aluminij

Vazhdojnë ofertat për Tahirajn, tani e kërkojnë në Kroaci

Sport Ekspres — Tue, 25 Dec 2018 21:43:36 +0000

Françesko Tahiraj ka qenë një ndër surprizat e këtij sezoni në kampionatin slloven. Mesfushori i krahut po kalon një formë të shkëlqyer me skuadrën e Aluminij, ku në 18 ndeshje ka realizuar gjashtë gola, ndërsa nuk kanë munguar as asistimet për shokët e skuadrës.

Forma e mirë e vlonjatet nuk kishte si të mos ngjallë interes nga skuadra të ndryshme nëpër Europë. Një ndër klubet e shumta që duan ta bëjnë pjesë të tyre Tahirajn është dhe Hajduku i Splitit.

Lajmi për interesimin e Hajdukut për futbollistin shqiptar e ka bërë të ditur gazeta më e madhe sportive në Kroaci “Sportske novosti”. Kontrata e Tahirajt me Aluminij mbaron në muajin qershor, por një ofertë e mirë, do të mund ta shkëpuste atë që në muajin janar.

Shpërthimi i Tahirajt, Bushi “sponsorizon” vlonjatin për kombëtaren

Sport Ekspres — Sat, 22 Dec 2018 13:08:43 +0000

Françesko Tahiraj është një nga zbulimet më të mira të këtij sezoni. 22-vjeçari vlonjat i lindur në Torino po aktivizohet në Slloveni me ekipin e Aluminij (kartoni i tij zotërohet nga Torino), ku ka shënuar 9 gola në kampionat dhe ka dhuruar 4 asiste në këtë sezon.

Sulmuesi numëron dhe një gol të shënuar në një ndeshje me Shqipërinë U17, ndërsa ka shënuar dhe një gol në dy ndeshje të zhvilluara me Shqipërinë U19. Me ekipin U21 të Alban Bushit nuk ka luajtur kurrë, ndërsa trajneri ka komentuar një gjë të tillë në prononcimin e dhënë për “Telesport”. Bushi shpjegon situatën e Tahirajt, i cili mund të jetë një përforcim i mirë dhe për kombëtaren e madhe të Panuçit.

“Unë e kam ndjekur, e kam ndjekur dhe live në stadium kur ai kishte moshën për të luajtur me ekipin Shpresa. Është lojtar i mirë, mund të ecë si lojtar, por në atë kohë unë nuk e kam thirrur, sepse lojtarët që merrja në ekip ishin më në formë se Tahiraj. Por, gjithsesi, ai është një lojtar i perspektivës së Shqipërisë, nuk do të thotë se nuk ka qenë tek ekipi Shpresa dhe nuk duhet të jetë në ekipin e parë, sepse është një lojtar, sidomos në këto moshat e vogla, që gjithmonë zhvillohet. Dikush ulet dikush ngrihet lart, ndaj unë shpresoj që t’i bëj punë ekipit kombëtar A“, thekson Alban Bushi.

Vlerësimi i radhës për Tahirajn, shpallet lojtari i muajit

Sport Ekspres — Tue, 18 Dec 2018 16:07:09 +0000

Françesko Tahiraj është shpallur lojtari i muajit në kampionatin slloven. Sulmuesi i krahut po kalon një moment të shkëlqyer, teksa në katër ndeshjet e fundit ka shënuar pesë gola për skuadrën e Aluminij, ekip ku aktivizohet prej tre sezonesh.

Futbollisti vlonjat beson se ecuria e mirë që po kalon në Slloveni do të ketë rënë në syrin e trajnerit të kombëtares shqiptare Kristian Panuçi.

Në një intervistë të ditëve të fundit për “supersport”, Tahiraj deklaroi se ka pasur oferta të shumta dhe së shpejti do mund ta shohim në një kampionat elitar.

View this post on Instagram

#PLTS igralec meseca novembra je @francesco_tahi47! ?estitke! ?? … #Tahiraj #Aluminij #football #nogomet #soccer #slovenia #slovenija

A post shared by Prva liga Telekom Slovenije (@prvaligasi) on Dec 17, 2018 at 5:05am PST

Vlerësimi i radhës për Tahirajn, vlonjati në formacionin e javës

Sport Ekspres — Tue, 11 Dec 2018 18:21:51 +0000

Françesko Tahiraj luajti një ndeshje të shkëlqyer në fitoren 4 – 1 të skuadrës së tij Aluminij ndaj Çeljes. Vlonjati ishte protagonist në të katër golat e ekipit të tij, duke shënuar dy prej tyre.

Paraqitja e mirë, s’do mend që solli dhe vlerësime të ndryshme nga shtypi slloven. Sulmuesi i krahut ishte vendosur në formacionin e javës në të përditshmen sllovene “Dnevnik”. Forma e mirë e 22-vjeçarit nuk ka se si të mos tërheqë vëmendjen e klubeve më të mëdha.

Statistikat tregojnë qartë se çfarë forme të shkëlqyer po shfaq Tahiraj, sulmuesi i krahut ka shënuar pesë gola, ndërsa që nga fillimi i kampionatit ka gjetur tetë herë rrugën e rrjetës. Nëse forma e treguar vazhdon edhe në të muajt në vazhdim është e pashmangshme një ftesë nga