Spanjolli ndihet i lumtur dhe falënderon Atletikon për sakrificën e bërë në prononcimin e dhënë për EFE. Rikthimin te “Blutë e Londrës” nuk e kishte menduar kurrë dhe për fatin e tij të mirë diçka e tillë nuk ndodhi.

“Jam shumë i lumtur që Atletiko vendosi të më blinte. Të them të vërtetën, as që kam dashur ta mendoj mundësinë e rikthimit te Çelsi. I vlerësoj shumë sakrificat e Atletikos, pasi nuk është kurrë e lehtë të negociosh me Çelsin. Qëndrimi këtu ishte mundësia më e mirë që mund të më ndodhte”, thekson sulmuesi spanjoll i klubit “colchoneros”.

Lajmi është bërë i ditur nga Atletiko në “Twitter”. Morata shkoi në Madrid pas një aventure negative te Çelsi, ku nuk arriti të përshtatet dhe të lërë gjurmë. Ai debutoi më datë 3 shkurt te Atletiko.

Gjatë periudhës gjashtë mujore te Atletiko sulmuesi ka shënuar 6 gola në 17 ndeshje gjithsej. Nën drejtimin e Simeones 26-vjeçari ka gjetur veten dhe spanjollët po kërkonin me ngulm ta blinin, kurse londinezët tentuan ta rikthejnë. Tashmë vendoset përfundimisht për të ardhmen e sulmuesit.

? | Acuerdo con el @ChelseaFC_Sp para el traspaso de @AlvaroMorata a partir del 1 de julio de 2020. Nuestro delantero jugará esta temporada en calidad de cedido y su traspaso definitivo se hará efectivo al inicio de la 2020-21
? https://t.co/SR4HRjmAuY#AúpaAtleti pic.twitter.com/OjiLeoyk77

— Atlético de Madrid (@Atleti) July 6, 2019

? Alice Campello, su esposa de Morata, estaba dentro con sus gemelos
? Los ladrones, armados, se llevaron objetos de valor y sentimentaleshttps://t.co/oLiaoUSivZ

— AS (@diarioas) June 9, 2019

Për fat të mirë, hajdutët kanë grabitur vetëm disa objekte me vlerë dhe nuk kanë bërë asgjë ndaj familjes së Moratës. Tashmë, gjithçka ka kaluar në dorë të policisë, që do të mundohet ta zbardhë ngjarjen sa më shpejt të jetë e mundur.

Kolegët dhe shokët e ekipit nuk nguruan t’i uronin fat anglezit në pjesën e mbetur të karrierës, por postimi i Alvaro Moratës është shumë qesharak. Spanjolli nuk duket i qartë nëse mesazhin e tij e ka për largimin nga Çelsi apo për tërheqjen nga futbolli.

“Urime për karrierën tënde të madhe. Ka qenë një nder i madh të luaja me ty vëlla”, shkruan Alvaro Morata. Ndërkohë është përgjigjur në komente shoku i tij i skuadrës, Markos Alonso.

Ai me shaka i shpjegon se Kahill nuk është tërhequr nga futbolli. Si duket aktivizimet me pikatore të Moratës nga trajneri Sarri ka bërë që spanjolli të mos e kuptojë tamam se ç’ndodh në ekip.

Pak për lojën e dobët dhe rastet e pakta e shumë për arbitrin e ndeshjes. Sulmuesi dhe Alberola Rojas kanë patur disa debate gjatë ndeshjes. Ajo që ka befasuar ka qenë sjellja e këtij të fundit.

Arbitri ka përdorur duart me lojtarin, diçka që nuk i lejohet. Rojas e ka kapur për krahu Moratën në pjesën e parë pas një proteste të lojtarit, ndërsa në fund të ndeshjes ka ardhur kapja nga jaka.

“Mendoj se ky arbitër do të bëjë një pushim të mirë. Në pjesën e parë e kap Moratën nga krahu, një rast tjetër e godet në shpinë dhe në fund e kap nga jaka. Nëse je autoriteti, të duhet të qëndrosh në vendin tënd”, është shprehur Iturralde Gonzales, ish-arbitri i njohur spanjoll.

