Shkak për këtë situatë të papritur është bërë një ndryshim i metodës së mënyrës së pagesës së shumës prej 150 mijë eurosh që Teuta kërkonte, ndërsa nuk është gjendur as gjuha e përbashkët midis ganezit dhe klubit të Shakhtjotir për kushtet personale.

Klubi Bjellorus kishte rënë dakord për të paguar 150 mijë euro për kartonin e Latif, por për të shlyer të gjithë shumën, Shakhtjor ka kërkuar që këstet të shtrihet deri në vitin 2020. Nga ana tjetër në kontratën që i është ofruar lojtarit, ka qenë sa gjysma e asaj që ai përfitonte te skuadra durrsake.

Duke parë situatën e krijuar, Teuta dhe Latif kanë vendosur të vijojnë bashkëpunimin dhe ganezi do të vihet sërish në urdhrat e Bledi Shkëmbit.

FITORJA – “Falënderoj shokët e ekipit, trajnerin dhe presidentin, pa ndihmën e tyre nuk do të isha ‘Njeriu i Ndeshjes’. Nuk është një sukses personal i imi, por i gjithë skuadrës, sepse falë ndihmës së saj arrita të shënoj dy gola, që mbi të gjitha vlejtën tre pikë.”

GOLASHËNUES – “Shënuesi më i mirë? Nuk është ai objektivi im kryesor. Golat e mi janë për të ndihmuar skuadrën për të shkuar në kupat e Europës, si një shpërblim për besimin që kanë treguar ndaj meje.”