, ka qenë sa gjysma e asaj që ai përfitonte te skuadra durrsake.

Duke parë situatën e krijuar, Teuta dhe Latif kanë vendosur të vijojnë bashkëpunimin dhe ganezi do të vihet sërish në urdhrat e Bledi Shkëmbit.

Afrikani kishte kohë që stërvitej me Teutën dhe shënoi disa gola nëpër miqësore, ndaj ka bindur trajnerin Gugash Magani, që ka vlerësuar edhe faktin që Amadu ka qenë pjesë e skuadrës olimpike të Ganës.