Rreth kësaj ngjarje ka folur edhe Diego Simeone. “Alvaro është i zemëruar me atë që ndodhi. Më kujtohet se mua më dënuan katër javë nj/herë, pasi i bëra të njëjtën gjë arbitrit të katërt“, thekson trajneri i Atletikos.

Ai ndihet më mirë psikologjikisht, por edhe në fushën e blertë. Morata shënoi dygolëshin e fitores përballë Maltës për kombëtaren spanjolle, golat e parë iberikë që pas ardhjes në jetë të dy binjakëve të tij.

Në një prononcim të dhënë pas ndeshjes së mbrëmshme, 26-vjeçari pranon që kritikët e tij janë të shumë dhe mezi presin dështimin e tij. Sulmuesi ka ndryshuar, sot mendon më shumë për skuadrën dhe falënderon Luis Enriken. Trajneri i Spanjës mungoi në sfidën kundër Maltës për një problem familjar dhe fitorja është e gjitha për të.

“Ka shumë njerëz që shpresojnë që të mos shënoj për të nisur kritikat ndaj meje. Luaj me Spanjën dhe Atletikon e Madridit, jam shumë i vëzhguar dhe kritikuar që kur fillova të luaj. Gjithkush shkruan dhe thotë atë që dëshiron. Disa vite më parë do të kisha ngrënë kokën time, ndërsa tani mendoj vetëm për të ndihmuar skuadrën.”

“Duhet të falënderoj Luis Enriken. Ai më ka mbështetur gjithmonë. Kundër Maltës kishim një motiv më shumë për të fituar. Trajneri e meriton këtë rezultat dhe ne jemi gati për të “vdekur” në fushë për të. Dygolëshi? Jam shumë i lumtur, janë dy golat e parë me kombëtaren që pas lindjes së fëmijëve të mi.”

Që në fillim të sfidës, Atletiko u shfaq më kërkuese se Sociedadi dhe në minutën e 30-të u shpërblye, ku pas një goditje nga këndi, Alvaro Morata arriti të lirohej nga markimi për të shënuar golin e avantazhit.

Pas vetëm tre minutash, ishte përsëri i njëjti autor me një gol thuajse fotokopje i të parit. Këtë herë jo nga këndi, por nga një goditje dënimi, Koke gjen mjaft mirë në zonë Moratën, i cili godet saktë me kokë duke “vrarë” ndeshjen.

Në pjesën e dytë, Atletiko mbeti me dhjetë lojtarë pas daljes me karton të kuq të Kokes në minutën e 62-të. Gjithsesi, dalja e mesfushorit nuk ndikoi në ecurinë e ndeshjes për ekipin e Simeones. Kështu, Atletiko rikthehet në diferencë -7 pikë nga Barcelona e vendit të parë.

La Liga | Java 26
Real Sociedad 0-2 Atletiko Madrid
Shënues: Morata 30’, 33’

Në një prononcim për “Marca”, 26-vjeçari komenton episodin e ndodhur kundër Kielinit dhe insiston që nuk ishte faull. Kapitenin e Juves e ka mik dhe Morata pranon se ai përdori eksperiencën. Megjithatë, ai shtron një pyetje interesante: nëse do të ndodhte e kundërta dhe atë faull do e shkaktonte Kielini kundrejt tij, do të ishte penallti?

“Për të bërë faull kundër një prej mbrojtësve më të fortë në botë, nevojitet tjetër gjë. Kielini është një mik i imi dhe atij i pëlqen të luajë me kontaktet brenda zonës. I thashë që nuk i shkaktova faull, por ai përdori eksperiencën. Jam kurioz për diçka: nëse do të ndodhte e kundërta, pra Kielini do të shkaktonte atë ‘faull’ kundër meje, do të ishte akorduar penallti për ne? Sigurisht që jo.”

“Ndërhyrja e VAR-it më mërziti, por nuk mund të bëjmë asgjë. Gjithsesi arritëm të fitonim dhe kjo është gjëja më e rëndësishme. Jam i lumtur që jam këtu dhe që arritëm të fitonim. Të gjithë shokët më kanë ndihmuar të ambientohem. Sfida e kthimit? Juventusi mbetet favorit, do të luajmë në një nga stadiumet më të komplikuar në botë dhe Juventusi mbetet Juventusi. Kemi mundësi të mira për t’u kualifikuar pas këtij rezultati, por do të vuajmë shumë në Torino.”

E kaluara me Realin e Madridit ka ndarë në gjysmë tifozët “colchoneros”. Ka nga ata që janë kundër Moratës, ndërsa të tjerë janë gëzuar për ardhjen e tij. Sulmuesi u aktivizua për tre sezone me Real Madrid B, ndërsa më pas pati dy eksperienca me ekipin e parë.

Por, 26-vjeçari e ka nisur futbollin me Atletikon. Ai u aktivizua për dy sezone me ekipet e moshave të Atletikos në vitet 2005-2007, përpara se të kalonte te Getafe, Reali, Juventusi, përsëri Reali, Çelsi dhe tashmë Atletiko.

Lojtari është i lumtur për aventurën e re, ndërsa nuk mërzitet nga komentet e tifozëve. Ai e di mirë të kalurën e tij dhe është krenar për këtë fakt. Tashmë i mbetet të flasë në fushë dhe t’i mbyllë gojën kritikëve me golat e shënuar.

“Ata që më kanë qëndruar gjithmonë pranë e dinë se çfarë ndjej sot dhe çfarë kam kaluar në ditët e fundit. Është normale që njerëzit të mendojnë çfarë të duan, ndërsa unë e di se çfarë mund të bëj. E kam nisur futbollin duke luajtur me Atletikon. Njerëzit që e dinë se nga kam ardhur dhe ata që e njohin historinë time, e dinë mirë se çfarë do të thotë ky rikthim për mua. E kaluara mbetet e kaluar, por unë jam krenar për të”, thekson Alvaro Morata.

“Colchoneros” arritën marrëveshjen me Çelsin dhe Morata do të aktivizohet me ekipin e Simeones për një sezon e gjysmë. Në akordin mes palëve ka një klauzolë që i mundëson ekipit anglez ta rikthejë sulmuesin në Londër gjatë verës në këmbim të një shume të caktuar, siç raporton spanjollja “AS”.

Nëse Çelsi vendos të mos e ushtrojë këtë opsion, Atletikos i kalon e drejta për ta blerë lojtarin në fund të huazimit të tij për shumën e 45 milionë eurove. “Sa më shumë futbollistë cilësorë në ekip, aq më i lumtur jam”, është shprehur shkurt Diego Simeone për sulmuesin e tij më të ri.

Bëhet fjalë për një huazim me të drejtë blerje, që do të zyrtarizohet sapo Çelsi të mbyllë me sukses “operacionin” për transferimin e Gonzalo Higuain. Që “ekuacioni” më i bujshëm i merkato së dimrit të mbyllet, duhet vetëm të arrihet marrëveshja midis Milanit dhe Sampdorias për kartonin e polakut Piatek, çka do t’i hapë rrugë kalimit të “El Pipita”-s në Londër dhe Moratës në Madrid.

Transferimi i Moratës te Atletiko, s’do mend që do të lërë një shije të keqe te tifozët e skuadrës së Real Madrid, ekip ku Morata ka luajtur që në fëmijëri. Diego Simeone mund ta “rikthejë në shina” 26-vjeçarin, që në Angli ka kaluar dy vite të vështira, ku përveç probleme në fushën e lojës, ka pasur dhe një gjendje të rënduar psikologjike, diçka që Morata e pranoi në një intervistë të dhënë para pak muajsh.

Ai nuk është në planet  e Sarrit dhe ka një dëshirë për ekipin e ri. Siç raporton “Marca”, 26-vjeçari ka zgjedhur Atletikon e Madridit. Morata është gati të pranojë një rrogë më të vogël se 9 milionë eurot që fiton me Çelsin, me qëllimin e vetëm kalimin tek ekipi “colchoneros”.

Sulmuesi është një preferencë e trajnerit Simeone, i cili kërkon shërbimet e tij për të zëvendësuar Diego Kostën e dëmtuar. Klubet janë pranë arritjes së marrëveshjes, ndërsa mbetet të përcaktohet formula e transferimit të tij: huazim me të drejtë blerje në fund të sezonit, ose shitje e plotë.

“Mund të them që Morata është një lojtar i mirë, por për momentin i përket një tjetër skuadre dhe ne i respektojmë klubet e tjera”, ishin fjalët e Ernesto Valverdes për Moratën. Trajneri nuk e mohon faktin që sulmuesi i pëlqen, por në fund vendos klubi nëse do të investojë për shërbimet e tij.

“Daily Mail” flet dhe për një interesim të Bajernit të Mynihut. Gjigantët gjermanë kërkojnë të përforcojnë repartin e sulmit dhe janë gati të ofrojnë Moratën në ekip. Bajerni i ka kërkuar Çelsit huazimin e lojtarit, ndërsa anglezët janë dakord me këtë opsion, për të cilin kërkojnë 3 milionë sterlina.

Megjithatë, ai dhe Maldini po punojnë në dy pista: një mesfushor dhe një lojtar ofensiv. Flasim për Stefano Sensin, 23-vjeçarin e Sasuolos dhe Janik Karrasko, 25-vjeçarin e Dalian Jifang. Nga ana tjetër, sot kanë dalë lajmet e kalimit të Gonzalo Higuain drejt Çelsit. Argjentinasi po mendon bashkimin me Sarrin, me të cilin kanë punuar dhe kaluar shumë mirë te Napoli.

Tratativa është e komplikuar, pasi në mes është dhe Juventusi, që zotëron kartonin e lojtarit. Nëse Pipita largohet, Milani do të niste ofensivën për sigurimin e njërit midis Alvaro Moratës dhe Kristof Piatek. I pari është pranë arritjes së akordit me Seviljen, ndërsa garës i është bashkuar dhe Atletiko e Madridit. Sa i përket sulmuesit polak, Piatek ka oferta të shumta dhe nuk do të jetë aspak e thjeshtë për t’ia shkëputur Xhenoas në këto momente.

Zërat e merkatos e lidhin me një rikthim në Itali tek ekipi i Milanit, ndërsa një legjendë si Xhanfranko Zola ka vendosur ta “shkundë” atë. Italiani, i cili është zevëndësi i Mauricio Sarrit dhe një idhull absolut në “Stamford Bridge”, ka folur për “Marca” duke insistuar se 26-vjeçari duhet t’i lërë pas krahëve problemet dhe të përqendrohet tek ekipi.

Ai nuk është pjesë e ndonjë ekipi të dorës së dytë, por luan me një emër të madh si Çelsi, kështu që duhet të reagojë, ose… të përgatisë valixhet me destinacion Milanon.

“Morata duhet të përshtatet. Njerëzit presin shumë nga numri 9 i Çelsit dhe nëse do të shkonte në një klub tjetër, do të përjetonte të njëjtat situata dhe nuk do i shmangej dot përgjegjësive. Kjo është pjesë e punës së tij: sa më shumë të jetë në gjendje të përballojë këto situata, aq më mirë do të jetë për të. Alvaro duhet të mësojë t’i lërë pas krahëve problemet. Ai luan me Çelsin, jo me Sauthempton apo Brajtonin, me gjitha respektin për këto ekipe. Futbolli po evolon dhe ai duhet të përmirësohet në aspektin taktik dhe duhet të zbresë i qetë në fushën e blertë”, përfundon numri dy i stolit të “Bluve të Londrës”.

Sarri ka punuar me argjentinasin tek ekipi i Napolit dhe raporti i tyre është fantastik. Trajneri i “Bluve të Londrës” ka vetëm fjalë të mira për bomberin e Milanit, por vetëm kaq. Ai e dha mesazhin e tij, ndërsa hapja e merkatos së janarit mund të sjellë zhvillime të tjera.

Kohët e fundit është folur për një interesim të Çelsit për Higuain dhe anglezët mund të përdorin Alvaro Moratën për të mbërritur tek ai. Me pak fjalë Higuain në “Stamford Bridge” përsëri me Sarrin dhe spanjolli në Milanelo nën urdhrat e Xhenaro Gatuzos.

“Higuain më pëlqen shumë, është një futbollist fantastik dhe një person i jashtëzakonshëm. Por, nuk dua të flas për të, sepse kam sulmues të tjerë për momentin dhe ai po luan me Milanin. Më mirë të mos flasim për të në këto momente”, thekson Maurico Sarri.

Sipas të përditshmeve spanjolle,  sulmuesi i Çelsit, Alvaro Morata, dëshiron rikthimin në spanjë. Natyrisht që të gjithë do thonë se ai do Realin, por nuk është kështu. Dëshira e 26-vjeçarit është t’i bashkohet Barcelonës, ku do gjejë edhe shokun e tij te Spanja, Zhordi Alban. Ky i fundit, para pak ditësh ka deklaruar: “Ai ka qënë në një nivel të lartë për shumë vite”.

Ajo që bind më shumë Moraten për t’u larguar nga Çelsi është rikthimi nga huazimi i Miki Batshuai. Trajneri i bluve të Londrës, Sarri, ka një mori sulmuesish dhe spanjolli nuk preferohet shumë. Nëse dëshira e Moratës do të plotësohet, mbetet të shihet. Situata e sumuesit spanjoll është shumë e qartë: ai dëshiron të largohet që në janar.

Superpipo ishte makthi i arbitrave anësorë, ndërsa ngelet epike shprehja e Sër Aleks Ferguson, ish-trajnerit të Mançester Junajtid, i cili shprehej për sulmuesin italian: “Ai djalë do të ketë lindur në pozicion jashtë lojë”.

Kalojmë në Angli, konkretisht tek ekipi i Çelsit. “TalkSport” ka publikuar disa statistika të lojtarëve të kapur në pozicion jashtë loje dhe në krye është Alvaro Morata. Ai është aktivizuar për 754 minuta këtë sezon me ekipin e Sarrit, ose diçka më shumë se 8 ndeshje.

Gjatë kësaj kohe, sulmuesi spanjoll është kapur në pozicion jashtë loje plot… 18 herë! Një rekord me vete, madje ai ia kalon dhe ekipit të Buremuthit, që në total i është ndaluar aksionet nga arbitrat anësore 16 herë.

Një gjë e tillë ka acaruar tifozët e Çelsit, të cilët nuk janë përmbajtur me komentet e tyre, kur kanë parë statistikat e sulmuesit të tyre. Dikush dyshon nëse Morata e ka të qartë rregullin e pozicionit jashtë loje, një tjetër i kërkon Sarrit të punojë individualisht me 26-vjeçarin, ndërsa ka dhe nga ata që ironizojnë njëzëri: “Nuk do të fitojmë asgjë, deri kur Morata të mësojë të mos dalë më në pozicion të parregullt.”

? Offsides this season:

? Bournemouth – 16
? Alvaro Morata – 18

Offside more than an entire club ? pic.twitter.com/vZ7ec16KbB

— talkSPORT (@talkSPORT) November 24, 2018

Pjesa e parë ishte një dominim i bluve, të cilët arritën të konkretizonin vetëm një herë rastet që krijuan. Në minutën e 32-të ishte Alvaro Morata, i cili shënoi golin e avantazhit për Çelsin, pas një pasimi nga Pedro Rodrigez. Me rezultatin 1-0 skuadrat u drejtuan në dhomat e zhveshjes.

Në fraksionin e dytë miqtë e Kristal Palas duket se u futën më me besim në fushë dhe vetëm pas tetë minutash lojë, arritën të gjenin golin e barazimit me anë të Tousend. Goli duket se e shkundi Çelsin dhe blutë e Londrës filluan të rrisnin përsëri presionin tek porta e Kristal Palas. Në minutën e 65-të ishte përsëri Morata, i cili tashmë duket i rilindur pasi shënon golin e tretë në dy ndeshjet e fundit.

Vetëm pesë minuta më pas, Çelsi shënoi përsëri, këtë rradhë me Pedron. Një gol, që ishte i gjithi spanjoll, ku dalja e Markos Alonsos nga krahu i majtë gjeti Pedron, i cili nuk gaboi, duke shënuar dhe golin e tretë. Kështu, blutë e shoin veten në vendin e dytë tashmë, dy pikë prapa Mançester Sitit.

Gjithsesi, këtë vit me ardhjen e Mauricio Sarrit në krye, duke se Çelsi ka rilindur dhe po merr rezultate mjaft të mira. Për t’u kthyer te Morata, vlen për t’u përmendur se sulmuesi e nisi si titullar këtë sezon dhe mbante peshën e sulmit të bluve të Londrës. 25-vjeçari nuk ka shfaqur formën e duhur dhe pak e nga pak, vendi i tij është zënë nga Oliver Zhiru.

Pikërisht lidhur me këtë fakt, duket se Sarri ka kërkuar nga drejtuesit që në merkaton e janarit, Çelsi të përforcohet me një sulmues, pasi forma e Alvaro Moratës duket shumë larg nga ajo që pritet nga ai. Sulmuesi spanjoll ka shënuar vetëm dy gola në Premier Ligë dhe e sheh veten në stol që pas ndeshjes së 1 shtatorit ndaj Bornmuth.

25-vjeçari ia ka dalë të marrë veten, si pasojë e mbështetjes së gruas dhe familjes së tij, ndërsa tashmë është i lumtur dhe ndihet mirë. Të gjithë mendojnë se futbollistët kanë një jetë të thjeshtë, por sulmuesi spanjoll mendon ndryshe dhe e shpjegon qartë mendimin e tij.

SPANJA – “Pasi nuk arrita të shkoja me Spanjën në Botëror, mendova se grumbullimi i shtatorit të kaluar me kombëtaren ishte një çmim më shumë se çdo gjë tjetër. Mendërisht nuk ndihesha gati për të konkurruar siç duhej. Sot jam më i vetëdijshëm se pse ndodhem këtu. Në shtator gjëja më e rëndësishme nuk ishte të luaja, por të kthehesha dhe qëndroja në këtë grup. Sot është më ndryshe, sepse kam më shumë besim te vetja dhe jam i lumtur.”

MOMENTET E VËSHTIRA – “Kam mësuar shumë gjëra nga sezoni i kaluar. Ishte një vit shumë i vështirë. U ktheva në shtëpi, prita ftesën për të luajtur në Rusi, por nuk erdhi. Mund të mësosh nga këto situata, edhe pse janë të vështira për t’u përjetuar. Me ardhjen në jetë të fëmijëve të mi kam mësuar të kontrolloj emocionet, ato negative dhe pozitive. Sot jam një person i lumtur, mbi të gjitha jashtë fushës, larg futbollit. Kur luaj më pëlqen të jem më i lumtur dhe ky është motivi se pse duhet të shënoj gola. Në muajt e kaluar kam folur për vështirësi, por nuk fola kurrë për depresion. Kur erdha në Londër shënova shtatë gola në shtatë ndeshjet e para dhe tifozët filluan të thërrisnin emrin tim në kor. Njerëzit më donin. Më pas u dëmtova dhe gabova që u riktheva të luaj, kur kisha ende dhimbje. Nuk doja të flisja me askënd, derisa gruaja ime më tha: ‘Po gabon, kjo nuk është rruga e duhur’. U zemërova dhe mendoja se edhe ajo ishte kundër meje.”

JETA E NJË FUTBOLLISTI – “Futbollistët kanë të njëjtat probleme me të gjithë qeniet njerëzore. Ndoshta edhe më shumë, sepse paratë dhe fama fillojnë e të kthehen në problem. Shumë njerëz mendojnë se jeta jonë është për t’u patur zili dhe se kemi më shumë privilegje se të tjerët. Por, ndonjëherë, paratë të krijojnë probleme, si ato që pata unë. Madje dhe me familjen, por njerëzit nuk e kuptojnë. Paratë të ndihmojnë, sigurisht, por mund të të heqin shumë gjëra, sepse në aspektin ekonomik, lojtarët nuk kanë eksperiencë dhe me moshën që kemi, duhet të mendojmë për të ndihmuar një mik, i cili ka marrë vendime të gabuara në jetë. Ndoshta jemi ne, ata që duhet ta shpëtojmë. E bën njëherë, dy, pastaj tre… I ke paratë, por janë situata të këqija. Instagram për shembull, tregon një lumturi të rreme. Ka ditë kur je i trishtuar dhe poston një foto të lumtur, që nuk reflekton momentin se si ndihesh. Kjo bën të humbasë vlera, sepse ajo që vlen janë kontratat publicitare. Ka dhe raste kur dëshiron të dalësh për një birrë, sepse je i ri dhe kështu të pëlqen, por përfundon përpara 300 celularëve rreth teje me njerëz, të cilët duan një foto me ty.”

Një pohim i tillë ka sjellë shqetësim dhe frikë te tifozët e “Bluve të Londrës” dhe kolegu i tij Alvaro Morata ka dhënë një prononcim për “The Sun” për çështjen në fjalë. Sulmuesi spanjoll ka lënë të nënkuptohet se manovrat e klubit për ta mbajtur nuk vlejnë përpara dëshirës së vetë lojtarit.

“Hazard është një futbollist i madh, i cili mund të luajë në çdo pozicion. Nëse e ka bërë të qartë se ëndërron të luajë te Real Madrid, do të thotë se është kështu dhe ka shumë pak për të bërë. Të gjithë jemi shprehur se lojtari nuk dëshiron të largohet, që dëshiron të qëndroje këtu, por nëse Real do të bëjë një ofertë për të, ajo që mendojmë ne nuk do të krijonte ndonjë problem.”

“Gjëja pozitive është se Eden ka një lidhje të veçantë me klubin, është i lumtur këtu dhe nuk është një nga ato raste kur lojtari dëshiron të largohet me çdo kusht. Megjithatë, Çelsi bën mirë ta ketë të qartë dëshirën e lojtarit“, përfundon Alvaro Morata.

Sezoni i ri ka nisur mjaft mirë për blutë, të cilët tashmë drejtohen nga Mauricio Sarri. Në katër ndeshjet e para të Premier Ligë, Morata ka qenë titullar, por javët e fundit tekniku italian i Çelsit nuk është bindur nga sulmuesi. Oliver Zhiru duket se po bën më mire se sa 25-vjeçari dhe për momentin po fiton garën për majën e sulmit. Një rol të rëndësishëm në lidhje më këtë çështje duket se ka luajtur dhe Eden Hazard, i cili është shprehur më herët se ndihet më mirë me shtatlartin francez në sulm.

Ndërkohë  duket se nuk është i lumtur për këtë fakt dhe nga mediat angleze bëhet me dije se Morata mund edhe të largohet nga Londra që në muajin janar, më Juventusin që qëndron në gatishmëri për sulmuesin. Kujtojmë Morata ka kaluar dy vite te bardhezinjtë, ku dhe u largua drejt Realit më pas. Gjithsesi deri në muajin janar mundtë ndryshojnë shumë gjëra, por për momentin Morata nuk po kalon një moment të mirë.

“Fillimisht mendoja që Kristiano Ronaldo do të rinovonte kontratën me Realin, por po komunikoja me një drejtues të Juventus, i cili më tregoi që ishin afër blerjes së Ronaldos. Nuk po e besoja dhe këtë informacion e kisha përpara fillimit të Botërorit. Gjithsesi, Kristiano la Realin për t’u transferuar në një tjetër klub spektakolar.

Mendoj që ai ka patur shkaqet e veta, por nuk besoj që u largua nga Reali, sepse nuk ndihej mirë me shokët, apo që nuk ishte në një ambient të mirë. Juventus mund të fitojë Champions, por jo vetëm prej Ronaldos. Ekipi i është afruar trofeut në vitet e fundit dhe taktikisht është një nga skuadrat më të forta. Kur të fillojë Ronaldo të shënojë gola, sepse çdo vit flitet njësoj dhe në fund ai shënon gjithmonë nga 50 gola, Juventus do të jetë pa dyshim, një ndër ekipet më të rrezikshme”, përfundon 25-vjeçari spanjoll.

PSG e kërkon më ngulm, ndërkohë që edhe Befon ua ka sugjeruar mbrojtësin italian francezëve. Menaxheri i Bonuçit po punon për të arritur edhe marrëveshjen me kampionët e Francës dhe nga ajo që raportohet pritet që qendërmbrojtësi të përfitojë dhjetë milionë euro, si dhe do të ketë bonuse në bazë të objektivave të arritura në fund.

Bonuçi nëse transferohet do ketë mundësinë të luajë në Champions, si dhe të luftojë për titullin kampionat. Të gjithë këto e bëjnë atë që të mendohet mirë dhe të pranojë një lëvizje jashtë Italisë, që do të ishte e para për të. Për 31-vjeçarin Milani ka paguar 42 milionë euro vjet, ndërkohë që tanimë ai ka një çmim fillestar prej 35 milionë eurosh. Në fillim të javës së ardhshme PSG do të dorëzojë edhe ofertën zyrtare te kuqezinjtë.

PISTA MORATA  -Të hënën Fasone e Mirabeli kanë qenë në Londër dhe kanë darkuar me Moratan, i cili ka dhënë miratimin për transferimin te kuqezinjë, kjo edhe pse për faktin se Aliçe, e fejuara nga Venecia e spanjollit, pret të lindë dy binjakë. Periudha më e mirë e sulmuesit spanjoll ka qenë te Juventusi, ndërsa te Reali u kthye në rezervë. Edhe më keq te Çelsi, ku pati probleme fizike dhe humbi vendin në formacion, duke pasur rendiment të ulet, çka e la jashtë Kupës së Botës. Kthimi në Itali do ishte i mirëpritur, për të rigjetur maksimumin, sepse Milani i garanton vend në formacionin titullar.

Problem është çmimi, Çelsi kërkon 60 milionë euro. Gjithçka mund të zhbllokohet nga transferimi i Higuainit në Londër dhe nëse Morata i kërkon klubit ta shesë te Milani, çmimi mund të ulet për të shmangur përsëritjen e historisë së Diego Kostës. Milani, nga ana e vet, nuk lëviz dot pa miratimin e pronarëve të rinj, si dhe pa shitur Bonuçin, Suson, apo Donarumën.  Por ka edhe një ie tjetër: Milani mund të propozojë edhe një shkëmbim kokë më kokë Morata-Donaruma, duke qenë se Çelsi po shet belgun Kurtua te Reali.

Në Itali emri i tij është lidhur me Milanin kohët e fundit, por nga Anglia lajmet e çojnë te Juventusi. “Daily Express” raporton se klubi nga Torino është gati ta huazojë atë për një periudhe 2-vjeçare dhe për këtë ofron 17 milionë euro. Pas dy viteve Juventusi do të jetë i detyruar ta blejë për shumën e 45 milionë eurove, duke bërë që ky transferim në total të bëhet për shumën e 62 milionë eurove.

CEO i Juventusit, Giusepe Marota, i ngacmuar për sulmuesin spanjoll, ka thënë: “Morata dëshiron të rikthehet në Torino? Do të thotë se ai ka kaluar mirë, por tani ai është një lojtar i Çelsit dhe mendoj se nuk kam asgjë tjetër për të shtuar. Çdo vit kemi përforcuar skuadrën në termat numerikë dhe cilësorë: synojmë gjithmonë të përmirësohemi dhe duhet të marrim në konsideratë edhe parametrat ekonomikë”.